ခင်: November 2024

ခင်ဆိုသော လူ။

ဒီနေ့ ၂၅ရက်ဖြစ်နေပြီ ဒီလအတွက်ထီသုံးစောင် မထိုးရသေးဘူး ထီဆုကြီးပေါက်ခဲ့ရင် သိန်း၁၀၀၀ လောက်ပေါက်ခဲ့ရင်တောင် အဲ့ဒီ့ပိုက်ဆံကို အဖေနဲ့မမကိုစီမံဖို့အကုန်ပေးခဲ့ပြီး နယ်ဘက်ကရိပ်သာတစ်ခုမှာသွားနေဖို့က ကျွန်တော့်စိတ်ကူးပါ..

ကျွန်တော့်စိတ်ကိုကျွန်တော် အစိုးမရသေးတဲ့အတွက် ရာသက်ပန်ဆိုတဲ့စကားကိုတော့ မသုံးထားပါဘူး ကျွန်တော်စိတ်ပျော်ငလောက်နေမိမှာပါ အခုလိုလူ့ဘဝကြီးမှာ တကယ်ကိုနေမပျော်တော့တာကိုတော့ ကျွန်တော်သာနားလည်တဲ့ခံစားချက်ပါ

ရိပ်သာသွားနေမယ်ဆိုလို့ ကျွန်တော့်ကိုကိလေသာကုန်ခမ်းသွားပြီလားမေးလာခဲ့ရင် သာမန်လူတစ်ယောက်မှာရှိတဲ့ ကိလေသာအတိုင်း နည်းနည်းမျှမလျော့ပဲ ကျွန်တော့်မှာကျန်ရှိနေပါတုန်းဆိုတာကို ကျွန်တော်ပြန်ဖြေပေးမှာပါ

လူတစ်ယောက်စီမှာရှိတဲ့အိမ်မက်တွေအများကြီး ကျွန်တော့်မှာရှိပါတယ် အဖေနဲ့အမေကို ရန်ကုန်အပြင်ဘက်ကလူခြေနည်းတဲ့နေရာမှာ ခြံနဲ့ဝင်းနဲ့တိုက်အိမ်တစ်လုံးဝယ်ပေးချင်တယ် သူတို့သွားလာဖို့ကားတစ်စီးဝယ်ပေးချင်တယ် အဘိုးအိုအဘွားအိုအရွယ်ရောက်နေပြီဖြစ်တဲ့ အဖေနဲ့အမေအတွက် လစဥ်ထုတ်သုံးနိုင်ဖို့ကိုဘဏ်ထဲမှာသိန်း၁၀၀၀ ထည့်ပေးထားချင်တယ်

ကျွန်တော့်အတွက် မြန်မာပြည်အနှံခရီးတွေသွားချင်တယ် ကားမောင်းသင်ချင်တယ် ရေကူးသင်ချင်တယ် လူနေနည်းတဲ့နယ်မြို့လေးတစ်မြို့မှာ အပင်တွေစိုက်ရင်းနဲ့ဘဝနေဝင်ချိန်ကိုငြိမ်းအေးစွာကုန်ဆုံးချင်တယ် ဒါပေမယ့်အခုအချိန်အထိ ဒီအသက်အရွယ်အထိ အဲ့ဒါတွေကိုမလုပ်နိုင်တော့တဲ့အတွက် အိမ်မက်တွေကိုလွှတ်ချထားလိုက်ပါတယ်

၉လပိုင်းကနေစပြီးတော့ ကျွန်တော်တစ်ယောက် ပေါ့ပေါ့ပါးပါးပဲနေခဲ့ပါတယ် တစ်ဖက်သားအမြင်မှာ ကျွန်တော့်ဘဝကြီးကအားကျစရာ သာယာစရာကောင်းသာယာနေမှာပါ တကယ်တော့လက်တွေ့မှာ တနေ့ထက်တနေ့ကျွန်တော့်ဘဝက ဆုတ်ယုတ်ပျက်စီးလာနေတာကို ကျွန်တော်တစ်ယောက်ထဲသိထားပါတယ်

မနက်ခင်း၄နာရီကျော် ဆွမ်းတန်းကြေးစည်သံကြားရတဲ့အချိန်မှ အိပ်ယာဝင်ခဲ့မိတဲ့ရက်ပေါင်းမနည်းပါဘူး တစ်ရက်တစ်ရက်ကျွန်တော် video ကြည်တဲ့ဖုန်းသုံးချိန်က ၆နာရီထက်မနည်းပါဘူး apps တွေကို timber ဘယ်လောက်ပဲပေးထားပါစေ video tools ကို နေ့တိုင်းအချိန်ထပ်တိုးပြီး ကျွန်တော်ကြည့်မိပါတယ်

ကျွန်တော့်အတွက် မနက်နေရောင်ခြည်ကိုမထိတွေ့ခဲ့ရတာ လချီနေပါပြီ အချိန်တန်စားအချိန်တန်အိပ်လို့ရတဲ့ဘဝဆိုပေမယ့် အဲ့ဒါဟာအခိုက်အတန့်ဆိုတာ ကျွန်တော်ပဲသိထားတာပါ အဲ့ဒီအခိုက်အတန့်အတွက် ကျွန်တော်ပြင်ဆင်ထားဖို့ကို ဘာတစ်ခုမျှမလုပ်ထားခဲ့ပါဘူး

ကျွန်တော်လူဖြစ်ရကျိုးနပ်လားဆိုရင် လူဖြစ်ရကျိုးနပ်ပါတယ် ဘဝမှာလုပ်ချင်တာအကုန်လုပ်ခွင့်ရခဲ့ပါတယ် ကျွန်တော့်မိဘတွေသာ မွေးရကျိုးမနပ်တာပါ သားသမီးကံမကောင်းတာပါ အဲ့ဒီအတွက်ကျွန်တော်တကယ်ကို စိတ်မကောင်းဖြစ်ရပါတယ် ကျွန်တော်လူအဖြစ်မွေးမလာသင့်ဘူးလို့လည်း မှတ်ယူထားပါတယ် အဲ့ဒါတွေထပ်မရေးတော့ပါဘူးဗျာ

လူမှာဟီရိသြတ္တပ္ပရှိရပါတယ် ကျွန်တော့်မှာအဲ့ဒီနှစ်မျိုးလုံးအခုအချိန်မှာမရှိတော့တာနေမှာပါ အရင်ကတော့အလုပ်ရှာမရလို့ ပတ်ဝန်းကျင်ကလူတွေအကုန်လုံးကို ရင်ဆိုင်ရမှာကိုရှက်ခဲ့ပေမယ့် အကြောက်ကြီးကြောက်ခဲ့ပေမယ့် အခုတော့အလုပ်ရှာဖို့ကို ကြိုးစားပမ်းစားဘာမှမလုပ်ဖြစ်တော့ပါဘူး

အရင်က လက်ထဲမှာလုံလုံလောက်လောက် ပိုက်ဆံမရှိတော့လို့ နောက်ရက်တွေဘာဆက်လုပ်ရမလည်း အစိုးရိမ်ကြီးစိုးရိမ်ပြီးကြောက်ခဲ့မိပေမယ့် တကယ်ကိုကြောင့်ကျမိခဲ့ပေမယ့် အခုတော့ထီပေါက်တဲ့နေ့မှာ ရိပ်သာသွားဖို့အတွက် ဖယ်ထားတဲ့ပိုက်ဆံကလွဲရင် အကုန်လုံးကိုသုံးပြစ်ပါတယ် မနက်ဖြန်ဆိုတာကို နည်းနည်းမျှမတွေးထားမိပါဘူး တဖက်သားနားလည်အောင်ပြောရရင်တော့ လူ့ပေါက်ပန်းဖြစ်နေတာပေါ့ဗျာ စိတ်နဲ့ခန္ဓာမှာဗလာဖြစ်သွားတာပါ

ဘာလို့ဒါတွေရေးနေရလည်းဆိုရင် ကျွန်တော့်ဘဝကိုထပ်ပြီးတော့ လူတွေကိုမပြောပြချင်တော့လို့ပါ သူတို့လည်းသူတို့ဘဝအမောတွေနဲ့ရင်ဆိုင်ဖြတ်သန်းနေရတာပါ ဘယ်သူ့ဘယ်သူမျှကိုအပူအပင်တွေ ထပ်ပြီးတော့မပေးတော့ပါဘူးဗျာ

လူ့ဘဝအခိုက်အတန့်လေးမှာ အကုန်လုံးအေးချမ်းကြပါစေခင်ဗျာ။

မဟာသမယသုတ် ပါဠိတော် - သီတဂူဆရာတော် ဘဒ္ဒန္တဉာဏိဿရ

သို့

ကျွန်တော်ကဆိုက်ကိုဆိုတော့ သိပ်ကိုအတွေးများတယ် အဲ့ဒါကြောင့် ကျွန်တော်တွေးသလို ကိုကိုထင်နေမှာစိုးလို့ စာအရှည်ကြီးပို့လိုက်မိတာပါ ကျွန်တော့်စာကြောင့်အနှောက်အယှက်ဖြစ်ခဲ့ရရင်လည်း ကြိုပြီးတောင်းပန်ပါရစေ။

ကျွန်တော်ပြောင်းလဲသွားပြီလား အရင်လိုမဟုတ်တော့ဘူးထင်နေမှာစိုးလို့ရှင်းပြတာပါ အရင်လိုစာတွေမပို့တော့တာက ကိုကိြဘယ်ရောက်နေတာ ဘာတွေလုပ်နေတာဆိုတာကျွန်တော်မသိရတော့ စာပို့လိုက်လို့အနှောက်အယှက်ဖြစ်သွားမှာစိုးရိမ်လို့ပါ

ဆိုတာတောင် လေးလပိုင်းကတင်ထားတဲ့ post အောက်မှာ မန့်ထားလို့ ပြောင်းမှာကိုသိရတာပါ ဆယ်လပိုင်းလဆန်းလောက်ကမှ မိန်းကလေးတစ်ယောက်ရဲ့ post အောက်မှာ မန့်ထားလို့ မှာမဟုတ်တာသိရတာပါ လေးလပိုင်းနောက်ပိုင်းကနေစပြီး ဒီအချိန်အထိ ဘာလုပ်နေလည်းဘယ်ရောက်နေလည်းဘာမှမသိပါဘူး

အဲ့ဒါတောင်မှ ကျွန်တော်ဘက်ကနေဖက်တွယ်နေမိတုန်းပါပဲ ပြီးတော့ ကျွန်တော်ဘဲရနေပြီထင်တာကိုလည်း တကယ်ကိုမကြိုက်ပါဘူး ကျွန်တော်ကလူတစ်ယောက်ကိုချစ်မိရင် သဘောကျနေရင် ကြိုက်သွားပြီးရင် မပြောင်းလဲတက်ပါဘူး အတင်းအကြပ်ကြီးဒီလူမှဒီလူဆိုပြီး လုပ်ယူထားတာမဟုတ်ပေမယ့် အဲ့ဒီလူကိုပဲစိတ်ထဲမှာတွေးမိနေတဲ့သူပါ အချစ်ကြီးသလို သစ္စာလည်းကြီးတက်လို့ပါ

အဲ့တော့နင်ကတစ်ခြားယောင်္ကျားကို စိတ်မဝင်စားဘူးလားမေးရင် လူပဲဗျာစိတ်ဝင်စားတာပေါ့ဒါပေမယ့် ခင်ဗျားလိုစွဲစွဲလန်းလန်းကြီးအဲ့ဒီ့လူအပေါ်မှာ ဖြစ်တည်မှုမရှိတာလေ ကျွန်တော်က ကိုကို့ကိုအထင်ကြီးတယ် သဘောကျတယ် ချစ်တယ် ကြိုက်တယ် ဒါပေမယ့်ကျန်တဲ့သူအပေါ်အဲ့လိုစိတ်မျိုးတွေမဖြစ်လာဘူးလေ

fb မှာသိတဲ့တချို့တွေ ၆လ၁နှစ်နဲ့ခဏခဏလူပြောင်းရင်တောင် သူတို့ကိုဆူချင်တယ် တကယ်တော့သူတို့က ကံကောင်းတာပါ လူတစ်ယောက်တည်းကိုပဲစွဲစွဲလန်းလန်းမချစ်တာက သူတို့ရဲ့အားသာချက်လေ ဝန်ခံရရင်ကျွန်တော်လည်းအားကျမိပါတယ်

ဒီဇင်ဘာကုန်ရင် ကိုကို့ကိုမဆက်သွယ်ဖြစ်တာအတွက် နေသားကျနိုင်မယ်လို့တွေးထားတာပါ ဒါပေမယ့် ကိုကိုစာပို့တာနဲ့တင် ကျွန်တော်ဘက်ကနေမနေနိုင်ပါဘူး viber ပျက်သွားလို့တောင် အတော်လေးယောက်ယက်ခက်သွားတာပါ တမင်တကာဖျက်လိုက်တယ်ထင်နေမှာစိုးတာပါ

တနေ့ကစာပို့ပေးလို့ ကျေးဇူးတင်ပါတယ် ပုံပို့ပေးလို့လည်း အများကြီးပျော်ရပါတယ် video ကြည့်ဖို့ folder ဖွင့်တိုင်း အဲ့ဒီပုံလေးကိုမြင်တိုင်း ကျွန်တော်သဘောကျလို့အမြဲပြုံးမိပါတယ် လူတစ်ယောက်ကိုရူးရူးမိုက်မိုက်ချစ်မိတဲ့သူတွေပဲ အဲ့ဒီ့ခံစားချက်ကိုနားလည်မယ်ထင်ပါတယ်

စွန့်လွှတ်နိုင်ဖို့ကြိုးစားခဲ့ပေမယ့် ကျွန်တော်မအောင်မြင်ပါဘူး သူတစ်ပါးရဲ့အမျိုးသားကိုတပ်မက်နေမိတာလည်း မကောင်းမှုကျူးလွန်နေမိမှန်းသိပါတယ် ဒါပေမယ့် ကျွန်တော်မှကိုကို့ကိုမချစ်ဘဲ မနေနိုင်တော့လို့ပါ

မေတ္တာကြောင့်ချစ်တယ်ပြောပြော တဏှာကြောင့်ချစ်တယ်ပြောပြော ကျွန်တော်ကိုကို့ကိုအရမ်းချစ်ပါတယ် ရင်ခွင်ထဲဝင်ပြီးအကြာကြီးဖက်ထားချင်တယ် ကျွန်တော်တို့ဆုံတွေခဲ့တာဟာ မှားတယ်ဆိုတာလည်းလက်ခံထားပါတယ် ဒါပေမယ့်ဘယ်လိုပဲကြိုးစားပါစေ ကျွန်တော်ဘက်ကမှကိုကို့ကိုမပြတ်သားနိုင်တာ

တစ်ခါတလေကျရင် အရမ်းဝမ်းနည်းမိပါတယ် နင့်ကိုချစ်လို့လား နင့်ကိုအလေးအနက်ထားလို့လာ ပြန်မေးမိပါတယ် ဒါပေမယ့် ကျွန်တော့်ဘက်ကနေချစ်နေခွင့်ရရင် အဲ့ဒါတွေကမှအရေးမကြီးတော့တာ ကိုကို့ကို နှစ်တွေအများကြီးချစ်ခွင့်ရယုံနဲ့တင် ကျွန်တော်ကျေနပ်ပါပြီ ကျွန်တော်ကချစ်တာကို

စာလည်းအရှည်ကြီးဖြစ်သွားပြီ မနက်ထဲကစာရေးဖို့တွေးနေတာအခုညမှချရေးမိတာပါ တနေ့လုံးတွေးနေတာတွေချရေးရင် မိုးပါလင်းသွားနိုင်တယ် ခဏနေအိပ်ပါတော့မယ်

အစစအရာရာအကုန်လုံးဂရုစိုက်ပေးပါနော် ဒီလကုန်တဲ့အထိစာအရှည်ကြီးတွေထပ်မပို့တော့ပါဘူး စိတ်ရှုပ်မှာစိုးလို့ စာတွေလည်းခဏခဏမပို့တော့ပါဘူးနော်

ကျွန်တော်အရင်ထက်ပိုပြီး အများကြီးလွမ်းနေပါတယ်။

14th November 2024.

1:59 Am

ချစ်သော

နှစ်ကုန်တဲ့အထိရက်စွဲတွေကို ဆယ်စုတစ်စုမှတ်ထားခဲ့ပါတယ် 10days 10days စသဖြင့်ပေါ့ တစ်ခါတလေအရမ်းသတိရမိရင် နောက်ထပ်ဘယ်နှစ်ရက်ပဲလိုပါတော့တယ်ဆိုပြီး ရအောင်အားတင်းခဲ့ပါတယ် အဲ့ဒါတောင်မှတချို့ရက်တွေမှာ အတော်လေးစိတ်ပင်ပန်းရပါတယ် အဲ့လိုရက်တွေမှာစာတပိုင်းတစလေးတွေရေးခဲ့မိတာပါ

ခင်ဗျားပြန်လာဖို့ကိုလည်း ကျွန်တော်မမျှော်လင့်ထားသလို ကျွန်တော်လည်းခင်ဗျားစီ တကယ်ကိုပြန်မလာတော့ပါဘူး လူတစ်ယောက်ကို စောင့်မျှော်ရတဲ့ဒုက္ခကတကယ်ကိုခါးသီးလွန်းလှလို့ ဒီစကားကိုကျွန်တော်ထည့်ပြောရတာပါ

၁။

ဒီညဆောင်းကအေးစပြုလာတယ် အေးမြမြရာသီဥတုမှာ မိုးကစွတ်လာတော့ နေရတာချမ်းတစိမ့်စိမ့်နဲ့သတိရမိပြန်တယ် မိုးလုံလေလုံအရပ်မှာများရှိနေပါ့မလား

အရင်ကစိတ်နဲ့ဆိုရင် ရာသီဥတုအေးတယ် နွေးနွေးထွေးထွေးနေနော် မိုးမိရင်ဆေးကြိုသောက်ထားဆိုတဲ့စာကိုပို့မိမှာပါ အခုတော့သတိရစိတ်ကိုတားမြစ်ထားလိုက်နိုင်ပါတယ် အစကနေပြန်မစချင်ပါနဲ့တော့ဗျာ

ဖြစ်ပြီးရင်ပျက်ကြရမှာဓမ္မတာပါပဲ အဲ့ဒီ့စိတ်ကလေးကိုနှလုံးသွင်းနိုင်ဖို့ပဲကြိုးစားပါတော့မယ်။

၂။

တနေ့လုံးမိုးကတဖြောက်ဖြောက်ရွာပြီး ရာသီဥတုကအတော့်ကိုအေးနေပြန်တယ် စောင်ခြုံထဲမှာနေရင်းနဲ့ ခင်ဗျားရှိတဲ့အရပ်မှာမိုးရွာနေမလား မိုးလုံလေလုံနေရာမှာရှိပါ့မလားစိတ်ပူမိပြန်တယ် မသက်ဆိုင်တော့တာမှန်ပေမယ့် နွေးနွေးထွေးထွေးရှိစေချင် ကျွန်တော့်စေတနာသက်သက်ပါ။

၃။

ရှေ့ဆက်ဖို့ဒီထက်ပိုပြီးမဖြစ်နိုင်တော့ဘူးဆိုတာ ကောင်းကောင်းကြီးလက်ခံထားပေမယ့် ခင်ဗျားရဲ့လက်ရှိပုံကိုကျွန်တော်မြင်တွေ့ချင်နေမိတယ်။

၄။

ရက်၂၀ပြည့်သွားပြန်ပြီ ဒီလိုနဲ့ပဲရက်၂၀၀ရောက်အောင် သွားရမှာပါပဲ တနေ့တော့အရာအားလုံးဟာ သူ့နေရာနဲ့သူနေသားကျသွားမှာပါဗျာ။

ဒီဇင်ဘာကုန်တဲ့အထိ 10days တွေအတိုင်း ဖြတ်ကျော်မယ်လို့ ရအောင်အားတင်းထားတာပါဗျာ မနက်က viber ကနေစာလာပို့တော့ ရတမှာရှိတဲ့လူတစ်ယောက်ကို စိတ်ဆိုးဖို့မသင့်လို့ စကားခဏပြောဖြစ်တယ် အဲ့ဒါနဲ့ပဲ တနေ့လုံး viber ကို ခဏခဏဝင်ကြည့်မိပြန်ရော ကျွန်တော့်ဘာသာလည်းသိထားပါတယ် သူ့ဘက်ကနေ စာလေးတစ်လုံးပို့ရင်တောင် အရမ်းကိုအလေးထားမိတဲ့သူလေဗျာ

ညဘက်သန့်ရှင်းရေးလုပ်နေရင်းနဲ့ viber account က ဝင်လို့မရတော့ဘူး သူစာပို့လို့ viber ဖျက်လိုက်တယ်ထင်မှာစိုးရိမ်မိရော viber ပြန်ဝင်တာ ၁နာရီလောက်ဖြစ်သွားတော့ အမေကဆူပါလေရော မနက်ကိုဖုန်းဆိုင်မှာသွားပြင် လုပ်စရာရှိတာလုပ်ပြီးရင် ရေချိုးတော့နောက်ကျနေပြီ

ရေချိုးခေါင်းလျှော်ပြီးတော့ ၂နာရီထိုးတော့မယ် viber ဝင်တာမရတော့ fb ဝင်ကြည့်မိရော viber ကိုဖျက်လိုက်လား အမေးတစ်ခွန်းကနေ ကျွန်တော်တစ်ယောက် ဒီသံသရာဝဲဂယက်ကြီးထဲကို ပျော်ပျော်ကြီးခုန်ဆင်းလာမိပြန်ပါတယ်

ချစ်တယ် စကားလာပြောပေးလို့လည်း ချစ်တယ် အကြာကြီးနေမှ သူ့ကိုမြင်ရလို့လည်း ချစ်တယ် ကျွန်တော့်ကို တွေ့ချင်တယ်ပြောလို့လည်း ချစ်တယ် သူရဲ့ ဟိုဟာလေးကိုလည်း ချစ်တယ်

ကျွန်တော့်မှာ နောက်ထပ်ချစ်ဖို့ ဘုရားကချစ်ခွင့်ပေးသနားရင်တောင် ခင်ဗျားကိုပဲချစ်မိမှာသေချာပါတယ် နာကျင်ရမှာကိုသိနေရက်နဲ့ ခင်ဗျားကိုဆက်ပြီးဖက်တွယ်မိပြန်တဲ့ ကျွန်တော့်ကိုယ်ကျွန်တော် မသနားတော့ပါဘူးဗျာ။

ကိုကို ခင်ဗျားဟာကျွန်တော့်အတွက် အရာရာပါ။

Ko Ko, you are my everything!

12th November 2024.

သံယောဇဥ်

ည ၁၀နာရီကျော်က လေးဖြူရဲ့ သံယောဇဥ်သီချင်းကို vpn ဖွင့်ပြီး blog မှာ post တင်လိုက်တယ် ခဏကျတော့ viber က message ဝင်လာပြီး account ပျက်သွားတယ် ချက်ခြင်းပြန်ဖွင့်တော့ account ပြန်ရပြီး နာရီဝက်လောက်ကြာတော့ account ပြန်ကျသွားတယ် ဖွင့်လို့ကိုမရတော့ဘူး

viber ပြန်ဖွင့်လို့မရတော့ လက်လျော့လိုက်ပြီး blog ဝင်ကြည့်တော့ post တင်ထားတဲ့ သံယောဇဥ် သီချင်းပါမရှိတော့ဘူးဗျာ သြော် ဘဝကြီးက သာယာနေလိုက်တာ

အဲ့ဒါနဲ့ အခုထပ်တင်လိုက်တာဗျ။

နဒီမင်္ဂလာ။

နဒီမင်္ဂလာ (ရေး – ရဲလွင်)

နံနက်ခင်း ဆီးနှင်းတို့အဝေးမလွှင့်မီ

နေရောင်ခြည် အရှေ့အရပ်က အကြိုဆိုက်ပြီ

မကြည်လင်တာတွေ မှောင်ရိပ်ထဲ သိပ်ခဲ့ကွယ်

မကြာခင်ဆိုရင် မိုးလင်းနိုးထတော့မယ်

ဝေဟင်ပေါ် ပျံသန်းတဲ့ငှက်ကလေးတွေ

ဘယ်ဆီမှာ ဆင်းသက်တစ်ထောက် ခိုနားမယ်

နဒီမင်္ဂလာ ခြေသွားလမ်း ကမ်းတစ်ဖက်မှာ

လေပြေအလာ ပန်းရနံ့တို့ သင်းပျံ့နေ

ဟိုတစ်ဖက်ကမ်းက တရားဒေသနာ

အာရုံဦးရဲ့ ငြိမ်းချမ်းမှုလေလား

ပူလောင်ကျွမ်းတဲ့ နှလုံးသား ကိုယ့်အသည်းကို

ဟန်ဆောင်နှစ်သိမ့်ထားမယ်လေ

ရည်ရွယ်ရာ ခရီးလမ်းဆုံး မရောက်သေးမီ

ကြင်နာသူ တွဲလက်ဖျက် အဖော်မဲ့ပြီ

ယုံကြည်ရာတွေ ပျောက်ဆုံးလို့ ဝေးမသွားခင်

ဒီရင်ခွင်မှာ မင်းအမြဲတိုး စိုးမိုးနေ