ပေါ်ပြူလာဂျာနယ်မှ ဆောင်းပါး တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ AsiaFame Media Group မိသားစုဝင်တွေကို ကျေးဇူးအထူးတင်ပါတယ်။
Culture Shock မြန်မာ့ ယဉ်ကျေးမှု အရေးပေါ် အခြေအနေ
အခုတလော
လူ့လောကမှာ မရှိရှာတော့တဲ့ ပုဂ္ဂိုလ်တွေကို သတိရ အောက်မေ့နေ မိပါတယ်။
ဘွားဘွား တို့ကို လွမ်းတယ်၊ အမေ လူထုဒေါ်အမာ ကို လွမ်းတယ်၊ မေမေ့ကို
လွမ်းတယ်…။ သူတို့များ သက်ရှိ ထင်ရှား ရှိနေကြရင် ဘယ်လိုပြောကြ၊
ရေးကြမလဲလို့ စဉ်းစားမိရင် သွေးလန့် တုန်လှုပ်စရာ အပြောင်းအလဲတွေ တစ်ခုပြီး
တစ်ခု ကြုံတွေ့လာ ရတော့ မဖြစ်မနေ စာရေး jဖစ်တော့တာပါပဲ။
‘သွေးလန့်သည်’ ဟု သုံးနှုန်းလိုက် မိတဲ့ အခါ ဆေးပညာ စကားအရ’ရှော့ခ်’ (Shock) ဟု ခေါ်ဝေါ် နားလည်ကြသော သွေးလန့်ခြင်းနဲ့ နှိုင်းယှဉ် တင်စားချင် မိပါတယ်။ ဒီ နေရာမှာတော့ ဂျာနယ်တစ်စောင်မှာ EDUCATION SHOCK လို့ ရေးသားသွားတဲ့ ဆရာတစ်ဦးရဲ့ အသုံးအနှုန်းကို တူညီစွာ နောက်မှ သုံးစွဲမိခြင်းအတွက် ခွင့်ပြုစေ လိုပါတယ်။ ကျွန်မရေးသားရတဲ့ အကြောင်းအရာပိုင်းမှာ ဒီစကားလုံးက လွဲလို့ ဆီလျော် သင့်တော်တဲ့ စကား မရှိတော့ကြောင်း ကျွန်မရဲ့ဆောင်းပါး အဆုံးမှာ သိရှိကြ မှာလည်း ဖြစ်ပါတယ်။
ဆေးပညာရပ်မှာ SHOCK အမျိုး အစားတွေ တစ်ခုမကရှိသလို SHOCK ကို ဖြစ်ပွားစေတဲ့ အကြောင်းရင်းတွေ ကလည်း အများကြီးပါ ။ သေချာတာ တစ်ခု ကတော့ SHOCK ဆိုတာ အင်မတန် ရှုပ်ထွေးလှတဲ့ နောက်ဆက်တွဲ ဆိုးကျိုးတွေနဲ့ အချိန်မီ မကုသနိုင်တဲ့ နောက်ဆုံးမှာ အသက်ဆုံးရှုံး နိုင်ပါတယ်။ အဲဒီတော့ လိုအပ်တာက မဖြစ်ခင် သတိရှိရှိ ကာကွယ်ဖို့၊ ဖြစ်ဖြစ်ချင်း သိပြီး အရေးပေါ် ဆောင်ရွက် ကယ်တင်နိုင်ဖို့တွေ ဖြစ်ပါတယ်။
SHOCK ဖြစ်ကြတဲ့ လူနာတွေ အမြောက်အမြား တွေ့ဖူးခဲ့သလို အသက်ချမ်းသာရာ ရသွားသူတွေရော၊ ဘယ်လိုမှ ကယ်တင်လို့ မရတဲ့သူတွေလည်း ပါပါတယ် ။ SHOCK ဟာ ဆေးရုံမှာ အရေးပေါ် အခြေအနေ တစ်ခုဖြစ်ပါတယ်။ ဆေးရုံရဲ့ ဝန်ထမ်း အားလုံး SHOCK လူနာနားမှာ ဝိုင်းအုံနေပြီး တစ်ယောက်နဲ့ တစ်ယောက် စည်းစည်း လုံးလုံး၊ ကိုယ့်တာဝန်နဲ့ ကိုယ် လျင်လျင်မြန်မြန် ဆောင် ရွက်ပြီး လူနာကို SHOCK မှပြန်လည် ကုစား နိုင်ဖို့ ကြိုးစားရတာ ဖြစ်ပါတယ်။
လူတစ်ယောက် SHOCK ရပြီးအသက် ကယ်လို့ မရတော့တဲ့အခါ ပြန်လည်ကောင်း မလာနိုင်တော့တဲ့ Irreversible Shock ရဲ့ နောက်ဆုံး သေခြင်းတရားနဲ့ ကြုံတွေ့ရပြီး ကျွန်မတို့ ဝမ်းနည်းနှမြောကြ ရတယ်၊ မိသားစု ဝင်တွေ ကြေကွဲ ပူဆွေးကြ ရပါတယ်။
အခု SHOCK ရနေတယ်လို့ ကျွန်မရည်ညွှန်း လိုတာက မြန်မာ့ ယဉ်ကျေးမှု၊ မြန်မာ အမျိုးသမီး ကလေးများရဲ့ ဣနြေ္ဒသိက္ခာပါ။ အားလုံးနည်းတူ ကျွန်မ သတိထား မိတာ က ကိုရီးယား ဇာတ်လမ်းတွဲတွေ မြန်မာဘာသာ ပြန်ပြီး ရုပ်မြင်သံကြားမှာ ထုတ်လွှင့်ပြသတဲ့ အချိန်က ဖြည်းဖြည်းချင်း အစပြုခဲ့လေသလား။ ဒါပေမဲ့ ကိုရီးယား ဇာတ်ကား တစ်မျိုး တည်းက အဓိက တရားခံ၊ လက်သည် လို့တော့ ပြောလို့ မရပါ။ တရိပ်ရိပ် ဖြစ်တည်လာခဲ့တဲ့ အပြောင်းအလဲတွေက အများကြီး…။
အပြောင်းအလဲ များကို လက်ခံဖို့ ကျွန်မတို့အားလုံး အသင့်ဖြစ်နေကြ ရပါမယ်။ အဟောင်းတွေကို ဆုပ်ကိုင်ထားလို့မရမှန်း ကျွန်မတို့ ကောင်းကောင်း နားလည် လက်ခံ နိုင်ပါတယ်။ အယူအဆ အသစ်တွေ၊ စမ်းသပ်မှုတွေ၊ သုတေသနတွေ..။ ဒီကနေ့ ကျွန်မ တို့တစ်တွေဟာ အရင့်အရင် စူးစမ်းလေ့လာ မှုတွေ၊ အပြောင်း အလဲတွေ ရဲ့ အသီးအပွင့် တွေကို ဆွတ်ယူ စားသုံးခွင့် ရနေကြတာပဲ မဟုတ်လား။
ဒါပေမဲ့ ပြောင်းလဲလို့ မရတဲ့အရာတွေ က ရှိနေပါတယ်။ ဘာသာတရား၊ ယဉ်ကျေးမှု၊ မြန်မာ မိန်းကလေး တို့ရဲ့ ဣနြေ္ဒသိက္ခာ…။ ယဉ်ကျေးမှု ဆိုတာ ဘာလဲ လို့ ဝေဖန်သုံးသပ် နိုင်တဲ့ အသိ ဥာဏ်ပညာ မရှိခင် အရွယ်က တည်းကပင် ကျွန်မတို့ဟာ မြန်မာ့ ယဉ်ကျေးမှု စည်းဝိုင်းထဲမှာ အတိအကျ နေသားကျ ပျော် မွေ့နေခဲ့ကြ ပြီး ဖြစ်ပါတယ်။ ဗုဒ္ဓဘာသာကို သက်ဝင် ယုံကြည်တဲ့ မြန်မာ မိန်းကလေး တစ်ယောက် အဖြစ် မွေးဖွားကြီးပြင်း ရတာကို အမြဲ ဂုဏ်ယူမိနေအောင် ဘာသာတရားရဲ့ အဆုံး အမ၊ ယဉ်ကျေးမှုရဲ့ ပညတ်ချက်၊ ဓလေ့ ထုံးတမ်းရဲ့ စည်းကမ်းတွေက တန်ဖိုးထားကျေ နပ်စရာ ဖြစ်ခဲ့ပါတယ်။
ဗုဒ္ဓဘာသာကို သက်ဝင် ယုံကြည်တဲ့ မြန်မာ လူမျိုးတို့ရဲ့ ယဉ်ကျေးမှု အဆောက်အဦးကြီးက ကြီးမား ခိုင်ခံ့လွန်းလို့ တော်ရုံနဲ့ ပျက်စီး ယိုယွင်းမှု မရှိလောက်ဘူး လို့ ယုံကြည်ခဲ့ မိပါတယ်။
ကျွန်မတို့ရဲ့ ယဉ်ကျေးမှု၊ ဓလေ့ထုံးစံက အနောက်တိုင်းသာ မဟုတ်၊ အရှေ့တိုင်း ထဲက တခြားနိုင်ငံ၊ လူမျိုး၊ ဘယ်သူနဲ့မှ မတူဘဲ သီးသန့် ရှိနေခဲ့တာမို့ မတူတာကို လိုက်တု လို့ မရ နိုင်ကောင်းပါဘူး။ ကိုရီးယား မင်းသမီး မျက်နှာကို လှပအောင် Plastic Surgery နဲ့ လိုက် ပြုပြင်လို့ ရနိုင်ပါတယ်။ လူမြင်ရင် ခေါင်း ညွှတ်ပြီး ‘မင်္ဂလာပါ’ လို့နှုတ်ဆက်တဲ့ ထုံးစံကို အတုခိုး လို့လည်း ရပါတယ်။ အလုပ်လုပ်တဲ့ နေရာမှာ ဇွဲနပဲ ကြီးကြီး ကြိုးစားကြတဲ့ ကိုရီး ယား လူငယ်တွေကို အားကျကောင်းပါတယ်။
ဒါပေမဲ့ လက်မထပ်ဘဲ တစ်အိမ်တည်း မှာ ယောက်ျားလေး၊ မိန်းကလေး အတူနေလို့ ရတာ၊ အိမ်ထောင်သည်မှန်း သိသိနဲ့ ငြိစွန်း ဖောက်ပြန်တာ၊ မိန်းကလေးဘက်က ချစ်စကား စပြောတာ၊ မိန်းကလေးတွေ အရက် သောက်ကြတာ၊ မိန်းကလေးတွေ အဝတ်အစား မလုံခြုံဘဲ ဝတ်စား သွားလာနေကြတာ ကိုရီးယား ဇာတ်ကားထဲမှာ ပဲ ဖြစ်လို့ ရပြီး ကျွန်မတို့ တိုင်းပြည်ထဲမှာ မဖြစ်စကောင်းပါဘူး။
လူမျိုးခြား တိုင်းတစ်ပါး ဇာတ်ကားတွေရဲ့ လွှမ်းမိုးမှုက အားသိပ်ကောင်း နေတဲ့ အချိန်မှာ ပြည်တွင်းက အနုပညာသည် တွေက တစ်မျိုး တစ်ဘာသာ ဖြစ်လာပြန် ပါတယ်။ ဟိုအရင်က TV ထဲမှာ မင်းသမီး အင်္ကျီလည်ပင်း အနည်းငယ် ဟိုက်ရင်တောင် အရိပ်တွေ လိုက်ကာခဲ့တဲ့ ကျွန်မတို့ မြန်မာနိုင်ငံပါ။ TV အစီအစဉ်မှာ တင် မဟုတ်ပါဘူး။ ပြင်ပ စတိတ်ရှိုးတွေမှာ လည်း နည်းနည်း ကဲတယ်လို့ ယူဆရရင်တောင် အနုပညာ လှုပ်ရှားမှုတွေ ခေတ္တ ပိတ်လိုက်တာ မျိုးနဲ့ အနုပညာသည် တွေကို ယဉ်ကျေးမှု ထိန်းသိမ်းတဲ့ အဖြစ်အပျက်၊ အစဉ်အလာတွေ ကြားခဲ့၊ ကြုံခဲ့ပါတယ်။ အဲဒီနိုင်ငံရဲ့ MRTV-4 လို အသံလွှင့် အစီအစဉ်တွေမှာ အနုပညာသည်တွေ ရဲ့ ဝတ်စား ဆင်ယင်မှုဟာ သားနဲ့ အမိ၊ အဖနဲ့သမီး အတူ ထိုင်ကြည့်လို့ မရတော့ တဲ့ အခြေအနေပါ။
TV အစီအစဉ် မှာတောင် ဒီလိုဆိုတော့ သီချင်း သရုပ်ဖော်တဲ့ အစီအစဉ်တွေ မှာလည်း ဂီတ သက်သက် မဟုတ်၊ သရုပ်ဖော်တာ အနုပညာနဲ့ ဖျော်ဖြေတာ မတူဘဲ မိန်းကလေး အဆိုတော်တွေ ကပုံကလည်း နိုင်ငံခြား Channel တွေ၊ အခွေ တွေမှာလို အကမျိုးတွေ၊ ဖိုမ တွဲကတဲ့ အဝတ် အစား၊ အပွေ့အဖက်တွေ ကလည်း အင်မတန် ဘိုဆန် လိုက်တာလို့ အံ့သြ ဘနန်း တွေ့လာ ရပါတယ်။
မဂ္ဂဇင်း၊ ဂျာနယ်တွေမှာ သရုပ်ဆောင် တွေ၊ မော်ဒယ်တွေ၊ အဆိုတော် တွေဟာ အဝတ်အစား လွတ်လပ်မှု အင်မတန်ရှိလာ ကြပါတယ်။ ဘေဘုတ်၊ ပိုစတာ ကြော်ငြာတွေ မှာ လည်း မြန်မာနိုင်ငံကမှ ဟုတ်ပါလေ စလို့ မေးရလောက်အောင် ‘မြန်မာ’ နဲ့ မတူတော့ တာ တွေ့ရမြင်ရတာ အတော် ကြာနေခဲ့ပါပြီ။
တစ်နေ့တုန်းက ဆေးကုမ္ပဏီက ထုတ်ဝေထားတဲ့ ၂ဝ၁၂ ခုနှစ်၊ ပြက္ခဒိန် တစ်ခု လက်ဆောင်ရတော့ ပထမတော့ ကျွန်မ နိုင်ငံခြား ကလားလို့ ထင်လိုက်မိပါတယ်။ သရုပ်ဆောင် တစ်ယောက်ချင်း ဝတ်စားထားပုံ က မလုံခြုံတဲ့ အပြင် ကြည့်နေပုံ အကြည့်တွေ က အနုပညာ သက်သက်နဲ့ ပရိသတ်ရဲ့ ချစ်ခင်အားပေး မှုကို ရယူမယ့် အနုပညာသည်နဲ့ မတူဘဲ မဖွယ်မရာ မယဉ်မကျေး ရှိလှပါတယ်။ ထူးထူးဆန်းဆန်း ယောက်ျားလေး သရုပ်ဆောင်ကလည်း အင်္ကျီ ကြယ်သီးပြုတ်နဲ့ ကြမ်းကြမ်း တမ်းတမ်း စိုက်ကြည့်နေပုံ…။ ဧည့် ခန်း၊ ရုံးခန်းမှာ ချိတ်ဆွဲထားဖို့တောင် မရဲဘဲ အဲဒီ ပြက္ခဒိန် ကြည့်ရတဲ့သူတိုင်းက ”မြန်မာ မော်ဒယ်တွေလား၊ ဘယ်လို ဖြစ်ကုန်ကြပြီ လဲ” လို့ တအံ့တသြ ဖြစ်နေကြတာနဲ့ ခေါက်သိမ်း ထားခဲ့ ရပါတယ်။
အဲဒီလို မလုံမခြုံ ဝတ်စားဆင်ယင်မှုတွေ၊ မထော်မနန့် ပြကွက်တွေ၊ ယောက်ျား၊ မိန်းမ အထိန်းအကွပ်မဲ့၊ စည်းဘောင်မရှိ တွဲကြ၊ အတူနေကြ၊ ယူလိုက် ကွဲလိုက် ဆိုတာတွေ.. အဲဒီ အရာတွေဟာ ဒီကနေ့ ကမ္ဘာမှာ အဆန်းတကြယ် မဟုတ်ဘဲ မြန်မာပြည်ရဲ့အပြင်ဘက် ခြေတစ်လှမ်း ထွက်လိုက်ရုံနဲ့ မြင်နိုင်၊ ကြားနိုင်၊ သိနိုင် ရှိနေ တာပါ။
အဲဒီ အရာတွေနဲ့ မြန်မာလူမျိုး၊ မြန်မာ့ ယဉ်ကျေးမှု၊ ဘာသာ တရားနဲ့ လုံးဝမအပ်စပ်ဘူး ဆိုတာ အားလုံး သိရှိထားခဲ့ ကြပေမယ့် အခုအချိန် မှာတော့ အကြောင်း အရာတွေ တစ်ခုမက ပေါင်းဆုံပြီး ကျွန်မတို့ရဲ့ မြန်မာ့ ယဉ်ကျေးမှု၊ မြန်မာ အမျိုးသမီးတွေရဲ့ ဣနြေ္ဒ သိက္ခာ၊ အနုပညာ ဖန်တီးမှုများရဲ့ ယဉ်ကျေးမှု၊ စည်းကမ်း၊ ဆင်ဆာ…ဒါတွေဟာ အချိန်မီ မကုစားရင် မဖြစ်တော့တဲ့ အရေးပေါ် အခြေ အနေကို ရောက်ရှိနေပြီ ဖြစ်ပါတယ်။
အဲဒါကြောင့် သက်ဆိုင်ရာ တာဝန်ရှိသူ တွေ၊ စာပေသြဇာ ကြီးမားသူတွေ၊ အနုပညာရှင် တွေနဲ့ မိဘပြည်သူ အားလုံးဝိုင်းပြီး ကိုယ့်အပိုင်းနဲ့ ကိုယ် အချိန်မီ ထိန်းသိမ်း ပါ မှနှစ်ပေါင်း ရှည်ကြာ ထိန်းသိမ်းလာခဲ့တဲ့ မြန်မာ့ ယဉ်ကျေးမှု မပျက်စီးဘဲ မြန်မာ မိန်းကလေးတွေ တန်ဖိုး ရှိရှိ၊ သိက္ခာရှိရှိ ဆက်လက် ရပ်တည်နိုင်ပြီး ကမ္ဘာ က လေးစား ခံရမှာပါ။
ပြည်သူထဲက တစ်ယောက် အနေနဲ့ တာဝန်ရှိတယ်လို့ ခံစားမိပြီး Culture Shock အချိန်မီ ကုစားကယ်တင်နိုင်ကြဖို့ အချက်ပေးခေါင်းလောင်းထိုးရခြင်းပါပဲ။ ဒါ..အရေးပေါ် အခြေအနေရာက်နေလို့ပါ။
သမီးရှင် (ဆေး- ၁)
No comments:
Post a Comment