Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

ကြားဖြတ်ရွေးကောက်ပွဲအလွန် နိုင်ငံရေးအင်အားစုများအားလုံး ညီညွတ်ကြရန် ကျွမ်းကျင်သူများ သတိပေးတိုက်တွန်း

စန္ဒာလွင်
အတွဲ ၂၉ ၊ အမှတ် ၅၆၄ (၆ - ၁၂ ၊ ၄ ၊ ၂၀၁၂)

မြန်မာနိုင်ငံရဲ့ နိုင်ငံရေးစနစ် အကူး အပြောင်းဖြစ်စဉ်အတွင်း နိုင်ငံရေး အင်အားစုအားလုံး ပါဝင်ဆောင်ရွက်မှုကို သိသိသာသာ ဆောင်ကြဉ်းလိုက်ပြီ ဖြစ်တဲ့ ကြားဖြတ်ရွေးကောက်ပွဲနဲ့ ရွေး ကောက်ပွဲရလဒ်ဟာ နိုင်ငံအတွင်း နိုင်ငံ ရေးကဏ္ဍ တည်ငြိမ်ရေး၊ အမျိုးသား ပြန်လည် သင့်မြတ်ရေး၊ ဒီမိုကရေစီ စနစ် ကို ပိုမိုပီပြင်စေမယ့် လွှတ်တော်များ ခိုင်မာ အားကောင်းရေးတို့အပေါ် အပြု သဘော အကျိုးသက်ရောက်မှုတွေ ဖြစ် စေမယ်လို့ ကျွမ်းကျင်သူတွေက မျှော်လင့် ကြသလို နိုင်ငံရေးအင်အားစုအချင်းချင်း ညီညွတ်ရေး မပျက်စေဘဲ ပိုမိုခိုင်မာစေ ရေး လိုအပ်ကြောင်းလည်း သတိပေး တိုက်တွန်းလိုက်ပါတယ်။

"ကြားဖြတ်ရွေးကောက်ပွဲကနေ နိုင်ငံ ရေး အင်အားစုတွေအားလုံး နိုင်ငံရေး ဖြစ်စဉ်မှာ ပါဝင်မှုရှိသွားတာက ဒီရွေး ကောက်ပွဲရဲ့ အနှစ်သာရပဲ။ "ဒါပေမယ့် စိတ်ပူတာက အမျိုးသား ဒီမိုကရေစီအဖွဲ့ချုပ် (အင်န်အယ်လ်ဒီ) က ခန့်မှန်းထားတာထက် ပိုရတယ်ပေါ့။ ဒီအခြေအနေကို ရင်ဆိုင်ရတဲ့အပေါ်မှာ နိုင်ငံရေးအင်အားစုတွေရဲ့ ညီညွတ်ရေး ကို မထိခိုက်စေဖို့ အရေးကြီးတယ်"လို့ ၀ါရင့် သတင်းစာဆရာ၊ နိုင်ငံရေး လေ့လာ သုံးသပ်သူ မောင်ဝံသက ပြောတယ်။
"ဒီအပေါ်မှာ နိုင်ငံရေး ရင့်ကျက်မှုကို မပြသနိုင်ကြဘူးဆိုရင် ၁၉၅၆ ခုနှစ်က ဖဆပလ၊ ပမညတ ပြဿနာတွေလို သမိုင်းတစ်ပတ် ပြန်လည်မှာကို အင်မ တန်စိုးရိမ်တယ်"လို့ သူက ပြောတယ်။ 

နိုင်ငံတော်သမ္မတရဲ့ နိုင်ငံရေး အကြံ ပေးအဖွဲ့ဝင် ဒေါက်တာနေဇင်လတ်က လည်း "ဒီကြားဖြတ်ရွေးကောက်ပွဲက နိုင်ငံရေး လုပ်ငန်းစဉ်အတွင်း နိုင်ငံရေး ပါတီတွေရဲ့ inclusivity ကို ပြလိုက်တာ ပဲ။ ဒါကောင်းတယ်။ ဒါပေမယ့် ရှေ့ဆက် လုပ်တဲ့အခါ နိုင်ငံရေး အင်အားစုအချင်း ချင်းရဲ့ inter relationshipကို စိတ်ပူ တယ်။ ကျွန်တော်တို့ နိုင်ငံမှာ အဲဒါ အားနည်းတယ်"လို့ ပြောဆိုတယ်။

"၁၉၆၂ မတိုင်ခင်က နိုင်ငံရေး အင်အားစုချင်း ညီညွတ်မှု မကောင်းခဲ့လို့ တိုင်းပြည်မကောင်းခဲ့ဘူး"လို့ ဒေါက်တာ နေဇင်လတ်က ပြောတယ်။
စာရေးဆရာ ကိုတာက "ကြားဖြတ် ရွေးကောက်ပွဲက အားလုံးပါအောင် လုပ်တယ်ဆိုတာတော့ သိပြီးသားပဲ။ နိုင်ငံရေး တည်ငြိမ်ဖို့က အားလုံးပါတာ ကောင်းတာပေါ့။ စီးပွားရေးကောင်းရင် ပြီးတာ ပဲလို့ ယူဆသူတွေလည်း ရှိတယ်။ ဒါပေ မယ့် အားလုံးပါတာ ကောင်းတယ်" လို့ ပြောဆိုတယ်။ "ရလဒ်က အင်န်အယ်လ်ဒီ နိုင်မှာ ဆိုတာ သိကြပါတယ်။ ဒါပေမယ့် လွှတ် တော်ထဲမှာ ဘာလုပ်ကြ မလဲဆိုတာ ပို စိတ်ဝင်စားတယ်။ ဘယ်လိုပူးပေါင်း ဆောင်ရွက်ကြမလဲဆိုတာ ပိုစိတ်ဝင်စား တယ်"လို့ ဆရာကဆက်ပြောတယ်။ 

ယခုကြားဖြတ် ရွေးကောက်ပွဲအပြီး အင်အားကြီးပါတီနဲ့ အတိုက်အခံ ပါတီ အဖြစ် ပိုမိုပေါ်လွင်လာတဲ့ အနေအထား မှာ နိုင်ငံရေး အင်အားစုများ အချင်းချင်း ညီညွတ်ရေး၊ လွှတ်တော်အတွင်း ကောင်း မွန်စွာ ပူးပေါင်း ဆောင်ရွက်နိုင်ရေး အတွက် နိုင်ငံရေး ရင့်ကျက်မှုရှိစေဖို့ ကျွမ်း ကျင်သူတွေက သတိပေးပါတယ်။
"နိုင်တဲ့အပေါ် ဇောတွေများရင်လည်း မကောင်းဘူး။ တစ်ဖက်လူ ခံရခက်တာကို မလုပ်မိအောင် သတိထားရမယ်။ တစ်ဖက်ကလည်း ဓမ္မဓိဋ္ဌာန်ကျကျရလဒ်ကို လက်ခံပြီး နှစ်ဦးနှစ်ဖက် နိုင်ငံရေး ရင့်ကျက်မှုကိုပြမယ်ဆိုရင် နိုင်ငံအတွက် ကောင်းဖို့ပဲရှိမယ်"လို့ ဆရာမောင်ဝံသ က ပြောဆိုတယ်။

ဒေါက်တာနေဇင်လတ်က မိမိအကျိုး ရှေ့တန်းတင်မှုတွေ အစွန်းမရောက်စေ ဖို့ကို သတိပေးပါတယ်။ "နိုင်ငံရေးအင် အားစု အချင်းချင်း ထိတွေ့ဆက်ဆံမှု ရှိ နေရမယ်။ အားလုံးရဲ့ mission မြင်သာ နေရမယ်။ clear vision ဖြစ်နေရမယ်။ ပါတီအကျိုး၊ ကိုယ်ကျိုး စတဲ့ personal interest တွေ ရှေ့တန်း သိပ်မရောက် စေချင်ဘူး"လို့ သူက ပြောတယ်။

(NLD နိုင်တဲ့အတွက့် တကယ်ကိုဝမ်းသာမိပါတယ် ဒါပေမယ့်လည်း တလွှဲဆံပင်ကောင်းတက်လွန်းတဲ့ ကျွန်တော်တို့လူမျိုးတွေကြည့်ပြီးတော့ ရင်လေးနေမိတယ် ရေရှည်မှာ ဒီလိုရောင်တော်ပြန်လွှတ်တက်တဲ့ လူမျိုးတွေ စိန်နားကပ်ရောင်နဲ့ ပါးပြောင်တက်တဲ့ လူမျိုးတွေကြောင့် ရရှိလာတဲ့ အခွင့်အရေးတွေ ဆုံးရှုံးသွားမှာကို စိုးရိမ်ပူပန်မိပါတယ်။)