ပိုက်ဆံ

 

ပိုက်ဆံ ဒီကောင်ကြောင့်ကျွန်တော်ခေါင်းစားနေရတာ ၁၀ရက်ကျော်ပါပြီ အခုထိလည်း တနုံနုံနဲ့ ကိုယ့်ဘာသာ ဒေါသထွက်နေရတယ်

ကျွန်တော်ဆိုတဲ့လူကလည်း ဆန်မရှိစောက်စားကြီးဗျ စကားလုံးရိုင်းသွားရတာ ကန်တော့ပါရဲ့ဗျာ ကိုယ့်မှာပေးစရာတွေတပုံတပင်ကျန်သေးလို့ သုံးစရာမရှိတာတောင် သူတစ်ပါးအပူကို မျှယူပေးချင်သေးတာ

ဘယ်သူကမှ ငါ့ကူညီပေးပါတိုက်ရိုက်လာမပြောပေမယ့် သူအဆင်မပြေဘူးဆိုတာသိတာနဲ့တင် မျောက်မီးခဲထိုင်မိသလို နေမထိထိုင်မထိဖြစ်နေတက်တဲ့လူပါ မကူညီနိုင်တော့ အဲ့ဒီဒေါသကကိုယ့်ဘာသာ လောင်ကျွမ်းနေမိရော

အခုတလောတွေးမိပါတယ် ငါကမိန်းမဖြစ်လာရမှာမဟုတ်ဘူး ယောကျင်္ားဖြစ်လာရမှာလို့ ကိုယ့်မှာမရှိမှန်းသိနေရဲ့သားနဲ့ တစ်ဖက်သားကိုဖြည့်ဆည်းပေးချင်တဲ့ စိတ်ကြီးပဲရှိနေတာကိုဗျ ( အမှန်ကကျွန်တော်လည်းမိန်းမတစ်ယောက်ပါ အားကိုးချင်တာပေါ့ဗျာ အရင်လိုစိတ်မျိုးနဲ့ မဖြစ်နိုင်တဲ့ဘဝတစ်ခုကို တည်ဆောက်ဖို့သတ္တိလုံးဝ မရှိပါဘူးဗျာ )

အကောင်းအဆိုးဆိုတာ ဒွန်တွဲနေတာပါ လက်ထဲပိုက်ဆံလုံးလုံးမရှိတော့မှ ပိုက်ဆံရှိတာ ဘယ်လောက်စိတ်ချမ်းသာမှန်း နားလည်သွားရတာ ဧပြီ၊ ဇူလိုင်၊ အောက်တိုဘာ ပေးစရာရှိတာတွေ ကုန်သွားတဲ့နေ့ရောက်ရင် ပိုက်ဆံစုတော့မယ်ဗျ ( အိမ်ကပိုက်ဆံကတော့ကျန်သေးတာပေါ့ဗျာ ) ပိုက်ဆံကဒုတိယဘုရားသခင်ဆိုတာ 2022 မှ တကယ်ယုံသွားတာခင်ဗျ

ဒီလလစာထုတ်ပြီး ပေးစရာရှိတာတွေပေးလိုက်ပြီးတဲ့အချိန်မှာ လက်ထဲ၆သောင်းကျော်ကျန်တယ်  ဖုန်းမှန်ကွဲနေတာနဲ့ ပလာဇာလေးခဏသွားပြီး ပိစိကွစိလေးတွေဝယ်လိုက်တာ ၃သောင်းကုန်သွားရော အပိုဆိုလို့ ၆,၅၀၀/- တန် အကျီတစ်ထည်ဝယ်လိုက်မိပါတယ် အဲ့ဒါတောင် ဖိနပ်အဖြူလေးတစ်ရံဝယ်ချင်တာ ဝယ်ခါနီး break မြန်သွားလို့ နောက်ဆိုရင် ၆သောင်းလုံး တစ်ရက်ထဲနဲ့ပလုံပြီး Bus ကားခတောင် အိမ်ကနေပြန်တောင်းသုံးနေရမှာ

ဒီလမှာ မွေးနေ့ရှိတော့ Arrow Shirt တစ်ထည်ဝယ်ပေးမယ်စိတ်ကူးထားတာပါဗျာ အခုကျတော့ မျက်ရည်ဝိုင်းယုံမှအပ မဝယ်ပေးနိုင်တော့ပါဘူးဗျာ စိတ်မကောင်းပေမယ့် ကျွန်တော့်မှာရှိမှမရှိတာကို စိတ်ဆင်းရဲမခံတော့ပါဘူးဗျာ နောက်နှစ်ကျမှ စိတ်ချမ်းသာသာနဲ့ ပေးတော့မယ်ဗျာ

(25.2.2022) က စပြီး ကိုယ်ရှိတာပဲကိုယ်သုံးတော့မယ်ဗျ နောက်ဆိုရင်လကုန်တာနဲ့ ကျွန်တော်မျက်ဖြူစိုက်ပါလေရော ပိုက်ဆံမရှိတော့လူကစိတ်ဓါတ်တွေကျပြီး ရောဂါပါဖြစ်ရော အရင်လိုလောဘလည်း မရှိတော့ပါဘူးဗျာ လက်ထဲမှာ ပိုက်ဆံ၁၀သိန်းလောက်စုမိရင်ကို ကျေနပ်ပါပြီဗျာ။