ပိုးဖလံ

 

သောက်လေသောက်လေငတ်မပြေတဲ့ မသောက်ရလည်း အဲ့ဒီအရသာကို ကျွန်တော့်အသွေးအသား

ထဲကနေကို မက်မောနေမိတာ ဘာတက်နိုင်မှာလည်းဗျာ..

ပိုးဖလံဆိုတာ မီးကိုသဘောကျတယ်တဲ့ ကျွန်တော်လည်းပူလောင်ရနေမှန်းသိရက်နဲ့ ခင်ဗျားကို

ဖက်တွယ်နေမိတာကြီးကို တားဆီးလို့လည်းမရတော့တာ..

မကောင်းမှုဆိုတာလည်း သိထားပါတယ် နောက်ဆုတ်ဖို့လည်း ကြိုးစားအားထုတ်နေပါတယ် 

ဒါပေမယ့်လည်း နွံထဲကျသွားတဲ့လူလို့ ရုန်းထွက်ဖို့ကြိုးစားလေ ပိုပြီးနစ်မြုပ်လေပါပဲဗျာ

အဲ့ဒီတော့ ပိုပြီးပဲအနစ်ခံလိုက်ပါတော့တယ် ခင်ဗျားမရှိတဲ့အရပ်မှာ ကြိုးစားပြီးနေထိုင်လို့

ရပေမယ့်လည်း ခင်ဗျားမရှိတဲ့ဘဝမှာ ကျွန်တော်မှမနေနိုင်တော့တာ

မမြင်ဘူးမူးမြစ်ထင်တဲ့ မူးပဲမြင်ဘူးလို့ တပ်မက်တွယ်တာနေတာ မဟုတ်ပါဘူး အဲ့ဒီလူက

ခင်ဗျားဖြစ်နေလို့ကို တမေ့တမောကိုဖက်တွယ်နေမိတာပါ ခင်ဗျားဖြစ်နေတာက ကျွန်တော်အတွက်

အဓိကပါခင်ဗျာ

လူတစ်ယောက်ကို တစ်ကြိမ်တစ်ခါမျှမြင်ရယုံနဲ့ အချိန်အကြာကြီးစောင့်စားနိုင်မယ်လို့ ရေးရေးလေးမျှကို

ကျွန်တော်မတွေးခဲ့မိပါဘူးဗျာ ဒါပေမယ့်လည်း ကျွန်တော်စောင့်စားခဲ့ပါတယ် စောင့်စားနေတုံးပါပဲ

နောက်တစ်ကြိမ်ပြန်တွေ့မတွေ့ဆိုတာ မသေချာပေမယ့် ကျွန်တော်ခင်ဗျားကို စောင့်နေမှာပါ

အမှောင်တကာအမှောင်ဆုံးထဲကို တိုးဝင်နေမှန်းသိပေမယ့်လည်း ကျွန်တော်နောက်ပြန်လှည့်ဖို့အတွက်

အချိန်လွန်သွားပါပြီ 

ကာမတဏှာနဲ့ပတ်သက်ပြီး ဘုရားလည်းဟောခဲ့ပါတယ် ဆရာတော်ဘုရားတွေလည်း သွန်သင်

ဆုံးမနေတာကို သိသိရက်နဲ့ ကျွန်တော်မိုက်တွင်းနက်နေမိတာပါ။

26th November 2023

Yangon

10:00pm

ယောက်ျားနဲ့ မိန်းမ အိမ်ထောင်ပြုတယ်ဆိုတာ ဒီ ကာမရာဂ ကိစ္စအတွက်ဘဲဆိုတာ 

ဘယ်သူမှ မငြင်းနိုင်ပါဘူး၊ ဒါပေမဲ့ လူရယ်လို့ဖြစ်လာရတာ ဒီကာမရာဂ ကိစ္စ တစ်ခုထဲအတွက်

မဟုတ်ဘူး၊ ကံအင်မတန်ကြီးကောင်းလို့ ရလာတဲ့ လူ့ဘ၀ လေးကို အခွင့်ကောင်းယူပြီး သံသရာ

ဝဋ်ဆင်းရဲတွေက လွတ်အောင် ဒါနကုသိုလ်တွေ သီလကုသိုလ်တွေ ဘာဝနာကုသိုလ်တွေလုပ်ဖို့ 

လူတိုင်းမှာ လုပ်စရာတွေ အများကြီးရှိနေပါတယ်။ အဲဒီတော့ ဒီကာမရာဂ ကိစ္စတစ်ခုထဲနဲ့ 

အချိန်မကုန်စေချင်ဘူး၊ ဒီကာမရာဂကိစ္စဟာ အရသာတော့ အတော်ထူးတယ်၊ အဲဒီလို 

အရသာထူးသလောက် သတ္တဝါတွေကို နိဗ္ဗာန်မရောက်နိုင်အောင် နိဗ္ဗာန်နဲ့ဝေးသထက် 

ဝေးအောင် လုပ်တဲ့နေရာမှာလဲ အင်မတန်ကြီး သတ္တိထူးပါတယ်၊ ဒါကို လူတိုင်း စဉ်းစားဖို့ပါဘဲ။

ကာမတဏှာ (ဦးနု)