အခုလို အန္တရာယ်များတဲ့အချိန်မှာ
အစစအရာရာ ဂရုစိုက်ပါဆိုတဲ့ စကားကို အရင်လို
တဖွဖွ ကျွန်တော်မဆိုမိတော့တာ နှစ်ယောက်လုံး
အတွက်ပါဗျာ..
( မပို့တော့ပါဘူးဆိုပြီး စိတ်တင်းထားပြီးမှ စိတ်ပူနေတာနဲ့ပဲ ည၁၁နာရီကျော်မှ အစစအရာရာ ဂရုစိုက်ပါစကား ဆိုမိပြန်ပါတယ် )
မနေ့ကတောင် note မှာရေးမိသေးတယ် ခင်ဗျားကိုသတိရမိနေလို့
မဆက်သွယ်တော့ဘူးလို့ ကတိပေးခဲ့တာ
၂၄နာရီပြည့်ယုံလေးရှိသေးတယ် ကျွန်တော်တစ်ယောက် သူ့ကိုသတိရမိနေပြန်ပြီ..
(၇)ရက်လုံးပိတ်ရက်မရှိဘဲ အလုပ်လုပ်ရမလို
ဖြစ်နေပါပြီ အဲ့ဒါမှ ကျွန်တော်သတိရနေတာကို ထိန်းချုပ်နိုင်မှာလေဗျာ..
ဒါပေမယ့်လည်း ကျွန်တော့်ကိုကျွန်တော် တားမြစ်ထားရမှာပဲလေ
လူတစ်ယောက်ကောင်းဖို့အတွက်
လူတစ်စုပျက်စီးရမှာထက်
လူတစ်စုအဆင်ပြေဖို့အတွက်
လူတစ်ယောက်ပျောက်ကွယ်ပေးရတာ
တရားတယ်လို့ကျွန်တော်ထင်ပါတယ်
အဲ့ဒါကလောကနိယာမလို့လည်း
ကျွန်တော်ခံယူထားပါတယ်
လူကောင်းမဟုတ်ပေမယ့်
ယနေ့ထက်တိုင်
ကျွန်တော်လူယုတ်မာမဖြစ်ခဲ့ပါဘူး
လူဆိုးတော့ဖြစ်ကောင်းဖြစ်ခဲ့မှာပါ။
လူ့ဘဝကတို၏။
လူတစ်ယောက်ကို ပိုင်ဆိုင်ခွင့်မရှိနိုင်တဲ့ဘဝမှာ
အဝေးမှာနေပေးတာလည်း ခင်ဗျားကို ကာကွယ်စောင့်ရှောက်သလိုပါပဲဗျာ
အစစအရာရာ ဂရုစိုက်ပါဗျာ ဘယ်သူ့အတွက်မှ
မဟုတ်ခဲ့ရင်တောင် အဝေးမှာရှိနေတဲ့
ကျွန်တော်အတွက် ဂရုစိုက်ပေးပါဗျာ။
🙏🙏🙏
No comments:
Post a Comment