လက်ပိစိလေးတစ်စုံ

သင်္ကြန်ပြီးထဲက အိပ်ရေးပျက်တာနဲ့ အဲ့ဒါရဲ့နောက်ဆက်တွဲ လူကနေမကောင်းဖြစ်တာနဲ့ လေလွင့်နေတာ တော်တော်ကြာနေပြီ..

ဒီအတိုင်းဆက်နေရင် လူပါထိတော့မှာဆိုတော့ အိပ်ယာနဲ့ကျောကပ်နေတဲ့လူကို မနက်ကနေစပြီးတော့ ဆွဲထုတ်ပါတော့မယ်

Weekend တွေမှာ ဘုရားသွားမယ် shopping ထွက်မယ် သူငယ်ချင်းနဲ့ Date မယ် ( ရည်းစားထပ်ရရင်တော့ ကိုကြီးနဲ့ပေါ့ဗျာ )

ခရီးသွားမယ် စာတွေရေးမယ် စာရေးနိုင်ဖို့ စာအုပ်တွေဝယ်ဖတ်မယ်

အသက်၄၂နှစ်မှ ရည်းစားနဲ့လမ်းခွဲလို့ လေလွင့်နေတဲ့ နွားမကြီးဖြစ်နေရတာလည်း လူကြားမကောင်းပါဘူးဗျာ တကယ့်နွားမဆိုရင်တောင် နွားနို့ရောင်းစားလို့ရသေးခင်ဗျ

စာပျိုးတာ နည်းနည်းများသွားပြီ 2021 ခုနှစ်ထဲက ခင်ဗျားအကြောင်း ရေးခဲ့တဲ့ post တွေ ပြန်ဖတ်ရင်းနဲ့ အရင်ကရေးခဲ့တဲ့ ကလေးအကြောင်း post ကို ပြန်ဖတ်မိပြီးတော့ ကလေးလိုချင်မိပါရော 

ဒီတစ်ခါရည်းစားရရင်တော့ ကျွန်တော်ကလေးယူလို့ရမလား အရင်မေးရမှာပဲ ကလေးမယူပါနဲ့ဆိုရင်တော့ just friend ပေါ့ ကျွန်တော်ကိုယ်တိုင်ကလည်း ရှုပ်တာကိုမကြိုက်တော့ ယောင်္ကျားတစ်ယောက်ကို တကယ်မချစ်နိုင်ဘဲ သွားမရှုပ်တာက ကျွန်တော့်စေတနာပါ..

2018 က post ကို 2023 feeling နဲ့ ပြန်ရေးတာပါ။

ကလေးတစ်ယောက်မွေးရင် ဗိုက်ကြီးတဲ့အချိန်ကစပြီးတော့ ၃နှစ်သားလောက်အထိ ဒုက္ခသုက္ခ

ကောင်းကောင်းကြီး ခံရမှာသိပေမယ့်လည်း ကလေးလိုချင်တုန်းပါပဲ

ပထမဆုံး ကလေးမွေးဖို့ Plan ချကြည့်တယ် အခုလစာမှာ အိမ်ကိုပေးတာဖယ်ပြီး အကြွေးဆပ်တာပါဖယ်လိုက်ပြီး ကျွန်တော်တစ်လစာအသုံးစရိတ်ကို အတက်နိုင်ဆုံး ချွေချွေတာတာသုံးမယ်ဆိုရင်တော့ ၂သိန်းကျော် ၃သိန်းလောက်ကျန်မယ်

အကြွေးမကျေခင်စပ်ကြား ၂သိန်းပဲအရင်စုထား အကြွေးကျေရင် ၃သိန်းကျော်လောက်စုနိုင်ရင်တော့ အသက်၄၃နှစ်ဆိုရင် ကလေးမွေးဖို့ ဆေးရုံစရိတ်ရပြီဗျာ

ကလေးမွေးမယ်ဆိုပေမယ့် သူများတွေလို ကိုယ်ကချမ်းသာတာမဟုတ်ဘူး စုထားဆောင်းထားတာလဲမရှိတော့ ကလေး (၃)လလောက်ဆိုရင် အလုပ်ကမဖြစ်မနေကို ပြန်လုပ်ရမှာလေ အဲ့ဒီတော့ ကလေးထိန်းလိုပြီ သူ့အတွက်လုပ်အားခထပ်ဖယ်ရတော့မယ် ( ကလေးမွေးမယ် စိတ်ကူးထားလို့ လကုန်ကစပြီး မဖြစ်မနေ ကလေးစရိတ်စုရပါတော့မယ် )

အခုခေတ်မှာ ကလေးထိန်းတစ်ယောက် နေ့ချင်းပြန်ငှားရင် တနေ့ တစ်သောင်းကျော်လောက်ပေးမှ ထိန်းပေးချင်ကျတာ အလုပ်ပိတ်ရက်မပါဘူးထား တစ်လ ၂၂ရက် ဆိုရင်တောင် ၂သိန်းခွဲနဲ့ ၃သိန်းကြား ဘုရားဘုရား ရှာပေအုန်းတော့

ကလေးနို့မှုန့်ဘိုး (အိမ်မှာရှိတဲ့အချိန်တော့ အမေနို့ပဲတိုက်မှာပါ အလုပ်သွားရင်တော့ နို့ဘူးတိုက်ရမှာပေါ့ဗျာ ) ကလေးဘာရီရစရိတ်ကတင် ၂သိန်းကျော် ကလေးနဲ့ကလေးထိန်းတင် ၅သိန်းဖြစ်နေပြီ သွေးတောင်တက်ချင်လာပြီ 

အဲ့ဒါတောင် ဖွဖွကလေးနေမကောင်းဖြစ်လို့ ဆေးခန်းပြရမယ့် ကုန်ကျစရိတ်မပါသေးဘူးခင်ဗျ အဲ့ဒါအတွက် လက်ထဲမှာ ခြေစောင့်လက်စောင့် ၅သိန်းလောက်ထားထားမှ

ကလေးကလဲလိုချင်လိုက်တာ တပိုင်းသေနေရော ကလေးကဘယ်စီနေမှန်းမသိဘူး ကုန်ကျစရိတ်ခန့်မှန်းတွက်ကြည့်တာနဲ့တင် စိတ်မောလူမောရပါပြီ

ကလေးတစ်ယောက်မွေးရတာ တကယ်ကို မလွယ်မှန်းသိပါတယ် အဲ့ဒီကလေး လူဖြစ်ဖို့က ပိုပြီးခက်ခဲပါတယ် ကျွန်တော့်လိုလူမျိုးအတွက် ကလေးတစ်ယောက်မွေးဖို့ကိစ္စက သူတစ်ပါးထက်ပိုပြီးမလွယ်ကူတဲ့ကိစ္စပါ

ဒါပေမယ့် ကလေးတစ်ယောက်လိုချင်ပါတယ် အားငယ်နေတဲ့အချိန် ကူရာကယ်ရာမဲ့နေတဲ့အချိန်မှာ မေမေမငိုနဲ့ တိတ်တိတ်ဆိုတဲ့ အသံချိုချိုလေးတွေနဲ့ ကျွန်တော်ကိုထူမပေးနိုင်တဲ့ လက်ပိစိလေးတစ်စုံကိုတော့ ဒီဘဝမှာ ကျွန်တော်ပိုင်ဆိုင်ချင်ပါသေးတယ်ဗျာ။