Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

 

အရှေ့တောင်အာရှဒေသတွင် ဘိန်းစိုက်ပျိုးမှု တိုးတက်လာဟု ကုလအစီရင်ခံစာကဆို

(အေအက်ဖ်ပီ)
အတွဲ ၂၈ ၊ အမှတ် ၅၄၉ ( ၂၃ - ၂၉ ၊ ၁၂ ၊ ၂၀၁၁)

အရှေ့တောင်အာရှဒေသတွင် ဘိန်းစိုက်ပျိုးမှုမှာ ၂၀၀၆ ခုနှစ် နောက်ပိုင်းတွင် နှစ်ဆတိုးလာနေပြီး အထူးသဖြင့် မြန်မာနှင့် လာအို နိုင်ငံတို့တွင် သိသိသာသာ တိုးတက်လာနေသည်ဟု ကုလသမဂ္ဂ အစီရင်ခံစာတွင် ဖော်ပြထားသည်။
လွန်ခဲ့သည့်နှစ်ကထက် ယခုနှစ်တွင် ဘိန်းစိုက်ပျိုးမြေဧက ၁၆ ရာခိုင်နှုန်းတိုး တက်လာခြင်းမှာ လုံခြုံရေးအခြေအနေ၊ နိုင်ငံရေး မတည်ငြိမ်မှုနှင့် ရေရှည်ဖွံ့ဖြိုးတိုးတက်ရေးလုပ်ငန်းများ အားနည်းမှု ကြောင့်ဖြစ်သည်ဟု အဆိုပါအစီရင်ခံစာတွင် ဖော်ပြထားသည်။ 

"ကံမကောင်းစွာနဲ့ပဲ ဒေသတွင်း အခြေအနေက အနုတ်သဘော ဆောင်နေပါတယ်" ဟု ကုလမူးယစ်ဆေးဝါးနှင့် ရာဇ၀တ်မှု ဆိုင်ရာရုံးမှ အမှုဆောင် ဒါရိုက်တာဖြစ်သူ ယူရီဖိဒိုတော့်က အစီရင်ခံစာတွင် ဖော်ပြထားသည်။
ထို့ပြင် စိတ်ကြွမူးယစ်ဆေးဝါးများ ပြဿနာ အရှေ့တောင်အာရှ ဒေသတွင်း တိုးပွားလာခြင်းကလည်း အခြေအနေကို ပိုမိုဆိုးရွားစေသည်ဟု ဆိုသည်။

"အခြေအနေကို ပြောင်းလဲစေနိုင်ဖို့ အတွက် နယ်မြေဖြတ်ကျော်အုပ်စုဖွဲ့ မှုခင်းတွေနဲ့ မူးယစ်ဆေးဝါးကို ထိန်းချုပ်ထားမှုတွေကို နိုင်ငံတကာအနေနဲ့ ပိုမို နားလည်ကြဖို့ လိုအပ်ပါတယ်"ဟု ၎င်းက ပြောသည်။ 

ဒေသတွင်း ဘိန်းအများဆုံးစိုက်ပျိုး သည့်နိုင်ငံများဖြစ်သည့် မြန်မာ၊ ထိုင်းနှင့် လာအိုနိုင်ငံတို့တွင် ထုတ်လုပ်သည့် ဘိန်းများ၏ ခန့်မှန်းတန်ဖိုးမှာ အမေရိ ကန်ဒေါ်လာ ၃၁၉ သန်းဖိုးရှိခဲ့ပြီး လွန်ခဲ့သည့်နှစ်ကထက် ၄၈ ရာခိုင်နှုန်း တိုးတက်လာခြင်းဖြစ်သည်။ 

ဘိန်းဖြူဈေးများ တက်လာခြင်းကလည်း ဘိန်းစိုက်ပျိုးသူ တောင်သူများကို ဆွဲဆောင်နေသည်ဟု ဖိဒိုတော့်က ပြောသည်။

ဘိန်းသည် ဒေသတွင်း ဆေးဝါးအတွက်နှင့် ၀င်ငွေရရှိနိုင်သော သီးနှံတစ်ခုအဖြစ် လွန်ခဲ့သည့် နှစ်ပေါင်းများ စွာကတည်းကပင် စိုက်ပျိုးလာကြပြီး ကျေးရွာအခြေပြု အောက်ခြေစီးပွားရေး တစ်ခုအဖြစ် ရှိနေဆဲပင်ဖြစ်သည်ဟု အစီရင်ခံစာတွင် ဖော်ပြထားသည်။ 

ထို့ပြင် အဆိုပါ ဘိန်းစိုက်ပျိုးရာဒေသ များတွင် စားနပ်ရိက္ခာမဖူလုံမှုများလည်း ဖြစ်ပေါ်နေသည့်အတွက် ဘိန်းစိုက် တောင်သူများ အတွက် အခြားသော ဖွံ့ဖြိုးတိုးတက်ရေးစီမံကိန်းများတွင် ပိုမို ရင်းနှီးမြှုပ်နှံပေးကြရန်လည်း တိုက်တွန်း ပြောကြားထားသည်။ 

မြန်မာနိုင်ငံအနေဖြင့် ဘိန်းစိုက်ပျိုး ထုတ်လုပ်မှုကို ၂၀၁၄ ခုနှစ်တွင် အမြစ် ပြတ်ချေမှုန်းနိုင်ရန်လည်း ကတိပြုထားကြောင်း သိရသည်။

 

Myanmar Times က ဆောင်းပါးတစ်ပုဒ်ပါ။

Myanmar Times က ဆောင်းပါးတစ်ပုဒ်ပါ အဲ့လိုသတင်းဆောင်းပါးတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

 

ပွဲတော်များထဲက တစ်ပွဲ၊ စာမေးပွဲ

ပစ်တိုင်းထောင်
အတွဲ ၂၈ ၊ အမှတ် ၅၄၆ ( ၂ - ၈ ၊ ၁၂ ၊ ၂၀၁၁)

ဗုဒ္ဓဘာသာဝင်အများစု မှီတင်းနေထိုင် ကြသော မြန်မာနိုင်ငံတော်တွင် ၁၂ လ ရာသီပွဲတော်များရှိရာ နယုန်လ၏ပွဲတော်မှာ စာပြန်ပွဲ ဖြစ်ပါသည်။ ရှေး မြန်မာမင်းများလက်ထက်ကတည်းက ဗုဒ္ဓဘာသာ ရဟန်းတော်များ၏ စာပြန်ပွဲ ကျင်းပသောလသည် နယုန်လ ဖြစ်ပါသည်။
ထေရ်ကြီးဝါကြီး ဆရာတော်ကြီး များထံပါးတွင် ရဟန်းသံဃာတော်များက ပိဋကတ်ကျမ်းဂန်စာပေများကို နှုတ် ငုံဆောင်၍ ရွတ်ပြ ရသော စစ်ဆေးပွဲ ဖြစ်ပါသည်။
ရှေးမြန်မာမင်းများ လက်ထက်က အရေး၊ အဖတ်၊ အတွက် သင်ကြားပေးသော ဘုန်းတော်ကြီး ကျောင်းပညာရေးစနစ်၏ အကြီး မားဆုံး ဂုဏ်သိက္ခာအမြင့်မားဆုံး စာပြန်ပွဲကြီးပင် ဖြစ်ပါတော့သည်။
ဆိုလိုသည်မှာ မြန်မာနိုင်ငံတွင် ရှေးပဝေသဏီကတည်းက စာမေးပွဲစနစ် ရှိခဲ့ပါသည်။
'ပွဲ'ဟု အမည်နာမ သတ်မှတ်ခေါ်ဆို လိုက်ပြီဆိုကတည်းက စနစ်တကျ ကျင်းပရသည့် အများသူငါ အသိအမှတ်ပြု လေးစားရသော အခမ်းအနားတစ်ခု ဖြစ်သွားပါသည်။
ဤအများသူငါ လေးစားအားထားရသော စာမေးပွဲဟူ သည် မည်သို့သောကိစ္စကို ဆောင်ရွက် ပေးပါသနည်း။
လိုရင်းကိုဆိုရလျှင် စာ မေးပွဲဟူသည် သင်တန်းသား၊ သင်တန်းသူ၊ ကျောင်းသား၊ ကျောင်းသူတစ်ဦးချင်းအား ၎င်းတို့စာသင်နှစ် တစ်နှစ်ပတ်လုံး သင်ယူခဲ့သော ဘာသာရပ်သင်ခန်း စာများကို မည်မျှနားလည်တတ်ကျွမ်းသည်ကို စစ်ဆေးတိုင်းတာခြင်းပင် ဖြစ် ပါသည်။
စစ်ဆေး (Test) ၊ တိုင်းတာခြင်း (Measurement)၊ Test and Measurement ပြုလုပ်ခြင်းပင်ဖြစ်ပါသည်။
ယနေ့ခေတ်အခါတွင် စာမေးပွဲ စစ်ဆေးသည့် နည်းစနစ်ပုံစံအမျိုးမျိုး ကို ကမ္ဘာအနှံ့တွင် ကျင့်သုံးလျက်ရှိနေကြပါသည်။
အနှစ်ချုပ်အားဖြင့်တော့ ရေးဖြေ (Written Exam) ၊ နှုတ်ဖြေ (Viva) ၊ ရေးဖြေနှုတ်ဖြေ နှစ်ရပ်ပေါင်း စစ်ဆေးခြင်းတို့ ဖြစ်ပါသည်။
ရေးဖြေတွင် လည်း အာဂုံဆောင် အလွတ်ကျက်မှတ် စာစီရေးသားဖြေဆိုခြင်း၊ ဓမ္မဓိဋ္ဌာန် မေးခွန်းများကို ရေးသားဖြေဆိုခြင်း၊ အကိုးအကား အထောက်အထားများကို စာအုပ်ဖွင့်လှစ် ရှာဖွေပေး၍ ခိုင်ခိုင်လုံလုံ သက်သေအထောက်အထားပြ ဖြေဆိုစေခြင်း (Open Book Exam) စသည်အားဖြင့် ဖြေဆိုစေသည့် စာမေးပွဲ စနစ်များ ရှိပါသည်။
ဆိုလိုရင်းအနှစ်ချုပ် ကတော့ စာမေးပွဲဟူသည် ဤပွဲကို ကျော်လွှားအောင်မြင်သော ထိုကျောင်းသား၊ ကျောင်းသူသည် ဤအတန်းနှင့် ထိုက်တန်သော ပညာအရည်အချင်း အမှန်တကယ်ရှိသည်ဟုသာ အာမခံ ချက်ပေးလိုက်ခြင်းပင် ဖြစ်ပါသည်။
ကျောင်းများ၊ တက္ကသိုလ်များကလည်း မိမိတို့၏အာမခံချက်ကို တန်ဖိုးထားရပါမည်။
Yale, Harvard, Oxford, Cambridge တက္ကသိုလ်များမှ ရရှိသော ဘွဲ့ကို တစ်ကမ္ဘာလုံးက ယုံကြည်စိတ်ချသကဲ့သို့ ဖြစ်ရ ပါမည်။
သို့မှသာ ထိုအောင် လက်မှတ်၊ ဘွဲ့လက်မှတ်ဖြင့် အလုပ် လာလျှောက်သူကို အစိုးရဌာနနှင့် ပုဂ္ဂလိက ကုမ္ပဏီတို့မှ စိတ်ချလက်ချ အလုပ်ခန့်ထားဝံ့ကြပါသည်။
မြန်မာနိုင်ငံသည် လွန်ခဲ့သော ဆယ်စု နှစ် နှစ်ခုနီးပါးခန့်မှ စတင်၍ နိုင်ငံရေး ကိစ္စများနှင့် ဆက်နွှယ်ကာ စာမေးပွဲ စနစ်၏အဆင့်ကို များစွာ လျှော့ချခဲ့ပါသည်။
တက္ကသိုလ်ဝင်စာမေးပွဲတွင်လည်း မသမာမှု၊ ချုံ့ချဲ့ Micro Notes များသည် ဆယ်စုနှစ်တစ်ခုနီးပါးစာမေး ပွဲကို လွှမ်းမိုးခဲ့ပါသည်။
ယနေ့ မြန်မာ နိုင်ငံ၏ အခြေခံပညာရေးစနစ်တွင် ကျင့်သုံးနေသော အခန်းဆုံးစစ်ဆေးခြင်း၊ ကုစားသင်ကြားခြင်း၊ အတန်းကူး ပြောင်းခြင်းစနစ်များသည်လည်း ကမ္ဘာ့ နိုင်ငံအများအပြားတွင်လည်း ကျင့်သုံးနေသည့်စနစ်ပင်ဖြစ်သဖြင့် မူဝါဒအားဖြင့် မှန်ကန်နေ ပါသည်။
မြန်မာနိုင်ငံတွင် လက်တွေ့အကောင်အထည်ဖော် ဆောင်ရာ၌မူ လွဲချော်နေပါသည်။
အခန်း(၁)ကို သင်ကြားပြီးဆုံးသဖြင့် အခန်းဆုံးစစ်ဆေးခြင်း ပြီးစီးသွားလျှင် အခန်း(၂)သို့ ကူးပြောင်းသွားပြီး အခန်း (၂)အတွက် အခန်းဆုံးစစ်ဆေးခြင်းကို ပြုလုပ်ပါသည်။
ဖြစ်ရမည်မှာ တစ်သက်လုံး ပါသွားရမည့်ကိစ္စများကို တစ်ကြိမ် သာမစစ်ဘဲ အကြိမ်ကြိမ် (Repitition) များစွာဖြင့် စစ်ဆေးပါမှ ကျောင်းသား၏ ခေါင်းထဲတွင် စွဲမြဲသွားပါမည်။
ကုစားသင်ကြားခြင်း (Remedial Teaching) မှာလည်း ကမ္ဘာပေါ်တွင် ကျင့်သုံးနေသော ကောင်းမွန်သည့်စနစ် ဖြစ်ပါသည်။
ကမ္ဘာပေါ်ရှိ စံပြုအတန်းများတွင် တစ်တန်းလျှင် ကျောင်းသား ၃၀ ထက် ပိုမများပါ။
ကုစားသင်ကြားပေးရမည့် ကျောင်းသား ၁၀ ဦးခန့်ကို ဆရာမှ နိုင်နင်းစွာ သင်ကြားပြသနိုင်ပါသည်။
စံပြုကျောင်းတွင် အတန်းတစ်တန်း၌ အထောက်အကူပြုဆရာ (Facilitator) တစ်ဦးကလည်း ပံ့ပိုးကူညီနေပါသေးသည်။
မြန်မာနိုင်ငံရှိ ကျောင်းအများစုတွင် မူလတန်းတစ်တန်း၌ ကျောင်းသား ကျောင်းသူ ၇၀ မှ ၁၀၀ ကျော်အထိ ရှိတတ်ပါသည်။
အတန်းတိုင်းတွင် ပုံမှန်အားဖြင့် ၅၀ ၀န်းကျင်ရှိတတ်ကြရာ ကုစားသင်ကြားရာ၌ ဆရာမှ နိုင်နင်း နိုင်မှု မရှိပါ။
နောက်ဆုံး ကျူရှင်နှင့် ဒါမေး၊ ဒါဖြေများ ဖြစ်ကုန်ပါသည်။
ဒါမေး၊ ဒါဖြေဖြင့် ကျောင်းစစ်စာမေးပွဲများတွင် အတန်းကူးပြောင်းရန် သေချာသလောက် ရှိနေကြသဖြင့် ပညာ၏ တန်ဖိုးကိုသိရှိသော မိဘများ၏ သားသမီးများမှအပ ကျန်ကျောင်းသား အများစုမှာ စာကျက်အား လျော့နည်း လာကြပါသည်။
နိုဝင်ဘာ ၃ ရက်နေ့ထုတ် "7Day News" အတွဲ(၁၀) အမှတ်(၃၃)၏ စာမျက်နှာ(၂၅)ပါ 'ဒေါက်တာ အောင်ထွန်းသက်နှင့် တွေ့ဆုံခြင်း' ဆောင်းပါး၌ 'လက်ရှိပညာရေးစနစ်ကို မညှာမတာပြောရရင် အရေအတွက်ကိုပဲ ဦးစားပေးတဲ့စနစ် ဖြစ်နေတယ်' ဟု ဖော်ပြ ထားပါသည်။
တက္ကသိုလ်ဝင် စာမေးပွဲအောင်ချက် ရာခိုင်နှုန်းဆိုသည်မှာ နိုင်ငံတစ်နိုင်ငံတွင် ၁၀ ရာခိုင်နှုန်း အောက်တွင်သာ ရှိတတ်ပါသည်။
မြန်မာ နိုင်ငံတွင် နှစ်စဉ် ၂၅ ရာခိုင်နှုန်းအထက်တွင် ရှိပါသည်။ အချို့နှစ်များတွင် ၃၀ ရာခိုင်နှုန်းပင် ကျော်ပါသည်။ 'က' အဆင့် နှင့် အောင်သည်။ 'ခ'အဆင့်နှင့် အောင်သည်ဟူ၍လည်း ခွဲခြားထားခြင်းမရှိပါ။
သို့ဖြစ်၍ မူလတန်းနှင့်အလယ်တန်းတို့ ၌ အခြေခံပညာအောက်သက်မကြေခဲ့သော စာဖြေသားကျောင်းသူ၊ ကျောင်းသား အများစု ပါဝင်သည့် ဤတက္ကသိုလ် ၀င်စာမေးပွဲ၏ အောင်ချက်နှင့် Moderation စနစ်ကို ပြန်လည်သုံးသပ်ရန် လိုအပ်လျက်ရှိနေပြီဟု ယူဆရပါသည်။
တက္ကသိုလ်ဝင်စာမေးပွဲ၏ အောင်မြင်မှုအရည်အသွေးများသည် တက္ကသိုလ်များ၏ ဘွဲ့ရအရည်အချင်းများကိုလည်း ရိုက်ခတ်လာ လျက်ရှိနေ ပါသည်။
စာပေးစာယူစနစ်ဖြင့် ဘွဲ့ပေးသည့်ကိစ္စအပါအ၀င် ဖြစ်ပါသည်။
စာမေးပွဲစနစ်သည် နိုင်ငံတစ်နိုင်ငံ၏ လူသားအရင်းအမြစ် ပညာတတ်မြောက် မှုစံကိန်းကို ထိန်းကျောင်းပေးသည့်စနစ် ဖြစ်ပါသည်။ ၁၉၆၄ ခုနှစ်အထိ မြန်မာ နိုင်ငံတွင် အစိုးရကျောင်း၊ ပုဂ္ဂလိက ကိုယ်ပိုင်ကျောင်း၊ သာသနာပြုကျောင်း ဟူ၍ ကျောင်းများရှိခဲ့ပါသည်။
ထို ကျောင်းမျိုးစုံမှ ကလေးများ၏ စာတတ်မြောက်မှုကို အစိုးရစစ်စာမေးပွဲများဖြင့် စတုတ္ထတန်းတွင် တစ်ကြိမ်၊ သတ္တမတန်းတွင် တစ်ကြိမ်၊ န၀မတန်းတွင်တစ်ကြိမ် တက္ကသိုလ်ဝင်စာမေးပွဲတွင် တစ်ကြိမ် စစ်ဆေးပေးခဲ့ရာ ပညာတတ်မြောက်မှု စံချိန်စံညွှန်းမှာ တစ်ပြေးညီဖြစ်ခဲ့ပါသည်။
၁၉၆၄ ခုနှစ်မတိုင်မီက ပုဂ္ဂလိက ကိုယ်ပိုင်ကျောင်းများနှင့် သာသနာပြုကျောင်းများတွင် ကျောင်းအပ်နှံခွင့် အသက်မှာ လေးနှစ်ဖြစ်ပြီး သူငယ်တန်းလေး၊ သူငယ်တန်းလတ်၊ သူငယ်တန်းကြီး သုံးနှစ်တက်ပြီးမှ ပထမတန်းသို့ ရောက်ရှိပါသည်။
ဆိုလိုသည်မှာ ထိုကျောင်းများမှ ကလေးများသည် ၁၃ နှစ်တာကာလ စာသင်ကြားပြီးပါမှ တက္ကသိုလ်သို့ ရောက်ရှိကြပါသည်။
ဝိဇ္ဇာ၊ သိပ္ပံတက္ကသိုလ်သည် လေးနှစ်တာ သင်ကြားပို့ချပြီးပါမှ ဘွဲ့တစ်ခု အပ်နှင်း ပေးသည်ဖြစ်ရာ ဘွဲ့ရရှိသောလူငယ် တစ်ဦး၏ ပညာဆည်းပူးခဲ့သော အချိန် ကာလသည် ၁၇ နှစ် ရှိခဲ့ပါသည်။
အိမ်နီးချင်း ထိုင်းနိုင်ငံသည် ဤစနစ် အတိုင်းပင် ယနေ့ကျင့်သုံးနေဆဲဖြစ်ပါသည်။
မြန်မာနိုင်ငံတွင် ယနေ့အခါ စာသင်နှစ် ၁၄ နှစ်ဖြင့် ဘွဲ့တစ်ခု ဆွတ်ခူး နိုင်ခဲ့ရာ လုပ်ငန်းခွင်ဝင်ချိန်၌ OJT ခေါ် (On the Job Training) များ အချိန်ယူ၍ ပေးနေရသည်ကို အစိုးရဌာနရော၊ ပုဂ္ဂလိကကုမ္ပဏီများကပါ လက်တွေ့ ကြုံဆုံသိရှိနေကြသော ကိစ္စတစ်ခု ဖြစ်ပါသည်။
ပစ္စုပ္ပန်အနေအထားမှာပင် ကောက်ယူရရှိသော စာရင်းဇယားအချက် အလက်များအရ မြန်မာနိုင်ငံရှိ အခြေခံ ကျောင်းများသည် အာဆီယံနိုင်ငံများတွင်သာမက အာရှတိုက်တွင်း၌ပါ စာသင်နှစ်တစ်နှစ်၌ တရားဝင်စာသင်ရက်နှင့် တရားဝင် စာသင်ချိန် အနည်းဆုံး နိုင်ငံတစ်နိုင်ငံအဖြစ် စာရင်းပေါက်လျက်ရှိနေပါသည်။
သို့ဖြစ်၍ မြန်မာ နိုင်ငံရှိ ကျောင်းသား၊ ကျောင်းသူကလေး များအနေဖြင့် သက်သာနေကြပါသလား ဟု မေးခွန်းထုတ်နိုင်ဖွယ်ရာ ရှိပါသည်။
ဖြေပါမည်၊ န၀မတန်း၊ ဒသမတန်း ကလေးများမှာ သက်သာဖို့နေနေသာသာ ကျောင်းနှင့်ကျူရှင်၊ အိပ်ချိန် စားချိန်ပင် မရှိကြပါ။ တစ်ဖက်တွင်လည်း မူလတန်းနှင့် အလယ်တန်းမှ ကလေးများ အတွက်မူ ကိုယ်ပိုင်ချိန်များ များစွာ ပိုလျှံလျက်ရှိနေကြပါသည်။
ဤသို့ အထက်လေး အောက်ပေါ့ဖြစ်နေသော ကိစ္စအား မည်သို့ကုစားနိုင်သည်ကို အောက်တိုဘာလ ၁၇ ရက်နေ့ထုတ် The Voice
သတင်းဂျာနယ်၊ အတွဲ(၇) အမှတ်(၄၄) စာမျက်နှာ (၃၉)ပါ 'ပညာရေးဝန်ထမ်း တစ်ဦး' ရေးသားသည့် အယ်ဒီတာထံ ပေးစာတွင် ပါရှိသော ဖော်ပြချက်များမှာ အလေးထား ဖတ်ရှုသင့်သည့် အကြံပြု ချက်ဖြစ်ပါသည်။
မြန်မာနိုင်ငံရှိ တက္ကသိုလ်များမှ အပ်နှင်းပေးနေသော အခြေခံဘွဲ့များ၊ မဟာဘွဲ့များ၊ ပါရဂူဘွဲ့များ၏ အရည်အသွေး၊ အရည်အချင်း သတ်မှတ်ချက်များနှင့် ပတ်သက်၍ ကမ္ဘာနှင့် ရင်ဘောင်တန်း နိုင်ရေးတွက်ကိုလည်း အောက်တိုဘာ ၃၁ ရက်နေ့ထုတ် The Voice
သတင်းဂျာနယ် အတွဲ(၇)၊ အမှတ်(၄၆) စာမျက် နှာ (၈)ပါ 'မြန်မာကျောင်းသားတစ်ဦး' မှ ရေးသားထားသည့် အယ်ဒီတာထံ ပေးစာ မှာလည်း အဆင့်မြင့်ပညာအတွက် သတိချပ်ဖွယ်ကိစ္စများ ပါရှိသည့် အမှန်တရားများ ပါဝင်နေပါသည်။
အဆင့်မြင့်ပညာ၏ ကွပ်ကဲမှုအောက်တွင်ရှိနေသော ပညာရေးတက္ကသိုလ်များတွင် 'ပညာရေးတိုင်းတာစစ်ဆေးခြင်းဌာန' (Education Test and Measurement Department) များ ရှိကြပါသည်။
စာမေးပွဲစနစ်မှန်သမျှကို သုတေသနပြုလုပ် လေ့လာကာ သင်ခန်း စာ ဖော်ထုတ်နေကြသောဌာနများ ဖြစ်ကြပါသည်။
ထိုဌာနများသည် အခြေခံပညာ၊ အဆင့်မြင့်ပညာတို့မှ စာမေးပွဲများအားလုံးကို သုံးသပ်ရပါသည်။
မေးခွန်းထုတ်ပုံစနစ်၊ အမှတ်ပေးပုံ စနစ်များ ဖြစ်ပါသည်။
သို့သော် ထိုဌာန များအနေဖြင့် အရေးလည်းမပါ၊ အရာလည်းမရောက်သည်မှာ ဆယ်စုနှစ် နှစ်ခုနီးပါး ရှိနေပြီဖြစ်ပါသည်။
ထို 'ပညာ ရေး တိုင်းတာစစ်ဆေးခြင်းဌာန' များကို ပြန်လည်အသက်သွင်းနိုင်လျှင် မြန်မာနိုင်ငံ ပညာရေးစနစ်အတွက် အကျိုးများစွာ ရှိမည်မှာ မုချမလွဲ ဧကန် ဖြစ်ပါသည်။
ဆောင်းပါးရှင်အနေဖြင့် နောက်ဆုံး တင်ပြလိုသည်မှာ လက်ရှိ ပညာရေး စနစ်၏ အားနည်းချက်များကို ယခင်ကတည်းက မသိခဲ့ကြ ဘူးလားဟု မေးခွန်းထုတ်လိုသူများ ရှိပါသည်။
ဖြေပါမည်။
အားနည်းချက်များကို သိရှိသူ ပညာရေးဝန်ထမ်းများ ရှိကြပါသည်။
ပြင်ဆင်ရန် ကြိုးစားခဲ့သူ တစ်ဦးစ၊ နှစ်ဦးစလည်း ရှိခဲ့ပါသည်။
ထိုကြိုးစား ခဲ့သူများမှာလည်း လုပ်ပိုင်ခွင့်အာဏာ အပြည့်အ၀ရရှိထားသည့် ရာထူးရာခံ ရရှိထားသူများ မဟုတ်ခဲ့ကြသဖြင့် ခါချဉ်ကောင် မာန်ကြီး၊ တောင်ကြီးဖြို မယ်ကြံ၊ ခါးက မသန်သာ ဖြစ်ခဲ့ကြရပါသည်။
ယနေ့ အစိုးရလက်ထက်တွင် စတုတ္ထမဏ္ဍိုင်၏ လွတ်လပ်ခွင့်ကိုပေးပါသဖြင့် ယခုကဲ့သို့ ပညာရေးနှင့်ပတ်သက်ပြီး အကြုံပြုလာနိုင်ကြ ခြင်းဖြစ်ပါသည်။
နိဂုံးချုပ်အနေဖြင့် ပြောလိုသည်မှာ ဆင်းရဲမှုလျော့နည်းပပျောက်ရေး ဆောင်ရွက်နေသည့် ယနေ့အချိန်အခါ သမယ၌ အမှန်တကယ် ပညာတတ် မြောက်သည့်လူငယ်များ နေရာတိုင်းတွင် လိုအပ်နေပြီဖြစ်သည်။

 

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

 

အများမြင်ကွင်းထဲသို့ လှမ်းဝင်လာသော သီးခြားနေထိုင်လာခဲ့သည့် မြန်မာနိုင်ငံ

ရှောင်တန်ဒန် (အေအက်ဖ်ပီ)
သီရိမင်းထွန်း ဘာသာပြန်သည်။
အတွဲ ၂၈ ၊ အမှတ် ၅၄၆ ( ၂ - ၈ ၊ ၁၂ ၊ ၂၀၁၁)

 

နေပြည်တော်တွင် ဟီလာရီကလင်တန် လိုက်ပါလာသည့် ယာဉ်တန်းကို အလေးပြုနေသည့် ယာဉ်ထိန်းရဲတစ်ဦးအား တွေ့ရစဉ်။
ဓာတ်ပုံ - အေအက်ဖ်ပီ

သီးခြားတည်ဆောက်ထားသည့် မြန်မာ နိုင်ငံ၏ မြို့တော် နေပြည်တော်သည် နိုင်ငံရေး နယ်ပယ်မှ ကမ္ဘာ့ဩဇာအကြီးဆုံး ပုဂ္ဂိုလ်တစ်ဦးကို ဧည့်ခံကြိုဆိုခြင်းအားဖြင့် လူအများအာရုံ စိုက်ရာ မြင်ကွင်းထဲသို့ တိုးဝင်လာခဲ့သည်။
အခြားနိုင်ငံများနှင့် မရောဘဲ နှစ်ပေါင်းများစွာ သီခြားနေလာသည့် မြန်မာနိုင်ငံတွင် ပြုပြင်ပြောင်းလဲမှုများ အစပျိုး ဆောင်ရွက် နေသည် ကိုပြသည့် လက္ခဏာတစ်ရပ်အဖြစ် မြန်မာနိုင်ငံမှ နိုင်ငံ့ခေါင်းဆောင် များသည် အမေရိကန် ပြည်ထောင်စုနိုင်ငံခြားရေးဝန်ကြီး မစ္စစ် ဟီလာရီ ကလင်တန် မြန်မာနိုင်ငံသို့ သီးသန့်လာရောက်လည်ပတ်ခြင်းကို ကြိုဆိုခဲ့သည်။
အစိုးရပိုင် မြန်မာ့အလင်း သတင်းစာတွင် နှစ်ပေါင်း ၅၀ အတွင်း ပထမအကြိမ် လာရောက်လည်ပတ်သည့် ဟီလာရီ ကလင်တန် နေပြည်တော်သို့ရောက်ရှိလာသည့် သတင်းတိုနှင့် ဓာတ်ပုံကို စာမျက်နှာ-၂ တွင်သာ ဖော်ပြထားခဲ့ပြီး ရှေ့စာမျက်နှာတွင်မူ မြန်မာ နိုင်ငံသို့ လာရောက်လည်ပတ်မည့် ဘယ်လာရုစ်သမ္မတနိုင်ငံ ၀န်ကြီးချုပ်၏ ကိုယ်ရေးအတ္ထုပ္ပတ္တိ အကျဉ်းကို ဖော်ပြထားသည်။
ကလင်တန် အလည်အပတ် ရောက်ရှိလာမှုနှင့် ပတ်သက်ပြီး လမ်းဘေးကြော်ငြာ ဆိုင်းဘုတ်ချိတ်ဆွဲ ကြော်ငြာခြင်းမရှိသော်လည်း ၀န်ကြီးချုပ် မီခေးလ် ဗွီမီယာစညီကို ဗစ်ခ်ျနှင့် မြန်မာနိုင်ငံတွင် ဖုန်းနှင့် အင်တာနက်ချိတ်ဆက်မှု ဖွံ့ဖြိုးစသာ ရှိသေးသော်လည်း မဖြစ် နိုင်သည့် ရည်မှန်းချက် တစ်ရပ်ကို ယူဆောင်ပေးလာသည့် အရှေ့တောင် အာရှမှ ဆက်သွယ်ရေးဝန်ကြီးများ၏ အလည်အပတ်လာ ရောက်ခြင်းကိုမူ ဆိုင်းဘုတ်ချိတ်ဆွဲ ကြိုဆိုထားသည်။
မြန်မာအစိုးရသည် ၂၀၀၅ ခုနှစ်တွင် ဆိပ်ကမ်းမြို့ဖြစ်သည့် ရန်ကုန်မြို့မှ အလှမ်းကွာ ဝေးလွန်းသည့် လယ်ကွင်း များရှိရာ နေရာသို့ ရုတ်တရက် ပြောင်းရွှေ့မြို့တည်ခဲ့သည်။
မြို့တော်နေပြည်တော်တွင် ယခုအခါ ကျောက်မျက်ရတနာပြတိုက်ကို ဖွင့်လှစ်ထားပြီး စူပါမားကတ်ကြီးများကိုလည်း ခမ်းနား ထည်ဝါစွာ ဖွင့်လှစ်ထားသည်။
သို့သော် လမ်းမကျယ်ကြီးများ၏ ဘေးတစ်ဖက်တစ်ချက် ကျွဲ စားကျက်များရှိရာနေရာတွင် ဆောက်လုပ်မည့် အဆောက်အအုံသစ် များ၏ ပုံများသာရှိပြီး လမ်းမကျယ်ကြီးများ၏ နေရာ အများစုတွင် ဟာလာဟင်းလင်း ဖြစ်လျက်ရှိနေသည်။
ကလင်တန်၏ လုံခြုံရေးအတွက် မြို့တော် နေပြည်တော်အနှံ့ ရဲများဖြန့် ကြက်ချထားပြီး သမ္မတအိမ်တော်သို့ ရှင်းလင်းနေသည့် ၁၂ လမ်းသွား လမ်းမကျယ်ကြီးတစ်လျှောက် ကားတန်းဖြင့်သွားရာ မီးပွိုင့်မရှိသည့် လမ်းဆုံများတွင် ယဉ်ထိန်းရဲများက လက်များဝှေ့ ယမ်းပြီး လမ်းရှင်းပေးထားကြသည်။
ပိရမစ်ပုံကဲ့သို့ အထက်သို့ မြင့်တက်သွား သည့် ကုန်းမြင့်ထက်မှ တိတ်ဆိပ်ငြိမ်သက်နေ သည့် မြို့တော်ရှိ သမ္မတအိမ်တော် မရောက်မှီ အနိမ့်ပိုင်းတွင် ခမောက် ကိုယ်စီဆောင်းထားသည့် အလုပ်သမားများသည် တစ်ကုန်းကုန်း နှင့် မြက်ရိတ်နေကြ သည်။
ဧည့်သည်တော်များသည် မိုးထိုးနေသည့် အလှဆင်ရေပန်း များအနီးမှာ ဖြတ်လျှောက်ခဲ့ပြီး သစ်သားဖြင့် ထွင်းထားသည့် ဗုဒ္ဓမြတ်စွာ ဘုရားရုပ်တုနှင့် ရွှေပြားကတ် ပရိဘောဂများရှိရာ စကျင် ကျောက်များဖြင့် မွမ်းမံဆောက်လုပ်ထားသည့် အခန်းများရှိရာအဆောက် အအုံအတွင်းသို့ ၀င်လာခဲ့ကြသည်။
ပြုပြင်ပြောင်းလဲမှုကို ယခုအချိန်တွင် ဦးဆောင်ပြီး ဆောင်ရွက်နေသည့် ယခင်က ဗိုလ်ချုပ်ကြီးဖြစ်ခဲ့ဖူးသည့် သမ္မတကြီး ဦးသိန်းစိန် သည် လူသိ ရှင်ကြားကြိုဆိုမှုကို သတိထား ဆောင်ရွက်ခဲ့သော်လည်း ကလင်တန်ကို ကြိုဆိုနှုတ်ဆက်ရာတွင် ပြုံးရွှင်စွာဖြင့် ကြိုဆိုခဲ့ပြီး "ဆက်ဆံရေး ကဏ္ဍသစ်တစ်ရပ်"ဟု ၎င်းခေါ်သည့် ဟီလာရီ ကလင်တန်၏ လာရောက်လည်ပတ်မှုကို ဂုဏ်ပြုကြိုဆို ခဲ့သည်။
သမ္မတကြီး ဦးသိန်းစိန်နှင့် အမေရိကန် နိုင်ငံခြားရေးဝန်ကြီး မစ္စစ်ကလင်တန်တို့၏ သမိုင်းဝင်ဓာတ်ပုံ အရယူရေးအတွက် တစ်ဦး နှင့်တစ်ဦး တွန်းတိုက်ကာ သမ္မတအိမ်တော် အတွင်းသို့ စုပြုံဝင်ရောက်လာသည့် ပြည်တွင်း ပြည်ပမှ စာနယ်ဇင်းသမားများကို မြန်မာ အစိုးရ၏ လုံခြုံရေးဝန်ထမ်းများက အံ့ဩစရာ ကောင်းလောက်အောင် လျှော့ပေးထားသည်။
မြန်မာအစိုးရအဖွဲ့မှ တာဝန်ရှိသူများသည် မီဒီယာသမားများကို စကားပြောကြားခြင်း မရှိသည်ကို တွေ့ရသည်။ သို့သော်လည်း အာဏာပိုင်များသည် သတင်းထောက်များကို ထူးထူးခြားခြား ကန့်သတ်ချက်များ ပြုလုပ် ထားခြင်းမရှိချေ။
နေပြည်တော်သည် အစိုးရအဖွဲ့အစည်း များအတွက် တည်ဆောက်ထားသည့် မြို့တစ်မြို့ဖြစ်သော်လည်း လူထုအကြား သဘော ထားမှာ ဖက်လှဲတကင်း ကြိုဆိုမှုကို ထင်ထင်ရှားရှား တွေ့ရသည်။
"ကလင်တန် မြန်မာနိုင်ငံကို လာလည်တဲ့ အတွက် ကျွန်တော်တို့ဂုဏ်ယူပါတယ်။ ဒါက နှစ် ၅၀ အတွင်းမှာ ပထမဦးဆုံးအကြိမ်ပါပဲ"ဟု မစ္စစ်ကလင်တန် တည်းခိုရာဟိုတယ်မှ ၀န်ထမ်းတစ်ဦးက ပြောသည်။
အမေရိကန် ကိုယ်စားလှယ်အဖွဲ့ကို အဆိုပါဟိုတယ်မှ ၀န်ထမ်းများက လန်းဆန်းပုဝါကမ်း ကြိုဆိုပြီး ဖရဲသီးဖျော်ရည်ဖြင့် တည်ခင်း ဧည့်ခံခဲ့သည်။
အငှားယဉ်မောင်းတစ်ဦးသည် ၎င်း၏ခရီးသည်မှာ အမေရိကန်မှ ဖြစ်သည်ကို သိသွားသည့်အခါ သိသိသာသာ စိတ်လှုပ်ရှားသွားကာ "ယူအက်စ်အေ - သိပ်ကောင်းတယ်" ဟု ၀မ်းသာအားရနှင့် တုံးတိကြီး မှတ်ချက် ချခဲ့သည်။
"ကျွန်တော်က ဒေါ်အောင်ဆန်းစုကြည်ကို ထောက်ခံအားပေးတဲ့သူပါ။ကျွန်တော်တို့ ဒီမိုကရေစီ လိုချင်တယ်" ဟု နှစ် ၂၀ အတွင်း နေအိမ်အကျယ်ချုပ်ဖြင့် နေခဲ့ရကာ ပြီးခဲ့သည့် နှစ်က လွတ်မြောက်လာခဲ့သည့် မြန်မာ အတိုက်အခံ ခေါင်းဆောင်နှင့်ပတ်သက်ပြီး သူကပြောပြခဲ့သည်။
ကလင်တန်၏ အလည်အပတ်ခရီးစဉ်နှင့် ပတ်သက်ပြီး မြန်မာအစိုးရ၏ပူးပေါင်းမှု ကို အမေရိကန်အစိုးရက ကျေနပ်အားရကြောင်းနှင့် ဗီဇာထုတ်ပေးရာတွင် ယခင်ကထက် ပိုမိုလွယ်ကူအောင် စီစဉ်ပေးထားသည့်အတွက်လည်း မြန်မာအစိုးရ၏ကြိုးပမ်းမှုကို အသိအမှတ် ပြုကြောင်း ကလင်တန်နှင့် အတူ လိုက်ပါလာသည့် အမေရိကန် အဆင့်မြင့်အရာရှိများက ပြောသည်။
"အဖွဲ့သားတွေဟာ ယေဘုယျအားဖြင့် တော့ သေနတ်ကိုင်ဆောင်ထားတဲ့ လုံခြုံရေးအေးဂျင့်တွေကြောင့် နည်းနည်း စိတ်မသက် မသာ ဖြစ်တာ တွေ့ရပါတယ်။ ကျွန်တော်တို့ ကြည့်ချင်တဲ့ နေရာတွေ လျှောက်ကြည့်တာကို အတတ်နိုင်ဆုံး လိုက်လျောပေးကြ ပါတယ်။ ဒါကလည်း ဧည့်ဝတ်ကျေ တယ်လို့ ပြောလို့ရပါတယ်" ဟု အမည်မဖော်လိုသည့် အမေရိကန် အရာရှိ တစ်ဦးက ပြောသည်။
"ဒါက ကျွန်တော်တို့အတွက် အရေးကြီးပါတယ်။ ဒါပေမယ့် ကျွန်တော်တို့အတွက် တကယ်အရေးကြီးတာက နိုင်ငံရေးပြုပြင် ပြောင်းလဲမှုလုပ်ရာမှာ သူတို့ နောက်ထပ် ဘယ်လို ဆက်သွားမလဲဆိုတာပဲ"ဟု ၎င်းကပြောသည်။

Eleven Media Group, Weeklyeleven က ပြည်တွင်းသတင်း တစ်ပုဒ်ပါ။

Eleven Media Group, Weeklyeleven က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Eleven Media Group မိသားစုဝင်တွေကို ကျေးဇူးအထူးတင်ပါတယ်။



ဒေါ်အောင်ဆန်းစုကြည်နှင့် အမေရိကန် နိုင်ငံခြားရေးဝန်ကြီး ဟီလာရီကလင်တန် တွေ့ဆုံ

Friday, 02 December 2011 13:57
ဒေါ်အောင်ဆန်းစုကြည်နှင့် အမေရိကန် နိုင်ငံခြားရေးဝန်ကြီး ဟီလာရီကလင်တန် မီဒီယာများနှင့် တွေ့ဆုံနေစဉ် မြန်မာနိုင်ငံသို့ရောက်ရှိနေသော အမေရိကန် နိုင်ငံခြားရေးဝန်ကြီး ဟီလာရီကလင်တန်သည် ဒေါ်အောင်ဆန်းစုကြည်နှင့် ယနေ့နံနက် ၉ နာရီခန့်က ရန်ကုန်မြို့ရှိ ဒေါ်အောင်ဆန်းစုကြည်၏ နေအိမ်တွင် တွေ့ဆုံခဲ့ပါသည်။ အဆိုပါတွေ့ဆုံမှုသည် ၁နာရီ ၄၅ မိနစ်ခန့်ကြာမြင့်ခဲ့ပြီး တွေ့ဆုံမှုအပြီးတွင် ဒေါ်အောင်ဆန်းစုကြည်နှင့် အမေရိကန် နိုင်ငံခြားရေးဝန်ကြီး ဟီလာရီကလင်တန်တို့သည် ၉ မိနစ်ခန့် မီဒီယာများနှင့်တွေ့ဆုံခဲ့ပါသည်။ မီဒီယာများနှင့်တွေ့ဆုံရာတွင် ဒေါ်အောင်ဆန်းစုကြည်က ''ဟီလာရီအနေနဲ့ နေပြည်တော်မှာ နိုင်ငံတော် သမ္မတ၊ ၀န်ကြီးတွေ ၊ လွှတ်တော် ဥက္ကဋ္ဌတွေနဲ့ တွေ့ဆုံတဲ့အခါမှာ ကောင်းမွန်တဲ့ တွေ့ဆုံမှုရှိခဲ့တယ်။ မြန်မာနိုင်ငံရဲ့ ပြန်လည်ထိတွေ့ဆက်ဆံရာမှာ အမေရိကန်ရဲ့ ခြေလှမ်းအစတွေဖြစ်သလို နှစ်နိုင်ငံကြားမှာ နားလည်မှု၊ ဆွေးနွေးမှုတွေနဲ့ ဆက်သွားကြမှာ ဖြစ်ပါတယ်။  အခုအချိန်က အမေရိကန်က ကျွန်မတို့အတွက် ကောင်းမွန်တဲ့ ဂိတ်ပေါက်တစ်ခုပဲ။ ဒီမိုကရေစီလမ်းကြောင်း ဖော်ဆောင်ရာမှာလိုအပ်တဲ့ လူ့အခွင့်အရေး လှုပ်ရှားသူတွေ၊ လူမှုအဖွဲ့အစည်းတွေကြားမှာ ဂုဏ်သိက္ခာရှိရှိ  ထိတွေ့ဆက်ဆံသွားဖို့ မျှော်လင့် တယ်။ ကျွန်မတို့ အကူအညီတွေ လိုပါတယ်။ အမေရိကန်နိုင်ငံမှ မဟုတ်ပါဘူး။ နိုင်ငံတကာမှာရှိတဲ့ လူမှုအဖွဲ့အစည်းတွေ အပါအ၀င်ပါ။ နိုင်ငံမှာလိုအပ်မယ့် နည်းပညာတွေအတွက် ပံ့ပိုးမှုတွေမှာ ကမ္ဘာ့ဘဏ်တွေလိုမျိုး နိုင်ငံတကာအဖွဲ့အစည်းတွေနဲ့ ထိတွေ့ဆက်ဆံဖို့ လိုတယ်။ ယုံ ကြည်ချက်ကြောင့် အကျဉ်းကျခံနေရတဲ့ နိုင်ငံရေးသမားတွေ ပြန်လည်လွတ်မြောက်လာဖို့ အဲလိုပြောတဲ့အခါမှာ တိုင်းပြည်ရဲ့အခြေခံကျလှတဲ့ တရားဥပဒေစိုးမိုးရေးပိုင်းအရ နောင်မှာနိုင်ငံရေး အကျဉ်းသားတွေ လွတ်မြောက်နိုင်အောင် လုပ်ဖို့လိုအပ်ပါတယ်။ ဒါ့ကြောင့် တရားဥပဒေစိုး မိုးရေးပိုင်းကို အထူးဂရုပြုဖို့ လိုအပ်ပါတယ်။  ပြီးတော့ ကျွန်မတို့ ပြည်ထောင်စုသမ္မတ မြန်မာနိုင်ငံတော်မှာ တိုင်းရင်းသားလူမျိုးစုတွေ အများကြီးပါ ။ တိုင်းရင်းသားလူမျိုးစုတွေရဲ့ သာတူညီမျှရှိစေမယ့် ခံစားခွင့်တွေ တိုင်းရင်းသားအရေးတွေကိုလည်း အလေးထားစဉ်းစားကြဖို့ မျှော် လင့်တယ်။ အဲဒီအတွက် ကျွန်မ အခိုင်မာ ယုံကြည်တာကတော့ မြန်မာနိုင်ငံရဲ့ တရားဥပဒေစိုးမိုးရေးပိုင်းမှာ လိုအပ်ချက်တွေကို အစိုးရသစ်၊ အမေရိကန်သာမက နိုင်ငံတကာအဖွဲ့အ စည်း၊ အတိုက်အခံ ၊တစ်ကမ္ဘာလုံးက တူညီတဲ့လုပ်ဆောင်ချက်၊ တန်ဖိုးတွေ သာရှိမယ်ဆို အားလုံးလက်တွဲပါဝင်ကူညီကြဖို့ လိုတယ်။ ကျွန်မယုံကြည်ပါတယ် ဒီမိုကရေစီစနစ်ကို ဘယ်တော့မှ နောက်ပြန်မကွေ့ဘူးဆိုတာ။ ပြီးတော့ တရုတ်နိုင်ငံ အရေးကိစ္စပါ။တရုတ်က ကျွန်မတို့ရဲ့ အိမ်နီးချင်းနိုင်ငံဖြစ်သလို ကောင်းမွန်တဲ့ ဆက်ဆံ ရေးတွေ ဆက်ရှိနေဖို့လည်း ကျွန်မမျှော်လင့်တယ်" ဟု ပြောကြားခဲ့ပါသည်။ အမေရိကန် နိုင်ငံခြားရေးဝန်ကြီး ဟီလာရီကလင်တန်ကလည်း ''ကျွန်မအနေနဲ့ ပြောချင်တာကတော့ ဒီမိုကရေစီဆိုတာ ပန်းတိုင်တစ်ခုပါ။ အမေရိကန်ဟာ မြန်မာနိုင်ငံနဲ့ အမှန်တစ်ကယ်ပဲ မိတ်ဖွဲ့နိုင်ငံဖြစ်ချင်ပါတယ်။ ကျွန်မတို့ အလုပ်တွေလည်း အများကြီးလုပ်ချင်ပါတယ်။ အကယ်၍ ဒီထက်ပိုပြီး ဒီမိုကရေစီနည်း ကျင့်သုံးမယ်၊ နိုင်ငံရေး အကျဉ်းသားအားလုံး လွှတ်ပေးမယ်၊ ကာလကြာရှည်စွာရှိခဲ့တဲ့ တိုင်းရင်းသားရေးရာ ပဋိပက္ခတွေ အဆုံးသတ်မယ်၊ ပြီးတော့ ရွေးကောက်ပွဲမှာ လွပ်လပ်ပြီး တရားမျှတပြီး ယုံကြည်နိုင်လောက်တဲ့အခြေအနေတွေ ဖြစ်လာမယ်ဆိုရင်ပေါ့။ နောင်မှာလည်း အ မေရိကန်က အနီးကပ် ဆက်လက်ပြီး စစ်မှန်တဲ့ အကူအညီ ပေးမှုတွေ အကြံပေးမှုတွေ လုပ်ဆောင်သွားမှာပါ။ နှစ်ပေါင်းများစွာက မြန်မာက လူအများရှေ့မှာ ရပ်တည်ဖို့ ခက်ခဲမှုအနေအထားတွေ ရှိခဲ့တယ်။ အခုအချိန်မှာတော့ ကျွန်မတို့မြင်ချင်တာက မြန်မာဟာ ကမ္ဘာမှာ မှန်ကန်တဲ့နေ ရာတစ်ခုမှာ ရှိနေမှုပါ။ ပြီးတေ့ာ မြို့သာမက ကျေးလက်ဒေသမှာရှိနေတဲ့ ဖွံ့ဖြိုးမှုလိုအပ်တဲ့ မိသားစုတွေ၊ ကလေးသူငယ်တိုင်းဟာ ကောင်းမွန်တဲ့ ပညာရေးတွေပေးနိုင်အောင် အခွင့်အရေးတွေ ရှိရမယ်။ ကျန်းမာရေး စောင့်ရှောက်မှုတွေ ရှိရမယ်။ အမေရိကန်အနေနဲ့ မြန်မာနဲ့ အကောင်း ဆုံး မိတ်ဖက်နိုင်ငံအဖြစ် မျှော်လင့်ပါတယ်။ အနာဂတ်မှာတော့ နိုင်ငံသားတိုင်းဟာ မှန်ကန်တဲ့နေရာတစ်ခုမှာ ရှင်သန်ရပ်တည်နိုင်ဖို့ ကျွန်မတို့ စောင့်ကြည့်မျှော်လင့်မိပါတယ်'' ဟု ပြောကြားခဲ့ပါသည်။ ''ကျွန်မတို့မှာ အစိုးရအတွက် ကျွန်မတို့မြင်ချင်တဲ့ စဉ်ဆက်မပြတ် ဆောင်ရွက်သွားရမယ့် လုပ်ငန်းတွေအတွက် ရေးဆွဲသတ်မှတ်ထားတာတွေ ရှိပါတယ်။ ကျွန်မအနေနဲ့ သီးသန့်ဆွေးနွေးပွဲမှာရော၊ အများပြည်သူ ဆွေးနွေးပွဲတွေမှာပါ ပြောခဲ့တာကတော့  ကျွန်မတို့အနေနဲ့ လုပ် ဆောင်ချက်တစ်ခုကို လုပ်ဆောင်ချက်တစ်ခုနဲ့ တုံ့ပြန်ဆောင်ရွက်သွားမှာ ဆိုတာပါပဲ။ တစ်ကယ်လို့များ လုံလောက်တဲ့ တိုးတက်မှုများရှိခဲ့မယ်ဆိုရင်တော့ လုံးဝသိသာတာကတော့ ကျွန်မတို့အနေနဲ့ စီးပွားရေး ပိတ်ဆို့မှုတွေကို စဉ်းစားသွားမယ်ဆိုတာပါပဲ။ ဒါပေမယ်လို့ ကျွန်မ အရင်ကပြောသလိုပဲ ကျွန်မတို့အနေနဲ့ ထိတွေ့ဆက်ဆံမှုနဲ့ တွေ့ဆုံဆွေးနွေးမှုအဆင့်ဟာ အစဦးအဆင့်ပဲ ရှိသေးပါတယ်။ အဲဒီအဆင့်ကို လွန်ခဲ့တဲ့ နှစ်နှစ်အတွင်း ကြိုးစားတည်ဆောက်ခဲ့ရတာပါ''ဟု နိုင်ငံခြားရေးဝန်ကြီး ဟီလာရီကလင်တန်က ဖြေကြားခဲ့သည်။ (နောက်ဆုံရ သတင်းများနှင့် သတင်းဓါတ်ပုံများကို Eleven Media Group Facebook တွင် ၀င်ရောက်ကြည့်ရှုနိုင်ပါသည်။)

 

Eleven Media Group, Weeklyeleven က ပြည်တွင်းသတင်း တစ်ပုဒ်ပါ။

Eleven Media Group, Weeklyeleven က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Eleven Media Group မိသားစုဝင်တွေကို ကျေးဇူးအထူးတင်ပါတယ်။

အမေရိကန်နိုင်ငံခြားရေးဝန်ကြီး ဟီလာရီကလင်တန် နေပြည်တော်မှ ရန်ကုန်မြို့သို့ ရောက်ရောက်ချင်း ရွှေတိဂုံစေတီတော်သို့ သွားရောက်ဖူးမြော်

Thursday, 01 December 2011 20:33

အမေရိကန် နိုင်ငံခြားရေးဝန်ကြီး ဟီလာရီကလင်တန်သည် နေပြည်တော်မှ ရန်ကုန်မြို့သို့ ၂၀၁၁ ခုနှစ် ဒီဇင်ဘာလ ၁ ရက်နေ့ ညနေ ၅ နာရီခန့်တွင် ရန်ကုန် အပြည်ပြည်ဆိုင်ရာလေဆိပ်သို့ အမေရိကန်လေယာဉ် ၈၀၀၀၂ ဖြင့် ရောက်ရှိလာခဲ့သည်။ အမေရိကန်လေယာဉ် ၈၀၀၀၂ ဖြင့် ရန်ကုန်မြို့သို့ရောက်ရှိလာသည့် အမေရိကန်နိုင်ငံခြားရေးဝန်ကြီး ဟီလာရီကလင်တန်ကို နိုင်ငံခြားရေး ၀န်ကြီးဌာနမှ တာဝန်ရှိသူများ၊ ရန်ကုန်တိုင်းဒေသကြီး အစိုးရအဖွဲ့မှ ၀န်ကြီးများက ကြိုဆိုခဲ့ကြသည်။ အမေရိကန်နိုင်ငံခြားရေးဝန်ကြီး ဟီလာရီကလင်တန်သည် လေယာဉ်ပေါ်မှ ဆင်းဆင်းလာချင်း ၎င်းအား ကြိုဆိုရန် ကြိုတင်ရောက်ရှိနေကြသည့် နိုင်ငံခြားရေးဝန်ကြီးဌာနမှ တာဝန်ရှိသူများ၊ ရန်ကုန်တိုင်းဒေသကြီးအစိုးရအဖွဲ့မှ ၀န်ကြီးများကို လက်ဆွဲနှုတ်ဆက်ပြီး မြန်မာနိုင်ငံဆိုင်ရာ အမေရိကန်သံရုံးမှ မော်တော်ယာဉ် အမှတ် သံ-၁/၁ ပေါ်သို့ တက်ရောက်ခဲ့သည်။ ထို့နောက် အမေရိကန်နိုင်ငံခြားရေးဝန်ကြီး ဟီလာရီကလင်တန် လိုက်ပါလာသည့် မော်တော်ယာဉ်တန်းသည် ရန်ကုန်အပြည်ပြည်ဆိုင်ရာလေဆိပ်မှ ရွှေတိဂုံစေတီတော်သို့ ထွက်ခွာလာခဲ့ကြသည်။ အမေရိကန် နိုင်ငံခြားရေးဝန်ကြီး ဟီလာရီကလင်တန် ဦးဆောင်သည့် အမေရိကန်ကိုယ်စားလှယ်အဖွဲ့သည် ရန်ကုန်မြို့ ဗဟန်းမြို့နယ်ရှိ ရွှေတိဂုံစေတီတော်သို့  ညနေ ၅ နာရီ မိနစ် ၃၀ ၀န်းကျင်တွင် ရောက်ရှိလာခဲ့ပြီး ရွှေတိဂုံစေတီတော်ပေါ်သို့ တောင်ဘက်မုဒ်မှ တက်ရောက်ကာ လက်ယာရစ် လှည့်လည်ဖူးမြော် ကြည်ညိုခဲ့သည်။ အမေရိကန် နိုင်ငံခြားရေးဝန်ကြီး ဟီလာရီကလင်တန်သည် ဘုရား၌ ပန်း၊ ဆီမီး၊ ရေချမ်း ကပ်လှူပူဇော်ကာ ရွှေတိဂုံစေတီတော်သို့ အလှူငွေများ လှူဒါန်းခဲ့ပြီး ဟံသာဝတီမင်းခေါင်းလောင်း၌ ခေါင်းလောင်းထိုးခဲ့သည်။ ထို့နောက် ရွှေတိဂုံစေတီတော် အင်္ဂါထောင့်ရှိ ဗောဓိညောင်ပင်ကို ကြည့်ရှုလေ့လာပြီး ညနေ ၆ နာရီကျော်တွင် တောင်ဘက်မုဒ်မှ ပြန်လည်ထွက်ခွာသွားခဲ့သည်။ ရွှေတိဂုံစေတီတော်သို့ လာရောက်ဖူးမြော်သည့် အမေရိကန် နိုင်ငံခြားရေးဝန်ကြီး ဟီလာရီကလင်တန်ကို ပြည်တွင်း၊ ပြည်ပ သတင်းထောက်များသာမက ရွှေတိဂုံစေတီတော်သို့ လာရောက်ဖူးမြော် ကြည်ညိုကြသည့် ကမ္ဘာလှည့်ခရီးသည်များကလည်း စိတ်ဝင်တစား စောင့်မျှော် ဓာတ်ပုံရိုက်ခဲ့ကြသည်ကို တွေ့ရသည်။ အမေရိကန် နိုင်ငံခြားရေးဝန်ကြီး ဟီလာရီကလင်တန်သည် မြန်မာနိုင်ငံ နေပြည်တော်သို့ နိုဝင်ဘာလ ၃၀ ရက်နေ့ ညနေတွင် တောင်ကိုရီးယားနိုင်ငံမှ ရောက်ရှိလာပြီး ဒီဇင်ဘာလ ၁ ရက်နေ့တွင် နေပြည်တော်၌ နိုင်ငံတော်သမ္မတ ဦးသိန်းစိန် အပါအ၀င် နိုင်ငံခြားရေး ၀န်ကြီးဌာန ပြည်ထောင်စုဝန်ကြီး၊ ပြည်ထောင်စုလွှတ်တော်နာယက၊ ပြည်သူ့လွှတ်တော်ဥက္ကဋ္ဌ အစရှိသူများနှင့် တွေ့ဆုံကာ မွန်းလွဲ ၃ နာရီကျော်တွင် ခေတ္တတည်းခိုရာ သင်္ဂဟဟိုတယ်၌ သတင်းစာရှင်းလင်းပွဲ ပြုလုပ်ပြီး ရန်ကုန်မြို့သို့ ဆက်လက်ထွက်ခွာလာခဲ့ခြင်းဖြစ် သည်။ အမေရိကန် နိုင်ငံခြားရေးဝန်ကြီး ဟီလာရီကလင်တန်သည် ဒီဇင်ဘာလ ၂ ရက်နေ့ နံနက်ပိုင်းတွင် အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်အား ဒေါ်အောင်ဆန်းစုကြည်နေအိမ်တွင် တွေ့ဆုံရန်ရှိပြီး  အရပ်ဘက် လူ့အဖွဲ့အစည်းများမှ တာဝန်ရှိသူများနှင့်လည်း မြန်မာနိုင်ငံဆိုင်ရာ အမေရိကန်သံရုံးတွင် တွေ့ဆုံရန်ရှိသည်။ ထို့နောက် ညနေပိုင်းတွင် မြန်မာနိုင်ငံဆိုင်ရာ အမေရိကန်သံရုံး၌ သတင်းစာရှင်းလင်းပွဲတစ်ရပ် ပြုလုပ်ကာ ပြည်တွင်း၊ ပြည်ပ သတင်းထောက်များနှင့် တွေ့ဆုံရန်ရှိသည်။

 

Myanmar Times က ဆောင်းပါးတစ်ပုဒ်ပါ။

Myanmar Times က ဆောင်းပါးတစ်ပုဒ်ပါ အဲ့လိုသတင်းဆောင်းပါးတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

 

တံစိုးလက်ဆောင်

ယနေ့ကမ္ဘာကြီးရဲ့ တိုင်းနိုင်ငံအသီးသီးကို ဆန်းစစ်ကြည့်ရင် လာဘ်စားမှုကင်းတဲ့ အစိုးရဆိုတာ လက်ချိုးရေလို့ရပါတယ်။ တံစိုးလက်ဆောင်ကင်းတဲ့ နိုင်ငံတော့ မရှိဘူးပေါ့။ ဖွံ့ဖြိုးပြီးအဆင့်ရောက်နေတဲ့ တောင်ကိုရီးယား၊ တိုင်ဝမ် စတဲ့ နိုင်ငံတွေမှာဆို လာဘ်စားမှုတွေကြောင့် သမ္မတတွေ သတ်သေတာ၊ ထောင်ကျတာတွေအထိ ဟိုးလေးတကျော်ဖြစ်ခဲ့ကြပါတယ်။ လောဘကြီးလွန်း လို့လည်း ဖြစ်မှာပါလေ။ ဒီအဆင့်တွေက တံစိုးလက်ဆောင် လောက်နဲ့လည်း အဆင်ပြေနိုင်ပါရဲ့နော်။ ဖွံ့ဖြိုးမှုနည်းတဲ့ တိုင်းပြည် တွေမှာ အခြေခံလူတန်းစားရဲ့ဝင်ငွေဟာ သူ့တစ်ကိုယ်စာ သုံးစွဲနိုင်တဲ့ပမာဏလောက်ပဲ ရှိကြပါတယ်။ ၀င်ငွေနဲ့ သုံးစွဲငွေအချိုးလည်း မြင့်မားပါတယ်။

မြင့်သန်းကျော်
အတွဲ ၂၈ ၊ အမှတ် ၅၄၅ ( ၂၅ ၊၁၁ - ၁ ၊၁၂ ၊ ၂၀၁၁)

အရှေ့တောင်အာရှမှာ အဆင်ပြေတဲ့ အဆင့်ရောက်နေတဲ့ စင်ကာပူမှာ အနိမ့် ဆုံးအဆင့်လစာဟာ မြန်မာလုပ်သား တွေအတွက် အခြေအနေရ စင်ကာပူ ဒေါ်လာ ၄၀၀ နဲ့ ၇၀၀ အတွင်း ဖြစ်ပါတယ်။ နေ့စားလုပ်ခကတော့ ၂၅ ဒေါ်လာ ဖြစ်ပါတယ်။ သူတို့နိုင်ငံသား တွေရဲ့ လုပ်ခထက် သုံးပုံတစ်ပုံ နည်းပါ သေးတယ်။ ဒါပေမယ့် သူတို့နိုင်ငံရဲ့ ဖန်တီးထားတဲ့ အခြေအနေအရ တစ်နေ့ စင်ကာပူ ၁၀ ဒေါ်လာဆို လောက်တယ်။ ၀မ်း၀၀စားရတော့ သုံးပုံနှစ်ပုံလောက် ခေါင်းပုံဖြတ်ထားခဲ့ရသည့်တိုင် မြန်မာတွေ လုပ်ပျော်တယ်ပေါ့။
သူတို့နိုင်ငံသားတွေရဲ့ အနိမ့်ဆုံးက တော့ ၁,၅၀၀ နဲ့ ၂,၀၀၀ အတွင်း ဖြစ်ပါတယ်။ သူတို့ရဲ့ဝင်ငွေနဲ့ သုံးစွဲမှု (Consumption) အချိုးလေး ချကြည့်ရ အောင်ပါ။
စင်ကာပူနိုင်ငံသားတွေ မိသားစုဟာ သုံးယောက်ထက်မပိုတာ များပါတယ်။ စားစရိတ်က သုံးယောက် ဒေါ်လာ ၉၀၀ လောက်နဲ့ အထွေထွေ စရိတ်က ၃၀၀ လောက် ရှိမယ်။
ဒီတော့ မိသားစုတွေ လူတန်းစေ့ နေနိုင်ကြတယ်။
ဒါကြောင့် သူတို့ဟာ လာဘ်ပေးလာဘ် ယူမှု တိုက်ဖျက်တဲ့ စင်ကာပူနိုင်ငံရဲ့ လူနေမှုစနစ်အောက်မှာ အခက်အခဲမရှိ နေလို့ရပါတယ်။
Ratio Income to Consumption က မျှတတော့ လာဘ် ပေးလာဘ်ယူမှုကို အတတ်နိုင်ဆုံး လျော့ ကျစေခဲ့ပါတယ်။ လင်မယား နှစ်ယောက် စလုံး အလုပ်လုပ်ရင် အိမ်ဖော်ခ ၃၀၀။ စားစရိတ် ၁၅၀ ပိုကုန်မယ်။ အဆင်ပြေ တုန်းပါ။ ဒါက အနိမ့်ဆုံးအဆင့်ကိုသာ တွက်ပြတာပါ။ စင်ကာပူနိုင်ငံဟာ ဘာအရင်းအမြစ် မှ မရှိပါဘူး။ တစ်ကမ္ဘာလုံးက ပညာတတ် တွေနဲ့ ရင်းနှီးမြှုပ်နှံလိုသူတွေအတွက် တံခါးဖွင့်ထားတယ်။
သူ့နိုင်ငံက တက္ကသိုလ်တွေရဲ့ အရည်အသွေးကို မြင့်အောင် မြှင့်တင်တယ်။ နိုင်ငံရပ်ခြားက သူ့နိုင်ငံမှာလာသင်တဲ့ ပညာသင်တွေကို အရည်အချင်းအလိုက် ထောက်ပံ့ကြေး ပေးတယ်။
ပြီးရင် သူ့နိုင်ငံထူထောင် ရေးတွေမှာ ၀င်ရောက်လုပ်ကိုင်နိုင် အောင်၊ အလုပ်လုပ်နိုင်အောင် ဖန်တီးပေးတယ်။ နိုင်ငံသားခံယူခွင့်အထိ အခွင့် အရေးပေးတယ်။ စင်ကာပူမှာ စင်ကာပူ နိုင်ငံသား မြန်မာတွေ အများကြီးရှိပါ တယ်။ စံနမူနာယူထိုက်တဲ့ နိုင်ငံ တစ်နိုင်ငံပါ။
ကဲ ကျွန်တော်တို့နိုင်ငံအလှည့်။
လက်ရှိအနိမ့်ဆုံးလစာက ကျပ် ၅၀,၀၀၀ မပြည့်ပါ၊ သာသာထိုးထိုး ၅၀,၀၀၀ လို့ ထားကြရအောင်။ ထမင်းက တစ်ခါပြင် ၅၀၀၊ ချက်စားရင် ဒါထက်ပိုကုန်ပါတယ်။ ကဲပါလေ အ၀စားလို့ ပြောကြည့်ပါ။ တစ်လ နပ် ၆၀။ သုံးသောင်းကုန်ပြီ။
လမ်းစရိတ်က တစ်နေ့ ၂၀၀ ထား (တကယ်တော့ မရပါ)။ အလုပ်ဆင်းရက် ၂၂ ရက်၊ ၄,၄၀၀။
ဆင်ခြေဖုံးဒေသ ရေဖိုး စည်တစ်ဝက် ၅၀၊ ရက် ၃၀ မှာ ၁,၅၀၀။
မီးမရှိ မီးပျက် ဖယောင်းတိုင်ဖိုး (မီတာခဆိုပါစို့) ၂,၀၀၀ (ဒါထက်များပါမယ်)။
သာရေးနာရေး အလုပ်အကိုင်သစ်ရရှိရေး၊ ဖုန်းဆက်ခ တစ်ခါဆက် ၅၀၊ တစ်လ ပျမ်းမျှ ၁,၀၀၀ (တစ်ရက် တစ်ခါဆက်၊ ရက် ၂၀ လောက်များ အာတွေ့တွေ့ပြောလိုက်မိရင် တစ်သောင်းပါ၊ ဒါကိုဖယ်ပါ)၊
မနက်မိုးလင်းစာ ချွေချွေတာတာ တစ်မနက် ၅၀ (စမူဆာ ဒါမှမဟုတ် ဘိန်းမုန့်နဲ့ရေ) တစ်လလုံး ၁,၅၀၀ ပေါင်းလိုက်ရင် ၄၀,၀၀၀ ကျော်ရှိပြီ။
ဒါတွေက အနိမ့်ဆုံး စရိတ် အဆင့်နဲ့ တွက်ထားတာပါ။ အဲ မေ့နေလို့ အ၀တ်အစားနဲ့ နေဖို့နေရာ အတွက် တန်ဖိုးထည့်ပေါင်းရရင် ဘယ်လိုစဉ်းစားကြံစည်ရမှာပါလဲ။
ဒါက တစ်ကိုယ်ရေ တစ်ကာယအတွက်ပါ။
မိသားစုရှိရင်တော့ ဘ၀ခရီးကြမ်းကို ရုန်းရပါပြီ။
မိဘကျေးဇူးဆပ်ဖို့ဆိုတာလည်း မမျှော်မှန်းနိုင်ပါ။
မြန်မာလုပ်သားတွေအတွက် လျှပ်စစ် မီတာခ၊ ရေခ၊ လမ်းစရိတ်၊ ဆေးဝါးကုသ စရိတ်တွေဟာ ရလာတဲ့လစာငွေနဲ့ စာရင် တန်ဖိုးကြီးလွန်းနေပါတယ်။
ဒီတော့ ခဏမှေးလုပ်ပြီး အခြေခံလေးရရင် နိုင်ငံခြားမှာ အလုပ်လုပ်တော့ မြန်မာ ပြည်ထဲမှာ ကျွမ်းကျင်လုပ်သားတွေ ပြတ်လပ်လာ ပါတယ်။
အသက်မွေးဝမ်းကျောင်းတက္ကသိုလ်က ကျောင်းဆင်းတွေကလည်း အထက်တန်းကျောင်း အဆင့်သာသာလောက်သာဖြစ်လို့ တိုင်းပြည်တည်ဆောက် ထူထောင်ရေးတွေမှာ ပညာသည်တွေအပိုင်း ခါးပြတ် ခဲ့ပါပြီ။
ပညာတတ်တွေဘက်က ကြည့်ရင် မြန်မာပြည်ထဲမှာ ကျပ်ကျပ်တည်း တည်းနေမယ့်အစား မျက်နှာငယ်ရင် ငယ်၊ နိုင်ငံခြားမှာပဲ အလုပ်သွားလုပ်မယ့် ဆိုတဲ့အတွေး ရှိလာကြပါတယ်။
လက်ရှိ အစိုးရ၀န်ထမ်းငယ်တွေအဖြစ် မတတ်သာလို့ လုပ်နေရသူတွေများဟာ ၀န်ထမ်းဆိုတဲ့ အကာအကွယ်နဲ့ ၀မ်းစာရေး လုံးပန်းနေရကြတာပါ။
ဒီအချိန်မှာ လာဘ်ပေးလာဘ်ယူ ပပျောက်ရေးဆိုတာ အတော်ဖြေရှင်းရခက်နေမှာပါ။
မြန်မာနိုင်ငံရဲ့ အသားကျနေပြီဖြစ်တဲ့ လက်ဖက်ရည်ဖိုးဆိုတာလေး ချပေးလိုက်ရင် မလူးသာ မငြင်းသာတဲ့ ၀န်ထမ်းလေးတွေခင်ဗျာ ပေးတဲ့ငွေလေးကို သူ့ စားပွဲထဲ အံဆွဲထဲ အသာလေး လျှောသွင်းလိုက်ရုံကလွဲလို့ အခြား ဘာကိုမှ တွေး မကြောက်အားတော့ပါ။
ကိုယ့်ဝမ်းနာ ကိုယ်သာသိတယ်၊ အိမ်အပြန် ဆန်ဝယ်သွားရမယ်လေ။ ဆီဖိုး ဈေးဖိုးလေးလည်း လာပါစေဦးဗျာနဲ့ မျှော်သူမောပြီ ဆိုတဲ့ ဘ၀မျိုးက ဘယ်တော့လွတ်မှာပါလိမ့်လို့လည်း မတွေးသာသေးတဲ့ ၀န်ထမ်းငယ်တွေဘ၀ လက်ရှိဖြစ်နေစဉ်မှာ လာဘ်ပေးလာဘ်ယူ ပပျောက်ရေးဆိုတာ နားထဲမှာ မကြားရဲပါ၊ သီချင်းစာသား လိုပါ။
လာဘ်ပေးလာဘ်ယူ ပပျောက်ရေး ရည်မှန်းချက်ထက် ကောင်းတာက Clean Government ဆိုထားတဲ့ သန့် ရှင်းသော အစိုးရဖြစ် ရေးက အကောင်း ဆုံးဖြစ်ပါတယ်။
လုပ်လို့အဖြစ်နိုင်ဆုံးနဲ့ အလွယ်ဆုံးပါ။ Clean Government ဆိုတဲ့ သန့်ရှင်းသော အစိုးရကို ပြည်သူကလုပ်လို့မရပါ။
အစိုးရအဖွဲ့ကိုယ်တိုင် သမာဓိရှိရှိ သိက္ခာရှိရှိ၊ အရှက်အကြောက်တရား သိသိနဲ့ လူသားဆန်စွာ အကောင် အထည်ဖော်မှ ရတာပါ။
လူသားချင်း စာနာထောက်ထား ညှာတာမှုလည်း လိုပါသေးတယ်။
မိမိအစိုးရအဖွဲ့နဲ့ ပတ်သက်တဲ့ အသိုင်းအ၀ိုင်းထဲက လူတွေပဲ အစိုးရနဲ့ ပတ်သက်တဲ့ အသီးအပွင့်တွေ ခံစားနေကြတယ်ဆိုရင် ဒါဟာ Clean Government မဖြစ်နိုင်သေးလို့ပါ။
လွန်ခဲ့တဲ့ နှစ် ၂၀ ကျော်က နိုင်ငံခြားမှာ အလုပ်လုပ်ခဲ့သူတစ်ယောက်က ပြောခဲ့ဖူးတယ်။ ရန်ကုန်ကနေ ဘန်ကောက် ရောက်တော့ ရန်ကုန်ကို အမှိုက်ပုံလို့ မြင်တယ်။
စင်ကာပူနဲ့ ဥရောပနိုင်ငံတွေ ရောက်တော့ ဘန်ကောက်ကို အမှိုက်ပုံလို့ မြင်တယ်။
ဂျပန်နိုင်ငံကိုရောက်တော့ စင်ကာပူကို အမှိုက်ပုံလို့ မြင်ပြန်ရောတဲ့။
နောက်ဆက်ပြောတာက ဒီနေ့အထိ ရန်ကုန်မြို့တော်ဟာ အဲဒီအမွေအနှစ်ကို ထိန်းသိမ်းနိုင်ဆဲပါတဲ့ ခင်ဗျာ။
ကျွန်တော်တို့တိုင်းပြည်ဟာ နှစ် ၅၀ လောက်မှာ အုပ်စိုးမှုစနစ်ကို အားပြုခဲ့တော့ အရှေ့တောင်အာရှနိုင်ငံတွေ အတွင်းမှာတင် ဖွံ့ဖြိုးမှု တွေ နောက်ကျခဲ့ပြီး အာဆီယံအဖွဲ့ဥက္ကဋ္ဌရာထူးနဲ့တောင် မတန်သလိုပြောခံနေရတာတော့ ရင်နာစရာကောင်းလှပါတယ်။
ဘာလို့ မရထိုက်ရမှာလဲ၊ အဖွဲ့နိုင်ငံ အချင်းချင်း အဆင့်လျှော့ချထားသလို ဖြစ်နေတာပေါ့။
ကျွန်တော်တို့အစိုးရကလည်း နိုင်ငံတကာကျင့်သုံးတဲ့ မူဝါဒတွေကို နားလည်ရပါမယ်။
ကိုယ့်မူဟာ အများ နားမလည်နိုင်တာမျိုးဖြစ်နေရင် ဒါဟာ တစ်ယူသန်ဝါဒဆန်နေပါလိမ့်မယ်။
လက်ရှိအခြေအနေမှာ Clean Government ဖြစ်အောင် တည်ဆောက် ရင်း မြန်မာနိုင်ငံရဲ့ ကျွမ်းကျင်လုပ်သားတွေနဲ့ ပညာတတ်တွေ၊ မြန်မာပြည် လာလုပ်နိုင်တဲ့ စက်မှုလုပ်ငန်းတွေ ပေါ်ထွက်လာရေးအတွက် နည်းပညာ မြင့်တဲ့ နိုင်ငံခြားရင်းနှီးမြှုပ်နှံမှုတွေ ဖြစ် ပေါ်ရေး ရည်မှန်းချက်ကို အရေးတကြီး ချမှတ်သင့်ပါပြီ။
အဲဒီအတွက်လည်း ထိုက်သင့်တဲ့ မက်လုံးတွေနဲ့ အခွန်အတုတ် သက်သာခွင့်တွေ ဖော်ဆောင်ပေးရပါမယ်။
ပြည်တွင်းအားနဲ့ ထူထောင်ဖို့ဆိုတာ မဖြစ်နိုင်လောက်အောင် ကျွန်တော်တို့ရဲ့ လူအရင်းအမြစ်နဲ့ နည်းပညာတွေ နောက်ကျကျန်ခဲ့တဲ့ အရှိတရားကို နားလည်လက်ခံကြရ ပါမယ်။
ကွန်မြူနစ်စနစ်ကျင့်သုံးတဲ့ နိုင်ငံတောင် သူ့စနစ်ရဲ့ ရန်သူလို သဘောထားတဲ့ အရင်းရှင်တွေ သူ့နိုင်ငံထဲလာပြီး ရင်းနှီးမြှုပ်နှံအောင် ကြံဆောင်နိုင်သေးတာ၊ ကျွန်တော်တို့လည်း လုပ်နိုင်ရမှာပေါ့။
Clean Government လည်းဖြစ်၊ ကမ္ဘာမှာ ပြန့်နေတဲ့ ပညာတတ်တွေနဲ့ ကျွမ်းကျင်လုပ်သားတွေ မြန်မာပြည် ပြန်လာ အလုပ်လုပ် နိုင်တဲ့ အခွင့်အလမ်းတွေ ရှိလာရင် အကျင့်ပျက်ခြစားမှုနဲ့ လာဘ်ပေးလာဘ်ယူမှုတွေ လျော့ပါးလာပါလိမ့်မယ်။

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

 

၂၀၁၄ အာဆီယံဥက္ကဋ္ဌနေရာအတွက် နိုင်ငံခြားရေးဝန်ကြီးများ သဘောတူပြီဟု ဦးဝဏ္ဏမောင်လွင် အတည်ပြုပြောကြား

ကျော်ဆုမွန် (ဘာလီမှ ရေးသားပေးပို့သည်)
အတွဲ ၂၈ ၊ အမှတ် ၅၄၄ ( ၁၈ - ၂၄ ၊ ၁၁ ၊ ၂၀၁၁)

ဘာလီ အာဆီယံထိပ်သီးအစည်းအဝေးသို့ ရောက်ရှိနေသော နိုင်ငံခြားရေးဝန်ကြီး ဦးဝဏ္ဏမောင်လွင်။
ဓာတ်ပုံ - အေအက်ဖ်ပီ

မြန်မာနိုင်ငံ အာဆီယံဥက္ကဋ္ဌတာဝန်ယူရေးနှင့် ပတ်သက်ပြီး အာဆီယံ နိုင်ငံခြားရေးဝန်ကြီးများက ယခုလ ၁၅ ရက်နေ့က ပြုလုပ်သည့် အစည်းအဝေးတွင် အတည်ပြုလိုက်ပြီ ဖြစ်ကြောင်း မြန်မာ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်က အတည်ပြု ပြောကြားသည်။
အဆိုပါအစည်းအဝေးပွဲအပြီးတွင် မြန်မာတိုင်း(မ်)၊ သည်ဗွိုက်စ် ဂျာနယ်များနှင့် တွေ့ဆုံစဉ် ၀န်ကြီးက ထိုသို့ အတည်ပြု ပြောကြား ခဲ့ခြင်းဖြစ်သည်။
"၀န်ကြီးများအဆင့် အစည်းအဝေးကနေပြီးတော့ မြန်မာက အလှည့်ကျ ဥက္ကဋ္ဌအဖြစ် ထမ်းဆောင်ဖို့ကိစ္စကို ထောက်ခံပြီးတော့ ခေါင်းဆောင်များ အစည်းအဝေးကို တင်ပြဖို့ ဒီနေ့ ဆွေးနွေး ခဲ့ပါတယ်"ဟု ပြည်ထောင်စု ၀န်ကြီးက ပြောသည်။
အလှည့်ကျ ဥက္ကဋ္ဌနေရာကို မြန်မာနိုင်ငံသည် အခြားနိုင်ငံများနည်းတူ တာဝန်ယူနိုင်မည်ဖြစ်ကြောင်းနှင့် အာဆီယံအဖွဲ့ အတွင်း၌လည်း တာဝန်ရှိသည့် အဖွဲ့အစည်း တစ်ရပ်အနေဖြင့် ဆောင်ရွက်နိုင်မည် ဖြစ်ကြောင်း ၎င်းက ပြောကြားသည်။
ထို့ပြင် နိုင်ငံတကာတွင်လည်း မြန်မာ နိုင်ငံသည် ယခုကဲ့သို့ နိုင်ငံ တကာအစည်းအဝေးပွဲကို တာဝန်ခံကျင်းပခြင်းကြောင့် နိုင်ငံတကာ အသိုင်းအ၀ိုင်းတွင် တာဝန်ကျေပွန်သည့်၊ တာဝန်ယူနိုင်သည့် နိုင်ငံအဖြစ် ရောက်ရှိလာမည် ဖြစ်ကြောင်း ပြောသည်။
"နိုင်ငံတကာ အသိုင်းအ၀ိုင်း ဆက်ဆံ ရေးများမှာလည်း ကျယ်ကျယ်ပြန့်ပြန့်နဲ့ ရှေ့ကိုဆက်ပြီးတော့ တာဝန်ယူသွားနိုင်မည့် အခွင့် အလမ်းများ ရလာမည်ဖြစ်ကြောင်း" ဦးဝဏ္ဏမောင်လွင်က ပြောကြားသည်။
ယင်းကဲ့သို့ အာဆီယံ အလှည့်ကျ တာဝန် ယူရသောကြောင့် မည်သည့် ကတိက၀တ်ကိုမျှ မပေးခဲ့ရကြောင်းနှင့် ထိုသို့ တာဝန် ယူရခြင်းမှာ အာဆီယံအဖွဲ့ဝင်နိုင်ငံတစ်နိုင်ငံ အနေဖြင့် အလှည့်ကျ တာဝန်ထမ်းဆောင်ခြင်းသာ ဖြစ်ကြောင်း ၎င်းက ပြောကြား သည်။
မြန်မာနိုင်ငံကို ၂၀၁၄ ခုနှစ်တွင် အာဆီယံ အလှည့်ကျဥက္ကဋ္ဌအဖြစ် ခန့်ထားရေးအတွက် အာဆီယံအဖွဲ့ဝင်နိုင်ငံများမှ နိုင်ငံခြားရေး ၀န်ကြီးများက နိုဝင်ဘာလ ၁၅ ရက်နေ့တွင် အတည်ပြုလိုက်ပြီဖြစ်သည်။
၂၀၁၄ ခုနှစ်အတွက် အာဆီယံဥက္ကဋ္ဌ အဖြစ် ခန့်အပ်ရေးနှင့်ပတ်သက်ပြီး မြန်မာနိုင်ငံက အဆင်သင့်ဖြစ်နေကြောင်းအဆိုကို အာဆီယံ သို့ ပြီးခဲ့သည့် မေလက အကြောင်းကြားထားရာ ယခုအတည်ပြုလိုက်ခြင်းဖြစ်ကြောင်း အာဆီယံ အတွင်းရေးမှူးချုပ်ရုံးမှ အဆင့်မြင့် အရာရှိ တစ်ဦးက ပြောကြားသည်။
အဆိုပါအတည်ပြုချက်ကို သက်ဆိုင်ရာ အာဆီယံခေါင်းဆောင်များသို့ ဆက်လက် အကြောင်းကြားမည်ဖြစ်ကာ ယင်းတို့၏ အတည်ပြု ချက်ရပြီဆိုပါက မြန်မာနိုင်ငံသည် တရားဝင်ဥက္ကဋ္ဌ ဖြစ်ခွင့်ရမည်ဖြစ်ပြီး လာမည့် ၂၀၁၄ ခုနှစ်တွင် အိမ်ရှင်နိုင်ငံအဖြစ်လက်ခံ ကျင်းပ နိုင်တော့မည် ဖြစ်သည်။
မြန်မာနိုင်ငံသည် အလှည့်ကျ ဥက္ကဋ္ဌ ရာထူးကို ၂၀၁၆ ခုနှစ်မှ ရရှိမည်ဖြစ်သော်လည်း လာအိုနိုင်ငံက အလှည့်ကျော်ပေးခဲ့သည်။
ပြီးခဲ့ သည့်မေလက ကျင်းပခဲ့သည့် (၁၈)ကြိမ်မြောက် အာဆီယံ ထိပ်သီးအစည်းအဝေးတွင် နိုင်ငံခြား ရေးဝန်ကြီးများက မြန်မာ နိုင်ငံအရေးကို ထောက်ခံခဲ့ကြပြီး ခေါင်းဆောင်များက ကန့်ကွက်ရန်မရှိဟု ပြောဆိုခဲ့သည်။ လာမည့်နိုဝင်ဘာလ ၁၉ ရက်နှင့် ၂၀ ရက် တို့တွင် ကျင်းပမည့် (၁၉) ကြိမ်မြောက် အာဆီယံထိပ်သီးအစည်းအဝေးတွင်မြန်မာ နိုင်ငံကို အာဆီယံအလှည့်ကျ ဥက္ကဋ္ဌအဖြစ် ၂၀၁၄ ခုနှစ်တွင် တာဝန်ပေးအပ်ရေးနှင့် ပတ်သက်ပြီး အာဆီယံ ခေါင်းဆောင်များက ဆုံးဖြတ်ချက်ချရန် အဆင်သင့်ဖြစ်နေပြီဖြစ်ကြောင်း နှင့် မှန်ကန်သည့်ဆုံးဖြတ်ချက်ကို ချမှတ်သွားမည်ဖြစ်ကြောင်း အာဆီယံအတွင်း ရေးမှူးချုပ် ဒေါက်တာဆူရင်ပစ်ဆူဝမ်ကလည်း နိုဝင်ဘာလ ၁၅ ရက်နေ့က ဘာလီမြို့တွင် မြန်မာတိုင်း(မ်)ကိုပြောသည်။
အင်ဒိုနီးရှားနိုင်ငံ၊ ဘာလီမြို့တွင် ကျင်းပနေ သည့် အာဆီယံထိပ်သီး အစည်းအဝေးနှင့် ဆက်စပ်အစည်းအဝေးများကို နိုဝင်ဘာ ၁၄ ရက်နေ့မှ ၂၀ ရက်နေ့အထိ ကျင်းပမည်ဖြစ်ကာ ထို အစည်းအဝေးများသို့ အာဆီယံအဖွဲ့ဝင် ၁၀ နိုင်ငံမှ ခေါင်းဆောင်များ၊ မိတ်ဖက် နိုင်ငံများ ဖြစ်သော ဥရောပသမဂ္ဂ၊ အမေရိကန်၊ တရုတ်၊ ကိုရီးယား၊ ရုရှား၊ နယူးဇီလန်၊ ဂျပန်တို့မှ ခေါင်းဆောင်များလည်း တက် ရောက်ကြမည် ဖြစ်သည်။
ပထမဆုံးအကြိမ်အဖြစ် အမေရိကန် သမ္မတ ဘာရက်အိုးဘားမားက တတိယအကြိမ်မြောက် အာဆီယံ-အမေရိကန်ဆွေးနွေးပွဲသို့ နိုဝင်ဘာ လ ၁၉ ရက်နေ့တွင် တက်ရောက်မည်ဖြစ်ကာ မူလက တက်ရောက်ရန် စီစဉ်ထားသည့် ရုရှား သမ္မတ မက်ဗီဒက်မှာ ပြည်တွင်းရွေးကောက်ပွဲကြောင့် တက်ရောက်နိုင်မည် မဟုတ်ချေ။ ထို့ပြင် ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းလည်း အာဆီယံထိပ်သီး အစည်း အဝေးသို့ တက်ရောက်မည်ဖြစ်သည်။
နိုဝင်ဘာလ ၁၉ ရက်နှင့် ၂၀ ရက်တို့တွင် ကျင်းပမည့် အာဆီယံထိပ်သီး အစည်းအဝေးတွင် အာဆီယံဒေသတွင်းဆိုင်ရာ ပြဿနာရပ် များကို စုပေါင်းဖြေရှင်းကြမည်ဖြစ်ရာ ယခုအကြိမ်တွင် မြန်မာနိုင်ငံကို ၂၀၁၄ တွင် အလှည့်ကျ ဥက္ကဋ္ဌအဖြစ်ပေးအပ်ရေးအတွက် တရားဝင် ဆုံးဖြတ်ချက်ချမည်ဖြစ်သည်။
ထိုသို့ ဆုံးဖြတ်ချက်ချရန်အတွက်လည်း ပြီးခဲ့သည့်လကုန်ပိုင်းက လက်ရှိ အင်ဒိုနီးရှား နိုင်ငံခြားရေးဝန်ကြီး ဒေါက်တာမာတီနာတာလီ ဂါဝါ မြန်မာ နိုင်ငံသို့ရောက်ရှိလာခဲ့ပြီး နိုင်ငံတော် သမ္မတကြီးအပြင် ဒေါ်အောင်ဆန်းစုကြည်၊ အခြားလူမှုရေးအဖွဲ့များနှင့်လည်း တွေ့ဆုံခဲ့ သဖြင့် မြန်မာနိုင်ငံက အလှည့်ကျဥက္ကဋ္ဌဖြစ်ရေးမှာ အကောင်းဘက်အနေအထားသို့ ဦးတည် နေပြီဖြစ်ကြောင်း ၎င်း၏ အဆိုအရသိရသည်။
အာဆီယံဆန်းမစ် အစည်းအဝေးသို့တက် ရောက် သတင်းရယူနေသည့် ဘန်ကောက်ပို့စ်မှ အယ်ဒီတာ ပီချိုင်းချု ဆွတ်ခ်ဆာဝါဒီ ကလည်း "မြန်မာနိုင်ငံကို ဥက္ကဋ္ဌပေးရေးနဲ့ပတ်သက်ပြီး ဒီတစ်ခေါက်အစည်းအဝေးမှာ သံသယမရှိဘဲ အာဆီယံခေါင်းဆောင်တွေက ဆုံးဖြတ်ချက် ချမှာသေချာတယ်။ ဒီလိုဆုံးဖြတ်ချက်ချတာ ဟာလည်း အမေရိကန်ရဲ့ သဘောထားအများ ကြီးပါတယ်"ဟု နိုဝင်ဘာ ၁၄ ရက်နေ့က ပြောသည်။
မြန်မာအစိုးရသည် လက်ရှိအချိန်တို ကာလ အတွင်း အပြောင်းအလဲများစွာကို လျင်မြန်စွာ ဆောင်ရွက်လျက်ရှိကြောင်း၊ ထို အပြောင်းအလဲ များတွင် ဒေါ်အောင်ဆန်းစုကြည် အပါအ၀င် ယုံကြည်ချက်ကြောင့် အကျဉ်းကျနေသူ များကို လွှတ်ပေးခြင်းတို့ ပါဝင်နေကြောင်းလည်း ၎င်းက ပြောသည်။
"ဆက်လက်ပြီး တွေ့ဆုံဆွေးနွေးမှုတွေ ပြုလုပ်ဦးမယ်လို့လည်း မျှော်လင့်ပါတယ်။ ပိုပြီး အရေးကြီးတာက ဒီမိုကရေစီ နည်းလမ်း ကျကျ သွားနေတဲ့အချိန်မှာ အတိုက်အခံဘက်နဲ့ မတူညီ တဲ့အမြင်ရှိတဲ့သူတွေဘက်က ပိုပြီး လွတ်လွတ်လပ်လပ် လုပ်ခွင့်ရနိုင်ဖို့ လိုပါတယ်"ဟု လည်း ပီချိုင်းက ဆက်လက်ပြောသည်။
ယခုနှစ် ထိပ်သီးအစည်းအဝေးပွဲတွင် ဆွေးနွေးဖွယ်ရှိသည့်အကြောင်းအရာများတွင် မြန်မာနိုင်ငံအရေးအပြင် ထိုင်းနှင့် ကမ္ဘောဒီးယား နယ်စပ်တွင် အငြင်းပွားမှု၊ အာဆီယံဒေသတွင်းနိုင်ငံ အချို့တွင် ဖြစ်ပေါ်နေသည့် ရေကြီးရေလျှံမှုများကိုပါ အဓိက ဆွေးနွေးသွားဖွယ် ရှိသည်။

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

ရန်ကုန်တွင် မီးအားအပြည့်ရစေရန် လျှပ်စစ်မီးကြိုးများ ပြောင်းလဲတပ်ဆင်မည်

ကျော်ဆုမွန်
အတွဲ ၂၈ ၊ အမှတ် ၅၄၃ ( ၁၁ - ၁၇ ၊ ၁၁ ၊ ၂၀၁၁)

ရန်ကုန်မြို့တွင် ယခုကာလအတွင်း လျှပ်စစ်မီးများ ပြတ်တောက်ခြင်း၊ ဗို့အားများ ကျဆင်းနေခြင်းမရှိစေရန် ဓာတ်အားလိုင်းများကို ဗို့အားမြင့်လိုင်း ကြိုးများ ပြောင်းလဲတပ်ဆင်သွားမည် ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့၊ လျှပ်စစ်နှင့် စက်မှုဝန်ကြီး ဦးဉာဏ်ထွန်းဦးက ယခုလ ၈ ရက်နေ့၌ ရန်ကုန်တိုင်းဒေသကြီး လွှတ်တော်တွင် ပြောကြားသည်။
ဗဟန်းမြို့နယ် မဲဆန္ဒနယ်အမှတ်(၂) မှ ဒေါက်တာညိုညိုသင်း၊ တာမွေမဲဆန္ဒ နယ်အမှတ်(၂)မှ ဦးအေးသိန်း၊ ဒေါပုံမြို့ နယ် မဲဆန္ဒ နယ်အမှတ်(၁)မှ ဦးသောင်း စိန်တို့၏ လျှပ်စစ်မီးနှင့်ပတ်သက်သော မေးခွန်းများနှင့်စပ်လျဉ်းပြီး ၎င်းက ဖြေကြားခြင်းဖြစ်သည်။
လက်ရှိ ရန်ကုန်တစ်မြို့လုံးတွင် လျှပ်စစ်ဓာတ်အားသုံးစွဲမှုမှာ တစ်နေ့ လျှင် မဂ္ဂါဝပ် ၇၀၀ ကျော် သုံးစွဲနေပြီး ထပ်တိုးသုံးစွဲလာ သည်နှင့်အမျှ ဗို့အား များကျဆင်းကာ လျှပ်စစ်မီးအပြည့်အ၀ မရရှိခြင်းဖြစ်ကြောင်း၊ လျှပ်စစ်ဓာတ် အား ပေးစက်ရုံလေးရုံမှ ဓာတ်အားများ အပြင် ရန်ကုန်မှ မိုင် ၆၀၀ ကျော်ဝေးသော ရွှေလီဓာတ်အားပေးစက်ရုံမှ ကြိုးများဖြင့် ရယူနေရကြောင်း ၎င်းက ပြောသည်။
"အခုလက်ရှိမှာ ၂၃၀ ကေဗီအေ လျှပ်စစ်ကြိုးတွေနဲ့ သွယ်တန်း ယူဆောင် နေတာဖြစ်ပါတယ်။ ဒါကြောင့် ၅၀၀ ကေဗီအေ ကြိုးလိုင်းတွေနဲ့ ဆက်လက်သွယ်တန်းဖို့ ဆောင်ရွက်မှာဖြစ်ပြီး ငွေကြေးသုံးစွဲရမှု များပြားတာကြောင့် နိုင်ငံတော်အဆင့် စီမံကိန်းအနေနဲ့ ဆောင်ရွက်ရမှာ ဖြစ်ပါတယ်" ဟု ဦးဉာဏ်ထွန်းဦးက ပြောသည်။
ရန်ကုန်မြို့ရှိ အချို့မြို့နယ်များတွင် လျှပ်စစ်မီး ပြည့်ဝစွာမရရှိဘဲ ဗို့အား ကျဆင်းနေရခြင်းတွင် ရွှေလီဓာတ်အား ပေးစက်ရုံမှ လာသည့် ၂၃၀ ကေဗီအေ ဓာတ်အားလိုင်းကြိုးကို ယခုလ ၄ ရက် နေ့က မသမာသူများ ဖျက်ဆီးခဲ့ခြင်းကြောင့် ရန်ကုန်သို့ လျှပ်စစ်အ၀င် နည်းပါးနေခြင်းဟု ၎င်းက ပြောသည်။
ထို့ပြင် လောပိတရေအားလျှပ်စစ် စက်ရုံတွင်လည်း လျှပ်စစ်ထုတ်လုပ်နေသည့် စက်နှစ်လုံးကို ပြုပြင်နေရခြင်း၊ အလုံလျှပ်စစ် ဓာတ်အား ထုတ်လုပ်ရေး စက်ရုံမှ စက်နှစ်လုံးကိုလည်း လက်ရှိတွင် ပြုပြင်ထိန်းသိမ်းနေရခြင်းတို့ကြောင့် လျှပ်စစ်မီးများ ပြတ်တောက်ခြင်း၊ အားနည်းခြင်းများ ဖြစ်ပေါ်နေ ရခြင်းဖြစ်သည်ဟုဆိုသည်။
ထို့ကြောင့် လျှပ်စစ်ဓာတ်အား ပြည့်ဝစွာ ပြန်လည်ရရှိမည့်အချိန်တွင် ဗို့အားကျဆင်းမှုများလည်း မဖြစ်ပေါ်စေရန်အတွက် လိုင်းကြိုး များ ပြောင်းလဲ တပ်ဆင်ရန် စီစဉ်နေရခြင်းဖြစ်ကြောင်း ဦးဉာဏ်ထွန်းဦးက ဆိုသည်။
လက်ရှိတွင် ရန်ကုန်မြို့၏ လျှပ်စစ်သုံးစွဲမှု ပမာဏသည်တစ်နိုင်ငံလုံး သုံးစွဲမှု၏ ထက်ဝက်ကျော်ခန့်ရှိနေသည်။

BY The Irrawaddy (Burmese Version)

မငြိမ်းသေးသော အငြိမ်းစားတို့ရဲ့ ဘဝ

by The Irrawaddy (Burmese Version) on Tuesday, November 8, 2011 at 3:51pm

By စိုင်းဇွမ်ဆိုင်း on November 8, 2011 2:49 pm in ဆောင်းပါး

အင်တာနက် လူမှု ကွန်ရက်တခုဖြစ်သည့် facebook တွင် မကြာသေးမီက တစုံတဦး တင်ထားပေးသော သတင်းစာ ကြော်ငြာဖြတ်ပိုင်းငယ် တခုကိုယင်းကွန်ရက် အသုံးပြုသူ မြန်မာပြည်သားတိုင်း သတိထားမိကြပေလိမ့်မည်။

 

အငြိမ်းစား ဝန်ထမ်းများ ပင်စင်လစာ ထုတ်ယူနေသည့်မြင်ကွင်း (ဓာတ်ပုံ - Voice Of Myanmar)“မည်သည့်ဒေသတွင် မဆို ခြံစောင့်အဖြစ် သော်လည်းကောင်း၊ ထမင်းချက် အဖြစ်သော်လည်းကောင်း အလုပ်လုပ် လိုသည်” ဆိုသည့် အငြိမ်းစား ကျောင်းအုပ်ကြီးနှင့် ဇနီးတို့၏ အလုပ်ရှာသည့် ကြော်ငြာဖြစ်သည်။

ထိုကြော်ငြာအောက်တွင် ဖတ်ရှုပြီးသူအများစု၏ ကရုဏာသက်သော မှတ်ချက်များကို မြင်တွေ့နိုင်ပါသည်။ လုပ်ကြံဖန်တီး ထားခြင်းမဟုတ်သော ထိုကြော်ငြာပါ စာသားများက မြန်မာပြည်တဝန်းရှိ အငြိမ်းစားများ၏ ဘဝကို ထင်ဟပ်ပြသ နေသကဲ့ သို့ပင်။

“ကျောင်းအုပ်ဆိုတော့လည်း ဂုဏ်တွေဒြပ်တွေနဲ့ နေခဲ့တာပေါ့ဗျာ။ ဒါပေမယ့် အခုချိန်ကျတော့ အဲဒါတွေကိုစွန့်ပြီး ကျနော့် ရဲ့ ညစောင့်အလုပ်ကိုပဲ အကောင်းဆုံးဖြစ်အောင် လုပ်နေရတာပေါ့” ဟု မန္တလေးမြို့ရှိ စင်တင် တေးဂီတနှင့် ဘီယာဆိုင် တဆိုင်တွင် ညစောင့်အဖြစ် အလုပ်လုပ်နေသည့် အငြိမ်းစား မူလတန်း ကျောင်းအုပ်ကြီး ဦးအောင်ဝင်း (နာမည်ရင်း မဟုတ်) က ဧရာဝတီကို ပြောသည်။

မန္တလေးဇာတိဖြစ်သူ ဦးအောင်ဝင်းသည် ၁၉၆၁ ခုနှစ်မှစ၍ မန္တလေးတိုင်း စဥ့်ကူးမြို့နယ်၊ ပုသိမ်ကြီးမြို့နယ်တို့၌ ကျောင်းဆရာအဖြစ် အလုပ်လုပ်ကိုင်ခဲ့ပြီး သက်ပြည့်ပင်စင် ယူချိန်တွင် မူလတန်းကျောင်းအုပ်အဖြစ် တာဝန်ထမ်းဆောင် ခဲ့သူဖြစ်သည်။

မန္တလေးမြို့နှင့် ၇ မိုင်ခန့်ဝေးသည့် ရွာတရွာတွင် ဇနီးဖြစ်သူနှင့် လက်ရှိ နေထိုင်လျက်ရှိပြီး သားနှင့် သမီး ၂ ဦး ရှိကြောင်း လည်း ဦးအောင်ဝင်းကဆိုသည်။ အငြိမ်းစား ဝန်ထမ်းတဦးဖြစ်သည့် အလျောက် စီးပွားရေးကိစ္စများကိုလည်း နားမလည် သဖြင့် လက်ရှိ ခံစားခွင့် ရနေဆဲဖြစ်သည့် ပင်စင်လစာများကို ကြိုတင်ငွေထုတ် စနစ်ဖြင့် ပွဲစားများထံ ပေါင်နှံခဲ့ရ ကြောင်း သူက ဆက်ပြောသည်။

“အရင်က ရတာတော့ ကျနော့်ပင်စင်လစာက ကျပ် ၂ သောင်းပါ၊ နောက်ပိုင်း ၁ သောင်း ထပ်တိုးလာတော့ စုစုပေါင်း ၃ သောင်းရတယ်။ ဒါပေမယ့် ကျနော်လည်း ဘာစီးပွားရေးမှ မလုပ်တတ်တော့ ရှိတာတွေပဲ ထုခွဲစားသောက်ရတယ်။ မလောက်တော့တဲ့ အဆုံးတော့ အဲဒီပင်စင်ကိုပါ နှစ်ဆယ်တိုးနဲ့ ပေါင်ခဲ့ရတာပါ။ အခုကျတော့ ပေါင်လို့ ရတဲ့ပိုက်ဆံလည်း ကုန်ပြီ၊ နေတဲ့အိမ်ကိုလည်း အမိုးတောင် ပြန်မမိုးနိုင်တော့ သူများတွေ ပေးကမ်းထားတဲ့ တာလပတ် အဟောင်းလေးနဲ့ပဲ ပြန်မိုးထားနေရတယ်။ ဆိုတော့ ရတဲ့အလုပ်ပဲ ထွက်ရှာရတော့တာပေါ့ဗျာ” ဟု ဦးအောင်ဝင်းက ဆိုသည်။

ဦးအောင်ဝင်း အလုပ်လုပ်နေသည့် ဘီယာဆိုင်ရှိ စားပွဲထိုးများ၏ ပြောပြချက်အရ လူပုံ ပိန်ပိန်ပါးပါး၊ မျက်မှန်အမြဲ တပ်ရသည်ဆိုသည့် အသက် ၆၁ နှစ်အရွယ် ဦးအောင်ဝင်းသည် မကြာသေးမီကမှ ၎င်းဆိုင်တွင် ညစောင့်အလုပ်ကို ရခဲ့ခြင်း ဖြစ်သည်ဟု သိရသည်။

ဘီယာဆိုင်မှ စားပွဲထိုးများနှင့် အလုပ်သမားများက ၎င်းကို ညစောင့်တဦးအဖြစ် နှိမ့်ချ ဆက်ဆံခြင်း မရှိသော်လည်း ၎င်း၏ သား၊ မြေးအရွယ် လူငယ်များ ဘီယာဆိုင်သို့ လာရောက်၍ မူးယစ်သောက်စားကာ ရန်ဖြစ် ထိုးကြိတ်မှုများကို စိတ်ပျက် မိကြောင်း ဦးအောင်ဝင်းက ဆိုသည်။

“လူငယ်တွေ ကလေးတွေကို မြေတောင်မြှောက်ပေးချင်ခဲ့တာ။ ဒါကြောင့်မို့လို့ပဲ ကျောင်းဆရာအလုပ်ကို ကျနော် ရွေးချယ် ခဲ့တာပါ။ ခေတ်ကြီးပြောင်းလာတာကိုပဲ အပြစ်ပြောရမလားတော့မသိဘူး၊ လူငယ်တွေ မူးပြီး ရန်ဖြစ်နေကြတာကိုပဲ ကျနော့်မှာ လောလောဆယ် ဖြေရှင်းပေးနေရတယ်။ ကိုယ့်အသက် အန္တရာယ် မဖြစ်အောင်လည်း အရမ်းသတိထား နေရတယ်” ဟု ၎င်းက ပြောသည်။

မြန်မာနိုင်ငံမှ အငြိမ်းစား အစိုးရဝန်ထမ်းအချို့သည် အငြိမ်းစားဟူသော ဂုဏ်ပုဒ်ကို ပိုင်ဆိုင်ကြသော်လည်း စီးပွားရေး မလုပ်တတ်သူ၊ သားသမီး ကျောထောက်နောက်ခံ မရှိသော သူများအတွက် အလွန်ပင် ဒုက္ခရောက်ကြရပြီး ရရှိနေသည့် ပင်စင်လစာတခုတည်းနှင့် အသက်ရှင် ရပ်တည်ရန်မလွယ်ကူကြပေ။

မြန်မာနိုင်ငံမှ အစိုးရဝန်ထမ်း များ၏ ပင်စင် လစာကို တိုးမြှင့်ပေးရန် ပြီးခဲ့သည့် ဇွန်လအတွင်းက ပြုလုပ်သည့် ပြည်ထောင်စုလွှတ်တော်တွင် ဆုံးဖြတ်ခဲ့ပြီး ဘဏ္ဍာရေးနှင့် အခွန်ဝန်ကြီးဌာန ဝန်ကြီး ဦးလှထွန်းက ထုတ်ပြန် ကြေညာခဲ့သည်။

ဗိုလ်ချုပ်ကြီးဟောင်း ဦးနေဝင်း၏ မြန်မာ့ဆိုရှယ်လစ်လမ်းစဉ်ပါတီ ခေတ်တွင် အုပ်ချုပ်ရေး တာဝန်များ ထမ်းဆောင်ခဲ့ ရသည့် အငြိမ်းစား ဝန်ထမ်းများကိုလည်း နိုင်ငံရေးပင်စင်လစာကို ခံစားခွင့်ပြုကြောင်း၊ သို့သော် ၎င်းတို့ရရှိနေသည့် နိုင်ငံရေး ပင်စင်လစာသည် ကျပ် ၁၁၀၀၀၀ ထက် ပိုများနေပါက လက်ရှိအတိုင်းသာ ခံစားသွားရမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီး ဌာန၏ ဇွန်လအတွင်း ထုတ်ပြန်ခဲ့သည့် ကြေညာချက်တွင် ပါရှိသည်။

ရှမ်းပြည်တောင်ပိုင်း တောင်ကြီးမြို့နေ အငြိမ်းစား ပညာရေးမှူးတဦးက အငြိမ်းစားများ၏ ပင်စင်လစာ တိုးမြှင့်မှု ရှိသော်လည်း မြန်မာနိုင်ငံ၏ စီးပွားရေးအခြေအနေနှင့် ကုန်ဈေးနှုန်းများ ကြီးမြင့်နေမှုကြောင့် ထူးခြားမှု ရှိနိုင်မည် မဟုတ်ကြောင်း၊ အစိုးရ၏ စီးပွားရေးဈေးကွက်အပေါ် ထိန်းချုပ်မှုသည်သာ အဓိကကျကြောင်း ဧရာဝတီသို့ ပြောသည်။

၎င်းက “ပင်စင်တွေကို တိုးပေးလိုက်ပါပြီပဲ ထားပါတော့။ ဈေးကွက်စီးပွားရေးနဲ့ ငွေကြေးတန်ဖိုးကို အစိုးရက ထိန်းချုပ်နိုင်မှု မရှိဘူးဆိုရင် ကျနော်တို့အတွက်က အိတ်ပေါက်နဲ့ ဖားကောက်နေရသလိုပဲ ဖြစ်ဦးမှာပဲ။ မပြေလည်မှုတွေကလည်း ဆက်ရှိ နေဦးမှာပဲ။ တချို့ အငြိမ်းစားကြီးတွေဆိုရင် သူတို့ရှိတဲ့ ဂုဏ်သိက္ခာတွေကို ငဲ့ပြီး ဘိုးဘွားရိပ်သာတွေ၊ လူအိုရုံတွေ မသွား ချင်ကြတာ အများကြီးပဲ” ဟု ဆိုသည်။

အငြိမ်းစားဝန်ထမ်း များသာမက အငြိမ်းစားယူခါနီး လက်ရှိတာဝန်ထမ်းဆောင် နေသော ရန်ကုန်မြို့မှ ကျောင်းအုပ်ဆရာမ ကြီး ဒေါ်အေးအေးသန်းကလည်း မိသားစု ကျောထောက်နောက်ခံ မရှိသဖြင့် ပင်စင်ယူရမည့် အရေးကို တွေးပူနေကြောင်း ပြောပြသည်။

“မိဘတွေ ထားခဲ့တဲ့ အိမ်နဲ့ ခြံတော့ ရှိပါတယ်။ ဒါပေမယ့် ရလာမယ့် ပင်စင်လစာနဲ့ နေလို့လောက်မှာ မဟုတ်ဘူးဆိုတော့ အဲဒီအိမ်ကိုပဲ အရင်းလုပ်ပြီး ရှေ့ဆက်ဘာလုပ်ရမလဲဆိုတာ စဉ်းစားနေတယ်” ဟု ဒေါ်အေးအေးသန်းက ဆိုသည်။

တာဝန်ထမ်းဆောင်နေဆဲ ကျောင်းဆရာ၊ ဆရာမများ၊ ပညာရေးဝန်ထမ်းများအပါအဝင် အငြိမ်းစား ပညာရေးဝန်ထမ်းများ ၏ လူမှုစီးပွားရေး ပြေလည်စေရန်အတွက် ကျောင်းဆရာများ အသင်းချုပ်နှင့် ဆရာများသမဂ္ဂ ဖွဲ့စည်းခွင့်ကို ပြီးခဲ့သည့် အောက်တိုဘာလက လွှတ်တော်အတွင်း တင်ပြတောင်းဆိုခဲ့ရာ ၎င်းအဆိုကို ပယ်ချခဲ့သည်။

ပညာရေး ဝန်ကြီးဌာန ဒုတိယဝန်ကြီး ဦးအေးကြူက ပညာရေး ဝန်ကြီးဌာနတွင် ဌာနများနှင့် ကျောင်းများ၊ တက္ကသိုလ်များ အား စနစ်ကျနစွာ ဖွဲ့စည်းထားပြီး ဖြစ်ကြောင်း၊ ရာထူးအဆင့်အလိုက် ဆရာ၊ ဆရာမများနှင့် ၀န်ထမ်းများလည်း အခါအားလျော်စွာ နှီးနှောဖလှယ်ပွဲများတွင် တွေ့ဆုံနိုင်ကြောင်း၊ ၎င်းတို့၏ လိုအပ်ချက်များကိုလည်း အဆိုပါ တွေ့ဆုံပွဲများ မှတဆင့် ဖြေရှင်းပေးနေကြောင်း၊ တိုင်ကြားစာများကိုလည်း အလေးထားစိစစ် ဆောက်ရွက်နေကြောင်း၊ ထို့ကြောင့် ကျောင်းဆရာအသင်းချုပ် ကဲ့သို့သော  အဖွဲ့အစည်းမျိုး ထပ်မံ ဖွဲ့စည်းရန် မလိုအပ်သေးကြောင်း ဖြေကြားခဲ့သည်။

အငြိမ်းစား ပညာရေးဝန်ထမ်းများသာမကဘဲ သားသမီး ကျောထောက်နောက်ခံမရှိသည့်၊ စီးပွားရေးလုပ်ငန်းများကို မလုပ်တတ် မကိုင်တတ်သည့် အငြိမ်းစား ဝန်ထမ်းများလည်း အခက်အခဲများစွာ ကြုံတွေ့နေရကြောင်း သိရသည်။

ဦးကျော်အေးသည် ရန်ကုန်မြို့မှ အငြိမ်းစား ဆောက်လုပ်ရေးဝန်ထမ်းတဦးဖြစ်ပြီး ၎င်းတာဝန်ထမ်းဆောင်နေစဉ်က နေထိုင်ခဲ့သော ဝန်ထမ်းလိုင်းခန်းတွင် နားလည်မှုဖြင့် ဆက်လက်နေထိုင်၍ ဆောက်လုပ်ရေးရုံး၏ သန့်ရှင်းရေး အစရှိသည့် တောက်တိုမယ်ရ အလုပ်များကို လုပ်ကိုင်နေရသည်ဟု ဆိုသည်။

“အလုပ်အသစ်လည်း မရှာနိုင်၊ ကျနော့်ရွာကို ပြန်နေဖို့တောင်မှ ဒီမိသားစုအတွက် လမ်းစရိတ်မရှိသေးဘူး။ ဟိုတလောက ရထားဝန်ထမ်းဟောင်း တွေကို လိုင်းခန်းတွေကနေ နှင်ချတယ်လို့ကြားတော့ ကျနော်တို့လည်း မျက်ခုံး ခပ်လှုပ်လှုပ်ပဲ” ဟု ဦးကျော်အေးက ပြောသည်။

ပြီးခဲ့သည့် စက်တင်ဘာလ အတွင်းက ရန်ကုန်တိုင်းအတွင်းရှိ မီးရထားဝန်ထမ်း မိသားစုပေါင်း ၃၀၀၀ ကျော်ကို ၎င်းတို့ နေထိုင်ရာ အိမ်ခန်းများမှ ဖယ်ရှားခဲ့သည်။ ဝန်ထမ်းအိမ်ယာများတွင် လူပေါင်းစုံ လာရောက်နေထိုင်ကာ ရာဇဝတ်မှု မျိုးစုံ ဖြစ်ပွား နေသည့်အတွက် ရွှေ့ပြောင်းခဲ့ရခြင်း ဖြစ်ကြောင်း သိရသည်။

မြန်မာတနိုင်ငံလုံးတွင် ပင်စင်စားဦးရေ ၉ သိန်းကျော်ရှိကြောင်း ပြီးခဲ့သည့် ဇူလိုင်လ အစောပိုင်းက ထုတ်ဝေခဲ့သည့် အစိုးရပိုင် မြန်မာ့အလင်း သတင်းစာတွင် ဖော်ပြပါရှိသည်။ ပင်စင်စားများအတွက် ကျပ် ၆၀၀ ထက်မပိုသော ပင်စင်လစာ ခံစားခွင့်စနစ်ကို ၁၉၈၉ တွင်ပယ်ဖျက်ခဲ့ပြီး ၁၉၉၃ ခုနှစ်တွင် ပင်စင်စားများ၏ လစာနှုန်းထားကို ၂၅ ရာခိုင်နှုန်း တိုးမြှင့်ပေးခဲ့သည်။

၁၉၉၄ ခုနှစ်တွင် မိသားစု ပင်စင်လစာကို တဝက်မှ ၄ ပုံ ၃ ပုံ အထိ တိုးမြှင့်ခံစားခွင့် ပေးခဲ့ပြန်သည်။ ၂၀၀၀ ပြည့်နှစ်တွင် ပင်စင်လစာကို ၂ ဆ တိုးမြှင့်ပေးသည်။ သို့ရာတွင် ထိုသို့ တိုးမြှင့် ပေးခဲ့ခြင်းများမှာ ၎င်းနှစ်များနှင့် အကျုံးဝင်သော ပင်စင်စားများအတွက်သာ ဖြစ်ပြီး ထိုနှစ်များ၏ အရှေ့တွင် ပင်စင် ယူခဲ့သူများ မပါဝင်ပေ။

ပင်စင်စားများအတွက် နောက်ဆုံးအကြိမ် ခံစားခွင့် တိုးမြှင့်ရာတွင် ကျပ် ရာဂဏန်း၊ ထောင်ဂဏန်း ရရှိခံစားနေရာမှ သောင်း ဂဏန်း အထိ တိုးမြှင့်သွားမှုကြောင့် ယေဘုယျအားဖြင့် များပြားသည်ဟုဆိုနိုင်သော်လည်း ၎င်းပင်စင်လစာကိုသာ မီခိုနေရသူများ အဖို့ လုံလောက်စွာ ထောက်ပံ့မှု ပေးနိုင်မည်မဟုတ်ကြောင်း ဦးအောင်ဝင်း၊ ဒေါ်အေးအေးသန်းနှင့် ဦးအေးကျော် တို့၏ ပြောဆိုချက်များအရ သိရှိနိုင်ကြ ပေလိမ့်မည်။

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

တောရိုင်းတိရစ္ဆာန်နှင့် သဘာဝအပင်များ ကာကွယ်ရေးဆိုင်ရာ ဥပဒေပြင်ဆင်ရေးဆွဲ

အိအိတိုးလွင်
အတွဲ ၂၈ ၊ အမှတ် ၅၄၂ ( ၄ - ၁၀ ၊ ၁၁ ၊ ၂၀၁၁)

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနသည် တောရိုင်း တိရစ္ဆာန်နှင့်သဘာဝအပင်များကာကွယ်ရေးနှင့် သဘာဝနယ်မြေများထိန်းသိမ်း ရေးဥပဒေအား ပြန်လည်ပြင်ဆင်ရေးဆွဲနေပြီဖြစ်ကြောင်း သိရသည်။
၁၉၉၄ ခုနှစ်တွင် တောရိုင်းတိရစ္ဆာန် နှင့် သဘာဝအပင်များ ကာကွယ်ရေးနှင့် သဘာဝနယ်မြေများ ထိန်းသိမ်းရေး ဥပဒေကို ထုတ်ပြန်ကာ မြန်မာနိုင်ငံရှိ ရှားပါးတောရိုင်း တိရစ္ဆာန်များနှင့် သဘာဝအပင်များ တရားမ၀င် ရောင်းဝယ် ဖောက်ကားမှုများအား အရေးယူ ဆောင်ရွက်လျက်ရှိသည်။
သို့ရာတွင် တောရိုင်းတိရစ္ဆာန်များနှင့် သဘာဝအပင်များ တရားမ၀င် ရောင်း ၀ယ်မှုများမှာပိုမိုများပြားလာလျက်ရှိပြီး ဥပဒေအရ သတ်မှတ်ထားသော ပြစ်ဒဏ်များမှာလည်း ယခုခေတ်နှင့် လိုက်လျော ညီထွေမှု မရှိတော့သည့်အတွက် ပြန်လည် ပြင်ဆင် ရေးဆွဲခြင်းကြောင်း သဘာဝပတ်ဝန်းကျင်နှင့် သားငှက်ထိန်း သိမ်းရေးဌာနမှ တာဝန်ရှိသူတစ်ဦးက ပြောသည်။
"ဌာနအနေနဲ့တော့ ဥပဒေပြန်လည် ရေးဆွဲပြီးသလောက်ဖြစ်နေပါပြီ။ အခုတော့ အတည်ပြုဖို့အတွက် ၀န်ကြီးဌာနတွင်း လေ့လာ သုံးသပ်မှုတွေကို ပြုလုပ်နေပါတယ်"ဟု ၎င်းက ပြောသည်။
တောရိုင်းတိရစ္ဆာန်နှင့် သဘာဝ အပင်များအား တရားမ၀င် ရောင်းဝယ် ဖောက်ကားမှုများတွေ့ရှိပါက ၁၉၉၄ ခုနှစ် ဥပဒေအရ ငွေဒဏ်ကျပ်တစ် သောင်းမှ ငါးသောင်းအထိလည်း ကောင်း၊ ထောင်ဒဏ်တစ်နှစ်မှ ခုနစ်နှစ် အထိလည်းကောင်း ချမှတ်နိုင်သည်။
ယခု ဥပဒေ ပြစ်ဒဏ်ပြင်ဆင်ချက်တွင်မူ ငွေဒဏ်နှင့် ထောင်ဒဏ်နှစ်ရပ်စလုံးအား မူလပြစ်ဒဏ်ထက် ဆယ်ဆခန့် တိုးမြှင့် သတ်မှတ်သွားရန် လျာထားကြောင်း သိရသည်။

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

ရေဘေးဒုက္ခသည်များအား ပြည်တွင်း၊ ပြည်ပအဖွဲ့အစည်းများက အကူအညီများပေးနေ

နန်းတင်ထွေး
အတွဲ ၂၈ ၊ အမှတ် ၅၄၂ ( ၄ - ၁၀ ၊ ၁၁ ၊ ၂၀၁၁)

ရေကြီးရေလျှံမှုဖြစ်ပွားကာ အသက် အိုးအိမ်များ ဆုံးရှံးခဲ့ရသည့် ပခုက္ကူမြို့နှင့် အနီးရှိမြို့နယ်များရှိ ဒေသခံများအား ပြည်တွင်းပြည်ပ အစိုးရမဟုတ်သော အဖွဲ့အစည်းများ (အင်န်ဂျီအို)များက အကူအညီပေးရေးလုပ်ငန်းများ လုပ်ဆောင်နေခဲ့ကြသည်။
မြန်မာအမျိုးသမီးလက်များအဖွဲ့ (Women Hands Myanmar Foundation) က စွမ်းရည်ဖွံ့ဖြိုးရေး ဖောင်ဒေးရှင်းနှင့်ပူးပေါင်းကာ ရေဘေး ဒုက္ခသည်များအား အ၀တ်အစား၊ ဆန်၊ ရေသန့်နှင့် မီးဖိုချောင်သုံးပစ္စည်းများကို အောက်တိုဘာလ ၂၇ ရက်နေ့တွင် စတင် လှူဒါန်းနေသည်ဟု ဒါရိုက်တာဖြစ်သူ ဒေါ်မိုင်ဒေစီလျန်းက ပြောသည်။
လှူဒါန်းသည့်ပစ္စည်းများတွင် ဆန် အိတ် ၁၀၀၊ အ၀တ်အစား ၉၀၀ ခန့်အပြင် အိမ်ထောင်စု ၂,၀၀၀ ခန့်အတွက် မီးဖို ချောင်သုံး ပစ္စည်းများ ပါဝင်ကြောင်း ၎င်းက ပြောသည်။
"ကျွန်မတို့အနေနဲ့ မုဆိုးမ၊ ကိုယ်ဝန်သည်နဲ့ ထိခိုက်ဒဏ်ရာရပြီး ကျန်ခဲ့တဲ့သူတွေကို ဦးစားပေး ဖြန့်ဝေပေးသွားမှာပါ"ဟု ဒေါ်မိုင်ဒေစီလျန်းက ပြောသည်။
၎င်းပြင် ဗလာစာအုပ်များကိုလည်း ဖြန့်ဝေသွားရန် စီစဉ်ထားကာ ရေသန့် ဒါဇင် ၂၀၀ အားလည်း အောက်တိုဘာ ၂၁ ရက်နေ့ ကတည်းက စတင်ဖြန့်ဝေနေ ပြီး ဒေသခံလုပ်အားပေးလူငယ်များနှင့် ပူးပေါင်းဆောင်ရွက်ကြောင်း ၎င်းက ပြောသည်။
အရေးပေါ်ကာလအပြီးတွင်လည်း အိမ်များ ပြန်လည်တည်ဆောက်ခြင်း၊ လယ်ယာပျက်စီးမှုများနှင့်ရေတွင်းများ တူးဖော်ပေးခြင်း စသည့် ပြန်လည်ထူ ထောင်ရေးလုပ်ငန်းများကိုလည်း ဆက်လက်လုပ်ဆောင်ရန် စီစဉ်ထားကြောင်းလည်း ၎င်းက ပြောသည်။
ပခုက္ကူဒေသမှာ သဘာဝဘေး အန္တရာယ် ကြုံတွေ့ရလေ့ရှိသည့်နေရာ မဟုတ်သောကြောင့် စိတ်ပိုင်းဆိုင်ရာများ ထိခိုက်နိုင်ဖွယ်ရှိကာ ထိုအပိုင်းကိုလည်း လုပ်ဆောင်ရန် လိုအပ်ကြောင်း ဒေါ်မိုင်ဒေစီလျန်းက ပြောသည်။
"ကျွန်မ ပခုက္ကူမှာ ၁၀ နှစ်လောက်နေခဲ့တာ။ အဲဒီလိုတစ်ခါမှ မဖြစ်ဖူးဘူး။ ပုံမှန် ဆိုရင်တောင် အဲဒီဒေသမှာက နှလုံး၊ သွေးတိုး ရောဂါတွေ အဖြစ်များတာ။ ဒီလို ပထမဆုံးအကြိမ် အကြီးအကျယ်ဖြစ်တာ သူတို့ အရမ်းကြောက်သွားနိုင်တယ်" ဟု ၎င်းက ပြောသည်။
ကမ္ဘာ့ကုလသမဂ္ဂ ကလေးများရန်ပုံ ငွေအဖွဲ့ (UNICEF) ကလည်း အောက်တိုဘာလ ၂၄ ရက်နေ့မှာစတင်ခါ လိုအပ်ချက်များအား သိရှိနိုင်ရန် စစ်တမ်းကောက်ယူရေးအဖွဲ့ စေလွှတ်ထားကြောင်း ယူနီဆက်ဖ်၏ ပြောရေးဆိုခွင့်ရှိ သူက ပြောသည်။
"အရေးတကြီး လိုအပ်ချက်အနေနဲ့ ရေသန့်ပဲ။ ဒါပေမယ့် ခုထိတော့ ၀မ်းပျက်ဝမ်းလျှောဖြစ်တာတွေတော့ မတွေ့သေးဘူး"ဟု ၎င်းက အောက်တိုဘာလ ၂၆ ရက် နေ့က ပြောသည်။
အခြားလိုအပ်သော ကဏ္ဍများမှာ ကျန်းမာရေး၊ အမိုးအကာ၊ အစားအစာ၊ မီးဖိုချောင်သုံးပစ္စည်းများနှင့်အတူ ရေ သန့်စင်ရေး ဆေးပြားများလည်း လိုအပ်နေကာ စစ်တမ်းကောက်ယူပြီး၍ပစ္စည်း များဖြန့်ဝေသည့်အပိုင်းကိုမူ မြန်မာနိုင်ငံ ကြက်ခြေနီအသင်းက လုပ်ဆောင်သွားမည်ဖြစ်ကြောင်း ထိုပြောရေးဆိုခွင့်ရှိသူက ပြောသည်။
ရေဘေးကြောင့် စာသင်ကျောင်းများ ပျက်စီးသွားခြင်းနှင့်အတူ ကလေးသူငယ် ကာကွယ်ရေးကဏ္ဍကိုလည်း ယူနီဆက်ဖ်မှ လုပ်ဆောင်သွားမည်ဖြစ်ကြောင်း ပြောသည်။
လူမှုဖွံ့ဖြိုးရေးအဖွဲ့ (Community Development Association) ကလည်း ရေစစ်အိုးများလှူဒါန်းရန် စီစဉ်နေကြောင်း ပြောသည်။
အောက်တိုဘာလ ၂၀ ရက်နေ့က မိုးသည်းထန်စွာရွာသွန်းမှုကြောင့် ဆိပ်ဖြူ၊ မြိုင်နှင့် ပေါက်မြို့နယ်တို့တွင် ရေကြီး ရေလျှံမှုများ ဖြစ်ပွားခဲ့သည်။

Refer http://www.facebook.com/pages/999999999-people/

https://www.facebook.com/media/set/?set=a.198240610211768.41335.197911436911352&type=1#!/photo.php?fbid=263603203675508&set=a.198240610211768.41335.197911436911352&type=3&theater

Plz read this very carefully.
...Unconditional Love........

A story is told about a soldier who was finally coming home after having fought in Vietnam. He called his parents from San Franciso.
"Mom and Dad, I'm coming home, but I've a favor to ask. I have a friend I'd like to bring home with me"
"Sure," they replied, "we'd love to meet him." "There's something you should know the son continued, "he was hurt pretty badly in the fighting. He stepped on a land mine and lost an arm and a leg. He has nowhere else to go, and I want him to come live with us."
"I'm sorry to hear that, son. Maybe we can help him find somewhere to live."
"No, Mom and Dad, I want him to live with us." "Son," said the father, "you don't know what you're asking. Someone with such a handicap would be a terrible burden on us. We have our own lives to live, and we can't let something like this interfere with our lives. I think you should just come home and forget about this guy. He'll find a way to live his own."
At that point, the son hung up the phone. The parents heard nothing more from him. A few a days later, however, they received a call from the San Francisco police.
Their son had died after falling from a building, they were told. The police believed it was suicide.
The grief-stricken parents flew to San Francisco and were taken to the city morgue to identify the body of their son.
They recognized him, but to their horror they also discovered something they didn't know.
Their son had only one hand and one leg.

Friends plz share this if it touched your heart.♥ ♥

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။ 

ပခုက္ကူမြို့ ရွှေချောင်း ရေကြီး ရေလျှံမှု လူ ၃၀၀ ထက်မနည်း သေဆုံးနှင့်ပျောက်ဆုံးဟု သိရ

အောင်ရှင်
အတွဲ ၂၇ ၊ အမှတ် ၅၄၁ ( ၂၈၊၁၀ - ၄၊၁၁ ၊ ၂၀၁၁)

ပခုက္ကူမြို့ အဓိက ဆက်သွယ်ရေး လမ်းကြောင်းပေါ်ရှိ ရွှေချောင်း တံတား ရေကြီးရေလျှံမှုကြောင့် ကျိုးပျက်သွားသည်ကို တွေ့ရစဉ်။
ဓာတ်ပုံ - ကောင်းထက်

မကွေးတိုင်းဒေသကြီးအတွင်း ယခုလ ၁၉ ရက်နေ့နှင့် ၂၀ ရက်နေ့
တို့က မိုးသည်းထန်စွာ ရွာသွန်းမှုများကြောင့် ဆိပ်ဖြူမြို့နယ်၊ မြိုင် မြို့နယ်၊ ပေါက်မြို့နယ်တို့တွင် ရေကြီးရေလျှံမှုနှင့် ရေနစ်မြုပ်မှုများ ဖြစ်ပွားခဲ့သဖြင့် လူသေ ပျောက်မှုအချို့ရှိခဲ့ပြီး ပခုက္ကူမြို့တွင်
ရွှေချောင်း ရေတိုက်စားမှုကြောင့် လူပေါင်း ၃၀၀ ထက် မနည်း သေဆုံးနှင့် ပျောက်ဆုံးခဲ့ရကြောင်း ဒေသခံများက ပြောသည်။
မြိုင်မြို့နယ်အတွင်းမှ စတင်လာသော ရွှေချောင်းအထက်ဖျားတွင် သင်းပေါင်း ကန်ဆည်၊ သစ်ကြီးတောဆည်၊ မင်းကန်ဆည်၊ ကျောက်ဆောက်ဆည်၊ ဗလုံတောဆည်၊ ကိုင်းဆည်စသောဆည် ခြောက်ခုနှင့် ရေကန်ကြီးအချို့မှရေလျှံမှုနှင့်ကြောင့် ပခုက္ကူမြို့ရွှေချောင်း အနီးရှိ အမှတ်(၂)နှင့် (၃) ရပ်ကွက်များ အိမ်ခြေ ၃၀၀ ကျော် ရေထဲ မျောပါခဲ့ပြီးလူရာနှင့်ချီ၍ သေဆုံး ပျောက်ဆုံးမှု ဖြစ်ပေါ်ခဲ့သည်။
လူပေါင်း ၁,၀၀၀ ကျော် အိုးမဲ့အိမ်မဲ့ ဖြစ်ခဲ့ရသည်။ အမြင့် ၁၀ ပေ မှ ၁၅ ပေခန့်ရှိသော လှိုင်းလုံးများနှင့် မျောပါလာသော သစ်ပင်ကြီး များကြောင့် ရွှေချောင်းအောက်ပိုင်း ဧရာဝတီ မြစ်အနီး ပခုက္ကူမြို့၏အဓိက ဆက်သွယ်ရေး လမ်းကြောင်းပေါ်ရှိ ရွှေချောင်းတံတား ကျိုးပျက်ခဲ့သည်။
"ရွှေချောင်းတစ်လျှောက် ရွာပေါင်း ၂၀၊ ၃၀ လောက်ရှိမယ်။ ရွာတိုင်း အနည်းဆုံး လူတစ်ယောက် နှစ်ယောက် သေတယ်ကြား တယ်။ ပျောက်နေတဲ့လူတွေလည်း ရှိတယ်။ ပခုက္ကူ အမှတ် (၃) ရပ်ကွက်ကတော့ အဆိုးဆုံးပေါ့။ သေတဲ့လူ ရာချီရှိတယ်"ဟု ပခုက္ကူမြို့ခံ တစ်ဦးဖြစ်သူ ဒေါက်တာ သက်လွင်က ပြောသည်။
ယခုလ ၂၃ ရက်နေ့အထိ ရွှေချောင်းရေ တိုက်စားမှုကြောင့် သေဆုံးသူဦးရေ ၂၁၅ ဦး ရှိခဲ့သည်ဟု သက်ဆိုင်ရာ တာဝန်ရှိသူတစ်ဦးက ပြောကြားခဲ့သည်။
ယခုလ ၂၄ ရက်နေ့ထုတ် နိုင်ငံပိုင် သတင်းစာများတွင် သေဆုံးသူ ၁၀၆ ဦးနှင့် ရေမျောအိမ်ထောင်စု အိမ်ခြေ အိမ်ခြေ၂,၀၂၃ ဦးဟု ဖော်ပြခဲ့ပြီး သက်ဆိုင်ရာ နှင့်စေတနာရှင်များက ငွေနှင့်ပစ္စည်း စုစုပေါင်း တန်ဖိုးသိန်းသုံးထောင်ကျော်ဖိုး လှူဒါန်းခဲ့ ကြောင်းလည်း ဖော်ပြထားသည်။
ပခုက္ကူမြို့ ရေဘေးသင့်ဒုက္ခသည်များ အတွက် ရွှေချောင်းအနီးရှိ ဘုန်းကြီးကျောင်း တိုက်များတွင် ကယ်ဆယ်ရေးစခန်း ဖွင့်ထား ပြီး တိလောကရာမ ဘုန်းတော်ကြီးသင်ကျောင်း တွင် ဒုက္ခသည် ၈၀၀ ကျော်နှင့် မိုးကုတ်ဝိပဿနာ ရိပ်သာကျောင်းတွင် ဒုက္ခသည် ၆၀၀ ကျော်ရှိ ကြောင်း သိရသည်။
"ကျွန်တော့မိသားစုဝင်အားလုံး ဆုံးရှုံးခဲ့ တယ်။ ယောက္ခမရယ်၊ မိန်းမရယ်၊ သမီး သုံးယောက်ရယ်၊ သားနှစ်ယောက်ရယ် ပါ။ ရေက ညကတည်းက နည်းနည်းတက်တယ်။ မနက် အစောကြီးကျတော့ ရေလှိုင်းတွေ ကြီးလာတယ်။ နောက်တော့ အိမ်တွေပါသွားတယ်။ နီးရာ သစ်ပင်ကို ဖက်ထားရတယ်။ အဲဒီအထိ မိသားစု ၀င် အားလုံးအတူတူပါပဲ။ နောက်တစ်ခါ ရေလှိုင်း တွေလာတော့ အားလုံးကွဲ သွားတယ်။ ကျွန်တော် လည်း ရေထဲမျောပါသွားတယ်။ သတိမေ့ပြီး ဓမ္မာရုံမှာချိတ်နေတုန်း သူများတွေလာကယ်တာ။ ညဆိုအိပ် မရဘူး။ မျက်စိထဲမှာ ရေလှိုင်း တွေပဲမြင်နေတယ်"ဟု အသက် ၄၇ နှစ်ရှိ ဒုက္ခသည် ဦးမောင်စန်းက ပြောသည်။
ပခုက္ကူမြို့ ရွှေချောင်းရေတိုက်စားမှုကြောင့် မျောပါသေဆုံးခဲ့သူများတွင် အချို့မှာ မိသားစု ၀င်အားလုံး သေဆုံးခဲ့ခြင်းဖြစ်ပြီး အချို့မှာ မိသားစုဝင် တစ်ယောက် နှစ်ယောက်သာ ကျန်ခဲ့ သည့်အဖြစ်များလည်း ရှိသည်ဟု သိရှိရပါသည်။
ရွှေချောင်းရေတိုက်စားမှုကို အများဆုံးခံခဲ့ရ သော ပခုက္ကူမြို့ အမှတ်(၃) ရပ်ကွက်ရှိ နေအိမ်အများစုမှာ ချောင်းဧရိယာအတွင်း တည်ရှိနေခြင်းဖြစ်ပြီး အထက်ဆည်များ ရေကြီး ရေလျှံမှုနှင့် တာတမံအချို့ ကျိုးပေါက်ခဲ့မှုများ ကြောင့် ပခုက္ကူမြို့ရွှေချောင်းအတွင်း အောက်တို ဘာလ ၂၀ ရက်နေ့ လူအများ အိပ်မောကျနေချိန် နံနက် ၅ နာရီအချိန်မှစ၍ ပြင်းထန်သော ရေလှိုင်းလုံးများ ၀င်ရောက်ခဲ့ သောကြောင့် လူ သေပျောက်မှုအများဆုံးဖြစ်ပွားခဲ့ဖြစ်ကြောင်း သက်ဆိုင်ရာနှင့် ဒေသခံများက ပြောသည်။
"မိုးက တအားရွာတယ်။ ပခုက္ကူ တစ်ခရိုင်လုံး ရေကြီးတာတွေ၊ စိုက်ခင်းတွေပျက်တာ၊ လူတွေ၊ တိရစ္ဆာန်တွေ ရေထဲမျောပါတာ၊ သေဆုံးတာတွေ အများကြီးကြားရတယ်။ ရွှေချောင်းရေကြီး လို့ ပခုက္ကူကတော့ လူသေပျောက်တာ အများဆုံးပေါ့" ဟု ပခုက္ကူမြို့ခံ တစ်ဦးဖြစ်သူ ကိုခင် မောင်ကြည်က ပြောသည်။
ပခုက္ကူခရိုင်အတွင်း မိုးသည်းထန်စွာ ရွာသွန်းမှုကြောင့် ရွှေချောင်းတံတားအပါအ၀င် တံတားခြောက်စင်း ပျက်စီးခဲ့သည်။

 

Myanmar Times က ပြည်တွင်းသတင်း တစ်ပုဒ်ပါ။

Myanmar Times က ပြည်တွင်းသတင်း တစ်ပုဒ်ပါ အဲ့လိုသတင်းတွေ ဖတ်ခွင့်ရလို့ Myanmar Times မိသားစုဝင်တွေကို ကျေးဇူးအထူးတင်ပါတယ်။

ဧရာဝတီမြစ်ဆုံဆည် တည်ဆောက်မှုစီမံကိန်းကို ကဏ္ဍစုံမှ ပညာရှင်များက ထောက်ပြလျက်ရှိ

အိအိတိုးလွင်
အတွဲ ၂၇ ၊ အမှတ် ၅၃၇ ( ၃၀-၉ ၊ ၆-၁၀ ၊ ၂၀၁၁)

ထုံးဘိုမြို့အနီး ဧရာဝတီမြစ်ကမ်းနံဘေး အကောက်တောင်ရှိ ဘုရားပုထိုးရုပ်ထုများ။
ဓာတ်ပုံ-ကောင်းထက်

ဧရာဝတီမြစ်ဆုံ ရေအားလျှပ်စစ်စီမံကိန်းသည် မြန်မာနိုင်ငံ၏ သဘာဝပတ်ဝန်းကျင်နှင့် လူမှုစီးပွားရေးထိခိုက်မှုများအပြင် အမျိုးသား စည်းလုံးညီညွတ်ရေးကိုထိခိုက်စေနိုင်သည်ဟူသောအမြင်ဖြင့် ကဏ္ဍစုံမှ ပညာရှင်များက အဆက်မပြတ် ဝေဖန်ထောက်ပြလျက်ရှိသကဲ့သို့ ဧရာဝတီရှေ့ရေးနှင့်ပတ်သက်၍ အများပြည်သူ၏ စိတ်ဝင်စားမှုများ မှာလည်း ပိုမိုမြင့်တက်လာနေလျက်ရှိနေသည်ကို ပြီးခဲ့သည့် သီတင်း ပတ်များ၌ ပြုလုပ်ခဲ့သော မြစ်ဆုံစီမံကိန်းနှင့် ဧရာဝတီမြစ်ဆိုင်ရာ ဟောပြောပွဲများ၌ တွေ့ရှိရသည်။
အမှတ်(၁) လျှပ်စစ်စွမ်းအားဝန်ကြီးဌာနနှင့် တရုတ်ရင်းနှီးမြှုပ်နှံမှု ကော်ပိုရေးရှင်း(CPI) တို့သည် မြန်မာနိုင်ငံ၏ အဓိက မြစ်တစ်စင်း ဖြစ်သော ဧရာဝတီမြစ် စတင်ရာ မြစ်ဆုံအပါအ၀င် မေခနှင့်မလိခ မြစ်ပေါ်တွင် ဆည်ခုနစ်ခု တည်ဆောက်၍ လျှပ်စစ် ဓာတ်အား ထုတ်လုပ်ရန် နားလည်မှုစာချွန်လွှာကို ၂၀၀၆ ခုနှစ်၊ ဒီဇင်ဘာလတွင် လက်မှတ်ရေးထိုးခဲ့ပြီး ၎င်းစီမံကိန်းအား CPI က ရာနှုန်းပြည့် အကောင်အထည်ဖော် ဆောင်ရွက်မည်ဖြစ်ကြောင်း သိရသည်။
ဧရာဝတီမြစ်၏ ရေဝေရေလဲဒေသများတွင် သစ်တောများပြုန်းတီးလာခြင်း၊ မြစ်လက်တက်များတွင် ဆည်တည်ဆောက်ခြင်း၊ ရွှေနှင့် ဓာတ်သတ္တုများ အလွန်အကျွံ တူးဖော်ခြင်း၊ မြစ်ကမ်းနံဘေးတွင် ဓာတ်မြေ ဩဇာစက်ရုံများ တည်ဆောက်ခြင်း၊ ရွှေ့ပြောင်းတောင် ယာနှင့် စိုက်ပျိုးမြေများ ချဲ့ထွင်လာခြင်း စသည်တို့ကြောင့် သောက်သုံးရေ ရှားပါးလာခြင်း၊ သောင်ထွန်းမှု ပိုမို များပြားလာသဖြင့် ရေကြောင်းသွားလာမှု ခက်ခဲလာခြင်း၊ ငါးသယံဇာတ ရှားပါးလာ ခြင်းနှင့် မြစ်ကျိုးအင်းများ တိမ်ကောလာမှု တို့ကြောင့် ဒေသခံ လူထုများ အသက်မွေးမှုကို ထိခိုက်ခြင်း၊ မိုးတွင်းကာလတွင် မြစ်ရေကြီးမှုကြောင့် ရေလွှမ်းမိုးမှုတို့ ကြုံတွေ့နေရကြောင်း သိရသည်။
သို့ဖြစ်၍ မြစ်၏အထက်ပိုင်း မြစ်ဆုံ ဒေသတွင် ရေများကို ပိတ်ဆို့၍ ဆည် တည်ဆောက်ပါက ယခုရင်ဆိုင်နေရသော အခြေအနေ များကို ပိုမိုဆိုးရွား သွားစေနိုင်ပြီး မြစ်တိမ်ကောမည့် အန္တရာယ်နှင့် ရင်ဆိုင်ရဖွယ်ရှိကြောင်း ပညာရှင်များကထောက်ပြလာသည်။
"ဖွံ့ဖြိုးတိုးတက်ဖို့အတွက် ရေအား လျှပ်စစ်ထုတ်ပြီး ရောင်းစားတာကတော့ စီးပွားရေးအရ မဖွံ့ဖြိုးတဲ့နိုင်ငံတွေမှာ လုပ်ရမှာပါပဲ။ ဒါပေမယ့်လည်း စီးပွားရေးအရလုပ်တဲ့အခါ အဲဒီဒေသရဲ့ ရေဝေရေလဲတောတောင်တွေကို သေချာထိန်းဖို့ လိုတယ်။ ၁၉၈၀ ခုနှစ် ကုလသမဂ္ဂဖွံ့ဖြိုးရေးအစီအစဉ်(ယူအင်န်ဒီပီ)က ထုတ်ပြန်ချက်အရ ဧရာဝတီမြစ်ရဲ့ နုန်းပို့ချမှုကို နှစ်စဉ် မက်ထရစ်တန် ၂၉၉ သန်း ရှိတယ်လို့ ဖော်ပြခဲ့ပေမယ့် အခုလက်ရှိ မှာတော့ မက်ထရစ်တန် ၄၀၀ လောက် ရှိနေပါပြီ။ ဒါကြောင့်လည်း မြစ်ကြောင်းတွေက တဖြည်းဖြည်းကျဉ်းလာတာကို တွေ့နေရတယ်" ဟု သစ်တောသယံဇာတနှင့် ပတ်ဝန်း ကျင်ဖွံ့ဖြိုးတိုးတက်မှုထိန်းသိမ်းရေးအသင်းမှ ဒုတိယဥက္ကဋ္ဌ ဦးအုန်းက ပြောသည်။
ဧရာဝတီမြစ်ဆုံဒေသသည် ဇီဝမျိုးစုံမျိုးကွဲများ၊ ဒေသရင်းအပင်များ ပေါများစုံလင်လှပြီး ကမ္ဘာ့ရှားပါး သစ်ခွများကို တစ်နေရာတည်း၌ စုံလင်စွာတွေ့နိုင်သော နေရာတစ်ခုဖြစ်ကြောင်း သစ်ခွပန်းသုတေသန ပညာရှင် ဒေါက်တာစောလွင်က ပြောသည်။
မိုးလေ၀သပညာရှင် ဒေါက်တာ ထွန်းလွင်ကမူ မြစ်ဆုံဒေသတွင် ဆည်ဆောက်လုပ်ခြင်းသည် အလွန်ကြီးမားသော စွန့်စားမှုပင် ဖြစ်ကြောင်း ဝေဖန်ခဲ့သည်။
မိုးလေ၀သဆိုင်ရာ အချက်အလက်များအရ ကချင် ပြည်နယ်သည် မိုးရေချိန်လက်မ ၄၀ အောက် လျော့သောဒေသတွင် ပါဝင်ပြီး ထူးခြားချက်မှာ ရရှိသောမိုးရေထက် အငွေ့ပြန်မှုမှာ ပိုမိုများသဖြင့် အမြဲရေလိုအပ်နေပြီး ဆည်ရေကိုသာ အားထားရသော ဒေသ ဖြစ်ကြောင်း သိရသည်။
"ဧရာဝတီက အလယ်ပိုင်းဒေသရဲ့ အသက်ပဲ။ ဧရာဝတီသာ အတိမ်း အစောင်းဖြစ်ရင်၊ မြစ်ရေတင်စီမံကိန်းတွေ မလုပ်နိုင်ဘူးဆိုရင် အလယ်ပိုင်းဒေသရဲ့လူမှုစီးပွားရေးဟာ ပြောင်းလဲသွားမှာ အသေအချာပါပဲ။ "ရာသီဥတုပြောင်းလဲမှုဆိုင်ရာ အမျိုးသားအဆင့် အစီရင်ခံစာအရ နောက် ၂၀၂၀၊ ၂၀၅၀၊ ၂၁၀၀ အတွက် မိုးရေချိန် အနည်းဆုံးရမယ့်ဒေသက အလယ်ပိုင်းဒေသပဲ။ ဒီနေရာက မိုးများလည်း ပြဿနာ၊ မိုးနည်းလည်း ပြဿနာပဲ။ မိုးများပြီး မနိုင်လို့ ဆည် ရေဖောက်ချင်ရင် ဘယ်ကိုသွားမလဲ။ ဆည်ကျိုးသွားရင် ဘယ်လိုလုပ်မလဲ။ "နောက်ပြီး မြန်မာနိုင်ငံမှာ ငလျင်ကြော ငါးခုရှိတယ်။ မြန်မာပြည် မြောက်ပိုင်းက ငလျင်လှုပ်နိုင်ခြေ အများဆုံးရှိတဲ့ အထဲမှာ ပါတယ်"ဟု ဒေါက်တာထွန်းလွင်က စက်တင်ဘာ လ ၂၁ ရက်နေ့ တော်ဝင်နှင်းဆီ တွင်ပြုလုပ်သော 'ဧရာဝတီကိုတော့ မလွမ်းချင်ပါ' စာအုပ်မိတ်ဆက်ပွဲတွင် ပြောကြားသည်။
ဆည်များဆောက်လုပ်ခြင်းသည် စနစ်တကျဆောက်လုပ်ပါက ဒေသခံ ပြည်သူများအတွက် ဆိုးကျိုးများ ရှိသော်လည်း ကြီးမားသော အကျိုး ကျေးဇူးများကိုလည်း ရရှိစေနိုင်ကြောင်း ဆည်ဆောက်လုပ်ရေး ကျွမ်းကျင်သူများက ဆိုသည်။
ဆည်မြောင်းဦးစီးဌာန၊ ဒီဇိုင်းပုံ ထုတ်ဌာနခွဲတွင် ညွှန်ကြားရေးမှူးအဖြစ် တာဝန်ထမ်းဆောင်ခဲ့ပြီး လက်ရှိ မြန်မာနိုင်ငံအင်ဂျင်နီယာ အသင်းတွင် အတွင်းရေးမှူးအဖြစ် တာဝန်ယူထားသော ဦးလှချစ်က "၁၉၇၄ ခုနှစ်လောက်က ဧရာဝတီမြစ် ရေကြီးတဲ့အတွက် မြစ်ဝ ကျွန်းပေါ် ဒေသတွေဖြစ်တဲ့ ပဲခူးတိုင်း၊ ဧရာဝတီ တိုင်းက လယ်မြေတွေ တော်တော်လေး ဆုံးရှုံးခဲ့ရတယ်။ ဒါကြောင့် နှစ်စဉ် ရေကြီးမှု တွေကိုကာကွယ်ဖို့အတွက် ၂၀၀၂ ခုနှစ်မှာ အစိုးရကို ဧရာဝတီ ဘက်စုံရေလှောင်တမံစီမံကိန်း ဒီဇိုင်းရေးဆွဲပြီး တင်ပြခဲ့တယ်။ အဲဒီစီမံ ကိန်းအဆိုပြုထားတဲ့နေရာက အခု မြစ်ဆုံနေရာပါပဲ"ဟု ပြောသည်။
အဆိုပါ ဘက်စုံရေလှောင်တမံစီမံ ကိန်းတွင် တမံအမြင့် ပေ ၅၀၀ ပတ်လည်ရေလှောင်တမံ တည်ဆောက်၍ မိုးတွင်းကာလတွင် သို လှောင်ရေဧက ပေ ၃၄ သန်း စုစည်း နိုင်ပါက ရေကြီးမှုများကို ကာကွယ်ပေးနိုင်ပြီး လှောင်ထားသောရေများကို နွေရာသီတွင် ပြန်လည်ထုတ် လွှတ်ပေးပါက မြစ်ရေမြင့်တက်လာကာ ရေကြောင်းသွားလာရေးကို လွယ်ကူစေနိုင်ခြင်း၊ နွေရာသီတွင် မြစ်အတွင်း ပင်လယ်ရေငန်တိုးမှုကို ကာကွယ်ပေးနိုင်ခြင်း၊ ရရှိလာမည့် လျှပ်စစ်ဓာတ်အားဖြင့် ဧရာဝတီနှင့် ချင်းတွင်းမြစ်မြောက်ပိုင်းတွင် ရေစုပ်စက်များဖြင့် မြစ်ရေတင်လုပ်ငန်းများ တိုးချဲ့ဆောင်ရွက်နိုင်ခြင်း စသည့် ကြီးမားသောကောင်းကျိုးများကို ရရှိစေနိုင်ကြောင်း သိရသည်။
"အခု တရုတ်နဲ့ဆောက်မယ့်ဆည်ကတော့ ဧက ပေ ၁၀ သန်းလောက်ပဲ လှောင်မယ်လို့သိရတယ်။ ဒါဆိုရင် တရုတ်အတွက် လျှပ်စစ်ရ ပေမယ့် မြန်မာအတွက်ကတော့ အကျိုးအမြတ်မရတာတော့ အမှန်ပါပဲ။ မြစ်ဆုံမှာ ကြီးမားတဲ့ဆည်ဆောက်မယ်ဆိုရင် ဘက်စုံဖြစ် အောင် ကြိုးစား ဖို့လည်းလိုတယ်။ ရရှိဖို့လည်း လိုတယ်။ တရုတ်ဘက်ကဆွဲတဲ့ ဒီဇိုင်း ဖြစ်တဲ့အတွက် အထက်ပါအချက် လေးချက်ကို ပြန်လည်စဉ်းစားဖို့ အဆိုပြုချင်ပါတယ်"ဟု ပြောကြားခဲ့သည်။
Eleven Media Group ၏ အမှု ဆောင်အရာရှိချုပ် ဒေါက်တာ သန်းထွဋ်အောင်က စီးပွားရေးဆိုင်ရာ အကျိုးအမြတ်နှင့်ပတ်သက်၍ "CPI ဥက္ကဋ္ဌက ပြောသွားပါတယ်။ နှစ်ပေါင်း ၅၀ မှာ ကျွန်တော်တို့နိုင်ငံဟာ ဒေါ်လာ ၄၇ ဘီလျံရမယ်လို့ ပြောသွားပါတယ်။ စီးပွားရေး တွက်ခြေကိုက်မှု စစ်တမ်းမှာ ရေအားလျှပ်စစ်ဦးစီးဌာနမှ ညွှန်ကြားရေးမှူးချုပ် ဦးကြီးစိုးက ၁၇ ဘီလျံရမယ်လို့ ပြောတယ်။ ဒီအချက် ဟာ ကျွန်တော်တို့ မီဒီယာကပြောရင် ထောက်ပြစရာအချက် ဖြစ်ပါတယ်။ သူက ဒီလိုအဆင့်ဆင့် တွက်ချက်မှုပေါင်း ၃၀၀ ကျော်အရ ၀န်ကြီးဌာနအဆင့်ဆင့်ရော၊ ရှေ့နေချုပ်ရုံးတွေ တိုင်ပင်ပြီးတော့ ဒီစီမံကိန်းကို အတည်ပြုခဲ့တာလို့ ပြောပါတယ်။ကျွန်တော်ကတော့ ရိုးရိုးရှင်းရှင်း သုံးချက်နည်းနဲ့ပဲ တွက်မယ်။ ၁၇ ဘီလျံကို နှစ် ၅၀ နဲ့စားမယ်။ တစ်နှစ်ကို သန်း ၃၀၀ ပဲ ရမယ်။ မြစ်ကြောင်း ထိန်းသိမ်း ရေး အတွက် သန်း ၁၀၀ လောက် အနည်းဆုံးကုန်မယ်။ ဒါမြစ်ကြောင်းထိန်းသိမ်းရေးပဲ ရှိသေးတယ်။ အောက်မှာ ဆုံးရှုံးသွားတာတွေ ရှိသေးတယ်။ စီးပွားရေးတွက်ခြေကိုက်မှုအတွက် ကျွန်တော်တို့ လုံးဝ မေးစရာမလိုပါဘူး။ သဘာဝဓာတ်ငွေ့က ငါးနှစ်အတွင်းရှာတာ ၁၂ ဘီလျံ ရှိတယ်။ ကျောက်စိမ်းက ငါးနှစ်အတွင်းရှာတာ ငါးဘီလျံ ရှိတယ်။ ဒါတွေတွက်ချက်ရင် ကျွန်တော်တို့ ရေအားလျှပ်စစ်က ငွေဘာမှာ မလိုပါဘူး"ဟု သဘာဝပတ်ဝန်းကျင်နှင့် ပြည်ထောင်စုမြန်မာနိုင်ငံ ဟောပြောပွဲတွင် ပြောကြားခဲ့သည်။
ယခုလက်ရှိတွင် သဘာဝပတ်ဝန်းကျင်ထိန်းသိမ်းရေးသမားများ၊ ပညာရှင်များနှင့် ပြည်သူလူထုက အဆိုပါ စီမံကိန်းရပ်တန့်ရေး အတွက် နိုင်ငံတော်သမ္မတထံ မေတ္တာရပ်ခံသွားမည်ဖြစ်ကြောင်း သိရသည်။
 

ဦးကျော်သူရဲ့ post လေးကို share ထားပါသည်။

http://www.facebook.com/media/set/?set=a.10150326125591698.358645.174427511697 

ဧရာဝတီရဲ့ ပဲ့တင်သံများ

By Kyaw Thu (Albums) · Updated on Saturday · Taken at Yangon, Myanmar.

နာရေးကူညီမှုအသင်း(ရန်ကုန်)တွင် ၂၃.၉.၂၀၁၁ (သောကြာနေ့) နံနက် (၁၀း၀၀) နာရီမှ ညနေ (၅း၀၀) နာရီအချိန်ထိ ဧရာဝတီနှင့်ပတ်သက်၍ “လူငယ်များရဲ့ ဧရာဝတီ” ဟူသော ဧရာဝတီ မြစ်ဆုံ စီမံကိန်းအား ဆန့်ကျင်ကန့်ကွက်မှုအတွက် တတ်သိပညာရှင်များ၊ စာပေ၊ ရုပ်ရှင်၊ ဂီတ ပညာရှင်များ၊ တိုင်းရင်းသားပေါင်းစုံတို့၏ ကိုယ်စားပြုလူငယ်များ၊ စီးပွားရေး လုပ်ငန်းရှင်များ၊ နိုင်ငံရေး လှုပ်ရှားသူများ၊ ဘာသာပေါင်းစုံ အဖွဲ့အစည်းများ၊ အခြေခံ လူတန်းစားများ၊ ဧရာဝတီကို ချစ်မြတ်နိုး ကြသော လူမျိုးဘာသာ ဆင်းရဲချမ်းသာ မြန်မာပြည်တွင် နေထိုင်ကြသော ဧရာဝတီကို စိတ်ပါဝင်စား သူများနှင့် စည်ကားသိုက်မြိုက် စည်းလုံးညီညွတ် တက်ကြွစွာဖြင့် ကျင်းပပြုလုပ်ခဲ့ပါသည်။

ယင်းအခမ်းအနားတွင် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ အပါအ၀င် ကဗျာဆရာ (၁၅) ဦးမှ ကဗျာများ ရွတ်ဆိုခဲ့ကာ ကိုရဲလွင်၊ ကိုသားထွေး၊ ဆောင်းဦးလှိုင်၊ အနဂ္ဂ၊ ရန်ရန်ချမ်း၊ ဇေယျာသော်၊ ရသ၊ တို့မှ ဧရာဝတီလှုံ့ဆော်မှု သီချင်းများဖြင့် ဖျော်ဖြေခဲ့သည်။ ဒေါ်ဒေ၀ီသန့်စင်၊ ဦးအုန်း၊ ဦးအောင်ကြည်ညွန့်တို့မှလည်း ဧရာဝတီမြစ်ဆုံ စီမံကိန်းအား ကန့်ကွက် ကြောင်း ဟောပြောခဲ့သည်။ ကိုယ်တိုင် မတက်ရောက်နိုင်သော စာရေးဆရာများ၊ တတ်သိပညာရှင် များ၏ စာတန်းများ၊ အက်ဆေးများကို လူငယ်များမှ ဖတ်ကြားရွတ်ဆိုခဲ့သည်။ ဗွီဒီယိုပြကွက်များ အဖြစ် ဘဘဦးဝင်းတင်၊ လူထုဦးစိန်ဝင်း၊ ဆရာအောင်သင်းတို့ရဲ့ ဧရာဝတီနဲ့ပတ်သတ်သည့် လူငယ်တွေအပေါ် မှာကြားချက်တွေကိုလည်း ပြသခဲ့သည်။ ထို့နောက် လူငယ်များရဲ့ ဧရာဝတီ ဆွေးနွေးပွဲအား တတ်ရောက်လာကြသော လူထုပရိသတ်ထဲမှ ၀ိုင်းဝန်းဆွေးနွေး အကြံပြုကြကာ နာရေးကူညီမှုအသင်း(ရန်ကုန်) ဘဏ္ဍာရေးမှူး ဒေါ်ရွှေဇီးကွက်မှ နှုတ်ခွန်းဆက် စကားပြောကြားပြီး သည့်နောက် အခမ်းအနားရုပ်သိမ်းချိန်တွင် ကိုရဲလွင် (မဇ္ဈိမလှိုင်း) တို့ဦးဆောင်၍ ထူးအိမ်သင် ရေးစပ်သီဆိုထားသည့် “ရာဇ၀င်များရဲ့ သတို့သမီး” သီချင်းအား တက်ရောက်လာကြသော ဧရာဝတီ ကို ချစ်မြတ်နိုးသော လူမျိုးဘာသာပေါင်းစုံတို့က ၀ိုင်းဝန်းကြွေးကြော် တက်ကြွစွာဖြင့် သီဆိုကြကာ အခမ်းအနားအား အောင်မြင်စွာ ရုပ်သိမ်းလိုက်ပါတော့သည်။ ယခု လူငယ်များရဲ့ ဧရာဝတီရင်ခုန်သံ ပွဲသည် ယခင့် ယခင်များက ကျင်းပခဲ့သော ပွဲများနှင့်မတူ ထူးခြားလှစွာဖြင့် တက်ရောက်ကြသော ဧရာဝတီအား စိတ်ပါဝင်စားသော ဧည့်ပရိတ်သတ်များသည် လူဦးရေအားဖြင့် (၅၀၀) ကျော်တို့ တက်ရောက်သဖြင့် နာရေးကူညီမှုအသင်း(ရန်ကုန်)ရှိ အစည်းအဝေးကျင်းပရာ ခန်းမဆောင်တစ်ခု ထဲဖြင့် မလုံလောက်သဖြင့် စာသင်ခန်း တစ်ခန်းကိုပါ ပရိုဂျက်တာထိုး၍ ပြသကာ အမေးအဖြေကဏ္ဍ အတွက်ပါ မိုက်ကရိုဖုန်းများပါ ဆင့်ပွားထားရှိ ကျင်းပပေးခဲ့ရသည်။

လူငယ်များရဲ့ ဧရာဝတီရင်ခုန်သံပြပွဲ၌ ခံစားမှုများ ဖော်ထုတ်ကြသော ရင်ခုန်သံစကားများ ထဲမှ ကောက်နှုတ်ချက်များ -
“မေခနဲ့မလိခ ပေါင်းစည်းမှ အရှိန်အဟုန်ကြီးမားတဲ့ ဧရာဝတီပေါ်ပေါက်လာတာ။ ကျွန်တော်တို့က မေခဆိုရင် အစိုးရက မလိခ။ အစိုးရက မလိခဆိုရင် ကျွန်တော်တို့က မေခ။ ဒါကြောင့် မြစ်ဆုံကိစ္စကို ဆုံးဖြတ်ချက်ချမယ့် လွှတ်တော်အနေနဲ့ မှန်ကန်တည့်မတ်စွာ ဆုံးဖြတ်သင့်တယ်။ တိမ်းစောင်းပြီး ဇောက်ထိုးဆုံးဖြတ်လိုက်ရင် ပြည်သူနဲ့ အစိုးရ တစ်ကွဲစီဖြစ်သွားမယ်။ မြန်မာပြည်ကြီးကို ဇောက်ထိုး တော့ မကြည့်သင့်။” (ကျော်သူ)

“ဧရာဝတီကို ပိတ်ဆို့တားဆီးတာဟာ အနုပညာကို ပိတ်ဆို့ထားသလို ခံစားရတယ်။” (ကိုရဲလွင် - မဇ္စျိမလှိုင်း)

“ဧရာဝတီပေါ်မှာ ရုပ်ရှင်ရိုက်ခဲ့ဖူးတယ်။ အခုလို ပိတ်ဆို့တားဆီးတာမျိုး မဖြစ်သင့်။” (ရဲတိုက်)

“တမျိုးသားလုံးနှင့် သက်ဆိုင်သော ဧရာဝတီမြစ်ဆုံစီမံကိန်း ရုပ်သိမ်းပေးမှုကိစ္စရပ်အား ထပ်မံ၍ အရှိန်အဟုန်မြင့်ကာ လုပ်ဆောင်ကြဖို့လိုကြောင်း” (ဒေါ်မြင့်မြင့်ခင်ဖေ (ခ) ရွှေဇီးကွက်)

“အစိုးရအနေနဲ့ ဒီမိုကရေစီလမ်းကြောင်းပေါ် လျှောက်လှမ်းရာမှာ ပြုပြင်ပြောင်းလဲမှုကို လိုတယ်လို့ ပြောထားသလို ဧရာဝတီနဲ့ ပတ်သက်ပြီး မြစ်ကောရန် အရင်မလုပ်ကြပါနဲ့ စစ်ကောရန်သာ အရင်လုပ် ကြပါ” (ဒေါ်ဒေ၀ီသန့်စင်)

“သမိုင်းတရားခံ မဖြစ်ပါစေနဲ့၊ မင်းတို့နားထောင် ပြည်သူတွေနဲ့ ဧရာဝတီရုပ်ရှင်မှာ မင်းတို့ဗီလိန် မဖြစ်စေနဲ့ လူ့အခွင့်အရေးဟာ အရေးကြီးသလို မြစ်အခွင့်အရေးဟာလည်း အရေးကြီးတယ်။” (ဦးကောဝိသ - မန္တလေး)

“သို့ ဧရာဝတီ,
ထီးနန်းမပြုတ် ဆုတ်ခွာစေ၊
လာမဲ့ဘေး ဝေးပါစေ၊
ရေစီးရေလာ ကောင်းပါစေ”
(ကဗျာဆရာ မောင်ပိုင်စိုး)

“ကျွန်တော် ပြည်ဘက်ကို သွားတဲ့အချိန်မှာ ဧရာဝတီမြစ်ဟာ အလယ်မှာ သောင်ထွန်းနေတယ်။ ၁၉၈၉ ခုနှစ်လောက်က အခုတော့ အဲဒီသောင်ပြင်ဟာ သောင်မဟုတ်တော့ပါဘူး လူတွေတောင် တက် နေနေကြပါပြီ။ သဘာဝပတ်ဝန်းကျင်ဟာ ပြောင်းလဲလာ ပြောင်းလဲလာ ဒီဆည်မဆောက်ခင် ကလည်း ပြောင်းလဲတာပါ။ ကျွန်တော်တို့ အခွင့်အရေးကို ကျွန်တော်တို့ ကာကွယ်ဖို့ပါပဲ။ ကျွန်တော်တို့ က ဧရာဝတီအကြောင်း သီချင်းလေး မဆိုပါဘူး။ ကျွန်တော်တို့ သီချင်းလေးပဲ ကျွန်တော်တို့ ဆိုပါမယ်။ ကျွန်တော်တို့သီချင်းက စစချင်းရောက်လာတော့ အကုန်လုံးထကြ အကုန်လုံးထကဆိုတော့ ကျွန်တော်တို့ဗမာပြည်က ရှိတဲ့လူတွေ အကုန်လုံးကို လှုပ်နိုးဖို့ပဲ ကျွန်တော်တို့ လာတာပါ။ ဘာလို့လဲ ဆိုတော့ ကျွန်တော်တို့ ရိုးရိုးတန်းတန်း လမ်းမပေါ်က လူတွေကို ရှေ့ဆက်လျှောက်ဖို့ အတွက်ပါ။” (အနဂ္ဂ)

“ကျွန်တော်တို့ မြန်မာနိုင်ငံမှာ မြစ်ကြီးတွေအများကြီး ရှိပါတယ်။ အဲဒီမြစ်ကြီးတွေထဲမှာမှ ဧရာဝတီမြစ် ကြီးဟာ မိုင်ပေါင်း ၁၅၀၀ ကျော်ရှည်လျားပြီးတော့ ကျွန်တော်တို့ မြန်မာ့ရာဇ၀င်နှင့် အတူတူ ရှင်သန် လာခဲ့တဲ့ ပါရမီဖြည့်ဘက်ကြီးတစ်ပါးလို့ ပြောလို့ရပါတယ်။ ဒီ ပါရမီဖြည့်ဘက်ကြီးဟာ ကျွန်တော်တို့ ခေတ်ရောက်တော့မှ အသက်လည်း အိုမင်းလာပြီ။ သူ့ကို ဘေးကနေပြီးတော့ စောင့်ရှောက်မယ့်သူ မရှိတော့ဘူးဆိုရင် သူ့မှာ သေဆုံးရမယ့်အချိန် သူ့မှာရှိပါတယ်။ ဒါဟာ ဘယ်သူမှ မလွန်ဆန်နိုင်တဲ့ တရားပါ။ ဒီတော့ ဧရာဝတီ မြစ်ကြီးကိုလည်း ကျွန်တော်ချစ်ပါတယ်။” (ရသ)

“အန်ကယ်က အခုအသက် (၈၅)နှစ် ရှိပြီ။ အန်ကယ်တို့ ဧရာဝတီမြစ်ဆုံကို (၃) ခေါက်ရောက်တယ်။ ၁၉၈၅ ခုနှစ်က ရောက်တာ ရေကလည်း ကြည်တယ်။ ငါးတွေက အများကြီးပဲရှိတယ်။ အရမ်းကို ကျက်သရေရှိတယ်။ နောက်တစ်ခေါက်ရောက်တာက ၂၀၀၇ ခုနှစ်ရောက်တော့ အခြေအနေ တော်တော်ဆိုးတယ်။ တတိယအကြိမ်ရောက်တော့ ၂၀၀၉ တော်တော်လေးကို ဆိုးသွားပြီ။ မေခဟာ အင်မတန် ရေစီးကြမ်းပါတယ်။ မလိခဟာ အင်မတန်နူးညံ့ပါတယ်။ အဲဒီလောက် အဖိုးတန်တဲ့ ဒီ ဧရာဝတီကို ဘယ်အချိန်ကမှ ဆည်ဆောက်တာကို သဘောမတူဘူး။ ကန့်ကွက်ခဲ့ကြတယ်။ သို့သော်လည်း နိုင်ငံရဲ့အကျိုး ဖွံ့ဖြိုးမှု ဖွံ့ဖြိုးတိုးတက်တယ်ဆိုတာ နိုင်ငံတော်ရဲ့ လုပ်ရမယ့်တာဝန်ပါ။ သို့သော်ဖွံ့ဖြိုးတိုးတက်မှု လုပ်တိုင်းလဲ အကောင်းတွေပဲ မဟုတ်ဘူး။ အကောင်းအဆိုးဆိုတာ ရှိတယ်။ ဧရာဝတီမြစ်ဆုံကို (၂)နှစ်လောက် လေ့လာပြီးတော့ လုပ်မယ်ပြုမယ်ဆိုရင် ကမ္ဘာအရပ်ရပ်က ဆည်တွေတောင် (၁၀)နှစ်လောက် အချိန်ယူပြီးတော့ ပြင်ဆင်ရတယ်။ အဲဒီတော့ ဧရာဝတီကို ဗမာပြည်မှာစပြီးတော့ စီးဆင်းတဲ့အခါ ဗမာ့အသက်သွေးကြော ဧရာဝတီမြစ်ဟာ တကယ်တော့ ဗမာလို့ပြောတာတောင်မှ လုံလောက်ပါတယ်။ ကမ္ဘာမြစ်ကြီး (၁၃) သွယ်မှာ ဧရာဝတီမြစ်ကြီးပါတယ်။ အဲလောက် ထင်ရှားပြီးတော့ ကောတော့မယ်။ အဲဒါကို ကျွန်တော်တို့ အတတ်နိုင်ဆုံး ထိန်းသိမ်းရမယ်။ ပြုပြင်ရမယ်။” (ဦးအုန်း)