ခင်

ဘဝတစ်ကွေ့

ဒီအချိန်ကာလကြီးမှာ အကုန်လုံးခက်ခဲနေတာ အဆင်မပြေကြတာ နားလည်ပါတယ် ဒါပေမယ့်တချို့အခက်အခဲတွေက ကျွန်တော်ရေးပြဖို့အတွက် စကားလုံးမရှိတာပါ..

အလုပ်မရှိတာ ၇လဆိုတော့ မိဘနဲ့အစ်မကမငြိုငြင်ပေမယ့် တစ်ချို့တွေကငြိုငြင်လာတယ် အလုပ်မရှိတဲ့လူတစ်ယောက်ရဲ့သိမ်ငယ်မှုက အဲ့ဒီလူကလွဲရင်ဘယ်သူမျှ မသိနိုင်ပါဘူးဗျာ

မနေ့ညက အဝတ်အစားတွေအကုန်လုံး ထုတ်ပိုးပြီးတော့ ဒီနေ့မှာမြစ်ကြီးနားကိုသွားဖို့အတွက် ပြင်ဆင်ခဲ့တာပါ မြစ်ကြီးနားကားလက်မှတ်တွေ ရှာမရတော့မှ မြစ်ကြီးနားဂရုတွေဝင်ကြည့်တော့ လေကြောင်းသာအဆင်ပြေတာတဲ့

ကျွန်တော့်မှာခြစ်ကုတ်ထားတဲ့ပိုက်ဆံက လေယာဥ်လက်မှတ်တစ်ကြောင်းစာတောင်မရှိတော့ ဟိုရောက်ရင်နေထိုင်ဖို့နဲ့အလုပ်ရှာဖို့ဆိုတာ မဖြစ်နိုင်တော့ဘူးလေ

အဲ့ဒါနဲ့အလုပ်ရှာတဲ့ဂရုတွေဝင်ကြည့်တော့ ဆယ်ခုမှာကိုးခုကအလိမ်အညာတွေ မှန်ကန်တဲ့တစ်ခုကျတော့ အသက်ကြီးလို့အလုပ်မရပြန်ဘူး တစ်ညလုံးမြစ်ကြီးနားသွားဖို့နဲ့အလုပ်ရှာရင်းနဲ့ မိုးလင်းသွားရပြန်ပါတော့

မြစ်ကြီးနဲ့သွားဖို့ကိုတော့ အဆင်မပြေဘူးဆိုတော့ စိတ်ဒုံးဒုံးချလိုက်ပါတယ် ဒီနေ့လည်းအလုပ်ရှာတဲ့ဂရုတွေကြည့်ရင်းနဲ့ အဲ့ဒါကလည်းအဆင်မပြေဘူးဆိုတာ နားလည်သွားပါတယ် ထိုင်နေ့လို့ဘာမှဖြစ်လာမှာမဟုတ်တော့ အလုပ်လုပ်ဖို့အတွက်ပဲ အားထုတ်ရတော့မယ်

တနေကုန်ဘာလုပ်ရမလည်း ရှိသမျှဂရုတွေဝင်ကြည့်တော့လည်း အရင်းအနှီးပိစိလောက်နဲ့ကိုယ်ပိုင်လုပ်ငန်းစတင်ဖို့က ဘယ်လိုမျှမဖြစ်နိုင်ဘူးလေ အဲ့ဒါနဲ့ ၃၇လမ်းက စာအုပ်တွေဘက်ရောက်သွားတယ် စာအုပ်တွေဝယ်ပြီးရောင်းမယ် စာဖတ်တာသဘောကျတဲ့ ကျွန်တော်လည်းစာဖတ်နိုင်မယ် စာအုပ်တွေလည်းရောင်းနိုင်မယ် မြို့တွင်းဆိုလိုင်းကားခဖိုးနဲ့ ကိုယ်တိုင်သွားပို့ပေးမယ် ဒါပေမယ့် အဲ့ဒီဝင်ငွေတစ်ခုတည်းနဲ့ ရပ်တည်ဖို့ကျတော့မလွယ်ပြန်ဘူး

အဲ့ဒီတော့ ခြစ်ကုတ်ချန်ထားတဲ့ပိုက်ဆံနဲ့ အသိအစ်မတို့စျေးမှာ စျေးရောင်းဖို့ကြိုးစားကြည့်ရမယ် စျေးရောင်းဖို့အဆင်မပြေမှ တိုက်အောက်ကလှေကားခွင်မှာ အိမ်ဆိုင်သေးသေးလေးဖွင့်ကြည့်မယ် ယိုးဒယားမုန်တွေရောင်းကြည့်မယ် အရင်းအနှီးကအတော်လေးနည်းပေမယ့်လည်း လုပ်ကြည့်ရမှာပဲလေ

ထိုင်နေလို့တော့ ဘာမှမဖြစ်လာတာထက်စာရင် တစ်ခုခုလုပ်လို့ မဖြစ်လာရင်တောင်မှ အရှုံးထဲကအမြတ်ဖြစ်တော့ စိတ်အားငယ်တာက အနည်းငယ်သက်သွားနိုင်မယ်ထင်ပါတယ် ဘဝအချိုးအကွေ့တွေက ကြမ်းတမ်းတာမဟုတ်ပါဘူး ကျွန်တော်ကိုယ်တိုင်က ချိနဲ့နေတယ်ဆိုတာ နားလည်ပါတယ်

အမေရိကန် DV လည်း တင်ဖို့ဆုံးဖြတ်ထားတယ် ကံကောင်းခဲ့လို့ DV ပေါက်ခဲ့ရင် ဟိုမှာအလုပ်သွားလုပ်မယ် သူများတွေကတော့ အမေရိကားမှာနေဖို့အတွက် DV တင်ကြတာဖြစ်ပေမယ့် ကျွန်တော်ကတော့ ပိုက်ဆံမရှိလို့ အလုပ်မရှိလို့ DV တင်ရတာပါ

လူကြီးသူမတွေပြောသလို

သန်းခေါင်ထက် ညမနက်နိုင်တော့ပေမယ့် ညနက်ထဲမှာနေရတာကြာတော့ မနက်လင်းရောင်ခြည်ကို မြင်ချင်တာ ကျွန်တော့်ဆန္ဒပါ ရောင်နီလာဖို့လည်း တကယ်ကိုဆုတောင်းမိပါတယ်

တင်ထားတဲ့ပုံက ဒီညနေအဖေ့ညီဝမ်းကွဲ ဦးမျိုးနဲ့အန်တီချိုက တကူးတကလာကန်တော့ရင်း တူ၊တူမတွေနဲ့ မြေးတွေကို မုန့်ဖိုးပေးသွားတာ ဒီနှစ်သီတင်းကျွတ်မုန့်ဖိုးရလို့ တကယ်ကိုပျော်မိပါတယ် စိတ်ဓါတ်ကျနေတဲ့အချိန်မှာ ကျွန်တော့်ကိုအားပေးနှစ်သိမ့်သွားလို့လည်း ကျေးဇူးအများကြီးတင်ရပါတယ်ခင်ဗျာ။

🙏🙏🙏

ချစ်သော

နောက်တပတ်ဆိုရင် သီတင်းကျွတ်ရောက်ပြီ သီတင်းကျွတ်သာလေးကြိမ်တိုင်ခဲ့ပြီ အခုအချိန်အထိ ကိုကိုကို့စိတ်မှန်းနဲ့သာ ကန်တော့ခွင့်ရသေးတာ..

တနေ့တော့ ပြစ်မှားစော်ကားမိတာတွေအတွက် ကန်တော့ခွင့်ရမယ်လို့ မျှော်လင့်မိပါတယ် ကျွန်တော့်အတွက်က အဖေလို အစ်ကိုလို ခင်ပွန်းလို သတ်မှတ်ထားခဲ့တဲ့သူကို

သီတင်းကျွတ်ဆိုတော့ ကိုကို့စီကနေ မုန့်ဖိုးတကယ်ကိုလိုချင်မိပါတယ် ၂၀၂၂ခုနှစ်က တစ်ခါတောင်းခဲ့ဘူးပါတယ် မပေးပါဘူး နောက်နှစ်ကြတော့ တောင်းချင်ပေမယ့် မတောင်းတော့ပါဘူး ဒီနှစ်ကြတော့ မုန့်ဖိုးထပ်လိုချင်မိရော အဓိကက သူ့စီကနေအငယ်တစ်ယောက်လို ဂရုစိုက်တာကိုလိုချင်ခဲ့မိတာပါ

ကိုကိုနဲ့ပတ်သက်ရင် ကျွန်တော့်အလိုဆန္ဒတွေက ဒီနေ့အထိတိုင်လောဘမသပ်နိုင်သေးပါဘူး ဒါပေမယ့်လည်း အဲ့ဒီဆန္ဒတွေကတစ်ခုမျှ ပြည့်ဝခွင့်မရခဲ့ပါဘူး တစ်ကြိမ်တစ်ခါတွေ့ခွင့်ရဘူးတာကလွဲရင်ပေါ့ဗျာ

ကျွန်တော်ငယ်ငယ်ထဲက ဆော်ကြည်ဘဲတွေကိုကြောက်တယ် ဘာလို့လဲဆိုရင် သူတို့အတွက်မိန်းမဆိုတာ အပန်းဖြေစရာတစ်ခုအတွက်ပဲသတ်မှတ်ထားတယ်ဆိုတာ နားလည်ထားလို့ပါ အဲ့လိုလူမျိုးက လာပြီးပတ်သက်ခဲ့ရင်တောင် င့်ရင့်သီးသီးပြောခဲ့ဘူးတာပါ

အရွယ်ရောက်လာလို့ ကျွန်တော်သဘောကျခဲ့တဲ့ ချစ်ခဲ့မိတဲ့လူနှစ်ယောက်လုံးက မဆုတောင်းရပဲ ဆော်ကြည်ဘဲတွေဖြစ်နေရတာ ဝန်ခံရရင်တော့ ကိုကိုကမိန်းမကြမ်းပိုကြေတဲ့သူပေါ့

လက်ရှိမှာတောင် မြန်မာပြည်မြောက်ဖျား ကချင်ပြည်ကနေ မြန်မာပြည်တောင်ဖျား တနင်္သာရီတိုင်းအထိ သူ့မိန်းကလေးတွေ ၁၄ယောက်မကရှိမှာပါ ဒါတောင်သူ့ဘက်ကနေပြန်ပြီးသဘောကျတဲ့သူနော် ကျန်တာကတော့ သူ့လက်သုံးစကားအတိုင်း ယေင်္ကျားကောင်း မောင်းမတစ်ထောင်ကတော့ ရှိမှာသေချာပါတယ်

တစ်ခါတလေတွေးမိပါတယ် ကိုကိုအသက်၄၀ကျော်မှ ကျွန်တော်နဲ့စတွေ့ခွင့်ရတာ ဘုရားကိုကျေးဇူးတင်ပါတယ်လို့ ဒေါ်စိန်အေးကျောင်းဆင်းပြီး အရာရှိပေါက်စအရွယ်မှာတွေ့ရင် ကျွန်တော်ဆိုတာရှိမှာမဟုတ်တော့ပါဘူး သူ့ကောင်မလေးတွေအကြောင်းသိရယုံနဲ့ ကျွန်တော့်ကိုဒီပုံအတိုင်းဆက်ဆံယုံနဲ့ ကျွန်တော်တကယ်ကို စောစောစီးစီးသေသွားမှာပါ

အလုပ်မအားတဲ့အချိန်တွေကလွဲရင် တပတ်ကိုတစ်ခါလောက် ကျွန်တော်ကစကားခဏပြောချင်တဲ့သူ ဒါပေမယ့်လည်း တချို့လတွေမှာ တစ်ရက်တောင်စကားမပြောခဲ့ရဘူး ပြီးခဲ့တဲ စက်တင်ဘာလတစ်လလုံးတောင် စကားငါးခွန်းပဲပြောရတယ် ၈ရက်နေ့မွေးနေ့တောင် ဘာမှမပြောဘူး

တစ်လကိုတစ်ခါဖုန်းပြောချင်တာ တစ်ခါမျှဖုန်းမပြောခဲ့ရဘူး ကျွန်တော့်ဘက်ကနေ ခေါ်လို့ရပေမယ့် သူမကြိုက်မှန်းသိလို့ မခေါ်ဖြစ်တာ ၂၀၂၂ခုနှစ်ထဲကတစ်နှစ်ကို တစ်ကြိမ်ပဲခေါ်ခဲ့ဘူးတာ

တစ်လကိုတစ်ခါ ကိုကိုပုံလိုချင်တာ ၂၀၂၂ခုနှစ်လူချင်းမတွေ့ခင်အချိန်ထဲက ပုံ၃ပုံပဲ ပို့ပေးဘူးတာပါ နောက်ပိုင်းပုံပို့ပေးဖို့ပြောတိုင်း အမြဲလိုလိုသူဒေါသဖြစ်သွားရတာ အဲ့ဒါတောင် ကျွန်တော့်ဘက်ကနေ အရမ်းလွမ်းမိတဲ့အချိန်တိုင်း ပုံတောင်းခဲ့မိတာ ၂၀၂၃ခုနှစ်ကနေ ဒီနေ့အထိ ကိုကိုပုံကျွန်တော့်မှာမရှိသေးပါဘူး

အလုပ်များတဲ့သူဖြစ်လို့ တစ်နှစ်တစ်ကြိမ်တောင် တွေ့ရဖို့ကမလွယ်ပါဘူး ၂၀၂၃ခုနှစ် ဒီဇင်ဘာလမှာ ရန်ကုန်မှာသုံးရက်နေပြီး တခြားမိန်းကလေးတွေနဲ့ တွေ့ခဲ့ပေမယ် ကျွန်တော့်ကိုမတွေ့ခဲ့ပါဘူး အခုအချိန်အထိ ကျွန်တော်စိတ်မကောင်းဖြစ်နေစဲပါ

၂၀၂၄ခုနှစ်မှာ ကျွန်တော်ဒုက္ခအများကြီးရောက်ခဲ့ရပါတယ် လောကကြီးက ထွက်ခွာသွားဖို့လည်း ဆုံးဖြတ်မိပါတယ် အဖေနဲ့အမေ ရုတ်တရက်ကျန်းမာရေးချို့ယွင်းခဲ့တာကြောင့် ကျွန်တော်အသက်ရှင်နေခဲ့တာပါ အဲ့ဒီအချိန်မှာတောင် နင်အဆင်ပြေရဲ့လား ဆိုတဲ့ စကားလေးတစ်ခွန်းတောင် ကျွန်တော်သူ့စီကနေ မရခဲ့သူပါ

နင် အဲ့လိုလူမျိုးကို ဘာလို့ အသေအလဲဖက်တွယ်နေလည်းလို့ မေးလာခဲ့ရင် ကျွန်တော့်မှာအဖြေမရှိပါဘူး စပြီးသိခဲ့တဲ့အချိန်တည်းကနေ ဒီနေ့ထက်ထိတိုင် ကျွန်တော်သူ့ကို မြတ်မြတ်နိုးနိုး ချစ်နေစဲမို့လို့ပါ..

ချစ်နေရတာကို ဖယ်ကြည့်ရင် ကျွန်တော့်အတွက်က

ဒဏ်ရာတွေကြီးပါပဲ

ကျွန်တော်က ပင်ကိုအားနည်းတက်သူဖြစ်လို

နာကျင်တဲ့အချိန်တိုင်း ငိုမိသူပါ။

11th October 2024.

12:17am

1281 days!

၁၂၈၁ရက်

တခဏဆိုတဲ့အချိန်လေးကိုတောင် ၈၁ရက် မပိုင်ဆိုင်ခဲ့ဘူးပါဘူး ဒါပေမယ့် ခင်ဗျားကိုစောင့်စားခဲ့ရသမျှ အဲ့ဒီရက်စွဲတွေအကုန်လုံးကို ကျွန်တော်တကယ်ကို ကျေနပ်နှစ်သိမ့်စွာနဲ့ ပျော်ရွှင်ခဲ့ရသူပါ..

ကျွန်တော့်ကို တခဏဆိုတဲ့ ၈၁ရက်တောင် မလိုအပ်ခဲ့တဲ့သူကို နောက်တစ်ကြိမ်ထပ်ပြီးတော့ မနှောက်ယှက်တော့ပါဘူး တကယ်ကို ကျေကျေနပ်နပ်ကြီးကို ကျွန်တော်ရပ်တန့်လိုက်ပါပြီ

ကျွန်တော်လည်း နာကျင်နေပါပြီ။

7th October 2024.

Khin.

Shane Filan - Beautiful In White (Official Video)

တနေ့တော့ Wedding gown ဇာအဖြူလေးဝတ်ပြီးတော့ဒီသီချင်းလေးနဲ့ Mtv ရိုက်ဖို့ရည်ရွယ်ထားပါတယ်

တက်နိုင်သမျှ ကျွန်တော်စိတ်ချမ်းသာအောင်ပဲ

နေပါတော့မယ်ဗျာ..

Khin. 🍀

Take Me to Your Heart - Michael Learns To Rock ( Video Lyrics Official)

ဘဝဆက်တိုင်းအဲ့လိုလူမျိုးနဲ့သာ ကျွန်တော်တစ်ယောက်

ဆုံစည်းခွင့်ရပါစေ..

7th October 2024

Monday