Guardian ကို မက်မက်မောမောလိုချင်ခဲ့တာက AHA နဲ့ ပြီးပြတ်သွားတဲ့ 2014 မှာပါ ကျွန်တော်ရဲ့ ပင်ကိုစရိုက်ကိုက တစ်ဖက်သားကို အရမ်းတွယ်တာမိတက်တဲ့လူမျိုးပါဗျာ..
Guardian
Guardian ကို မက်မက်မောမောလိုချင်ခဲ့တာက AHA နဲ့ ပြီးပြတ်သွားတဲ့ 2014 မှာပါ ကျွန်တော်ရဲ့ ပင်ကိုစရိုက်ကိုက တစ်ဖက်သားကို အရမ်းတွယ်တာမိတက်တဲ့လူမျိုးပါဗျာ..
သောက
လူတစ်ယောက်အပေါ်
ကျွန်တော်ချစ်နိုင်သမျှကို
ပုံအောပြီးချစ်ခဲ့မိလို့
တကယ်ကို နောင်တမရပါဘူး။
ဒီနေ့ကုန်ဆုံးသွားရင်
ကျွန်တော်မရှိနိုင်တော့ဘူးဆိုရင်တောင်
ခင်ဗျားက ကျွန်တော်ထွက်သက်ဖြစ်မယ့်သူပါဗျာ
အရာအားလုံးကို တွေ့ကြုံဆုံခဲ့ဘူးတဲ့
ခင်ဗျားအတွက် လောကကြီးကမဆန်းကြယ်ပေမယ့်
လောကကိုဘောင်ခပ်ကျဉ်းကျဉ်းလေးပဲ
သိနားလည်တဲ့ကျွန်တော်အတွက်
ခင်ဗျားနဲ့ဆုံတွေရတာ
တကယ်ကိုဆန်းကြယ်လွန်းပါတယ်
တချို့အရာတွေကကျွန်တော်ပိုင်ဆိုင်ဖို့
တန်ဘိုးကြီးမှန်းသိပေမယ့်လည်း လူပီသလွန်းတဲ့
လူတစ်ယောက်အတွက် ပိုင်ဆိုင်ခွင့်ရဖို့ကို တိတ်တဆိတ်မျှော်လင့်ခဲ့ဘူးပါတယ်
တိတ်တဆိတ်လေးပါပဲ
အချစ် ခင်ဗျားအတွက်ခပ်ပေါပေါခံစားချက်
ဖြစ်ကောင်းဖြစ်နိုင်ပေမယ့်
ကျွန်တော်အတွက် အသက်လောက်တန်ဘိုးရှိတဲ့ခံစားချက်ပါ
အဲ့လိုခံစားချက်နဲ့ပဲ ခင်ဗျားအပေါ်ချစ်ခဲ့မိတဲ့လူပါဗျာ
အချိန်တွေတနေ့ပြီးတနေ့ ကုန်ဆုံးသွားပြီး
အသက်ကတစ်ရက်ပြီးတစ်ရက် အိုမင်းလာနေပေမယ့်
ခင်ဗျားအပေါ်ငြိတွယ်မိနေတဲ့ သံယောဇဉ်ကထုထည်မတရားကို ကြီးထွားလာနေတယ်ဗျာ
အနိစ္စ၊ဒုက္ခတဲ့ ဘုရားလည်းဟောတယ် ခင်ဗျားလည်းပြောတယ် ဒါပေမယ့်လည်း ဒုက္ခမှန်းသိရက်သားနဲ့ ဒုက္ခလို့မမြင်နိုင်သေးတဲ့ကျွန်တော့်အတွက် ခင်ဗျားတရားချလည်း အမှန်မသိနိုင်သေးပါဘူး
အချိန်ကအကောင်းဆုံးသမားတော်ပါ တချိန်ကျရင်တော့ ခင်ဗျားပြောခဲ့တဲ့ ဒုက္ခဆိုတာကိုသိမြင်နိုင်ပြီး ခင်ဗျားကိုလွှတ်ချနိုင်မှာပါ
အခုအချိန်မှာတော့ မတွေ့ရမမြင်ရတဲ့သောကကြီးကိုဖက်တွယ်ပြီး ခင်ဗျားလွှတ်ချခဲ့တဲ့အရပ်မှာ အနည်ထိုင်ဖို့ ကျွန်တော်ကြိုးစားနေပါတယ်ဗျာ။
#23.01.2022
#imissyouSB
လေးဖြူ - အလွမ်း
🌼 ၇၂နာရီမပြည့်သေးဘူး ကျွန်တော် ခင်ဗျားကိုတော်တော်လေး သတိရနေမိပါပြီဗျာ.. 🌼
ကျွန်တော့်ကို မလိုချင်တော့တဲ့လူတစ်ယောက်ကို
ဖက်တွယ်နေမိခဲ့တာ တကယ်ကိုပင်ပန်းလွန်းပါတယ်ဗျ
ထားခဲ့ရင်နေခဲ့မယ် နေရဲဖို့သတ္တိဆိုတာ ဘယ်လောက်အထိကြံ့ခိုင်ဖို့လိုလည်းဆိုတာ ခင်ဗျားနားလည်မယ်
မထင်ပါဘူး
ဘာဖြစ်လို့လဲဆိုတော့ ခင်ဗျားက
နေရဲထားရဲတဲ့လူဖြစ်ပြီး ကျွန်တော်က
မနေရဲမထားရဲခဲ့တဲ့ လူဖြစ်နေလို့ပါ။
နဒီမင်္ဂလာ ခင်မောင်တိုး၊ ခင်ဝမ်း
Linn Linn - Nway Ain Mat Tal
ပြီးပါပြီဗျာ
တစ်ခုတော့ ပြောခဲ့ပါရစေ ခင်ဗျားအတွက် ကျွန်တော်တကယ်ပဲ ဈေးပေါလွန်းခဲ့ပါတယ် ဒါပါပဲဗျာ။
ခင်ဗျားကတော့ ကျွန်တော့်ဘက်ကနေ စိန်ခေါ်လိုက်တယ်ထင်ခဲ့မှာပါ အဲ့ဒါကျွန်တော်ခံစားနေရတဲ့ ခံစားချက်သပ်သပ်ပါဗျာ။
စစ်သားနဲ့စစ်တိုက်ရအောင် ကျွန်တော်မှအရူးမဟုတ်တာဗျာ ဒါပေမယ့် ယောကျင်္ားတစ်ယောက်ကို ဒီနေ့ဒီအချိန်ထိ နားလည်မပေးနိုင်တဲ့ မိန်းမတစ်ယောက်အတွက် ခံစားချက်ကို မဖော်ပြနိုင်တဲ့ စကားလုံးတွေက ခင်ဗျားအတွက် လက်နက်တွေဖြစ်သွားလားဆိုတာ မတွေးတော့ပါဘူး ကျွန်တော်တကယ် နာကျင်နေတာပါ။
ဒီတစ်ညလုံးတော့ blog မှာ ရင်ဖွင့်ပါရစေဗျာ ရင်ဖွင့်စရာ သူငယ်ချင်းဆိုတာ ကျွန်တော်အတွက် မရှိခဲ့လို့ပါ
ကျွန်တော်ဒိုင်ယာရီမရေးဖြစ်တာ ဆယ်စုနှစ်တစ်ခုကျော်ပါပြီ ခင်ဗျားရဲ့အကြောင်းကိုတော့ တခုတ်တရရေးဖြစ်တယ်ဗျ ကျွန်တော်က လူတစ်ယောက်ကိုချစ်မိရင် တကယ်တန်ဘိုးထားတက်တဲ့ လူပါဗျာ
ခံစားချက်က မျက်ရည်ပေါက်ပေါက်ကျချင်ပေမယ့် အားတင်းနေရတော့ ကျွန်တော်ရေးတာတွေက ကပေါက်တိကပေါက်ချာဖြစ်နေမှာပါ
အရင်ဘဝက ဝဋ်ကြွေးရှိခဲ့လို့နေမှာပါ ကျွန်တော်ပုံအောပြီးချစ်မိသမျှ ကျွန်တော့်ကိုပြန်မချစ်ကြတာ ကျွန်တော့်အမှားပဲနေမှာပါ ယောကျင်္ားတစ်ယောက်တပ်မက်လောက်တဲ့ ရုပ်ရည်ရော ခန္ဓာကိုယ်အချိုးအစားရော အရည်အချင်းရော ကျွန်တော့်မှာ မရှိခဲ့တာဗျာ
ယောကျင်္ားတစ်ယောက်က ပြာနေအောင်ချစ်ခံရတဲ့ အမျိုးသမီးမပြောနဲ့ ယောကျင်္ားတစ်ယောက်ချစ်ခံရတယ်ဆိုတဲ့ မိန်းမတိုင်းကို ကျွန်တော်တကယ်အားကျတယ်ဗျာ သူတို့မှာ နားခိုရာရင်ခွင်တစ်ခု ပိုင်ဆိုင်နိုင်သေးတယ်လေဗျာ ကျွန်တော်ခမျာ ငေးကြည့်ယုံပဲတက်နိုင်တဲ့လူပါ
ရင်ဘက်တစ်ခုလုံး ဗြောင်းဆန်နေတယ်ဗျာ
Happy ending မဖြစ်ဘူးဆိုတာ နားလည်ထားပေမယ့် ဒီလောက်အထိတော့ စုတ်ပြတ်သွားမယ်လို့ မထင်ထားပါဘူးဗျာ အခုတော့ တကယ်နာကျင်နေပါတယ်ဗျာ
တကယ်ရယ်ရတယ်ဗျာ ခင်ဗျားနဲ့တူတဲ့သမီးကလေးမွေးဖို့အထိ ကျွန်တော်စိတ်ကူးယဉ်ခဲ့မိသူပါ တကယ်အဖြစ်အပျက်တွေက drama series တွေထက် ပိုပြီးသနားစရာကောင်းပါတယ်ဗျာ
ဒီညပြီးသွားရင် ကျွန်တော်ဆိုတဲ့ လူတစ်ယောက် ခင်ဗျားကို ခင်ဗျားရဲ့ဘဝကို ဘယ်နည်းနဲ့မှ နည်းနည်းလေးမှ မပတ်သက်စေရပါဘူးဗျာ။
ကျွန်တော်စိတ်ပင်ပန်းသလို ခင်ဗျားပင်ပန်းပါစေလို့ စချစ်မိတဲ့အချိန်ကနေ အခုအချိန်ထိ မတွေးခဲ့ဘူးပါဘူးဗျာ။
ချစ်ရသည်
Never
လူတစ်ယောက်ကို ချစ်ဖို့ဆိုတာ
ကျွန်တော်အတွက့် တကယ်မလွယ်ကူတဲ့အရာပါ
အဲ့ဒီထက် ပိုပြီးခက်ခဲတာက အဲ့ဒီလူတစ်ယောက်က ကျွန်တော်ကို ပြန်ချစ်ဖို့ပါပဲ..
အသက်၄၀ကျော် မိန်းမတစ်ယောက်က အသက်၂၀အရွယ် မိန်းကလေးတစ်ယောက်လို
ခင်ဗျားကိုဂျစ်တိုက်နေခဲ့လို့ ခင်ဗျားစိတ်ရှုပ်ခဲ့ရမှာ အမှန်ပါပဲဗျာ ဒါပေမယ့် အဲ့ဒါသူခင်ဗျားကို
ရူးရူးမူးမူးစွဲလန်းနေခဲ့လို့ပါဗျာ
ဒီဇင်ဘာလ(၅)ရက်နေ့ နောက်ပိုင်း ခင်ဗျားကြောင့် အိပ်ရေးပျက်ခဲ့တဲ့ညတွေကို ဘယ်နှစ်ညတိုင်လဲဆိုတာ ကျွန်တော်တကယ် မမှတ်မိတော့ပါဘူး
30, 31, 1, 2, 3, 4, 5
ခင်ဗျားနဲ့ စကားမပြောခဲ့ရတဲ့ ကျွန်တော်ရဲ့
ကယောင်ခြောက်ခြား ရက်စွဲတွေပါ ထားလိုက်ပါတော့ အခုတော့မလိုအပ်တော့ပါဘူး
ကျွန်တော်က အခုကချိန်ထိ မရင့်ကျက်သေးတာ
ဝန်ခံပေမယ့် သန်မာချင်ယောင်ဆောင်နေမိခဲ့တဲ့
လူတစ်ယောက်ပါ အခုတော့အရှုံးပေးလိုက်ပါပြီဗျာ
ကျွန်တော်ဘက်ကနေ စတင်ခဲ့မိတဲ့ relationship
တစ်ခုကို ကျွန်တော်ဘက်ကနေပဲ အဆုံးသတ်ခွင့်
ပြုပါဗျာ
ခင်ဗျားကိုစောင့်နေရတာ တကယ်ပင်ပန်းပါတယ် ကျွန်တော် တကယ်ပင်ပန်းနေပါပြီ ကျွန်တော်
ဒီထက်ပိုပြီး ကြံ့ခိုင်ချင်ယောင် မဆောင်တော့ပါဘူးဗျာ ဖမ်းဆုပ်ထားဖို့ အင်အားမရှိတော့လို့
ခင်ဗျားလက်တစ်စုံကို လွှတ်ပေးလိုက်ပါပြီ
အားနာလို့ဖြစ်စေ မပြောရက်လို့ဖြစ်စေ
ခင်ဗျားမပြောခဲ့တဲ့ အဆုံးသတ်ဖို့ကို
ကျွန်တော့်ဘာသာပဲ ရွေးချယ်လိုက်ပါတယ်
စကားအများကြီး မပြောတော့ပါဘူးဗျာ
ကျွန်တော့်အတွက်မဟုတ်ပါဘူး
ညီမလေးနဲ့ကလေးတွေအတွက် ခင်ဗျားကို
ခင်ဗျားအမြဲဂရုစိုက်ပေးပါဗျာ
နောက်ဆုံးအကြိမ်အဖြစ် ကျွန်တော်ဘက်ကနေ
တောင်းဆိုတာပါ
ခဏခဏပြောခဲ့မိပါတယ် အခုလည်း
ထပ်ပြောပါရစေ ခင်ဗျားကို စသိတဲ့အချိန်ကစပြီး
အခုအချိန်အထိ အရာအားလုံးအတွက်
ကျေးဇူးတင်ပါတယ်ဗျာ
ခင်ဗျားကဘုန်းကံမြင့်မားတဲ့ လူတစ်ယောက်ဖြစ်လို့ ကျွန်တော်လို အညနရတစ်ယောက်က
ခင်ဗျားဘေးမှာ နေခွင့်မရတဲ့အတွက်
ထူးပြီးတော့ စိတ်မကောင်းမဖြစ်ပါနဲ့ဗျာ
အချိန်တစ်ခုကြာရင် ကျွန်တော်
stable ဖြစ်သွားမှာပါဗျာ။
By the way!
လူတစ်ယောက်ကို ရူးရူးမူးမူး ချစ်ဖို့ဆိုတာ မလွယ်ပါဘူးဗျာ..
အဲ့လိုပါပဲ ရူးရူးမူးမူးချစ်နေတဲ့ လူတစ်ယောက်ကို accepted လုပ်ပေးဖို့ဆိုတာလဲ တကယ်မလွယ်ပါဘူး..
အရူးတစ်ကောင်ကို care လုပ်ပေးလို့ ကျေးဇူးတင်ပါတယ်ဗျာ ခင်ဗျားက ကျွန်တော့်ဘဝအတွက် ဘုရားပေးတဲ့ဆုပါဗျာ..
#1.1.2022
9:00pm
💕 Love you, Bae! 😘 💕