ပြန်တော့မဖျက်ပါဘူးဗျာ အဲ့ဒီအတိတ်မှာရှိခဲ့တဲ့သူက လက်ရှိကျွန်တော်မှ မဟုတ်တော့တာ အခုလက်ရှိကျွန်တော်ကတော့ လက်ရှိအချိန်မှာဖြစ်နေတဲ့ ခံစားချက်ကို ထပ်ရေးဖြစ်တာပေါ့ဗျာ
သမီး ပုံက Google ကနေယူလာတာဖြစ်လို့ သားလားသမီးလားမခွဲတက်ပေမယ့် ကျွန်တော်ကတော့ သမီးရူး
ကလေးသေးသေးလေးတွေဆိုရင် အကုန်လုံးကိုချစ်တက်ပေမယ့် ကျွန်တော့်ရင်သွေးကိုတော့ သမီးလေးမွေးချင်တာ အခုအချိန်အထိတိုင် အဲ့ဒီစိတ်ကူးအိမ်မက်ကို တစ်ခါတလေတခုတ်တရကြီးကို မက်မိနေတုန်းပဲ
အသက်၄၀ကျော် ယောင်္ကျားမရှိတဲ့ မိန်းမတစ်ယောင်အတွက် ကလေးမွေးဖို့ဆိုတာ မအပ်မစပ်တွေပါဗျာ မွေးချင်တဲ့စိတ်ခံစားချက်လေးသာရှိပေမယ့်လည်း စင်ကယ်မားသားဘဝကိုတော့ ကျွန်တော်နည်းနည်းလေးမျှ မနှစ်သက်တာကတော့ အမှန်ပါဘဲ
ဒါပေမယ့် ခင်ဗျားနဲ့တူတဲ့ ကလေးသေးသေးလေး သမီးပေါက်စလေး မွေးချင်မိတာတော့ ကျွန်တော့်ရူးသွပ်မှုတစ်ခုပဲပေါ့ဗျာ ကျွန်တော့်ဘဝတစ်စိတ်တစ်ပိုင်းဆိုရင် ပိုမှန်ပါလိမ့်မယ်
တစ်ခါတလေ စိတ်ကူးအိမ်မက်ထဲက မိသားစုဘဝလေးမှာ သမီးလက်သေးသေးလေးတွေကို ဆုပ်ကိုင်ထားမိတာလည်း စိတ္တဇတစ်မျိုးပဲနေမှာပါ
ဒါပေမယ့်လည်း ကျွန်တော်သမီးလေးလိုချင်မိတယ် ကျွန်တော့်ဗိုက်ထဲကနေ ခင်ဗျားနဲ့တူတဲ့ ကလေးသေးသေးလေး သမီးပေါက်စလေးမွေးချင်တယ် ဒါပါပဲဗျာ
စိတ်ကူးမိယုံပါပဲ
စိတ်ကူးယဥ်မိတာပါဗျာ အရမ်းကြီးမလန့်သွားပါနဲ့ ကျွန်တော်က ရုပ်ဝါဒီသမားတစ်ယောက်မဟုတ်တော့ ကိုယ့်စိတ်ကိုအဆင်ပြေအောင် ထွက်ပေါက်ပေးမိတာပါ
ကျွန်တော့်ဗိုက်ထဲကမဟုတ်တဲ့ ခင်ဗျားနဲ့တူတဲ့ သမီးလေးကိုချစ်ရတာလည်း ကျွန်တော့်ပျော်ရွှင်မှုတစ်မျိုးပါပဲ တစ်ခါတစ်လေ အဲ့ဒီကလေးကိုရင်ခွင်ထဲ ခဏလေးဖြစ်ဖြစ်ဖက်ထားကြည့်ချင်တယ် သူဘယ်လိုတုန့်ပြန်မလည်းဆိုတာကို ရင်တထိတ်ထိတ်နဲ့ပေါ့
ကျွန်တော်ဖြစ်ချင်တာတွေ စိတ်ကူးယဥ်နေမိတာပါဗျာ တကယ်ကိုမစိုးရိမ်ပါနဲ့ ခင်ဗျားနဲ့တူတဲ့ကလေးသေးသေးလေးမွေးဖို့ ကျွန်တော်လူရော မူရော အကုန်လုံးပေါင်းလဲမှရမှာဗျ
အမေတစ်ယောက်ဖြစ်ဖို့ ကျွန်တော့်အရည်အချင်းက ၈၀% လောက်ကို အများကြီးအများကြီး လိုပါသေးတယ်ဗျာ
မြန်မာပြည်ကြီးအေးချမ်းသွားတဲ့ တနေ့ကျရင် ခင်ဗျားလက်ကိုဆွဲပြီး တောင်တန်းတွေရှိတဲ့ဒေသစီ အလည်သွားချင်ပါသေးတယ် သမီးပေါက်စလေးကို ဗိုက်ထဲထည့်ပြီးတော့ပေါ့..
No comments:
Post a Comment