တမြေ့မြေ့ပူလောင်နေတဲ့ ဒီလိုရာသီဥတုနဲ့ကြုံဆုံနေရတဲ့အချိန်မှာ တငွေ့ငွေ့လွမ်းနေရတာလည်း ဝဋ်ဒုက္ခတစ်မျိုးပါပဲ
အဲ့ဒီသောကကြီးကို လွှတ်ချလိုက်ပါပြီလို့ ဘယ်လိုပဲ တဖွဖွပြောနေပါစေ ဒီသံသရာမှာတဝဲဝဲလည်ဖြစ်နေတုန်းပါပဲ
တနေ့တော့ ကျွန်တော်ကိုညှင်းဆဲနိုင်လွန်းတဲ့
အဲ့ဒီသောကဆိုတဲ့ လူဆိုးကြီးတစ်ကောင် ကျွန်တော့်စီကနေ အပြီးအပိုင်နှုတ်ဆက်သွားမယ်လို့ မျှော်လင့်မိပါတယ်
လူတစ်ယောက်ကို ချစ်မိတဲ့ဒုက္ခထက် အဲ့ဒီလူကို
မေ့ပြစ်ဖို့ကြိုးစားရတဲ့သောကက ပိုပြီးဆိုးတယ်ဆိုတာကို ကျွန်တော်များမသိခဲ့လေလား သိသိရက်နဲ့ပဲ ချစ်ခင်မြတ်နိုးခဲ့မိလေလား မသိကျိုးကျွန်ပြုခဲ့မိလေသလား ဝိုးတိုးဝါးတားအသိတွေက မပြတ်သားဘူးဗျာ
ထားခဲ့တာလို့လည်းမမည် နေခဲ့ပါလိုလည်းမသက်ရောက်တဲ့ စည်းတစ်ကြောင်းပေါ်မှာ
ခြေစုံရပ်ခဲ့မိတာလည်း ကျွန်တော့်ကံကြမ္မာပါပဲ
အတိတ်ဆိုတဲ့ ဟိုအဝေးကိုငေးကြည့်ရင်းနဲ့ပဲ
ကျွန်တော့်အလွမ်းတွေကို ညိမ်သက်စွာခွင့်ပြုပေးထားပါတယ်
တချိန်မှာတော့ အနည်ထိုင်သွားမယ်လို့ မျှော်လင့်ထားပါတယ် ဗျာ။
5th April 2021_11th April 2023
18th May 2021
Tuesday
ခင်ဗျား Live လွင့်တဲ့ short video က သီချင်းသံကိုနားထောင်ရင်း မဖြစ်နိုင်မှန်းသိရက်နဲ့ ကျွန်တော်တဖက်သက် ချစ်ခဲ့မိသူပါ။ ရက်တွေလတွေနှစ်တွေပြောင်းခဲ့တာတောင် ကျွန်တော်ဖက်တွယ်မိနေတုန်းပဲလေ
ခင်ဗျားကထင်မှာပါ စကားလေးတခွန်းကို အထအနကောက်သွားပြီး အဆက်အသွယ်မလုပ်တဲ့အတွက် ငါ့အမှားမရှိပါဘူးလို့ တကယ်တန်းလည်း ခင်ဗျားမမှားခဲ့ပါဘူးဗျာ
ကျွန်တော်ပင်ပန်းနေတဲ့အချိန်မှာ
တိုက်ဆိုင်သွားတဲ့အတွက် ကျွန်တော်လည်း
လွတ်ချခဲ့မိတာပါ နောက်တစ်ကြိမ်ထပ်ပြီးဖက်တွယ်ဖို့ အင်အားမရှိတော့လို့လည်း နာကျင်ရက်နဲ့ပဲ
အကုန်လုံးကိုခွင့်ပြုလိုက်တာပါ
နာကျင်သမျှအရာအားလုံးကို တနေ့တော့
အဆင်ပြေသွားမှာပါလို့ ဖြေသိမ့်ရတာလည်းတကယ်တမ်းလက်တွေ့မှာ
မလွယ်ပါဘူးဗျာ
နောက်နှစ်ဒီအချိန်မှာလည်း 18th May 2021 ကို ကျွန်တော်အမှတ်ရနေမိအုန်းမှာပါ အစွဲအလန်းကြီးတက်တဲ့ ကျွန်တော့်ဗီဇက ကျွန်တော့်ကိုအနည်ထိုင်သွားမယ့်အချိန်ထိတိုင် နာကျင်စေအုန်းမှာပါ။
18th May 2023
No comments:
Post a Comment