ဗလာ။

 

မေလ ကျွန်တော်မှတ်မိသလောက်ကတော့ ကျွန်တော်အတွက် အဆိုးဆုံးအချိန်တွေက ဒီလမှာပဲဖြစ်တာများပါတယ် အမှန်ကတော့သက်မဲ့လတစ်ခုက သက်ရှိလူတစ်ယောက်အတွက် ဘယ်လိုဥပါဒ်မျှပေးလို့မရပါဘူးဗျာ။

စိတ်ဓါတ်အတော်လေးကျနေတယ် အရင်ရက်ပိုင်းက အဖန်ငါးရာငါးကမ္ဘာကြီးမှာကျင်လည်ရမှာ သဘောမကျပေမယ့် သတ်သေဖို့တွေးမိပါတယ် အမှန်ကလူဖြစ်ရတာ ကျွန်တော်လိုလူမျိုးအတွက် လူ့ဘဝရလာတာမတန်လို့ပါဗျာ ဆန်ကုန်မြေလေးဖြစ်သလိုပဲခံစားမိလို့ပါ

ဒါပေမယ့်  သက်သေတဲ့နည်းလမ်းတစ်ခုမျှကိုစိတ်တိုင်းမကျဘူး ဆေးသောက်သေဖို့ကျတော့လည်း ဆေးငါးလုံးလောက်တပြိုင်နက်သောက်ရင်တောင် ပြန်အန်နေတာ ဆေးသောက်သေဖို့ကလည်း မလွယ်ကူ

လူသူကင်းမဲ့တဲ့နေရာမှာ လက်ကောက်ဝတ်လှီးဖို့ကျတော့လည်း ဘလိတ်ဓါးနဲ့ကိုယ့်အသားကိုယ် သွေးကြောပြတ်တဲ့အထိ ပြန်လှီးဖို့ကလည်းမလွယ်ကူဘူးလေ သွေးကြောမပြတ်မချင်း သွေးအများကြီးမြင်ရရင်လည်း လူကအဆင်ပြေမှာမဟုတ်ဘူး

လူမနေတော့တဲ့တိုက်ပေါ်ကခုန်ချဖို့ကလည်း အောက်ရောက်လို့တစ်ခါတည်းသေသွားရင် ကိစ္စပြတ်နိုင်ပေမယ့် မသေဘဲဒုက္ခိတဖြစ်ရင် မိသားစုကိုဝန်ပိစေမယ် စိတ်ညစ်လို့သတ်သေတယ်ဆိုပေမယ့်လည်း သေခါနီးအချိန်မှာ ဘယ်သူမျှဒုက္ခမပေးဘဲ စိတ်အေးချမ်းသာစွာနဲ့သာ ထွက်သွားချင်တာကျွန်တော့်ဆန္ဒပါ

ကျွန်တော်သဘောကျတာက ရေထဲခုန်ချဖို့ပါပဲ ရေမွန်းပေမယ့် အဲ့ဒီရေထဲမှာအသက်ရှုရပ်သွားရတာကို သဘောကျမိပါတယ် ဘာအတွေးမျှမရှိတော့ဘဲ ရေထဲကိုတဖြည်းဖြည်းနစ်မြုပ်သွားရတာက အတော်လေးကိုကျေနပ်ဖို့ကောင်းပါတယ် ကျွန်တော်ကရေကိုအရမ်းနှစ်သက်တဲ့သူကိုဗျ 

ရေထဲခုန်ချဖို့ကျပြန်တော့ ရန်ကုန်လိုနေရာမျိုးမှာ လူပြတ်တဲ့မြစ်နားကမ်းပါးဆိပ်ကမ်းကမရှိတော့ ကိုယ်မသေခင် ခုန်ချတာတွေ့လိုက်မိလို့ ဆင်းကယ်မယ့် သူတစ်ဖက်သားအတွက်ကိုလည်း စိုးရိမ်ရပြန်တယ်

ရေထဲခုန်ချတဲ့ကျွန်တော်မသေဘဲ အခန့်မသင့်လို့ ကယ်တဲ့သူသေသွားခဲ့ရင်လွဲပါစေဖယ်ပါစေ တစ်ဘဝလုံးငါကြောင့်ဖြစ်ရလေဆိုတဲ့ အဲ့ဒီစိတ်ကြီးနဲ့အသက်ရှင်သွားရမှာ တကယ်ကိုစိတ်ပင်ပန်းရပါတယ်ဗျာ အဲ့ဒီတော့စိတ်ကူးနဲ့တင် သတ်သေဖို့နည်းလမ်းကအဆင်မပြေတော့ လက်တွေ့မှာအထမမြောက်တော့ဘူးပေါ့ဗျာ

အဲ့ဒါလည်း ဘုရားကျေးဇူးပါ ဘုရားတရားကို အခုလက်ရှိအချိန်မှာ တကယ်တမ်း တစိုက်မက်မက်မလုပ်ခဲ့ပေမယ့် အရင့်အရင်ကလုပ်ခဲ့ဘူးတဲ့ ကုသိုလ်အရှိန်လေးက လက်ရှိအချိန်မှာ ဝင်ကယ်သွားတာပါ အဖန်ငါးရာငါးကမ္ဘာကနေ ဒီတစ်ချိန်တော့လွတ်မြောက်ပြန်ပြီပေါ့ဗျာ

ကျွန်တော်တစ်ယောက် ဘုရားတရားကိုတော့ တစိုက်မက်မက်လုပ်မှဖြစ်ပါတော့မယ် ဒီသုံးလအတွင်းမှာ ကြာလာလေ လူတွေနဲ့အလှမ်းဝေးပြီးကင်းကွာလာပါတယ် အရင်ထက်ပိုပြီး တစ်ယောက်တည်းသီးသန့်နေမိပါတယ် ကျွန်တော်ကဘဝအတွက်ရှင်သန်နေရတာမဟုတ်ဘဲ ဘဝကကျွန်​ေတာ့်ကို ဗဟိုပြုပြီးလည်ပတ်နေရသလို ပြောင်းပြန်ဖြစ်သွားတယ် 

အခုအချိန်မှာအလုပ်ရဖို့ ပိုက်ဆံရှာဖို့ကအရေးကြီးနေတယ် ခေါင်းထဲမှာရှုပ်ပွနေပေမယ့် ဘာတစ်ခုမှကို လက်ခံမပေးနိုင်သေးပါဘူး နောင်လည်းစိတ်ပင်ပန်းမယ့် သံယောဇဥ်၊မိသားစုအရာအားလုံးကို ဘယ်လိုအကြောင်းနဲ့မျှ လက်ခံမပေးတော့ပါဘူး မျက်စိနှစ်လုံးပွင့်ရင် ငါဘာလုပ်ရမလဲဆိုတဲ့အတွေးနဲ့တင် လူကစိတ်မောလူမောဖြစ်ရပြီး

တကယ်ကိုအားငယ်မိပါတယ် ကျွန်တော်ကိုယ်က အရာရာပျော့ညံ့လွန်းပါတယ်ဗျာ 

တချို့လူတွေကို တကယ်ကိုအားကျမိပါတယ် ဘယ်လိုပဲလောကဓံကထိုးနှက်ပါစေ လဲကျသွားပေမယ့်လည်း ပြန်ထနိုင်ဖို့အတွက် စိတ်ဓါတ်ခိုင်မာကြပါတယ် အဲ့လိုလူမျိုးတွေအတွက် လူ့ဘဝရလာတာက တကယ်ကိုမွန်မြတ်လွန်းပါတယ်။

ဝဋ်ကြွေးပါလာခဲ့လို့ ရေစက်ဆုံရသလို

ဝဋ်ကြွေးပါလာခဲ့လို့ မိသားစုဖြစ်လာရတာပါ

အဲ့ဒီ့ဝဋ်ကြွေးတွေအကုန်လုံး

ဒီဘဝမှာတင်ကြေပါစေလို့ ဆုတောင်းပါတယ်ဗျာ။