Myanmar Times က ဆောင်းပါးတစ်ပုဒ်ပါ။

Myanmar Times က ဆောင်းပါးတစ်ပုဒ်ပါ အဲ့လိုသတင်းဆောင်းပါးတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

သုညတွေဆီ လက်တွဲ လျှောက်လှမ်းရမယ့်ခရီး

 

 ယမုံဖူးသစ်
ကျန်းမာရေးသတင်းထောက်
အတွဲ ၂၈ ၊ အမှတ် ၅၅၉ ( ၂ - ၈ ၊ ၃၊ ၂၀၁၂)

 

အေအိုင်ဒီအက်စ်နေ့ အခမ်းအနားတစ်ခုတွင် ဝေဒနာရှင်များ အတွက် ဆုတောင်းပေးနေစဉ်။
ဓာတ်ပုံ-လွင်မောင်မောင်

"သုညတွေအထိ လျှော့ချမယ်ဆိုတာ ရည်မှန်းချက် အရမ်းကြီးလွန်း သလိုများ ဖြစ်နေမလား"။ ဒီလို မေးခွန်းထုတ်မယ်ဆိုရင်တော့ အဖြေက 'ဟုတ်ပါတယ်' ဆိုပေမယ့် မဖြစ်နိုင်တဲ့ပန်းတိုင်တစ်ခုကို ချိန်ရွယ်နေ တာမဟုတ်ပါဘူးလို့ အိပ်ခ်ျ အိုင်ဗီ-အေ့ဒ်စ် တိုက်ဖျက်ရေးလုပ်ငန်း တွေကို ကျယ်ကျယ်ပြန့်ပြန့် လုပ်ဆောင် နေကြသူတွေက ပြောမှာပါ။ 

၂၀၁၁ ခုနှစ်အတွက် ကမ္ဘာ့ခုခံအား ကျဆင်းမှုကူးစက်ရောဂါ တိုက်ဖျက်ရေး နေ့အထိမ်းအမှတ်ဆောင်ပုဒ်က မြန်မာ လိုဆိုရင်တော့ 'ခွဲခြားနှိမ်ချကင်းစင်လို့၊ အေအိုင်ဒီအက်စ်ပပျောက်ဖို့၊ လူတိုင်း ပါဝင် ဆောင်ရွက်စို့'လို့ပဲ ဖြစ်ပါတယ်။
အင်္ဂလိပ်လိုမူရင်း အနက်ကတော့ အိပ်ခ်ျ အိုင်ဗီပိုးအသစ်ကူးစက်မှု လုံးဝမရှိစေ ခြင်း၊ ဝေဒနာရှင်တွေအပေါ် ခွဲခြား နှိမ်ချဆက်ဆံမှုတွေ လုံးဝမရှိစေခြင်းနဲ့ အေအိုင်ဒီအက်စ်ကြောင့် သေဆုံးမှုလုံးဝ မရှိစေခြင်း ဆိုတဲ့ သုညသုံးလုံးပဲဖြစ်ပါ တယ်။

"ဒါဟာ ကြီးမားတဲ့လုပ်ငန်းတာဝန် တစ်ခုပါ။ ဒါပေမယ့် မဖြစ်နိုင်တဲ့တာဝန် တော့မဟုတ်ပါဘူး" လို့ International AIDS Alliance က Country Director Ms Audrey က ပြောပါတယ်။
"ပန်းတိုင်ကိုရောက်ဖို့ လူတစ်ဦး တစ်ယောက်တည်းနဲ့ လျှောက်လှမ်းလို့ မရဘူး။ လူတိုင်းပါဝင်ဆောင်ရွက်မှ အောင်မြင်နိုင်မယ်"လို့ National AIDS Program ရဲ့ လက်ထောက်ညွှန်ကြား ရေးမှူး ဒေါက်တာမြင့်ဆွေက ပြောပါ တယ်။
"အိပ်ခ်ျအိုင်ဗီပိုး ကူးစက်နှုန်းတွေက ပြီးခဲ့တဲ့နှစ်တွေနဲ့ယှဉ်ရင် ကျဆင်းလာ တာကို တွေ့ရပါတယ်"လို့လည်း သူက ပြောပါတယ်။ 

ကုလသမဂ္ဂ အိပ်ခ်ျအိုင်ဗီ၊ အေ့ဒ်စ် ပူးတွဲအစီအစဉ် (UNAIDS) က Country Director ဒေါက်တာဆွန်ဂန်းက "ကျွန်တော်တို့ဟာ အိပ်ခ်ျအိုင်ဗီ- အေ့ဒ်စ် ရဲ့ ရာဇ၀င်တစ်လျှောက်လုံးမှာ ဒီရောဂါ ကို အဆုံးသတ်ဖို့ ဖြစ်နိုင်တယ်လို့ ရဲရဲတင်း တင်းနဲ့ မပြောနိုင်ခဲ့ပါဘူး။ ဒါပေမယ့် အခု အချိန်မှာတော့ ပြောနိုင်နေပါပြီ"လို့ ဆိုပါတယ်။
ကမ္ဘာပေါ်မှာ လူပေါင်း ၃၄ သန်းခန့် ဟာ အိပ်ခ်ျအိုင်ဗီပိုး ကူးစက်ခံထားရပြီး လူပေါင်း ၁ ဒသမ ၈ သန်းခန့်ဟာ အိပ်ခ်ျ အိုင်ဗီကြောင့် သေဆုံးနေကြရပါတယ်။
မြန်မာနိုင်ငံမှာတော့ အိပ်ခ်ျအိုင်ဗီပိုးရှိသူ ပေါင်း ၂၄၀,၀၀၀ ခန့် ရှိတယ်လို့ ခန့်မှန်း တွက်ချက် ထားတဲ့စာရင်းတွေအရ သိရ ပါတယ်။ 

ဒီလို အိပ်ခ်ျအိုင်ဗီ-အေ့ဒ်စ်နဲ့ ပတ်သက်တဲ့ ဆိုးကျိုးတွေကို သုညတွေ အထိ လျှော့ချမယ်ဆိုတဲ့ ပန်းတိုင်ဟာ ဝေဒနာရှင်တွေအတွက် တကယ့်ကို အားတက်စရာပါ။

ပထမဆုံး သုညတစ်လုံးကတော့ 'အိပ်ခ်ျအိုင်ဗီပိုး အသစ်ကူးစက်မှုကို သုညအထိ လျှော့ချမယ်'ဆိုတာပါပဲ။
"ကူးစက်မှုအသစ်တွေသာ မဖြစ် တော့ရင် အိပ်ခ်ျအိုင်ဗီဆိုတာ နှစ်ပေါင်း များစွာကြာရင် ပုံပြင်လေးတစ်ပုဒ်လိုပဲ ဖြစ်သွားမယ်လို့ ထင်ပါတယ်။ ကုသမှု တွေဘယ်လိုပဲလုပ်လုပ် အသစ်အသစ် တွေသာ ကူးစက်ခံနေရဦးမယ်ဆိုရင် ဘာမှမထူးပါဘူး"လို့ Myanmar Positive Group ရဲ့ အဖွဲ့ဝင်ဝေဒနာရှင် တစ်ဦးက ပြောပါတယ်။

"ပိုးရှိတဲ့သူကလည်း သူများကို မကူး စက်အောင်၊ ပိုးမရှိသူကလည်း ကိုယ့်ဆီ ကို ကူးစက်မလာအောင်တစ်ဦး တစ်ယောက်ချင်းက ကာကွယ်သွားရင် ပိုးအသစ်ကူးစက်မှုတွေဟာ သုညကို ရောက်ရှိပါမယ်"လို့ သူကဆိုပါတယ်။
ဒုတိယမြောက် သုညကတော့ 'အိပ်ခ်ျ အိုင်ဗီပိုးရှိသူတွေကို ခွဲခြားနှိမ့်ချဆက်ဆံ ခြင်းတွေကို သုညအထိ လျှော့ချမယ်'ဆို တဲ့ ပန်းတိုင် ပါပဲ။ 

"အေအိုင်ဒီအက်စ်ကြောင့် သေစေ တာမဟုတ်ဘူး၊ ခွဲခြားနှိမ့်ချ ဆက်ဆံမှု တွေကြောင့်သာ သေစေတာပါ" ဆိုတဲ့ စကားလေးကိုတော့ သူသူကိုယ်ကိုယ် လူတိုင်းကြားဖူးကြမှာပါ။
ဒါပေမယ့် အိပ်ခ်ျအိုင်ဗီပိုးရှိသူတွေလောက် နက် နက် ရှိုင်းရှိုင်းခံစားမိမယ်မထင်ပါဘူး။
"ခွဲခြားနှိမ့်ချမှုတွေကို အိပ်ခ်ျအိုင်ဗီပိုး ရှိသူတွေလောက် ဘယ်သူမှ သိကြမှာ မဟုတ်ပါဘူး။ အရင်ထက်စာရင် လျော့ ကျလာတယ် ဆိုပေမယ့် ခွဲခြားမှုတွေက ရှိနေပါသေးတယ်။ ဒါက တကယ့်ကို မြင်မကောင်းပါဘူး"လို့ Myanmar Positive Group က အဖွဲ့ဝင် ဝေဒနာရှင် တစ်ဦးက ပြောပါတယ်။ 

အိပ်ခ်ျအိုင်ဗီပိုး ကူးစက်ခံထားရတဲ့ ကျောင်းသူလေးတစ်ဦးက "သမီးမှာ ရောဂါပိုးရှိမှန်းသိတော့ ကျောင်းက ဆရာမက ကျောင်းဆက် မတက်ဖို့ ပြော တယ်"လို့ ငိုရင်းနဲ့ ပြောပါတယ်။ UNAIDS က Social Mobilization Adviser ဒေါက်တာစိုးနိုင်က "ဒီရောဂါ ပိုးရှိတဲ့ လူက ရှက်ကြောက်အားငယ်နေ စရာ၊ လူကြားထဲမှာ ပုန်းကွယ်နေစရာ မလိုတဲ့ အခြေအနေအထိဖြစ်အောင် လုပ်ဖို့လိုတယ်"လို့ ပြောပါတယ်။
"တကယ်တော့ ခွဲခြားခံလိုက်ရတဲ့သူ က ရှက်ဖို့ကောင်းတာမဟုတ်ဘူး။ ခွဲခြားလိုက်တဲ့သူကသာ ရှက်ဖို့ကောင်း တာပါ။ ဒါက ကိုယ့်ရဲ့မပြည့်စုံမှုကို ပြလိုက်တာနဲ့ အတူတူပါပဲ"လို့ သူက ပြောပါတယ်။

"ဒီပန်းတိုင်ကိုသာ ရောက်ခဲ့မယ်ဆို ရင် ကျွန်တော်တို့ရဲ့ ပတ်ဝန်းကျင်က နွေးထွေးလုံခြုံတဲ့ပတ်ဝန်းကျင် ဖြစ်လာ မှာပါ။ ကျွန်တော် တို့အားလုံး ခွဲခြားနှိမ့်ချ မှုတွေကို သုညအထိ လျှော့ချချင်ပါ တယ်"လို့ ရတနာ့မေတ္တာအဖွဲ့မှာ စေတနာ့ဝန်ထမ်းအဖြစ် လုပ်ကိုင်နေသူ၊ အိပ်ခ်ျအိုင်ဗီပိုး ကူးစက်ခံထားရတဲ့ ကိုဇော်စိုးက ပြောပါတယ်။
နောက်ဆုံး သုညတစ်လုံးကတော့ 'အေအိုင်ဒီအက်စ်ရောဂါကြောင့် သေ ဆုံးမှုတွေကို သုညအထိ လျှော့ချမယ်' ဆိုတဲ့ ပန်းတိုင်ပါပဲ။ 

"လိုအပ်တဲ့ ဆေးဝါးတွေ၊ ကုသမှုတွေ သာရမယ်ဆိုရင် ကျွန်မတို့အားလုံး လူ့ သက်တမ်းစေ့နေနိုင်ကြမှာပါ။ ဒါကြောင့် ဝေဒနာရှင် တွေအတွက် အားလုံး ၀ိုင်းဝန်းလုပ်ဆောင်ပေးကြရင် ဆေး ကုသမှုတွေရရှိပြီး အေအိုင်ဒီအက်စ် ကြောင့် မသေတဲ့ကမ္ဘာကြီးကို ရောက်ရှိ မှာပါ" လို့ Myanmar Positive Group ရဲ့ အဖွဲ့ဝင် မချောစုက ပြောပါတယ်။ ဒေါက်တာဆွန်ဂန်းက မြန်မာနိုင်ငံ အနေနဲ့ကြည့်ရင် လူပေါင်း ၃၀,၀၀၀ လောက်ကို အေအာရ်တီဆေးပေးနိုင်နေ ပြီလို့ ပြောပါတယ်။
၂၀၁၀ ပြည့်နှစ် စာရင်းတွေအရ ၇၀ ရာခိုင်နှုန်းခန့်ကို ဆေးပေးဖို့ လိုအပ်နေပါသေးတယ်လို့ သူက ဆက်ပြောပါတယ်။ 

ရတနာ့မေတ္တာအဖွဲ့ရဲ့ အမှုဆောင် ကော်မတီဝင် ဦးမျိုးလွင်က "ငွေကြေး မတတ်နိုင်သူတွေက အေအာရ်တီဆေး ကို ၀ယ်သောက် နိုင်ဖို့မလွယ်ပါဘူး။
တစ်နှစ်စာကို ကျပ်သုံးသိန်းလောက် ကျပါတယ်။ ဒါကြောင့် ကျွန်တော်တို့ လို အဖွဲ့အစည်းတွေကိုပဲ သူတို့ အား ထားရပါတယ်"လို့ ပြောပါတယ်။ 

ဒီဇင်ဘာလ ၁ ရက်နေ့က အမျိုးသား ဒီမိုကရေစီအဖွဲ့ချုပ်ရုံးချုပ်မှာ ကျင်းပတဲ့ ခုခံအားကျဆင်းမှုကူးစက်ရောဂါ တိုက် ဖျက်ရေးနေ့ အခမ်းအနားမှာ ဒေါ်အောင်ဆန်းစုကြည်က "ဝေဒနာရှင် တွေရဲ့ မျှော်လင့်ချက်တွေကို ဖြည့်ဆည်း ပေးနိုင်ဖို့ အမေတို့ အားလုံး ၀ိုင်းဝန်းပြီး လုပ်ဆောင်ကြဖို့ လိုအပ်တယ်။ အဓိက ကတော့ ရိုးရိုးပြောရရင် ငွေရေးကြေးရေး ပေါ့။ တတ်နိုင်သလောက် ရက်ရက် ရော ရောနဲ့ ထောက်ပံ့ကြပါ"လို့ တိုက်တွန်း ပြောကြားခဲ့ပါတယ်။
မြန်မာနိုင်ငံမှာ အေအာရ်တီဆေး လိုအပ်သူပေါင်းဟာ ၇၄,၀၀၀ ကျော်ရှိ တယ်လို့ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာ ဖေသက်ခင်က နေပြည်တော်မှာကျင်းပ တဲ့ World AIDS Day အခမ်းအနားမှာ ပြောကြားခဲ့ပါတယ်။ 

ရောဂါဖြစ်ပွားနှုန်း တဖြည်းဖြည်း လျော့ကျလာပေမယ့် ရန်ပုံငွေများနှင့် အေအာရ်တီဆေးဝါးများ ပေးနိုင်ရန် လိုအပ်လျက်ရှိနေသေး တယ်လို့ ၀န်ကြီး က ပြောပါတယ်။
"သုညသုံးလုံးက ဆက်စပ်နေပါ တယ်။ လူ့အဖွဲ့အစည်းမှာ ခွဲခြားနှိမ့်ချမှု တွေမရှိတော့ရင် အသစ်ကူးစက်မှုတွေ မရှိနိုင်တော့ဘူး။ ကူးစက်မှုတွေ မရှိတော့ ရင် အေအိုင်ဒီအက်စ်ကြောင့် သေဆုံးမှု တွေလည်း မရှိနိုင်တော့ဘူး" လို့ ဒေါက်တာစိုးနိုင်က ပြောပါတယ်။
ကျန်းမာရေးဝန်ကြီးဌာနအနေနဲ့ ခုခံ အား ကျဆင်းမှုကူးစက်ရောဂါဆိုင်ရာ အမျိုးသား မဟာဗျူဟာစီမံကိန်းကို ၂၀၁၁ ခုနှစ်ကနေ ၂၀၁၅ ခုနှစ်အထိ ရေးဆွဲထားပါတယ်။ ၂၀၁၅ ခုနှစ် အရောက်မှာ အိပ်ခ်ျအိုင်ဗီပိုး ကူးစက်ခံရ သူအရေအတွက်ကို ၅,၀၀၀ အောက် အထိ လျှော့ချမယ်လို့ ရည်ရွယ်ထားပါ တယ်။ 

ငါးနှစ်တာကာလအတွင်း လုပ်ငန်းအကောင်အထည်ဖော်ဖို့ အမေ ရိကန် ဒေါ်လာ ၃၄၃ ဒဿမ ၆ သန်း သုံးစွဲသွား မယ်လို့လည်း သိရပါတယ်။
ဒေါက်တာစိုးနိုင်က "လွယ်လွယ်နဲ့ ရမယ့်ပန်းတိုင်တော့ မဟုတ်ဘူး။ ပန်းတိုင်ဟာ မနက်ဖြန်ရောက်လာမှာ လား၊ သန်ဘက်ခါ ရောက်လာမှာလား၊ နောက်နှစ်မှာ ရောက်လာမှာလား ဘယ် သူမှ မပြောနိုင်ပါဘူး။ နှစ်ပေါင်း ဘယ် လောက်ကြာမလဲဆိုတာ ကျွန်တော်တို့ အားလုံးအပေါ်မှာပဲ မူတည်ပါတယ်" လို့ ပြောပါတယ်။

သုညတွေအထိ လျှော့ချမယ်ဆိုတဲ့ ရည်မှန်းချက်ပန်းတိုင်ကိုတော့ ချမှတ်ပြီး သွားကြပါပြီ။
ပန်းတိုင်ကိုရောက်မှာ လား၊ မရောက် ဘူးလား၊ ဘယ်အချိန်မှာ ဘယ်လိုရောက်ရှိမယ် ဆိုတာကတော့ အချိန်နဲ့ ကြိုးစားမှုကပဲ သက်သေပြလိမ့် မယ်လို့ ထင်ပါတယ်။

http://www.myanmar.mmtimes.com/2012/article/559/arti01.html