January vibes.

 

၂၈ရက်နေ့သန်းခေါင်ယံအထိ တောက်လောင်နေတဲ့ သောကဗျာပါဒတွေဟာ ဒီနေ့မှာအတော်လေး အေးချမ်းနေပါတယ်

ကျွန်တော်ရင့်ကျက်သွားတာလားဆိုရင် အဖြေက No ပါဗျာ ကျန်းကျန်းမာမာနဲ့ နောက်ထပ်ဆယ်နှစ်နေရဖို့ မသေချာတော့တဲ့ အချိန်ကာလကိုတွေးမိလိုက်တာဖြစ်လို့ ပူပင်သောကတွေကို လွှတ်ချလိုက်လို့ပါ

အတွေးထဲမှာ အစ်မပြန်ရောက်ရင် ခရီးသွားမယ် ပိုက်ဆံရှာဖို့အလုပ်လုပ်မယ် အဖေနဲ့အမေအတွက် ပိုက်ဆံစုထားမယ် တစ်ခါတလေ Bar သွားမယ် အတက်နိုင်ဆုံး စိတ်သောကဖြစ်စရာတွေကို ရှောင်ကျင်မယ် 

တပ်မက်မှုတွေမရှိတော့ဘူးလားမေးလာခဲ့ရင် ပုထုစဥ်ပဲရှိတာပေါ့ဗျာ လတိုင်းအောင်ဘာလေထီသုံးစောင်ထိုးတယ် သိန်းငါးထောင်ပေါက်ဖို့မျှော်မှန်းတယ် သိန်းငါးထောင်ပေါက်ရင် သိန်းတစ်ထောင်ယူပြီး တိုက်ကြီးဘက်မှာခြံကွက်လေးဝယ် အိမ်လုံးတစ်လုံးဆောက်ပြီး ပန်းစိုက်စားမယ် ပိုတဲ့ငွေလေးကို အဖေနဲ့အမေ့အတွက်ဘဏ်မှာထည့်ထားမယ် ဒါလည်းတပ်မက်မှုပါပဲ

ပူလောင်သောကတွေကို ကာလအတော်ကြာ တိတိပပခံစားခဲ့ရတဲ့သူဖြစ်လို့ အရင်လိုအများကြီး မက်မောတွယ်တာမှုတွေ လိုအင်ဆန္ဒတွေ လျော့ပါးသွားရတာတစ်ခုပါပဲ

အခုအချိန်မှာ တစ်ယောက်ယောက်က နှိမ်ချချိုးဖဲ့ပြီး ပြောဆိုဆက်ဆံလာမယ်ဆိုရင်တောင် ငါနိမ့်ပါးနေလို့အပြောခံရတာပါဆိုတဲ့ အတွေးမျိုးမတွေးမိတော့ပါဘူး ရင့်ကျက်သွားတာမဟုတ်ပါဘူး အချိန်တွေကုန်လွန်သွားတာကို နားလည်ခဲ့တာပါဗျာ။

နှုတ်ဆက်စာ။

၂၀၂၄ခုနှစ်၊ဒီဇင်ဘာလအကုန်မှာ မနှုတ်ဆက်ခဲ့မိတဲ့သူတစ်ယောက်ကို ဒီနေရာကနေပဲနှုတ်ဆက်ခဲ့ပါရစေ ၂၀၂၃ခုနှစ်၊ဒီဇင်ဘာလထဲက ကျွန်တော်အတွက့်ခင်ဗျားနဲ့နောက်တဖန်ဆုံစည်းရမယ့် ရေစက်ကုန်သွားခဲ့ရတာနေမှာပါ 

အဲ့ဒါကိုမသိနားမလည်စွာနဲ့ ၂၀၂၄ခုနှစ်အထိဆက်သွယ်ခဲ့မိတဲ့အတွက် စိတ်ရင်းနဲ့တောင်းပန်ပါတယ် ကျွန်တော်ကိုယ်တိုင်လည်းအရင်အချိန်တွေလို စိတ်ပင်ပန်းတာတွေမရှိတော့ရင် ခင်ဗျားစီပြန်လာနိုင်မယ်ဆိုတဲ့အတွေးနဲ့ ဒီဇင်ဘာလ၂၃ရက်နေ့က နောက်ဆုံးအနေနဲ့တကယ်ကိုမနှုတ်ဆက်ခဲ့မိတာပါ

၅လပိုင်းကနေဒီနေ့အထိ ခင်ဗျားပတ်သက်တဲ့သတင်းတွေ ဘာတစ်ခုမျှသိမြင်ကြားနိုင်ခွင့်မရှိခဲ့တော့ သွေးအေးသွားခဲ့တာလည်းနေမှာပေါ့ဗျာ အဲ့ဒါကလည်းကျွန်တော်ပြုလုပ်ခဲ့တာမဟုတ်ပါဘူး 

ကျွန်တော်ရွေးချယ်လိုက်တဲ့ကိစ္စရပ်အတွက် ခင်ဗျားကိုတဖက်သက်အပြစ်တင်နေတာမဟုတ်ပါဘူး 

အချိန်ကာလအကြာကြီးနီးစပ်ခွင့်မရတဲ့အချိန်မှာ ခင်ဗျားရဲ့သတင်းတစ်ခုနဲ့သာလေးနှစ်ဆိုတဲ့အချိန်ကာလကို ကျွန်တော်တစ်ယောက်တည်းရှေ့ဆက်နိုင်ခဲ့တာပါ တကယ်လို့သာအရင်လိုခင်ဗျားသတင်းတွေ သိမြင်ကြားနိုင်ခွင့်ရအုန်းမယ်ဆိုရင် ကျွန်တော်ဒီရွေးချယ်မှုကိုလုပ်နိုင်လိမ့်မယ်လို့ မထင်ပါဘူး 

ကျွန်တော်ပင်ပန်းနေတာဖြစ်လို့ အိမ်မက်တွေ မျှော်လင့်ချက်တွေ လိုချင်တောင့်တမှုတွေ မက်မောတွယ်တာမှုတွေ တပ်မက်ဖက်တွယ်မှုတွေ မျှော်လင့်ချက်တွေ အနာဂတ်တွေအားလုံး အကုန်လုံးကိုထားခဲ့လိုက်တာပါ မနက်ဖြန်ကျွန်တော်သေရမယ်ဆိုရင်တောင် စိတ်ကလေးအေးချမ်းစွာနဲ့ထွက်သက်ကို ချုပ်ငြိမ်းသွားချင်တာပါ 

ခင်ဗျားကိုကန်တော့ခွင့်မရခဲ့တာကလွဲရင် အခုအချိန်မှာ ကျွန်တော်နောင်တဆိုတာ မရှိတော့ပါဘူး။

ဇန်နဝါရီလ၊၈ရက်နေ့ထဲက ဒီစာကိုရေးထားပြီးမတင်ဖြစ်ခဲ့တာပါ ခင်ဗျားစီပြန်မလာတော့တဲ့ကျွန်တော့်ကို စောင့်နေမိမှာစိုးလို့တင်လိုက်တာပါ။

ဘဝအစစ်အမှန်

အဖန်ငါးရာ ငါးကမ္ဘာမရှိရင် အခုကိုသတ်သေလိုက်ပါပြီ။

လက်တွေကွေးကောက်နေတဲ့အထိ ဘုရားကိုတပြီးအပြစ်တင်နေရင်း ငိုမိတာတောင် ငါ့မှာ ရင်ဖွင့်စရာလူသားတစ်ယောက်မရှိပါဘူး အဲ့ဒါငါ့နေထိုင်ရတဲ့ ဘဝအစစ်အမှန်ပါ။

ကိုစိုင်းရယ် အစ်မအခြေအနေက မထူးခြားဘူးလားရှင်

ဒီညမှာပဲလအစ်မပြန်မလာနိုင်တာ ညီမလုပ်တာ အသုံးမကျလို့ဘကြန့်ကြာနေရတာဆိုပြီး အိမ်ကလူတွေကအပြစ်တင်ကြလို့ စကားများရပါတယ်

ညီမကြောင့် အိမ်အပေါက်ထားရလို့ အကြွေးတင်နေရလို့ အတိုးတွေနေရလို့ ညီမကိုဝိုင်းပြီးအပြစ်တင်ခံနေရပါတယ် ညီမလည်း စိတ်ဆင်းရဲလွန်းလို့ ကိုယ့်ဘာသာတောင် အခုတကယ်ပို သတ်သေချင်နေမိပါပြီရှင်

အစ်မအမြန်ပြန်လာဖို့ ကူညီပေးပါအုန်းရှင် အစ်မပြန်ရောက်ရင် အိမ်မှာတင်နေတဲ့အကြွေးတွေဆပ်ပေးဖို့အတွက် ညီမမလေးရှားကို ရတဲ့နည်းနဲ့သွားပြီးတော့ အလုပ်လုပ်ရတော့မှာပါရှင်

လကုန်ရင် အဖေနဲ့အမေဆေးဘိုး အိမ်စားစရိတ် လမကုန်ခင် ၃၀ရက်နေ့ပေးရမယ့် အတိုး၆သိန်း အိုမန်ကနေပြန်မလာနိုင်သေးတဲ့အစ်မ ငါ့မှာဖိစီးလိုက်တဲ့သောကတွေ 

သောကတွေများလွန်းလို့ အကူအညီရမလား ပြောကြည့်တော့ နင်ဆောက်လုပ်လုပ်လေတဲ့ တစ်သက်လုံးဒုက္ခပေးနေတဲ့ ထမိန်ဝတ်ထားတဲ့ကောင်က

အဖေအို အမေအို သူနဲ့၁၄နှစ်အရွယ်သားတစ်ယောက်ရဲ့ စားရိတ်အတွက် တစ်လပိုက်ဆံတစ်သိန်းပေးပြီး အိမ်တာဝန်ကြေပြနေတဲ့ အသက်၄၀အရွယ်တစ်သက်လုံးစိတ်ဒုက္ခပေးလာတဲ့ သွေးသားအရမောင်နှမတော်တဲ့လူလို့မခေါ်ထိုက်တဲ့သူက အိမ်တာဝန်အတွက်ကျွန်တော့်ကို ကန်တော့ပါရဲ့ ဆောက်လုပ်လုပ်ပါတဲ့ ဆောက်​ကြွေးတွေတင်တာက အစ်မပြန်မရောက်လာနိုင်တာက အစ်မနိုင်ငံခြားထွက်သွားရတာ နင့်ကြောင့်တဲ့ 

အသက်၁၇နစ်မပြည့်ခင် ဆယ်တန်းအောင်ဆယ်ရင်းမထွက်ခင်တည်းက အလုပ်လုပ်ခဲ့ရတာပါ ဆယ်တန်းမှာတောင် ကျန်တဲ့မောင်နှတွေလို့အေးဆေးကျောင်းမတက်ခဲ့ရဘဲ စျေးရောင်းခဲ့ရတာပါ ဘဝမှာ အဖေပြည့်စုံနေတဲအချိန်တောင် အလုပ်မလုပ်ဘဲမနေခဲ့ပါဘူး ၂၀၀၄ခုနှစ်နဲ့ ၂၀၁၇ခုနှစ်မှာ ၆လနဲ့ ၄လသာအလုပ်နားခဲ့ဘူးတာ 

အခုမှသာတစ်နှစ်နီးပါး အလုပ်နားဖြစ်တာသာ ဒီဇင်ဘာမှာ အလုပ်ရခဲ့ပေမယ့် အစ်မကိစ္စအရေးပေါ်ပေါ်လာလို့ အလုပ်တစ်ဖက်နဲ့သူ့ကိစ္စလိုက်လုပ်ပေးရဖို့မလွယ်လို့ အလုပ်မဝင်ဖြစ်တာပါ 

ဘဝမှာ ကိုယ်ရတဲ့ဝင်ငွေနဲ့သူများနည်းတူ ပျော်ပါးလို့ရပေမယ့် အိမ်ကိုဦးစားပေးခဲ့တာကြီးပဲ ငါသုံးလို့ပိုတာမှအိမ်ကိုပေးမယ်ဆိုတဲ့စိတ်မရှိခဲ့ဘူး ဒီနေ့ဒီအချိန်အထိ အလှပြင်ပစ္စည်းကို သိန်းကျော်တန်ဝယ်မသုံးခဲ့ဘူး လက်ကိုင်အိတ်ကို သိန်းကျော်တန်ဝယ်မသုံးခဲ့ဘူး အလုပ်ရှင်အစ်မ၊ညီမလေးနဲ့ သူငယ်ချင်းတွေလက်ဆောင်ပေးလို့ရခဲ့တဲ့ အလှပြင်ပစ္စည်း ရေမွှေး လက်ကိုင်အိတ်တွေသာ သိန်းကျော်တန်သုံးခဲ့ဖူးတာပါ သိန်းကျော်တန်နာရီကိုတောင် ကြိုက်လွန်းလို့ငါးနှစ်ပြည့်မှ တစ်လုံးဝယ်ခဲ့တာ

ရွှေကိုကြိုက်လွန်းလို့ မရှိဝမ်းဆာရှိတန်ဆာသတ်မှတ်ပြီး ရွှေရအောင်စုတယ် အိမ်ကပိုက်ဆံအသုံးလိုရင် ရောင်းပေးတယ် ဦးလေးအငယ်စီကနေချေးငှားပြီး ထပ်လုပ်တယ် အိမ်ကလိုရင်ထပ်ရောင်းပေးတယ် ဦးအငယ်စီမှာတောင် ဆပ်ဖို့ပိုက်ဆံကျန်သေးတယ်အလုပ်မရသေးတော့ သူ့ခမျာဘာမှမပြောရှာပါဘူး

သားသမီးတာဝန်ကြေတယ်ဆိုပြီး ဂုဏ်မောက်ပြနေတာမဟုတ်ဘူး ၂၀၀၇ စင်ကာပူကပြန်လာတော့ လေယာဥ်လက်မှတ်ခပေးခဲ့ဘူးရတာရယ် ၂၀၁၂ မှာ ရည်းစားနဲ့ပြဿနာတက်လို့ မိဘကစိတိဆင်းရဲ တာရယ် အဲ့ဒီနှစ်ခုပဲ တစ်သက်လုံးဒုက္ခပေးခဲ့ဘူးပါတယ် 

ဒေါသထွက်ပြီး လက်တွေကောက်ကွေးခဲ့တဲ့အထိ စိတ်ပင်ပန်းခဲ့ရလို့ ဒီစာကိုရေးတာပါ ခုဏကကိုယ့်ဘာသာ သတ်သေဖို့စဥ်းစားပေမယ့် နောင်ဘဝငါးရာမှာ ဒီအချိန်ရောက်တိုင်း ဒီလိုစိတ်ပင်ပန်းဆင်းရဲရပြီး ဒီလိုသေရမှာကြောက်လို့ရယ်

ဦးအငယ်ရယ် မအေးတို့ရယ် မောင်နှစ်ယောက်ရယ်ကို ပိုက်ဆံပေးရမှာရှိလို့ နောင်ဘဝတွေမှာ သူတို့စီမှာပိုက်ဆံမကြေမချင်းဆပ်နေရမှာကြောက်လို့ သတ်မသေတာပါ

အစ်မပြန်ရောက်တာနဲ့ မလေးရှားကိုရောက်အောင်သွားပြီး ကျွန်လိုအလုပ်လုပ်ပြီး သူတစ်ပါးကိုပေးရမယ့်အကြွေးတွေကိုရော ဒီဘဝဆပ်ရမယ့် အရင့်အရင်ဘဝကအကြွေးတွေကိုရော ကြေအောင်ဆပ်မှာပါ နောင်ဘဝလူဖြစ်ဖြစ်မဖြစ်ဖြစ် မုံညှင်းစေ့တစ်စေ့တောင် ထပ်မသည်သွားတော့ပါဘူးဗျာ။

သတင်းကောင်း။

 

" မကောင်းတဲ့ကိစ္စတွေဆက်တိုက်ဖြစ်လာရင်

မကြာခင်ကောင်းတဲ့ကိစ္စရောက်လာမယ်လို့

ကျွန်တော်ယုံကြည်နေပါတယ်။ "

ဒီနေ့ သာမန်လူဆိုတဲ့စကားကို လေးလေးနက်နက်ကြားလိုက်မိပါတယ် ဘဝကထပ်တလဲလဲအဆိုးတွေကြီးပဲပေးလာရင် သာမန်လူဖြစ်လို့လက်ခံလိုက်ပါတယ်..

ကျွန်တော့်နေရာမှာ တခြားလူတစ်ယောက်ဖြစ်ခဲ့ရင် အဲ့ဒီစကားကိုဘယ်လိုအနက်ကောက်ယူမယ်လို့ မသိနိုင်ပေမယ့် ကျွန်တော်ကတော့ ငါကသာမန်လူဖြစ်နေတာလို့ ဒီလိုကိစ္စရပ်တွေတွေ့ကြုံနေရတာပါကို အလေးအနက်သဘောထားခဲ့မိတာပါ

အဲ့ဒီ့ကလေးမပြောခဲ့သလိုပါပဲ မှောက်ယက်သားလဲကျခဲ့ရင် နှာခေါင်းကျိုးပြီး သွေးလျှံမှာဖြစ်ပါတယ် နောက်ပြန်လဲကျခဲ့ရင် ခေါင်းပေါက်မှာဖြစ်ပါတယ် နှာခေါင်းပဲသွေးလျှံခဲ့ပါစေ နောက်စေ့ကွဲလို့ခေါင်းပေါက်ခဲ့ပါစေ ပြန်ထပြီးဆက်သွားရမှာက ကျွန်တော့်တာဝန်ပါပဲ

ကျွန်တော်ရထားတာက သာမန်လူ့ဘဝကိုဗျ

၂၃ရက် နိုဝင်ဘာလ ၂၀၂၄ခုနှစ်ကစပြီးတော့ တကယ်ကို့ တကယ့်ကို အများကြီးပင်ပန်းခဲ့ရတာပါ ဘယ်လောက်တောင်ပင်ပန်းနေရလည်းဆိုရင် နောက်ပိုင်းမှာ ရင်ဖွင့်စရာတစ်ခုတည်းသော့ blog မှာတောင် စာတွေလည်းမရေးနိုင်တော့ပါဘူး whatapps မှာ စာဝင်တာနဲ့ချက်ချင်းသိနိုင်ဖို့ တစ်လနီးပါးနေ့တဒူဝ ၂၄နာရီ online ဖြစ်နေခဲ့ရလို့ ဖုန်း screen ကိုလည်း မကြည့်ချင်လောက်အောင်ကို မုန်းတီးခဲ့ရတာပါ 

သူငယ်ချင်းတွေ အသိမိတ်ဆွေတွေမပြောပါနဲ့ မိဘကိုတောင်သမီးအရမ်းကို စိတ်ပင်ပန်းလူပင်ပန်းဖြစ်နေပါတယ်လို့လည်း မဖွင့်ပြောခဲ့နိုင်ပါဘူး သူတို့လည်းကျွန်တော့်လောက်မဟုတ်တောင် ကျွန်တော့်နီးပါးလောက်စိတ်ပင်ပန်းလူပင်ပန်းဖြစ်ခဲ့ရတာပါ မိဘဆိုတဲ့စိတ်ကလေးတစ်ခုနဲ့သာ အားတင်းနေခဲ့ကြတာနေမှာပါဗျာ

လူတစ်ယောက်ရဲ့ခံနိုင်ရည်ဆိုတာ သိပ်ကိုထူးဆန်းပါတယ် ငါထီဆုကြီးပေါက်ရင် အဖေနဲ့မမကိုအကုန်အပ်ပြီး တစ်ယောက်တည်းအေးချမ်းစွာတရားအားထုတ်မယ်ဆိုတဲ့စိတ်က အဲ့ဒီအချိန်ကစပြီးသန္ဓေတည်သွားရတာပါ တကယ့်တကယ်ကိုလူရောစိတ်ရောပင်ပန်းလာရတော့ ကျွန်တော့်ကိုစိတ်ဆင်းရဲစေတဲ့ ဘယ်ကိစ္စမဆိုကိုရှောင်ပြေးဖို့လမ်းကိုပဲ ကျွန်တော်ရွေးချယ်မိပါတော့တယ်..

4th Jan 2025.

တနေ့ကစာရေးချင်စိတ်ပေါ်လာတာနဲ့ ဟုတ်တိပတ်တိစာချရေးနေမိတာ တစ်ပုဒ်လုံးရေးမယ်လို့တွေးထားပေမယ့် ဆက်မရေးနိုင်တော့လို့တစ်ပိုင်းတစနဲ့တင်ရပ်လိုက်ရပါတယ် အခုရက်ပိုင်းလည်း ၁၈၊၂၁ရက်တွေလိုပဲ ရိုလာကိုစတာစီးနေရသလိုပါပဲ အသည်းတလှပ်လှပ်နဲ့အမြင့်ပေါ်ကနေဝေါကနဲဆင်းလာလို့ ဒီတစ်ခါတော့ရိုလာကိုစတာကြီးရပ်လောက်ပါပြီ တွေးထားမိလည်း ဒင်းကမရပ်နိုင်သေးပဲ နောက်တကျော့ထပ်မောင်းနေတော့ အသည်းတအေးအေးနဲ့အမြင့်ကိုထပ်ပြီးရင်ဆိုင်ရတာပဲဗျာ 

သတ္တိရှိလို့အမြင့်ပေါ်ကနေဝေါကနဲ့ဆင်းချလာတာကို လိုက်စီးနေတာမဟုတ်ပါဘူး ခုန်ဆင်းလို့မရလို့မျက်စိစုံမှိတ်ပြီးစီးနေရသူပါ

စိတ်ပင်ပန်းတာတွေကို မလိုချင်တော့ပါဘူးဗျာ ဒါပေမယ့်လည်းမမအိမ်ကိုပြန်မရောက်မချင်း ဒီကိစ္စကိုကျွန်တော်ပဲလုပ်ပေးရမှာပဲ အဖေတို့အမေတို့ကအဘိုးအိုအဘွားအိုအရွယ်ဖြစ်နေပြီဆိုတော့ ရုံးပြင်ကနားသွားဖို့ဆိုတာအရင်င်လိုမလွယ်ကူတော့ဘူးပေါ့ဗျာ

မြန်မာအေးဂျင့် ကချင်အစ်ကိုကြီးကလည်း အကူအညီပေးနေတာမှန်ပေမယ့် တိတိပပရေရေရာရာမရှိတော့ စောင့်နေရသူအတွက်ပိုပြီးတော့ရင်မောရပါတယ် ဒူဘိုင်းကောင်စစ်ဝန်ဘက်ကလည်း မြန်မာသံရုံးမရှိတဲ့အိုမန်နိုင်ငံဖြစ်နေတော့ သံရေးတမန်ရေးမထိခိုက်အောင်လို့ သတ်မှတ်ထားတဲ့ဘောင်ထဲကနေအကူအညီပေးနေရတယ်ဆိုတာကိုလည်း နားလည်ထားပေမယ့် ဝန်ခံရရင်တော့ရက်တွေကြာလာတော့ ကျွန်တော်စိတ်ပင်ပန်းနေရပါတယ်

10th Jan 2025.

ဒီညကောင်စစ်ဝန်စီကနေ သတင်းကောင်းကြားရတယ် မမကိစ္စအတွက်လူကြီးတစ်ယောက်အနေနဲ့ အခုအချိန်အထိအကူအညီပေးနေတာဖြစ်လို့ တကယ်ကိုအားနာမိပါတယ် ကျွန်တော်ကစိုးရိမ်ကြီးတက်တဲ့သူဆိုတော့ စိတ်လောပြီးစကားအမှားလည်းဆိုခဲ့မိတာတွေရှိခဲ့မှာပါ

မမကိစ္စရပ်အားလုံးအတွက် တကယ့်ကို တကယ့်ကို ကောင်စစ်ဝန်ကိုကျေးဇူးတင်ရပါတယ် ကျွန်တော်နိမ့်ပါးနေချိန်ဖြစ်လို့ အဆင်ပြေတဲ့တနေ့ကျရင် ပြန်လည်ကျေးဇူးပြုရမယ့်လူစာရင်းမှာ ကောင်စစ်ဝန်လည်းပါပါတယ် 

ဘာပဲဖြစ်ဖြစ် တစ်ဖက်သားရဲ့ကျေးဇူးတရားကို သိနားလည်ရမှာဖြစ်လို့ ကချင်အစ်ကိုကြီးကိုလည်း ကျေးဇူးမမေ့ပါဘူး အိမ်ရောင်းပြီးရင်သူပြန်လျှော်ပေးရတဲ့လေယာဥ်လက်မှတ် ကုန်ကျစရိတ်ကိုလည်း ပြန်လွှဲပေးဖို့အတွက်စီစဥ်ထားပါတယ်

ဒီနေ့ကြားရတဲ့သတင်းကောင်းကြောင့် မကြာမီ ကောင်းတာတွေကြီးပဲ ရောက်ရှိလာမယ်လို့ မျှော်လင့်မိပါတယ်။

12th Jan 2025.

ငြိမ်းအေးခြင်းဆီသို့ - #သစ္စာရွှေစည်ဆရာတော်အရှင်ဥတ္တမ #dhamma #dharmatal...

ပါချုပ်ဆရာတော်ဟောကြားအပ်သော စိတ်သစ်လူသစ် တရားတော်မြတ်။