သင့်ကိုသင်မှ စိတ်ချမ်းသာအောင်
မထားနိုင်သူက သူတစ်ပါးကိုလည်း
စိတ်ချမ်းသာအောင် မစွမ်းနိုင်ဘူး။
ကျွန်တော့်ကိုကျွန်တော် စိတ်ချမ်းသာအောင် ထားနိုင်တဲ့တနေ့ရောက်လို့ ခင်ဗျားကိုကျွန်တော် တွယ်တာနေသေးတယ်ဆိုရင် ခင်ဗျားရှိရာအရပ်စီကျွန်တော် ပြန်လာမှာပါ။
ခင်ဗျားကိုမဆက်သွယ်တော့တာ (၄)ရက်မြောက်နေ့ အသားမကျသေးပေမယ့် အခုလိုနေနေတာ ကျွန်တော့်အတွက် ပိုသက်သာမယ်ထင်ပါတယ်
မနက်အိမ်ယာနိုးရင် အရင်လိုမနှုတ်ဆက်ဖြစ်ပေမယ့် Viber ကို ဝင်ကြည့်ဖြစ်ပါတယ် ကျွန်တော့်စီစာပို့ထားမလားဆိုတဲ့ မျှော်လင့်ချက်ကတော သေးသေးလေးတောင်မရှိပါဘူး နေ့တဒူဝကိစ္စလေးတစ်ခုလို ခဏလေးဝင်ကြည့်မိယုံလေးပါ
လုပ်ငန်းခွင်မှာအလုပ်သိပ်မများရင်တော့ ခင်ဗျား online ရှိ၊မရှိဝင်ကြည့်တက်ပေမယ့် ဒီနေ့လိုနေ့မျိုးဆိုရင်တော့ ဝင်မကြည့်နိုင်တာများပါတယ်
အိမ်ပြန်ရောက်ရင် ခင်ဗျားစိတ်ပူနေမလားဆိုတဲ့အသိနဲ့ အရင်ကစာပို့ခဲ့ဘူးပါတယ် အခုတော့မပို့ဖြစ်တော့ပါဘူး " ပိုနေမြဲ ကျားနေမြဲ " ဆိုတဲ့ စကားပုံက ကျွန်တော်အတွက် လိုက်နာကျင့်သုံးဖို့ တကယ်သင့်တော်ပါတယ်ဗျာ
အရာအားလုံးကို တဖြေးဖြေး လွှတ်ချလိုက်သင့်တာကို ကျွန်တော်အကျင့်အတိုင်း ဝုန်းကနဲလွှတ်ချလိုက်မိတယ် အနှေးနဲ့အမြန်ကြုံတွေ့လာမယ့်ကိစ္စကို ရပ်စောင့်မနေဘဲ ပြေးတိုက်လိုက်မိသလိုပါပဲ
အဲ့ဒီတော့နင့်ကနဲခံစားရတာပေါ့ ဘယ်တက်နိုင်မလဲဗျာ အပြစ်ရှိသူက ကျွန်တော်မျိုးကြီးဆိုတော့ သေသေသပ်သပ်လေး မဟုတ်ရင်တောင် လှလှပပလေးခံစားပေးရမှာပေါ့ဗျာ
ကျွန်တော်ဆိုတဲ့လူက သောကကိုတန်ဆာဆင်တက်တဲ့သူနေမှာပါ ဒုက္ခဆိုတဲ့အရာကို တယုတယတခန်းတနားကြီးကို မွေးမြူထားမိတာဗျ ထားပါတော့ဗျာ လှပတဲ့အတိတ်ပဲဖြစ်ဖြစ် အကျဉ်းတန်လှတဲ့အတိတ်ပဲဖြစ်ဖြစ် အတိတ်ကိုပစ္စုပန်ကို တကယ်ကိုမသယ်ဆောင်တော့ပါဘူးဗျာ
အရိယာသူတော်ကောင်းကြီး မဟုတ်နိုင်ခဲ့ပေမယ့်
ကျန်ရှိတဲ့သက်တမ်းမှာ လူယုတ်မာမဖြစ်ဖို့အတွက် ကျွန်တော်ကြိုးစားနေထိုင်သွားမှာပါ
မနက်ဖြန်ဖြတ်ကနဲ သေသွားရင်တောင် ကျွန်တော်သယ်သွားနိုင်တာ သောကတွေပဲရှိနေသေးလို့ လူပီပီသသ လောဘ၊ဒေါသ၊မောဟနဲ့ အလောဘ၊အဒေါသ၊ အမောဟတွေသယ်သွားနိုင်ဖို့ ကျွန်တော်တစ်ယောက် ကြိုးစားရအုန်းမယ်ခင်ဗျာ။
#10.3.2022
တကယ်ပင်ပန်းလာရင် အရာအားလုံးကို လွှတ်ချတက်မိတာ ကျွန်တော့်အကျင့်ပါ အခုလည်း ပီပီပြင်ပြင်လွှတ်ချလိုက်ပါပြီ မပိုင်ဆိုင်သင့်တဲ့ လူတစ်ယောက်ကို မျှော်လင့်နေရတာ ဘယ်လောက်ပင်ပန်းလဲဆိုတာ စာမဖွဲ့ပြတော့ပါဘူး
နံရံကိုခေါင်းနဲ့တိုက်ခဲ့တာလည်း မဟုတ်ပါဘူး မိုးပေါ်ကလကို မျှော်ကြည့်ခဲ့မိသူပါ ချစ်တက်လွန်းသူကျွန်တော်မျိုးကြီးက အချစ်ငတ်ခဲ့မိတာပါ အဲ့ဒီအချစ်ဆိုတာကိုလည်း ကျွန်တော်အရူးအမူးချစ်မိသူစီကပဲ လိုချင်ခဲ့တာပါဗျာ
ပြီးသွားပါပြီ ကျွန်တော့်ဇာတ်လမ်းကို ကျွန်တော်ပဲအဆုံးသတ်လိုက်ပါပြီ တစ်ဖက်သားအပေါ်မှာတော့ ရိုက်ခတ်မှုရှိခဲ့ရင်တောင် လှိုင်းကြပ်ခွပ်ထသလောက်ပဲ ရှိမှာပါ ကျွန်တော်ကတော့ ဝဲကတော့ကြီးအနည်ထိုင်ဖို့ အချိန်ယူရအုန်းမယ်ဗျာ။
ဒီအချိန်ကစပြီး လူတစ်ယောက်ကို အရူးအမူးမချစ်မိဖို့အတွက် ကျွန်တော်ကြိုးစားရပါတော့မယ်
#24.3.2022
No comments:
Post a Comment