အကူအညီပေးခဲ့ကြပါသော မြန်မာကောင်စစ်ဝန်ချုပ်ရုံး၊ဒူဘိုင်းမြို့၊ကောင်စစ်ဝန် ဦးမိုးထက်ကျော် နှင့်
နိုင်ငံခြားရေးဝန်ကြီးဌာန၊ နေပြည်တော်၊ ညွှန်ကြားရေးမှုးချုပ် နှင့် အရာထမ်း၊အမှုထမ်းများအားလုံး။
မြန်မာသံရုံး၊ဗန်ကောက်မြို့။
ပြည်ထဲရေးဝန်ကြီးဌာန၊ အမှတ်၁၉၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့စုမှ ဒုတိယရဲမှူး ဦးဇော်ထူးအောင် ၊ရဲအုပ် ဦးကျော်ဆန်းလင်းနှင့် အရာထမ်း၊အမှူးထမ်းများအားလုံး။
အကူအညီပေးခဲ့ကြပါသော ပြည်တွင်းပြည်ပမှလူပုဂ္ဂိုလ်များအားလုံး။
ဒီဖြစ်စဥ်တစ်ခုလုံးအတွက်တစ်ထောင့်တစ်နေရာကနေ အကူအညီပေးခဲ့ကြသည့် တစ်ဦးချင်းတစ်ယောက်ချင်းစီတိုင်းကို မိသားစုကိုယ်စားကျွန်တော်တကယ်ကို ကျေးဇူးဥပကာရအများကြီးတင်ရပါတယ်ခင်ဗျာ။
နိုင်ဝင်ဘာလ ၂၃ရက်နေ့ကနေစပြီးတော့ ပြန်လာနိုင်ရေးအတွက်ကြိုးစားလာရတဲ့ ဖိစီးနေတဲ့ဝန်ထုတ်ဝန်ပိုးကြီးဟာ ဒီနေ့ဒီချိန်မှာပြုတ်ကျသွားရပြီဖြစ်လို့ ကျွန်တော်နဲ့မိသားစုဝင်တွေအားလုံး တကယ်ကိုပျော်ရွှင်ရပါတယ် တကယ်ကိုစိတ်ချမ်းသာရပါတယ်ခင်ဗျာ။
၂၀၂၄ခုနှစ် ဒီဇင်ဘာလ ၁၈ရက်နေ့၊ ၂၂ရက်နေ့၊ ၂၀၂၅ခုနှစ် ဇန်နဝါရီလ ၉ရက်နေ့၊ ၂၈ရက်နေ့၊ ဖေဖေါ်ဝါရီလ ၅ရက်နေ့၊ ၇ရက်နေ့တွေဆိုရင် ပြန်လာဖို့အတွက်လက်မှတ်နှစ်ကြိမ်ဝယ်ခဲ့ရတာတွေ ကောင်စစ်ဝန်ကနေမြန်မာနိုင်ငံရှိသက်ဆိုင်ရာဌာနတွေကို ချိတ်ဆက်ပေးခဲ့ရတာတွေ အိုမန်နိုင်ငံရှိသက်ဆိုင်ရာဌာနတွေကို ဆက်သွယ်ပေးရတာတွေ အိုမန်လူကုန်တားကိုတိုင်ကြားခဲ့ရတာတွေ မြန်မာအေးဂျင့်ကအိုမန်အေးဂျင့်ကိုသိန်း၁၀၀ ပြန်ပေးဖို့အဆင်မပြေလို့ လူစားညီမလေးရောက်ပါမယ်ပြောပြီးရက်ရွေ့သွားရတာတွေ ကောင်စစ်ဝန်ကိုဆက်သွယ်အကူအညီတောင်းခံပြီး ရက်ပေါင်း(၇၀)အတွင်းမှာကျွန်တော်တို့တွေကြိုးစားခဲ့ရတာတွေမှ အများကြီးပါခင်ဗျာ။
၁၈ရက်နေ့ည ပြန်လာဖို့အတွက်လက်မှတ်လည်းဝယ်ပေးထားပြီးပြီ ဒူဘိုင်းကောင်စစ်ဝန်ရုံးဘက်ကနေလည်း သက်ဆိုင်ရာဌာနတွေနဲ့လည်းချိတ်ဆက်ပေးထားပြီးပြီ လေဆိပ်ဆင်းရမယ့်အချိန်မှာ မြန်မာ Agent အစ်ကိုကြီးရဲ့ကျေးဇူးတော်ကြောင့် လေဆိပ်မဆင်းခဲ့နိုင်လို့ မိသားစုဝင်တွေရော မြေပြင်မှာတိုက်ရိုက်အကူအညီပေးနေခဲ့တဲ့ကောင်စစ်ဝန်ရော အတော့်ကိုစိတ်ဒုက္ခများခဲ့ရတာပါခင်ဗျာ ဒီညပြန်လို့ရပြီလို့အကြိမ်ကြိမ်မျှော်လင့်စောင့်စားနေတဲ့သူအတွက်တော့ အများကြီးစိတ်ဆင်းရဲခဲ့ရရှာမှာပါ။
၂၀ရက်နေ့ ည ၁၁နာရီ၅၅မိနစ်မှာတော့ အိမ်ကဆရာမတစ်ယောက် အသေအချာပြန်ရပါပြီဆိုပြီး စိတ်ဒုံးဒုံးချလိုက်ကာမှ Check in time ည ၉နာရီ လေဆိပ်ကိုအရောက်ပို့ပေးပါမယ်စကားဆိုထားပြီး ည၇နာရီမှ Cancelation process မလုပ်ရသေးလို့ Weekend ဖြစ်သွားလို့ Date change ရမယ်ဆက်သွယ်လာခဲ့တော့ စိတ်ပင်ပန်းလွန်းရလို့ ကျွန်တော်တစ်ယောက်အသက်တစ်ရာလည်းမနေချင်တော့ပါဘူး ဒီကိစ္စကြီးမြန်မြန်ပြီးပါစေပဲ ဆုတောင်းမိခဲ့တာပါ ဒီနေ့ပြန်ရမှာပါလို့ လေယာဥ်လက်မှတ်တွေပို့ပေးထားပြီး Cancelation မလုပ်ရသေးလို့ Date change ရတာကိုမသိတဲ့အဆက်အသွယ်မရတဲ့ ဟိုရောက်နေတဲ့ဆရာမလည်း ဘာမှမဖြစ်ပါစေနဲ့လို့ပဲတဖွဖွဆုတောင်းခဲ့ရတာတွေ တကယ်ကိုစိတ်သောကရောက်ခဲ့ရတာတွေပါ
ကျန်တဲ့ရက်တွေတိုင်းမှာ ကြုံဆုံရတာတွေအများကြီးပေမယ့် Note မှာရေးထားပေမယ့် post မတင်တော့တာပါဗျာ။
၁။ နိုဝင်ဘာလ၊၂၆ရက်နေ့ ငွေကြေးအခက်အခဲအတွက်အကူအညီပေးခဲ့တဲ့ အစ်မနဲ့အစ်ကိုမိသားစု နှစ်ကာလအများအကြီးအဆက်အသွယ်မရှိခဲ့တာကို ယုံကြည်မှုတစ်ခုနဲ့ရက်ပိုင်းအတွင်းလိုအပ်နေတဲ့ငွေကိုထုတ်ပေးခဲ့လို့ ကျေးဇူးအများကြီးတင်ရပါတယ်။
၂။ နိုဝင်ဘာလ၊၂၉ရက်နေ့ ကျွန်တော်အခက်အခဲမှန်သမျှ လူရောစိတ်ပါနှစ်ပြီးအမြဲအကူအညီပေးတက်တဲ့ အဝေးရောက်နေတဲ့သူငယ်ချင်းမိသားစုနှစ်စုကိုလည်း ကျေးဇူးအများကြီးတင်ရပါတယ်။
၃။ ဒီဇင်ဘာလ၊၁ရက်နေ့ ငွေကြေးအခက်အခဲအတွက် အကူအညီပေးဖို့အားတက်သရော စုံစမ်းပေးခဲ့တဲ့အစ်မမိသားစုနှစ်စု ရသမျှကောက်ရိုးမျှင်တွေကိုဆုပ်ကိုင်ထားရတာဖြစ်လို့ အဖက်ဖက်ကနေအကူအညီတောင်းထားရတာပါ တကူးတကဆက်သွယ်ပေးခဲ့တဲ့ အစ်မတို့အကူအညီကိုလည်းကျေးဇူးတင်ရပါတယ်။
၄။ အခက်အခဲအမျိုးမျိုးကြောင့် လိုအပ်နေတဲ့ငွေကြေးအပြည့်အဝအကူအညီမပေးနိုင်ပေမယ့် စိတ်ရင်းနဲ့အကူအညီပေးခဲ့ကြတဲ့ အမေရဲ့ဆွေမျိုးသားချင်းတွေကိုလည်းကျေးဇူးတင်ရပါတယ်။
၅။ ဒီဇင်ဘာလ၊၁ရက်နေ့ မြန်မာကောင်စစ်ဝန်ချုပ်ရုံး၊ဒူဘိုင်းနှင့် နိုင်ငံခြားရေးဝန်ကြီးဌာန၊နေပြည်တော်ကို ချိတ်ဆက်နိုင်ဖို့အကူအညီပေးခဲ့တဲ့သတင်းဌာနကအစ်ကိုကိုလည်း ကျေးဇူးအများကြီးတင်ရပါတယ်။
ဒီဇင်ဘာလ၊၆ရက်နေ့ ပေးလျော်ရမယ့်လျော်ကြေးငွေရရှိသွားလို့ ငွေကြေးအခက်အခဲပြေလည်သွားပြီဆိုပြီး သက်ဆိုင်ရာဌာနတွေနဲ့မချိတ်ဆက်ရတော့ဘူးလို့ ကျွန်တော်ထင်ထားခဲ့ပေမယ့် ဒီဇင်ဘာလ၊၈ရက်နေ့မှာ အိုမန် Agent ဘက်ကနေကနဦးတောင်းဆိုထားတဲ့ လျော်ကြေးငွေထက်ပိုမိုတောင်းခံလာတာကြောင့် လျော်ကြေးငွေညှိနှိုင်းပေးနိုင်ပါရန်နှင့် အန္တရာယ်ကင်းစွာနဲ့ပြန်လာနိုင်ဖို့အတွက် ဒီဇင်ဘာလ၊၉ရက်နေ့မှာ ကောင်စစ်ဝန်ထံကို ကျွန်တော်စတင်အကူအညီတောင်းခံခဲ့ရတာပါ။
၆။ ဒီဇင်ဘာလ၊၉ရက်နေ့ မြန်မာကောင်စစ်ဝန်ချုပ်ရုံး၊ဒူဘိုင်းရှိ ကောင်စစ်ဝန်ထံစတင်ဆက်သွယ်ခဲ့တဲ့အချိန်မှာ ဆက်သွယ်ပေးတဲ့သူကဘယ်သူပါလည်းဆိုတဲ့ မေးခွန်းတစ်ခွန်းသာမေးပြီး ကျွန်တော့်ဘက်ကနေစတင်ဆက်သွယ် အကူအညီတောင်းခံခဲ့တဲ့ ၂၀၂၄ခုနှစ်၊ဒီဇင်ဘာလ၊၉ရက်နေ့ကနေစပြီး ရန်ကုန်လေဆိပ်ပြန်လည်ရောက်ရှိလာတဲ့ ၂၀၂၅ခုနှစ်၊ဖေဖေါ်ဝါရီလ၊၁၇ရက်နေ့အထိ အစစအရာရာပြဿနာရပ်တစ်ခုလုံးကို အစမှသည်အဆုံးတိုင် အကုန်လုံးအကူအညီပေးခဲ့တာပါ။
အစိုးရရုံးပိတ်ရက်ဖြစ်တဲ့ ဒီဇင်ဘာလ၊၁၅ရက်နေ့မှာတောင် အိမ်ကဆရာမ Agent ရုံးမှာ ပြဿနာတက်နေလို့ကျွန်တော်လည်းဒီကနေ ဘယ်လိုမှအကူအညီပေးလို့မရတာနဲ့ အားနာနာနဲ့ပဲကောင်စစ်ဝန်ထံကိုဆက်သွယ်ပေးပြီး အကူအညီတောင်းခဲ့ရတာတွေ၊
ကြားရက်တွေမှာလည်း နေ့တိုင်းလိုလိုကိစ္စရပ်တစ်ခုတိုင်းစီအတွက် ကျွန်တော့်ဘက်ကနေဆက်သွယ်ပေးပြီး အကူအညီတောင်းခဲ့ရတာတွေ၊
၁၈ရက်နေ့မှာလည်း လေယာဥ်လက်မှတ်ဝယ်ယူပေးရတာ သက်ဆိုင်ရာဌာနတွေနဲ့ချိတ်ဆက်ပေးပြီး အဆင်ပြေချောမွေ့စွာပြန်လာနိုင်ဖို့အတွက် ကောင်စစ်ဝန်ရုံးကနေ တနေ့လုံးလုပ်ဆောင်ပေးထားခဲ့တာတောင် မြန်မာ Agent ဘက်ကချိတ်ဆက်ပေးမှုနောက်ကျခဲ့တာကြောင့် အချိန်မီလေဆိပ်မဆင်းနိုင်ခဲ့တဲ့ကိစ္စရပ်တွေ၊
၁၉ရက်နေ့မှာလည်း Cancel ဖြစ်သွားတဲ့လက်မှတ်အစား မြန်မာ Agent ဘက်ကနေ လေယာဥ်လက်မှတ်ပြန်ဝယ်ပေးနိုင်ဖို့အတွက် တချိန်လုံးအကူအညီပေးခဲ့ရတာတွေ ကျွန်တော်တို့ကြောင် စိတ်သောကဖြစ်ရတာတွေအများကြီးပါ၊
၂၀ရက်နေ့မှာလည်း Cancelation process ကြောင့်ပြန်လို့မရလို့ Group chat ဖွင့်ပြီး ရှင်းပေးခဲ့ရတာတွေ၊
အိမ်ကဆရာမအဆင်ပြေချောမွေ့စွာ ပြန်လာနိုင်ဖို့အတွက် ကိစ္စကြီးကြီးငယ်ငယ်ကိစ္စရပ်တိုင်းကို အချိန်မဆိုင်းဘဲအမြဲအကူအညီပေးခဲ့တာတွေအတွက် ကျွန်တော်နဲ့မိသားစုဝင်တွေအကုန်လုံးကပါ စိတ်ရင်းနဲ့တကယ်ကိုကျေးဇူးတင်ရပါတယ်ခင်ဗျာ။
ကျွန်တော်တို့ကိုဘယ်အတိုင်းအတာအထိတောင် အကူအညီပေးခဲ့ရတာလည်းဆိုရင် ဒီဇင်ဘာလ၊၁၆ရက်နေ့က မြန်မာ Agent ကို လျော်ကြေးငွေလွှဲပေးဖို့အတွက် ကျွန်တော့် KBZ pay account limit ပြည့်သွားလို့ ငွေလွှဲဖို့ကျန်တဲ့ပမာဏကိုတောင် စိုက်လွှဲပေးခဲ့သူပါခင်ဗျာ။
ဒီဇင်ဘာလ ၉ရက်နေ့ကနေစပြီး ရက်ပေါင်း၇၀မှာရက်အတော်များများ ကောင်စစ်ဝန်ခမျာကျွန်တော်တို့ကိစ္စကြောင့် စိတ်ဖိစီးခဲ့ရမှာပါခင်ဗျာ။
၇။ ဒီဇင်ဘာလ၊၁၂ရက်နေ့ ညွှန်ကြားရေးမှူးချုပ်၊အပြည်ပြည်ဆိုင်ရာစီးပွားရေးဦးစီးဌာန၊နိုင်ငံခြားရေးဝန်ကြီးဌာန၊နေပြည်တော်။ ကျွန်တော်ဘက်ကနေသတင်းပို့တိုင်ကြားတဲ့အချိန်မှာ တိုင်းတစ်ပါးမှာရောက်ရှိနေပြီးအကူအညီလိုအပ်နေတဲ့ မြန်မာနိုင်ငံသားတစ်ယောက်ရဲ့အခက်အခဲကို သက်ဆိုင်ရာဌာနတွေနဲ့ချိတ်ဆက်ပေးပြီး နေ့ချင်းအတွင်းအားတက်သရောအကူအညီပေးခဲ့တဲ့အတွက် ကျွန်တော်မြန်မာနိုင်ငံသားတစ်ယောက်အနေနဲ့ စိတ်ရင်းနဲ့တကယ်ကိုအများကြီးဝမ်းသာဂုဏ်ယူမိပါတယ်ခင်ဗျာ။
ဒီဇင်ဘာလ၊၁၄ရက် ကျွန်တော့်ဘက်ကနေ ငွေစတင်လွှဲပေးဖို့ဆက်သွယ်ခဲ့တဲ့ ဒီဇင်ဘာလ၊၁၄ရက်နေ့ ညနေပိုင်းကနေ ငွေလွှဲပြီးတဲ့ ဒီဇင်ဘာလ၊၁၆ရက်နေ့အထိ ၁၈ရက်နေ့ပြန်ပါမယ်ပြောခဲ့ပြီး ဒီဇင်ဘာလ၊၁၈ရက်နေ့ မနက်ပိုင်းအထိ အိုမန် Agent နဲ့ ချိတ်ဆက်ပြီး သူ့ဘက်အကူအညီပေးနေပါတယ်ပြောခဲ့သူ။
၁၈ရက်နေ့ည လေယာဥ်လက်မှတ်ကို သူ့ဘက်ကနေဝယ်ပေးထားပါဆိုလို့ ဝယ်ပေးထားတာတောင်မှ လေယာဥ်ချိန်နီးတဲ့အထိ အိုမန် Agent နဲ့ ချိတ်ဆက်ထားခဲ့တာမရှိလို့ ကာယကံရှင်နဲ့ကျွန်တော်တို့မိသားစုဝင်တွေ ဌာနဆိုင်ရာအကုန်လုံးကိုချိတ်ဆက်ပေးထားရတဲ့ ကောင်စစ်ဝန်ပါ အတော်လေးကိုစိတ်သောကရောက်ခဲ့ရတာတွေ။
၁၉ရက်နေ့ လေယာဥ်လက်မှတ်တွေ AED ၂၀၀၀ကျော်နေလို့ ၂၀ရက်နေ့ည လေယာဥ်လက်မှတ် ပြန်ဝယ်ပေးခဲ့ပြီး Cancellation process မလုပ်ရသေးလို့ ည၇နာရီမှ Date change တဲ့ lnformation ပေးခဲ့တာတွေ။
၂၀၂၄ခုနှစ် ဒီဇင်ဘာလ ၂၀ရက်နေ့ကနေစပြီးတော့ ၂၀၂၅ခုနှစ် ဖေဖေါ်ဝါရီလ ၁၆ရက်နေ့အထိ အဆင်မပြေမှုတွေအများကြီးရှိခဲ့ပေမယ့် ကူညီပေးခဲ့တဲ့
Al Fahad Plaza Building က မြန်မာ Agent ကိုဘရန်မွန်းအောင်ကိုလည်း ကျေးဇူးတင်ပါတယ်။
ဒီဇင်ဘာလ၊၁၃ရက်နေ့ သူ့အခန်းမှာလေးရက်တာနေခဲ့ပြီး သူနေတဲ့ Condo အခန်းကနေ Check in Counter မပိတ်ခင်အချိန်မှ အချိန်ကပ်ပြီးလေဆိပ်ကိုလိုက်ပို့ပေးခဲ့တာတောင် အိမ်ကဆရာမကိုသူမသိပါဘူး ဒူဘိုင်းကိုသွားဖို့ပို့ဆောင်ပေးတာ သူမဟုတ်ပါဘူးပြောခဲ့တဲ့ " ဘူး တစ်လုံးဆောင် အို အောင်မဆင်းရဲ " စကားပုံကို ရင်ဝယ်ပိုက်ထားတဲ့ လသာမြို့နယ် MTP Condo က Agent မနှင်းခေါ်မဌေးဌေးဝင်းကိုလည်း ကျေးဇူးတင်ရပါတယ်။
ဒီဇင်ဘာလ၊၂၁ရက်နေ့ အကူအညီပေးခဲ့တဲ့ Al Ghawali ရုံးမှ မြန်မာစကားပြန်ညီမလေး Ruby နဲ့ သူဌေး၊သူဌေးမနဲ့ ညီမငယ်လေးကိုလည်း ကျေးဇူးတင်ရပါတယ်။
၈။ ဒီဇင်ဘာလ ၁၉ရက်နေ့ကစတင်ဆက်သွယ်ပေးခဲ့ပြီးစဥ်ဆက်မပြတ်သတင်းမေးပေးသည့် ပြည်ထဲရေးဝန်ကြီးဌာန၊ အမှတ်၁၉မှ ဒုတိယရဲမှူးဦးဇော်ထူးအောင် နှင့် ၂၀၂၅ခုနှစ် ဖေဖေါ်ဝါရီလ ၁၆ရက်နေ့တွင် အကူအညီပေးခဲ့ပါသော ရဲအုပ်ဦးကျော်ဆန်းလင်းတို့ကိုလည်း ကျေးဇူးအများကြီးတင်ရပါတယ်ခင်ဗျာ။
စာလည်းရှည်သွားပါပြီ ယခုလက်ရှိကာလအတွင်းမြန်မာနိုင်ငံမှာအလုပ်အကိုင်အခြေအနေအခွင့်အလန်းနည်းပါးလို့ပဲဖြစ်ပါစေ သက်ဆိုင်ရာကာယကံရှင်ရဲ့အကြောင်းတရားအမျိုးမျိုးကြောင့်ဖြစ်ပါစေ ပြည်ပထွက်ပြီးအလုပ်လုပ်မယ်ဆိုရင်မတားပါဘူး လတ်တလောကြုံတွေ့ခဲ့ရတာတွေကြောင့် စိတ်ရင်းစေတနာနဲ့အောက်မှာရေးထားတဲ့အချက်သုံးချက်လုံး အဆင်ပြေတယ်ဆိုမှသာ သွားစေချင်ပါတယ်ဗျာ။
( ပြည်ပနိုင်ငံကိုရောက်ရှိတာနဲ့ လေဆိပ်မှာရှိတဲ့ Sim card counter မှာ မိမိအားဆက်သွယ်နိုင်ဖို့အတွက် ဖုန်း Sim card မဖြစ်မနေဝယ်ယူထားပါ။ )
၁။ သူတစ်ပါးနိုင်ငံမှာကိုယ်တစ်ယောက်ထဲအလုပ်သွားလုပ်မှာဖြစ်လို့ အကြောင်းအမျိုးမျိုးကြောင့်အခက်အခဲနဲ့ကြုံတွေ့လာခဲ့ရသည်ရှိသော် နိုင်ငံတိုင်းမှာအကူအညီတောင်းခံနိုင်ဖို့အတွက် မြန်မာသံရုံးမရှိနိုင်တဲ့အတွက်ကြောင့် သက်ဆိုင်ရာနိုင်ငံရှိအဖွဲ့အစည်းများကိုဆက်သွယ်အကူအညီတောင်းခံနိုင်ဖို့အတွက် သက်ဆိုင်ရာနိုင်ငံဘာသာစကား သို့မဟုတ် အင်္ဂလိပ်ဘာသာစကားနဲ့ ကိုယ်တိုင်ပြဿနာရပ်တစ်ခုလုံးကိုဖြေရှင်းနိုင်ရဲ့လား။
၂။ ကိုယ်ရောက်ရှိလာတဲ့လမ်းကြောင်းက နိုင်ငံတော်ကနေတရားဝင်ခွင့်ပြုပေးထားတဲ့ ပြည်ပအလုပ်အကိုင်ရှာဖွေရေး Agency တွေစီကနေတဆင့်ရောက်ရှိလာတာလား။
၃။ ပြည်ပနိုင်ငံရောက်ရှိသွားတဲ့အချိန်မှာ လက်ရှိဆက်သွယ်လုပ်ကိုင်ဆောင်ရွက်နေတဲ့ Agency ကရော သက်ဆိုင်ရာနိုင်ငံကတရားဝင်အသိအမှတ်ပြုပေးထားတဲ့ အလုပ်အကိုင်ရှာဖွေရေး Agency လား။
ဆိုတဲ့အချက်အလက်တွေကို သေချာစုံစမ်းလေ့လာပြီးမှ သွားရောက်လုပ်ကိုင်စေချင်ပါတယ်ဗျာ။
( တရားမဝင်လမ်းကြောင်းအမျိုးမျိုးနဲ့သွားရောက်လုပ်ကိုင်နေပြီး အစစအရာရာအဆင်ပြေနေတဲ့လူတွေလည်း မရှိဘူးမဟုတ်ပါဘူးရှိကြပါတယ်။
အများစုသောအဆင်မပြေခဲ့ကြသူတွေက သူတို့ကြုံတွေ့ခဲ့ရတဲ့အဖြစ်မှန်ကိုဖွင့်မပြောကြလို့သာ ဒုက္ခကြုံတွေ့ခဲ့ရတဲ့အကြောင်းအရာကိုမသိနိုင်ခဲ့ကြတာပါ " ကိုယ့်ဝမ်းနာ ကိုယ်သာသိ " ဆိုတဲ့စကားလက်ကိုင်ထားတဲ့ မြန်မာလူမျိုးတွေရဲ့အမူအကျင့်ကြောင့်ဆိုပါတော့ဗျာ။ )
မိသားစုငွေကြေးအခက်အခဲကြောင့် ပိုက်ဆံရှာဖွေချင်တဲ့ ဇောတစ်ခုတည်းနဲ့နိုင်ငံရပ်ခြားရောက်သွားရင်ပြီးရော ဟိုရောက်သွားမှဒေါင်ကျကျပြားကျကျလုပ်နိုင်ပါတယ်ဆိုတဲ့ စိတ်တစ်ခုတည်းနဲ့ မသွားစေချင်ပါဘူးခင်ဗျာ
အကြောင်းအမျိုးမျိုးကြောင့်အခက်အခဲရှိလာခဲ့ရင် ငွေကြေးအတိုင်းအတာတစ်ခုတည်းနဲ့တင် ဖြေရှင်းလို့မရနိုင်တဲ့ကိစ္စရပ်တွေဆိုတာအများကြီးပါ။
ပိုက်ဆံလိုချင်လို့အလုပ်သွားလုပ်ပြီးကာမှ အခက်အခဲ အကြောင်းအမျိုးမျိုးကြောင့်အဆင်မပြေလို့ မိသားစုကလျော်ကြေးပေးနိုင်ခဲ့လို အလွယ်တကူပြန်လာနိုင်လို့ရခဲ့ရင်တောင် " ဖွတ်မရ ဓါးမဆုံး " အခြေအနေနဲ့ကြုံတွေ့ရတာပါ။
၁၇ရက်၊ ဖေဖေါ်ဝါရီလ၊ ၂၀၂၅ခုနှစ်။ မနက် ၁၂နာရီ၊၃၀မိနစ်တိတိအချိန်မှာ အိမ်ကဆရာမတစ်ယောက် အန္တရာယ်ကင်းကင်းနဲ့မြန်မာနိုင်ငံကို ပြန်လည်ရောက်ရှိလာနိုင်ခဲ့တာဖြစ်လို့ အကူအညီပေးကြတဲ့ နိုင်ငံတော်အဖွဲ့အစည်းမှပုဂ္ဂိုလ်များအားလုံး အစစအရာရာအကူအညီပေးခဲ့ကြသည့် လူပုဂ္ဂိုလ်တစ်ဦးတစ်ယောက်ချင်းစီတိုင်းကိုလည်း အထူးသဖြင့်ဒူဘိုင်းကောင်စစ်ဝန် ဦးမိုးထက်ကျော်နှင့် အိုမန်ကိုသွားရောက်ပေးခဲ့တဲ့ ကိုဘရန်မွန်းအောင်တို့ကို ကျွန်တော်တို့တစ်မိသားတစ်စုလုံးစိတ်ရင်းနဲ့ ကျေးဇူးဥပကာရတင်ရှိရပါတယ်ခင်ဗျာ။
ကျေးဇူးဥပကာရများစွာဖြင့်
ခင်စန္ဒာဝိုင်း။
၁၇၊၀၂၊၂၀၂၅။
မနက် ၁နာရီ။
မင်္ဂလာဒုံအပြည်ပြည်ဆိုင်ရာလေဆိပ်။
ရန်ကုန်မြို့။
