လိမ်ညာခြင်းဟာ တစ်ခါတလေ
လိုအပ်မှန်း သိခဲ့ပါတယ်။
အမှန်တရားဟာ
(မိုက်မဲတယ်ပဲပြောပြော)
တကယ်ရှိတယ်လို့ ယုံကြည်ခဲ့ပါတယ်။
ဝေမှုးသွင်။
ခင်ဗျားအပေါ် ထားရှိခဲ့တဲ့ချစ်ခြင်းတွေဟာ
မေတ္တာတရားလိုမအေးမြခဲ့ပေမယ်
၁၀၀% မဟုတ်ခဲ့ရင်တောင်
၁၀၀% နီးပါးဖြူစင်ခဲ့တဲ့ ကျွန်တော်ရဲ့
ချစ်ခြင်းတရားတွေပါ
အဲ့ဒီချစ်ခြင်းတွေဟာ မအေးမြခဲ့တာမှန်ပေမယ့်
ခင်ဗျားပူလောင်ပါစေဆိုတဲ့စိတ်မျိုး
ကျွန်တော့်မှာတစိုးတစ်စိတောင်မရှိခဲ့ရပါဘူးဗျာ
ကျွန်တော့်ချစ်ခြင်းတွေဟာ
ခင်ဗျားပေါ်စပြီးယိမ်းယိုင်ခဲ့တဲ့အချိန်ကနေ
ယနေ့အထိ ပကတိလိမ်ညာခြင်းအလျင်းမရှိတဲ့
၅၂၈ မေတ္တာတရားလိုမဖြူစင်ပေမယ့်
အစွန်းအထင်းမဲ့တဲ့အရိုးခံမေတ္တာတရားတစ်ခုပါ
မေတ္တာမှန်ရင်ရောင်ပြန်ဟပ်တယ်ဆိုတာ
လူကြီးသူမတွေပြောခဲ့ပေမယ့်
ခင်ဗျားကိုချစ်ခွင့်ရနေယုံလေးနဲ့တင်
ကျွန်တော်ကျေနပ်နေသူပါ
အဲ့ဒီလိုချစ်ခွင့်ရဖို့လည်း
ကျွန်တော်တစ်ယောက်ထဲ ချစ်နေလို့မှမဖြစ်နိုင်တာ
ခင်ဗျားတည်ရှိနေဖို့ကအဓိကကျပါတယ်
အဲ့ဒီလိုတည်ရှိပေးနေတာကိုပဲ
ကျွန်တော့်အတွက်က ဘုရားပေးတဲ့ဆု
ဒါမှမဟုတ် ခင်ဗျားပေးတဲ့ မေတ္တာတရားပါ။
#5.2.2022
💕 Thanks Bae,
because you are my Universe. 💕
No comments:
Post a Comment