သံသရာတစ်ကွေ့။

 

သံသရာတစ်ကွေ့မှာကြုံတွေ့ခဲ့ရရင် ခင်ဗျားအပေါ်မှာရော ခင်ဗျားနဲ့ပတ်သက်တဲ့တစ်ဦးတစ်ယောက်အပေါ်မှာရော အနှောက်အယှက်မပြုတဲ့ စိတ်သောကမပေးတဲ့ လူတစ်ယောက်သာဖြစ်ရပါစေဗျာ..

မနေ့ညကအိပ်ခါနီး ခင်ဗျားရေးထားတဲ့ post ကိုဖတ်မိတော့ အတော်လေးစိတ်မကောင်းဖြစ်ရပါတယ် အဒေါ်ကိုသတိရနေတယ်ဆိုတော့ တကယ်ကိုကိုယ်ချင်းစာမိပါတယ် အမေမပြောပါနဲ့ တစ်ခါတရံအဘွားနှစ်ယောက်ကိုသတိရခဲ့မိရင် ကျွန်တော်မျက်ရည်ကျလာမိတယ် ခင်ဗျားအတွက်အမေဆိုတော့ ပိုပြီးတော့ခံစားရမှာပဲလေ

ဒါပေမယ့်ကျွန်တော်စာမပို့ဖြစ်ပါဘူး တကယ်ကိုအလုပ်များနေတာဖြစ်လို့ စိတ်ပင်ပန်းလူပင်ပန်းဖြစ်နေရတဲ့အချိန်မှာ အလှူပုံတွေဖျက်သွားတဲ့ blocked သွားခဲ့တဲ့ ချစ်ခင်နှစ်သက်ရတဲ့သူတွေကြောင့် ပိုပြီးတော့စိတ်ပင်ပန်းသွားရတာနေမှာပါဗျာ သူတို့လည်းစိတ်အခန့်မသင့်လို့ခဏတာ အဆက်အသွယ်ဖြတ်သွားကျပေမယ့် ပြန်လာကြမယ့်သူတွေပါဗျာ အခိုက်အတန့်လေးပဲဖြစ်မှာပါဗျာ

ပြီးခဲ့တဲ့ရက်ပိုင်းကဆိုရင်တော့ လူတဖက်သားကိုဘယ်လိုနှစ်သိမ့်ပေးနိုင်မလည်းမသိခဲ့ပေမယ့် ကျွန်တော်တက်နိုင်သမျှ အကောင်းဆုံးစကားလုံးတွေရွေးပြီးတော့ ခင်ဗျားနှစ်သိမ့်ပေးမိမှာပါ အခုကတော့ ခင်ဗျားကိုနှစ်သိမ့်ပေးမယ့်သူတွေ အများကြီးရှိတယ်ဆိုတဲ့အသိနဲ့တင် ကျွန်တော်စာမပို့တော့ပါဘူး 

ကျွန်တော်တကယ်ကို အစကနေပြန်မစချင်တော့လို့ပါ တဖက်သက်ဖက်တွယ်ရတာ တကယ်ကိုတအားကြီးကို ပင်ပန်းလွန်းလှပါပြီဗျာ

၂၁ရက်နေ့ညထဲကစပြီး ၁၅၀၀ မေတ္တာနဲ့ပတ်သက်ဆက်နွယ်နေမှုအားလုံးကို နောက်ဆုတ်လိုက်ပါပြီ မနေ့ကဆွမ်းကပ်လှူပေးတာကလည်း တကယ်ကိုအဖြူသပ်သပ်စိတ်ထားနဲ့သွားလှူပေးဖြစ်တာပါ ဆွမ်းကပ်ပြီးဆုတောင်းတာတောင် တကယ်ကိုစိတ်ရှင်းရှင်းလေးထားပြီးဆုတောင်းပေးခဲ့တာပါ ရန်ကုန်သူဖြစ်ပြီး တစ်ခါမျှမရောက်ခဲ့ဘူးတဲ့ ကျိုက်ခေါက်ဘုရားကိုဖူးခဲ့ရလို့ ကျေးဇူးတောင်တင်နေမိတာပါ 

နောင်နှစ်ဒီအချိန်မှာ ကျွန်တော်ရှိနေသေးခဲ့ရင်လည်း ဘာမှမစွက်ဖက်တဲ့အဖြူသက်သက်စိတ်ရင်းနဲ့ ဘုရားစေတီတစ်ဆူဆူမှာဆွမ်းအလှူလှူပေးမှာပါ ခင်ဗျားကြောင့်ရခဲ့တဲ့ကုသိုလ်ကို အိမ်ကမိသားစုဝင်အားလုံးရဲ့မွေးနေ့တိုင်းမှာ ဘုရားစေတီမှာဆွမ်းကပ်လှူပေးဖို့လုပ်ဆောင်သွားမှာပါ 

ခင်ဗျားအပေါ်တခြားအမျိုးသားတွေလိုမျိုး fb wall ပေါ်မှာပဲ သူ့သတင်းကိုယ့်သတင်းအပြန်အလှန်မျှဝေတဲ့ လူတစ်ယောက်လိုပဲ ကျွန်တော်သဘောထားတော့မှာပါ

ကျွန်တော်တို့ဆက်နွယ်မှုက ၁၂.၁၂.၂၀၂၃ ခုနှစ်တည်းကပြီးခဲ့ပါပြီ ခင်ဗျားနေရာမှာတခြားအမျိုးသားတစ်ယောက်သာဆိုရင် တစ်နှစ်ခွဲလောက်မတွေ့ရတဲ့သူ့မိန်းကလေးကို တနည်းနည်းနဲ့ဆက်သွယ်ပြီးတော့ ခဏလေးဖြစ်ဖြစ်တွေ့ခွင့်ရအောင်လုပ်ပေးခဲ့မှာပါ ဒါကကျွန်တော့်အလိုဆန္ဒသပ်သပ်ပေါ့ဗျာ

ဒါပေမယ့်ခင်ဗျားမဆက်သွယ်ခဲ့ပါဘူး ကျွန်တော်ကခင်ဗျားအတွက် ဘာမျှမဟုတ်ခဲ့သူပါ။

ထားလိုက်ပါတော့အတိတ်တွေကိုလည်း ကျွန်တော်နောက်တစ်ခါထပ်ပြီးတော့ မတူးဆွတော့ပါဘူး ကျွန်တော်ဘက်ကနေ အတင်းရောအကာရောဖက်တွယ်နေခဲ့မိတာအတွက်လည်း တောင်းပန်ပါတယ် ယောကျ်ားတစ်ယောက်အတွက် မိန်းကလေးဘက်ကနေတဖက်သက်ဖက်တွယ်နေတာကြောင့် နှစ်ကာလအကြာကြီး စိတ်ပင်ပန်းခဲ့ရတာကိုလည်း တောင်းပန်ပါတယ် ထပ်ပြီးတော့လည်းမနှောက်ယှက်တော့ပါဘူး

ဒီလောက်နှစ်တွေအကြာကြီး ကျွန်တော့်ဘက်ကနေ ကာမပိုင်ရှိတဲ့အမျိုးသားတစ်ယောက်ကို နှောက်ယှက်ခဲ့မိတာတွေအတွက် ဘုရားရိုက်တာကိုပဲ ကျေကျေနပ်နပ်ကြီးကိုခံယူလိုက်ပါတယ် အရင်ဘဝကအခုလိုမျိုးကျူးလွန်ခဲ့မိလို့ ဒီဘဝမှာဝဋ်ကြွေးဆပ်နေရတာတောင်မျှ ဒီဘဝထပ်ပြီးကျူးလွန်နေမိတော့ ကျွန်တော့်သံသရာကြွေးတွေလည်း များလွန်းလှပါပြီ 

ဒါကြောင့်မို့ ကျွန်တော်မရပ်တန့်နိုင်သေးပေမယ့် နောက်ဆုတ်လိုက်ပါပြီ လူတစ်ယောက်တည်းကိုသာ ဗဟိုပြုပြီးလည်ပတ်နေမိတဲ့ရပ်ဝန်းကိုလည်း တဖြေးဖြေးနဲ့ရပ်တန့်နိုင်အောင် ကြိုးစားနေပါပြီ

သံသရာတစ်ကွေ့မှာပြန်တွေ့ခွင့်ရရင်တောင် ခင်ဗျားကိုမနှောက်ယှက်တဲ့ ညီမလေးကိုစိတ်သောကမပေးတဲ့ လူတစ်ယောက်အဖြစ်နဲ့သာ ပြန်တွေ့ခွင့်ရချင်ပါတယ်

ကျွန်တော့်မေတ္တာကပူလောင်တယ်ဆိုတာသိထားပါတယ် ဒါပေမယ့်တဖက်သားအပေါ်ထားရှိတဲ့စေတနာက အပူမစွက်ဘူးဆိုတာကို ကျွန်တော်ကလွဲရင်ဘုရားသိမှာပါ

နင်က ပြီးခဲ့တဲ့ဘာမဟုတ်တဲ့ကိစ္စကို အရေးတယူလုပ်နေသေးတယ်ဆိုပြီး တွေးကောင်းတွေးမိမှာပါ အဲ့ဒီ့နာကျင်မှုကို ကာယကံရှင်ဖြစ်ကျတဲ့သူတွေပဲ နားလည်နိုင်မှာပါ 

အများကြီးထပ်မရေးတော့ပါဘူး အစစအရာရာအကုန်လုံး ဂရုစိုက်ပေးပါဗျာ အခုလက်ရှိကြုံတွေ့နေရတဲ့ကိစ္စရပ်တွေ အစစအရာရာအကုန်လုံး အဆင်ပြေချောမွေ့ပါစေခင်ဗျာ။

🙏🙏🙏

23rd March 2025.

11:43 am

မွေးနေ့မှာ စိတ်၏ချမ်းသာခြင်း ကိုယ်၏ကျန်းမာခြင်းနှင့်ပြည့်စုံပါစေရှင်။

ဒီနှစ်မွေးနေ့အတွက်ဆုတောင်းပေးတာရော မနက်ဖြန်မနက်ကျိုက်ခေါက်ဘုရားမှာ နေ့ဆွမ်းသွားကပ်ပေးမှာရောက အရင်လို ၁၅၀၀ မေတ္တာ​အတွက်လုပ်ပေးတာ ( လုံးဝ ) မဟုတ်ပါဘူး

လူမျိုး၊ဘာသာ၊သာသနာကို ကာကွယ်စောင့်ရှောက်ပေးနေတဲ့ လူတစ်ယောက်အတွက် တကယ်ကိုဖြူစင်သန့်ရှင်းတဲ့ ၅၂၈ မေတ္တာတရားနဲ့သာ ကျွန်တော်ဆုတောင်းပေးတာ ဆွမ်းအလှူလှူပေးဖြစ်တာပါ။

မွေးနေ့ရက်မြတ်မှစတင်ပြီး စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံပါစေ 

အစအရာရာ ကြံစည်သမျှအရာရာတိုင်း ပြည့်ဝအောင်မြင်ပါစေ

ဘာသာ၊သာသနာကို ကာကွယ်စောင့်ရှောက်ပေးနိုင်သော

နိုင်ငံတော်ကို ကာကွယ်စောင့်ရှောက်ပေးနိုင်သော

မိသားစုကို ကာကွယ်စောင့်ရှောက်ပေးနိုင်သော

လက်အောက်ငယ်သားများနှင့်တကွမိသားစုဝင်များကို ကာကွယ်စောင့်ရှောက်ပေးနိုင်သော

မိမိကိုယ်ကို ကာကွယ်စောင့်ရှောက်ပေးနိုင်သော သူဖြစ်ပါစေ

စိတ်၏ချမ်းသာခြင်း ကိုယ်၏ကျန်းမာခြင်းနှင့်

ပြည့်စုံပါစေ

ဘေးအန္တရာယ်အသွယ်သွယ် ကင်းဝေးပြီး 

အသက်ရာကျော်ရှည်ပါစေ

နိုင်ငံတော်နှင့်လူမျိုး၊ဘာသာ၊သာသနာကို စောင့်ရှောက်ကာကွယ်ပေးနိုင်သော လူပုဂ္ဂိုလ်ဖြစ်ပါစေ

မွေးနေ့ရောက်တိုင်းနှစ်စဥ်မိသားစုနဲ့အတူတူ အလှူရေစက်လက်နဲ့မကွာလှူဒါန်းခွင့်ရပြီး ပျော်ရွှင်ချမ်းမြေ့စွာဖြတ်သန်းနိုင်ပါစေ...။

🙏 🙏 🙏

ပဋ္ဌာန်းပါဠိတော် - ပဋ္ဌာန်း (၂၄)ပစ္စည်းအကျယ်။ (အသံ နှင့် စာသား)

ကိုယ်ချစ်။

ခင်ဗျားကိုတကယ်ကိုလွမ်းနေပါတယ် ဒါပေမယ့်လည်း ကျွန်တော်စာမပို့မိပါဘူး 

ကျွန်တော်စာမပို့ဖြစ်တာကြာပြီ တစ်ချက်ကအလုပ်များနေတဲ့အချိန်မှာ ကျွန်တော့်စာဝင်လာရင် အနှောက်အယှက်ဖြစ်သွားမှာကိုစိတ်ပူမိလို့

နောက်တစ်ချက်က ကျွန်တော်နဲ့စကားမပြောချင်တော့ဘူးလို့ခံစားနေရလို့ စာပို့ဖို့အတွက်ကိုဝန်လေးနေမိပြီး တကယ်ကိုချီတုံချတုံဖြစ်နေတာနဲ့ စာမပို့ဖြစ်တော့တာပါ

အခုတလောအချိန်အတော်များများ online မဖြစ်နေတော့ တကယ်ကိုစိတ်ပူမိပါတယ် စာပို့ချင်မိတယ် ဒါပေမယ့်အဆင်ပြေမှာပါလို့ပဲ ဆုတောင်းပေးနေမိတယ် အရင်လိုစိုးရိမ်စိတ်နဲ့ အဆင်ပြေရဲ့လားဆိုတဲ့စကားကိုလည်း မဆိုရဲသလို စိတ်ပူလို့ အစစအရာရာဂရုစိုက်ပါဆိုတဲ့စကားကိုလည်း မဆိုရဲပါဘူး အဲ့ဒီစကားလုံးတွေကိုခင်ဗျားလုံးဝမကြိုက်သလို အဲ့ဒီစကားလုံးတွေကကျွန်တော်နဲ့မျှ သက်ဆိုင်ခွင့်မရှိတာ

အဲ့ဒီတော့ စိတ်ပူနေရပေမယ့် စိုးရိမ်နေရပေမယ့် တိတ်တိတ်လေးနေပေးနေရတာကြီးကို ကျွန်တော်လုံးဝမကြိုက်ပါဘူး ကျွန်တော်မုန်းပါတယ်  fb မှာတင်တဲ့ အကြောင်းအရာကလွဲရင် ဘာတစ်ခုမျှ သိခွင့်မရှိနိုင်တဲ့ ဘဝကိုလည်း ဝန်ခံရရင်မလိုချင်တော့ပါဘူး

ကျွန်တော်ကလူတဖက်သားကို တွယ်ကပ်တက်တဲ့သူမျိုးဖြစ်ပေမယ့် ကျွန်တော့်ကိုမလိုလားတဲ့အပြုအမူမျိုးရှိခဲ့ရင် ကျွန်တော့်ဘက်ကနေရပ်တန့်လိုက်တာ ကျွန်တော်အကျင့်စရိုက်ပါ မာနကြီးတာမဟုတ်ဘူးဗျ လူတစ်ယောက်ရဲ့ သိမ်ငယ်စိတ်ဖြစ်လာတာပါ စိုးရွံ့စိတ်ဖြစ်လာတာ

ကိုယ်စိတ်အဆင်မပြေတဲ့အချိန်မှာ တဖက်သားရဲ့စိုးရိမ်စိတ်က ချစ်တဲ့သူတောင်တစ်ခါတလေစိတ်ရှုပ်နိုင်သေးတာပဲ အစတည်းကမချစ်ခဲ့တဲ့သူဆိုရင်တော့ ပိုပြီးစိတ်ရှုပ်ရမှာပဲလေ ဒါကြောင့်လည်းစာမပို့မိတော့တာပါ လူလတ်ပိုင်းခြားအသက်ထက်တောင်ကျော်လွန်နေပြီပဲ ကျွန်တော်မရင့်ကျက်သေးပေမယ့် ကလေးမဆန်ပါဘူး

မိမိကို အောက်သို့ဆွဲချမည့် အကြောင်းတရားတွေ၊

လူတွေကို မျက်ကွယ်ပြုထားခြင်းက ဥပက္ခာ တရားပါပဲ။

တနေ့ကရေးထားတာကိုဖတ်ပြီး စိတ်မကောင်းဖြစ်သွားရတယ် ဘယ်သူ့ကိုရည်ရွယ်ပြီးရေးတာကိုတော့ ကျွန်တော်မသိပါဘူး ဒါပေမယ့်တဖက်သားကိုဆွဲချမယ့်လုပ်ရက်မျိုးကိုတော့ ကျွန်တော်တစ်ခါမျှမလုပ်ခဲ့ပါဘူး ကျွန်တော့်အပေါ်မကောင်းတဲ့ သူတွေအပေါ်မှာတောင်မျှ မကျူးလွန်ခဲ့ဘူးပါဘူးဗျာ ခင်ဗျားအပေါ်ဆိုရင် ကျွန်တော်ပြုမူပါ့မလား ကျွန်တော့်ကိုပြောတာဆိုရင်တော့ ခင်ဗျားတကယ်ကိုတရားလွန်ပါတယ်

ထားလိုက်ပါတော့ဗျာ ပူလောင်စေတဲ့ကိစ္စကို ကျွန်တော်ကျူးလွန်မိခဲ့လို့ ကျွန်တော်ခံစားနေရတာပါ သူတစ်ဖက်သားကိုအပြစ်မတင်တော့ပါဘူး မဖြစ်သင့်မှန်းမလုပ်ခဲ့သင့်မှန်းသိရက်နဲ့ ကျွန်တော်အစပျိုးမိခဲ့တဲ့ အကျိုးဆက်တွေပါပဲဗျာ ဒါကြောင့်လည်း ဘုရားရိုက်တာနေမှာပါ

အခုတလောအရင်လိုမဟုတ်ဘဲ တကယ်ကိုအများကြီးတွေဝေနေမိပါတယ် သိမ်ငယ်စိတ်ကြောင့်လည်းပါပါမယ် ကျွန်တော့်အရွယ်ကမိန်းမတစ်ယောက်အနေနဲ့ အချိန်လင့်နေပါပြီ အဲ့ဒါကိုထပ်ပြီးတော့အချိန်တွေကိုဖြုန်းတီးနေမိတာပါ တကယ်တမ်းတိတိပပ​ပြောရရင်တော့ လင်တမရူးသင့်တော့ပါဘူး

သူများတွေလင်တရူးတယ်ဆိုတာက သူတို့အတွက်နားခိုရာ သူတို့အတွက်ခိုလှုံရာ သူတို့အတွက်အားကိုးအားထားရာဖြစ်တဲ့ ယောကျ်ားမို့လို့သာ လင်တရူးကြတာပါ

ကျွန်တော်အကြောင်းကတော့ တခြားလူတစ်ယောက်သိမှာတောင် ရှက်ဖို့ကောင်းလှပါတယ်ဗျာ မဖြစ်သင့်မှန်းသိပေမယ့်လည်း ကျွန်တော့်မှာလည်း ကျွန်တော်ချစ်တဲ့သူနဲ့ ကလေးပေါက်စလေးနဲ့မိသားစုဘဝတည်ဆောက်ချင်တဲ့ အိမ်မက်လေးရှိပါတယ်ဗျာ 

အဲ့ဒီ့အတွေးမပြောပါနဲ့ တစ်လတခါဖုန်းပြောခွင့် တစ်နှစ်တစ်ခါတွေ့ခွင့်တောင်မရှိတာကို ကျွန်တော်ဘာတွေများမျှော်လင့်နေမိတာလည်းလို့ ဒီရက်ပိုင်းတွေမှာပြန်မေးမိနေပါတယ်

အဘွားစကားကိုနားမထောင်မိခဲ့လို့ တကယ်ကိုနောင်တရမိပါတယ် "  ငါ့မြေး ယောကျ်ားယူရင်သူချစ်ကိုရှာယူ ကိုယ်ချစ်တဲ့သူကိုမယူနဲ့ ငါ့မြေးစိတ်ဆင်းရဲရလိမ့်မယ်တဲ့လေ  "  ကျွန်တော်ကတသီးတသန့်ကြီး ကိုယ်ချစ်ကိုရှာတာမဟုတ်ပေမယ့် ကိုယ်ချစ်တဲ့သူပဲတွေ့မိတာလေ

လူကြီးဆန်ပါတော့မယ်ဗျာ 

ဘုရားဖူးလည်း သွားပါ။

နေ့စဉ် ညစဉ် ဘုရားလည်း ဝတ်ပြုပါ။

ပရိတ် ပဋ္ဌာန်းများလည်း ပူဇော်ပါ။

ပိုက်ဆံရှာပြီး ဘုရားဖူးခရီးရော တခြားခရီးတွေရော သွားပါမယ် 

အခုတလော ဘုရားမှန်မှန်ရှိခိုးဖြစ်နေလို့ နောင်လည်းသေချာရှိခိုးပါမယ်

ကျန်ရှိနေတဲ့ဘဝခရီးလမ်းကို တည်တည်ငြိမ်ငြိမ်လေးပဲ ဖြတ်သန်းသွားပါတော့မယ်။

အချစ်ခံဖို့လည်း မကြိုးစားတော့ပါဘူးဗျာ။

အန္တရာယ်ကင်း ကပ်ကျော် အဌာနမေတံဂါထာတော်( ဗန်းမော်ဆရာတော်ဘုရားကြီး)

မွေးနေ့ရက်မြတ်မှာ အေးချမ်းသာယာပါစေရှင်။

ဘုရားမတက်ဖြစ်တာ အတော်လေးကြာပါပြီ မတ်လမှာကကျွန်တော်ချစ်တဲ့သူရော ကျွန်တော့်ကိုချစ်ကြတဲ့သူငယ်ချင်းတွေရော မွေးနေ့တွေရှိတော့ လဆန်းတည်းကဘုရားသွားဖို့ စိတ်ကူးထားတာပါ အကြောင်းအမျိုးမျိုးကြောင့် ဘုရားမတက်ဖြစ်ခဲ့ပါဘူး..

မနက်ဖြန်က မြန်မာလိုမွေးနေ့ဆိုတော့ အစီအစဥ်မရှိဘဲဘုရားတက်ဖို့ပြင်ဆင်လိုက်တယ် ဘုရားမှာဆွမ်းကပ်ဖို့ကြိုမပြင်ထားတော့ ကြက်ဥငံပြာရည်ချက်လေးရယ် မရမ်းသီးသုတ်ရယ် အကြတ်မှုန့်သုတ်ရယ် လက်ဖက်ရယ် ကော်ဖီ ကြက်သားပေါင်မုန့် ရေနွေးကြမ်း အိမ်မှာရှိတဲ့စားသောက်စရာတွေနဲ့ပဲ ဘုရားမှာဆွမ်းကပ်ဖို့စီစဥ်လိုက်ပါတယ်

ဆွမ်းကပ်ဖို့အတွက် ကာလနဂါးတစ်ကောင်မနက်စောစောထရမှာဖြစ်လို့ စောစောအိပ်ပါပြီခင်ဗျာ..

Happy Birthday ပါရှင်..

မွေးနေ့မှာ အစအစအရာရာ အဆင်ပြေပါစေ

အောင်မြင်ပါစေ..

စိတ်၏ချမ်းသာခြင်း ကိုယ်၏ကျန်းမာခြင်းနှင့်

ပြည့်စုံပါစေ..

ဘေးအန္တရာယ်အသွယ်သွယ် ကင်းဝေးပြီး 

အသက်ရာကျော်ရှည်ပါစေ..

နိုင်ငံတော်နှင့် လူမျိုးဘာသာ၊ သာသနာကို စောင့်ရှောက်ကာကွယ် ပေးနိုင်သောလူပုဂ္ဂိုလ်ဖြစ်ပါစေ..

မွေးနေ့ရောက်တိုင်း နှစ်စဥ်မိသားစုနဲ့အတူတူ ပျော်ရွှင်ချမ်းမြေ့စွာဖြတ်သန်းနိုင်ပါစေ..

မွေးနေ့ရက်မြတ်တိုင်း အေးချမ်းသာယာစွာ ဖြတ်သန်းနိုင်ပါစေရှင်..။

🙏 🙏 🙏

 

ပင်လယ်သမုဒ္ဒရာထဲကရေတွေကိုတစ်ပေါက်ချင်းစီရေတွက်နိူင်ပေမယ့်ပရိမိတ္တဇာလသုတ်...

မနက်ခင်းမှာ အဆိုးတွေပျောက်ပြီး ကောင်းကျိုးပဲရချင်ရင် ဗုဒ္ဒဟောကြားခဲ့တဲ့ ...

ချစ်ရသော

 

မနေ့ညကရာသီဥတုပူတော့ အိပ်လို့ကိုမပျော်ဘူး ကိုယ်တောင်ယပ်တောင်တစ်ချောင်းနဲ့ ဒီလောက်ပူနေတာ သူနေတဲ့အရပ်မှာရော ပူနေရှာမှာပဲလို့တွေးမိပြန်ရော...

ဂရုစိုက်ပါ အဆင်ပြေရဲ့လားဆိုတဲ့ စကားလုံးတွေကိုမကြိုက်ဘူးဆိုတာကို ခဏခဏပြောထားတော့ ကျွန်တော့်မှာစိတ်ပူနေရင်တောင် ညိမ်ညိမ်လေးနေနေရတဲ့ဘဝ

အဲ့ဒါနဲ့ Vb လေး ဝင်ကြည့်မိတော့ ago ပြနေတာ မိနစ်မကြာသေးဘူးဆိုတော့ fb ဝင်ကြည့်မိပြန်ရော တရေးနိုးလာတာဆိုတဲ့ စကားစုနဲ့တင် အကြိမ်ကြိမ်အဖန်ဖန်ငြိတွယ်မိပြန်ပါတယ် အဲ့ဒီယောကျ်ားအပေါ်ပဲမေတ္တာသက်ဝင်မိနေတော့ ကျန်တဲ့ယောကျ်ားတွေကို နေ့တဒူဝမြင်နေတွေ့နေရတာတောင် သာမန်ကာလျှံကာသဘောပဲထားမိတာပေါ့ဗျာ

ကျွန်တော်ကပဲအစွဲအလန်းကြီးတာလား ခင်ဗျားကပဲညှို့နိုင်စွမ်းရှိတာလား တစ်ကြိမ်တစ်ခါပဲတွေ့မြင်ဘူးတဲ့လူကို ဒီနေ့ဒီအချိန်ထိဖက်တွယ်နေမိတာကိုတော့ ကျွန်တော့်ဘာသာတောင် အဖြေကိုမစဥ်းစားတက်ပါဘူး

ဒီနေ့လည်မှာ ခင်ဗျားအဆင်မပြေမှန်းသိတော့ စိတ်ပူမိပြန်တယ် ငါ့ကြောင့်များလားဆိုတဲ့အတွေးက လူကိုဖိစီးမိပြန်ရော စသိတည်းကနေ ဒီနေ့အချိန်အထိ ကျွန်တော်ကြောင့်တစ်စုံတစ်ခုထိခိုက်မှာ နစ်နာသွားမှာ တကယ်ကြီးကိုစိုးရိမ်မိတာပါ ခင်ဗျားကိုမြူမှုန်လေးတစ်ခုမျှလောက်တောင် မထိခိုက်မနစ်နာစေချင်တာ ကျွန်တော့်စိတ်ရင်းအမှန်ပါ 

အဲ့ဒါကြောင့် တအားကြီးလွမ်းနေရင်တောင်မှ အရင်လိုစာတွေမပို့မိတာပါ ကျွန်တော်စိမ်းကားသွားတာ မဟုတ်ရပါဘူး အနှောက်အယှက်ဖြစ်သွားမှာကို စိုးရိမ်မိလို့ပါ

မနက်ကလည်း ခင်ဗျားမိန်းကလေးတွေ account လာ add တော့ လက်မခံပေးမိပြန်ဘူး သူတို့ကိုမနာလိုတာ သဝန်တိုတာအရင်လိုမရှိတော့ပါဘူး တကယ်ကိုပင်ပန်းရလို့အဲ့ဒီစိတ်ကို လျစ်လျှူပြုထားလိုက်ပါပြီ ဒါပေမယ့်လည်း ခင်ဗျားနဲ့ပတ်သက်ပြီး သိချင်တာတစ်ခုခုရှိလို့ သူတို့လာပြီး add မှာကိုပဲစိုးရိမ်မိတာပါ

ကျွန်တော်က ချစ်တာကိုတအားကိုထုတ်ပြတက်တဲ့ လူမျိုးလေ သူတစ်ပါးကဲ့ရဲ့တာ ရှုတ်ချတာကိုလည်း အများကြီး တွေးပူမနေတက်တော့ဘူးဆိုတော့ ခင်ဗျားအပေါ်ချစ်သမျှတွေကိုပြောပြမိမှာပါ အဲ့ဒါကြောင့် ခင်ဗျားမိန်းကလေးတွေ တနည်းည်းနည်းနဲ့သိမှာကိုပဲစိုးရိမ်မိတာပါ

မိန်းမဆိုတာ ကိုယ်သဘောကျတဲ့ ချစ်တဲ့ ယောကျ်ားနဲ့ပတ်သက်ရင် သူ့ဘာသာအမြင်အာရုံတွေ အကြားအာရုံတွေက အင်တာနက်ကွန်ယက်လိုချိတ်ဆက်မိတာလေ ခင်ဗျား friend list ကိုမသိဘဲနဲ့ သူတို့ကခင်ဗျားနဲ့ပတ်သက်နေတဲ့ မိန်းမတွေဆိုတာကျွန်တော်သိသလိုပေါ့

တစ်ရက်ထက်တစ်ရက် ကျွန်တော်မှားနေတယ်ဆိုတာကို တိတိပပကြီးလက်ခံထားပေမယ့်လည်း ခင်ဗျားမရှိတဲ့အရပ်မှာ တစ်ယောက်တည်းနေဖို့အတွက် အခုအချိန်အထိတိုင် ကျွန်တော်သွေးမရဲသေးပါဘူးဗျာ။

ညသန်းခေါင်ကျော် နိုးလာတော့ fb ဝင်ဖတ်မိတယ် စိတ်ထဲမှာထင့်နေတဲ့အတိုင်း အဆင်မပြေဘူးဆိုတာကို သိလိုက်ရတယ် ကျွန်တော်ဘက်ကအကူအညီမပေးနိုင်ပေမယ့် ကျွန်တော်ကြောင့် အဆင်မပြေဖြစ်သွားတယ်ဆိုပြီး ခံစားနေရပါတယ်

အဲ့လိုသာဆိုရင် ကျွန်တော်ဆင်ခြင်ပါ့မယ် ခင်ဗျားအတွက် အနှောက်အယှက်ဖြစ်စေမယ့် မိန်းမတစ်ယောက်မဖြစ်စေဖို့က ကျွန်တော်စေတနာအရင်းခံပါ 

အဲ့ဒါကြောင် အခုအချိန်ကစပြီး ခင်ဗျားထိခိုက်နစ်နာစေမယ့် ကိစ္စရပ်မျိုးနည်းနည်းလေးမျှ မရှိစေရပါဘူးဗျာ။

Thanks.

လွမ်းတယ်

အဲ့ဒီ့နေရာလေးမှာပဲ ရပ်ထားလိုက်ပါတယ်

မြင်နေခွင့်ရယုံ အသံလေးကြားနေခွင့်ရယုံနဲ့တင်

ကျွန်တော်ကျေနပ်ပါတယ်။
 

အရှက်တရား။

 

တဖက်သားအမျိုးသားတစ်ယောက်ရဲ့ အချိန်တွေကိုလည်းထပ်မဖြုန်းပါနဲ့တော့ နင်ရဲ့လေးနှစ်တာဆိုတဲ့ အချိန်တွေလည်း ပြုန်းတီးသွားခဲ့ပြီးပါပြီ ရပ်လိုက်ပါတော့ ငါတကယ်ကိုတောင်းပန်ပါတယ်။

ဖာသည်မ အဲ့ဒီနာမည်ကိုနင်ကြိုက်လို့လား သဘောကျလို့လား နှစ်သက်လို့လား ပြန်မေးကြည့်ပါ နင်အရမ်းမုန်းတီးတယ် မဟုတ်လား 

နင့်ကို ရောဂါမရနိုင်တဲ့ သတင်းမပေါက်ကြားနိုင်တဲ့ နာမည်မပျက်နိုင်တဲ့ ပိုက်ဆံကုန်ကျစရာမလိုတဲ့ အလကားရတဲ့ဖာသည်မ သူ့သိက္ခာတရားအတွက်စိတ်တ်ချရတဲ့မိန်းမဖြစ်လို့ စိတ်ချရတဲ့ဖာသည်မလို့ သဘောထားနေတာကို နင်ကျေနပ်နေတာလား 

နင့်ရဲ့တန်ဘိုးကအဲ့လောက်တောင်ပဲ စုတ်ပြတ်သတ်သွားတာကို နင်မသိတာလား နင်မရှက်ဘူးလားဟာ

နင်သဘောကျခဲ့တဲ့ နင့်ကိုသဘောကျခဲ့တဲ့ ယောကျ်ားသားတွေက အယုတ်စွဆုံးနင်နဲ့အတူအိပ်ခဲ့ဘူးတဲ့ AHA တောင် နင့်တန်ဘိုးကိုအဲ့သလောက်ကို စုတ်ပြတ်သွားအောင် ဘယ်သူများကျူးလွန်ခဲ့ဘူးလည်း လုပ်ခဲ့ဘူးလည်း

နင်ခွင့်မပြုပေးခဲ့တဲ့အတွက် နင့်တန်ဘိုးကို ဘယ်သူမျှစုတ်ပြတ်သတ်ခဲ့အောင် မလုပ်ခဲ့ဘူးပါဘူး နင်ခွင့်ပြုခဲ့ပေးလို့သာ အခုလို ဖာသည်မဆိုပြီး နာမည်တပ်ခံရတာပါ မိန်းမတစ်ယောက်ရဲ့တန်ဘိုး မိန်းမတစ်ယောက်ရဲ့သိက္ခာကိုချနင်းခံရတာ

မိန်းမတစ်ယောက်ကို သံယောဇဥ်ရှိခဲ့တဲ့ဘယ်ယောကျ်ားမဆို အဲ့လိုလုပ်ရက်မျိုးကိုလုပ်ခဲ့မှာ မဟုတ်ပါဘူး သူ့အတွက် နင်နဲ့ကာမဆက်ဆံဖို့အကြောင်းကိစ္စတစ်ခုတည်းအတွက် ဆန္ဒရှိတဲ့ယေကျ်ားတစ်ယောက်ကို ဘယ်လိုခံစားချက်နဲ့များ နင်ဖက်တွယ်နေရတာလည်းဟာ

မိန်းမတစ်ယောက်ဖြစ်ပြီး နင်မရှက်ဘူးလား 

နင်အသိဆုံးပါ နင့်ဘဝဘယ်လောက်တောင် အောက်တန်းစားဖြစ်နေရတာ မိန်းမတကာတည်းမှာ ဘယ်လိုအတန်းအစား မိန်းမဘဝမျိုးရောက်နေရတာ နင်အသိဆုံးနေမှာပါ

ရပ်လိုက်ပါတော့ ကျေးဇူးပြုပြီးရပ်တန့်လိုက်ပါတော့။