လူဆိုတဲ့မိစ္စာကောင်တွေကြားထဲမှာ
ကျွန်တော်ရှင်သန်နိုင်ဖို့ဆိုတာ
တကယ်မလွယ်ပါဘူး..
နောက်ကျောကိုထိုးတဲ့ဓါးတွေ
အပြုံးတုတွေအောက်က
အမုန်းမျက်လုံးတွေ
ကျောခိုင်းလိုက်တာနဲ့
လျှံကျလာတဲ့အတင်းစကားတွေ
အကုန်လုံးကို(တကယ်)စိတ်ကုန်နေပြီဗျာ..
ကိုယ်ကောင်းရင်ခေါင်းမရွေ့ဘူး
ထားခဲ့လိုက်ပါတော့ အဲ့ဒီစကားတွေကို
ခင်ဗျားခေါင်းကိုလူတက်နင်းမှမခံရဘူးတာဗျာ
ခင်ဗျားရွတ်ဆိုနိုင်တာမဆန်းပါဘူး..
ပိုက်ဆံဆိုတဲ့အကောင်ကိုဖက်တွယ်ထားပြီး
ရွှေထီးမဆောင်းချင်တော့ပါဘူး
လက်ဗလာနဲ့မြေကြီးပေါ်ကိုရဲရဲကြီးခုန်ဆင်းလိုက်ပါပြီ
နောက်ကျောထိုးတဲ့ဓါးတွေ၊အပြုံးတုတွေ၊အတင်းအဖျင်းတွေ
ဝေးတဲ့အရပ်မှာပဲနေချင်ပါတော့တယ်..
သူတော်ကောင်းကြီးမဖြစ်ခဲ့ပေမယ့်
ကျွန်တော်လူယုတ်မာတော့မဖြစ်ခဲ့ပါဘူး
လူယုတ်မာတွေကြားမှာဖြူစင်နေသမျှကာလပတ်လုံး
ကျွန်တော်မျက်ရည်ကျနေရတဲ့ဘဝက
ရှင်ကြီးဂေါတမတကယ်မတရားဘူးဗျာ..
အကုသိုလ်ကြီးလို့လူဖြစ်ရတဲ့ကြားထဲ
ကျွန်တော်တစ်ယောက်က
သူများထက်ထူးပြီးမယုတ်မာတက်တော့
လူတွေကြားထဲမှာ
ဝဋ်ကြီးနေရတယ်။
No comments:
Post a Comment