နှုတ်ဆက်ခဲ့ပါတယ် တာမွေ။
ပျော်ရာနေရာမှာလည်းနေရမှာပါပဲ ဒီလိုပါပဲ တော်ရာနေရာမှာလည်းနေရတာပါပဲဗျာ။
၁၉၉၆ခုနှစ် ၁၅နှစ်၊၁၆နှစ် ၉တန်းကျောင်းသူအရွယ်ကနေစပြီး နေထိုင်ခဲ့ရတဲ့နေရာ စင်ကာပူ ၃လ၊ မလေးရှား ၄နှစ် အလုပ်သွားလုပ်တဲ့အချိန်ကလွဲရင် ၂၄နှစ်ကျော်နေထိုင်ခဲ့ရတဲ့အရပ်
၁၉၈၈ခုနှစ်အရေးအခင်းတုန်းက လုံခြုံစိတ်ချရတဲ့ မြစ်ကြီးနားတပ်ထဲရောက်နေတာဖြစ်လို့ မြန်မာ့ရုပ်သံကနေထုတ်လွှင့်ပေးတဲ့ အဓိကရုန်းပုံရိပ်တွေကလွဲရင် ဆူပူသောင်းကျန်းကြတာကို မျက်ဝါးဝါးထင်ထင် မမြင်ခဲ့ရဘူးပါဘူး
၂၀၀၇ခုနှစ်အရေးအခင်းကျမှ စပ်စပ်စုစုတာမွေရဲစခန်းနားထွက်ကြည့်မှ အရေးအခင်းကိုမြင်ခဲ့ဘူးရတာပါ
၂၀၂၁ခုနှစ်ကျတော့ ၁၉၈၈ခုနှစ်လို လူတွေကိုအရှင်လတ်လတ်သတ်ဖြတ်ကြတဲ့အနိဌာရုံတွေမတွေ့ရပေမယ် အလွန်ဆိုးဝါးလှတဲ့လုပ်ရပ်တွေနဲ့ ဆန္ဒပြကြတာကို ကာလတာရှည်စွာတွေ့မြင်ခံစားခဲ့ရတဲ့အရပ်
အရင်ကအေးချမ်းလှတဲ့ တာမွေဟာအခုတော့ပူလောင်နေပါပြီဗျာ
အခုတော့ တရွာမပြောင်းသူကောင်းမဖြစ်လို့ဆိုဆို တော်ရာအရပ်မှာနေဖို့ဆိုဆို ဘဝသစ်စဖို့အတွက် နှုတ်ဆက်ခဲ့ပါတယ်
၂၄နှစ်တာကာလမှာ သြဘာလမ်းဒီအိမ်မှာ ၁၁နှစ်နေခဲ့ရတော့ သက်တမ်းအကြာဆုံးပါပဲ သူပြီးရင်တော့ ကျောက်မြောင်းလမ်းအိမ်က ၅နှစ်ကျော် ၆နှစ်ကတော့အကြာဆုံးနေရတာပေါ့
၁၁နှစ်ကျော်ကာလမှာ ရှင်ကြီးဝမ်းလည်းဝင်ခဲ့ဘူးသလို ရှင်ငယ်ဝမ်းလည်းဝင်ခဲ့ဘူးလို့ ဘဝဇာတ်ခုံအဖုံဖုံကိုဖြတ်သန်းခဲ့ရတာပေါ့ဗျာ
အခုကျန်ရှိနေတဲ့ လူ့သက်တမ်းမှာလည်း ဘဝဇာတ်ခုံမှာကျင်လည်ရအုန်းမှာပါပဲဗျာ
ဒီမှာနေချင်သေးလားမေးရင် သူများတိုက်ခန်းတွေထက်ကျယ်ဝန်းတဲ့ ၁၆´ ၆၀´ မှာ နေနေရတာတောင် မွန်းကြပ်လွန်းလို့မနေချင်တော့ပါဘူး မနေချင်တော့ဘူးဆိုပေမယ့် နာရီဝက်အတွင်းသွားချင်တဲ့နေရာသွားနိုင်တဲ့အရပ်ဖြစ်နေလို့ တကယ်ကိုစိတ်မကောင်းဖြစ်မိပါတယ် ဒါပေမယ့်လည်း တော်ရာမှာနေရမှာပါပဲဗျာ
ပိုက်ဆံအများကြီးချမ်းသာလာလို့ လူခြေနည်းတဲ့ကန်တော်ကြီးနားလောက်မှာ ၄၀´ ၆၀´ မြေကွက်ပေါ်မှာ တိုက်အိမ်လေးဆောက်ပြီး သိန်းထောင်ဂဏန်းနဲ့ခြံလေးဝန်းလေးဝယ်နိုင်ခဲ့ရင်တော့ ပြန်လာခဲ့ပါမယ် တာမွေရေ။
၁၉၉၆_၂၀၂၅
၂ရက်၊ဧပြီလ၊၂၀၂၅ခုနှစ်။